سلام عليكم يا احلى متابعين
مساء العسل والنور عليكم
اسفه عل تأخير بس عطله وتعرفون لازم نطلع
اجيت لبيت جدي بشمال بس علمود عيونكم الحلوه راح انشر 😊💞...........
واتمنى بارت يعجبكم 💝
_________________________________
بده اليوم شوؤم..
اني ادري يكولون اذا تصبح بوجه واحد اما راح يكون يوم حلوو او شوؤم طبعا صبحت بوجه اخويه دانيال يوم شؤوم..
مثل كل يوم كمت صبح لبست وخلصت ورحت ويه ابويه للعياده بس هل مره رحت وياه تا اعاين عل مرضى تا اكتسب خبره ومشينا المراجعين الى ان
وصل السره الى استاذ عراق واخوه اني رحت تقدمت اخذ منه دم لزم ايدي كلتله وخر جريت ايدي وعيطت عليه كلت ما راح اخذ اخوك بس اخذ منه دم للتحليل
عراق؛ اليوم تحاليل اخويه يم دكتور اياد اخذت ضرغام ورحنه وصلنه لحد ما خلص الدور واجه سرانه دخلت يم دكتور وجان يمه بنيه صح قزوم بس حلوه
شكله مو مال عربيه مبين عليه بيه خصله كرديه مهم جتي يم اخويه اتفاجت ولزمت ايده قوي هيه نازكه اشو هاي طلعتلي لسان رادت تاكلني وكالت ما اكل
اخوك بس اخذ منه دم وابوهه كال اعذرني هيه عصبيه شويه عيني هاي عصبيته هادئه لعد عصبيه قويه شلون (احجي ويه نفسي)
بعده اخذت دم وطلع تحاليل بعد ساعتين زمان والدكتور اخذ تحليل وشافه وعيونه وكفن هذا حجي شوكت اخويه بره اني بس يم دكتور وياه ام لسان
كلت خير دكتور كال اخوك فرصه نجاته قليل ما بقاله شي ويموت وكته العصبيه صارت فوول ولزمت دكتور من ياخته وردت اضربه بس هاي ام لسان وكفتني
وكامت تضربني عله صدري تا اهد ابوهه هديت ابوه بعد مناحه بنته الي گلبت دنيا ولمت علي المراجعين
كلتله هاي مو اخر مره راح اشوفك وطلعت...
للمستشفى اني من شفت تحليل اخو هذا متكبر عراق عرفت راح يكلب العياده عله راسنه بس مال يلزم ابوي ما اقبله وكمت اعيط وابجي واضرب صدره لحد ما عاف
ابوي وكال هذا مو اخر مره اشوفك بيه كلش خفت من كلامه بس معرفت الزمن ضاملي هواي اشيااء ومصاعب وعثرات مر اليوم وابويه جان شكله تعبان
رجعت وحجيت لامي كالت الله يستر هذا ابن عشاير
واحنه معلينه بهل سوالف كلت يوم تعبانه راح اروح انام والصبح كعديني يا ريت ما كلت كوميني الصبح
رحت لغرفتي وبدلت وذبيت نفسي عل جربايه ورحت بسابع نومه ان شاء نومه اصحاب كهف حلمت حلم مو زين وما اشوف اله العياط بالحلم صار حقيقه بس ما
حسيت اله كايمه عله صوت امي تصيح الحكيني اخوج اخذوه للسجن واني مثل الي ميت رجله كمت اعرف شنو الي صار كوه كوه عرفت انو اخوي ضارب
واحد وهوه هسه بالمستشفى وقبل شويه مخابرين انو الشاب مات وامي ادك وتلطم واني انتهيت تشوشت افكاري شيصير باخويه وبابويه وشنو تاليته....
أنت تقرأ
فصليه لابن شيوخ
Romantizmفتاه عصريه جميله لا تؤمن بالعادات والتقاليد بنت مدينه من جانب ومن جانب اخر شاب عشائري تقليدي وعصري ابن شيوخ محد ميهز كلمته تجبره الظروف ياخذ فصليه الي هيه بنت المدينه صفه الدهر بيه تصير فصليه تا توكف الدم بين العشيرتين هل راح تتاقلم مع حياه الريف وا...
