فصليه لابن شيوخ

part_5_

حين ننتظر الفرج وتنتظر اياما وشهورا او سنوات طويله ثم يأتي فرج الله ومع الفرج يأتي الثواب الكبير والفرح العظيم...
هنا تشعر بجمال الدنيا فقد قال الله عز وجل (صبرا جميل والله المستعان على ما تصفون)
ودائما تفاءل بأن هناك خيرا كبيرا خلف ستار الصبر
___________________________________
فجأه سمعنه صوت عراق يكول جيبوا علاج ضغط
واني لا اراديا كمت لان شايفه هواي حالات مثل هاي...
رحت للديوان شفت كله متجمعه عليه وشفت شخص كاعد يفتح دكم قميص ويعيط يكول وخروا اني ما اعرف شلون جتيلي شجاعه...

عطت بصوت عالي كلت وخروا اذا هيج تجتمعون راح يموت شفت كلهم راحو عله جهه عطت عليهم كلت جيبوا كلاص ليمون وخبطوا وياها ماي...

تا يكون تركيز ليمون مو قوي صرت اتصرف كانو اني بقاعه عمليات وجاي انطي اوامر للكل واحد كال انتي منو تتدخلين

جاوبته كلت هذا شغلي اني دكتوره وهواي حالات مثل هاي تجيني بدال هل تعصب انتو ليش خليتوا شخص مثل عمره ياكل اكل دسم..

يا بس تعرفون تعيطون جابو الكلاص ليمون انطيته اله وبعدين هذا ولد كاعد ويه عراق شالو خلوه عل كرسي وكام يستعيد وعيه....

ياسر؛ من صار هيج ويه جدي بساع بلشت الاسعافات الاوليه بس تجمع زلم وصوت نسوان مسهلن عليه...

هلشي بس صدمني صوت البنيه الحلووه وبدت تسوي الاسعافات الاوليه واني ايدي جامده ما اعرف شسوي لان هيه سوت كلشي لازم اني اسويه...

بعد ما خصلت كلشي جدي كام يستعيد وعيه شلناه اني وعراق وخليناه عل كرسي وحمدالله صار احسن

اتقدمت يم بنيه وكلتله شكرا بس انتي دكتوره يا اختصاص وشنو اسمج..

ليدا؛ دكتوره ليدا جراحه قلب
ياسر؛ اتشرفت بيج دكتوره وكفوو
ليدا؛ تسل... م قاطعني صوت عراق

عراق؛ من شفت حاله جدي اتخربطت موازيني لان جدي مثل ابوي وامي ما اريد اخسره بعد الي صار ونص هل هوسه..

سمعت صوت بنيه بس مو ذيج البنيه الضعيه شفت ليدا قويه سكتت الكل وبدت عمله لان صدمتني اني كل ظني هيه ممرضه يم ابوها بس طلعت دكتوره..

بعد الي صار وجنت عله راسهم جدي استعاد وعيه
بس افتخرت بيه يعني مرتي طلعت دكتوره وترفع راس...

بس سرعان ما اتعصبت من شفته واكفه يم ياسر
رحت يمه وقاطعت كلامه كلتله يله روحي جوه
لان زلم هنا....

ليدا؛ عراقوو افندي بده اوامره وكالي طبي جوو
جاوبته بنتر اي هياتني رايحه وصرت ادردم ويه روحي...

يعني حرام تكولون كلمه شكرا يعني الحجي جان راح يموت من وراهم ما كلف نفسه يكول شكراا ...

خفتله ان شاء الله عاط عليه كالي يلقزومه سمعتج كاف ادردمين طبي جوه

عراق؛ والله هل قزومه مو قليله عده لسان وفوكاه دكتوره الله يصبرني عليه فوكاها حلووه ولد عمي بس يباوعون بس طلعت كالو هاي منوو..