الباب يدق ريم من المطبخ منو
...... :افتحي ياماما
ريم وهي تفتح في الباب:خشي خشي يارينو
خشت ريان قعمزت ع الكرسي تسلح في كويشها:مزال ماعديتي
ريم ماشيه شور المطبخ:بنحطلكم الغدا ونعدي
ريان لحقتها خشت وراها للمطبخ صبت قدام الطاولة طلعت كرسي وقعمزت عليه:شن دايره الغدا
ريم:كسكسو
ريان:باهي تمام
ريم وهي اتقرض في السلاطه:وين خواتك
ريان:بيجبهم بابا
ريم:جاباتك رويدا
ريان:اها خلاص انا نعسانه بنركب نرقد
ريم:خلاص الغدا بيطيب
ريان:عقبيلي تو لما انوض ناكل
ركبت فوق فتحت باب الدار ورقدت ع السرير خذيت فوني القيت عرم مكالمات من مروه رنيت عليها
ريان:الوو
مروه:اهلا
ريان:اهلين
مروه:كيف الحال
ريان:تمام وانتي
مروه:تمام والله كيف حال خالتي والبنات
ريان:كويسات الحمدلله
مروه:قتلك
ريان:نعم
مروه:جايه بعدين الحوش خالتي سعاد
ريان:انتي جايه
مروه:اها
ريان:خلاص معناها تو نجي
مروه:تمام نتلاقو سلميلي ع خالتي والبنات
ريان:يوصل
مروه:باي
ريان:باي
صبيت غيرت ادبشي وخشيت الحمام ورقدت
~~~~~~~~~~~~~~~~~~~~
جهاد: تي غير خليك ياراجل مزال بدري
معاذ: لا وين والله عندي مشوار الحوش يبوني انشيلهم
محمد يلعب ع الصوني: تي غير خليك قاعد ونحنا مانشوفو فيك بكل
معاذ: مره تانيه
منعم:اوووووووو فزت عليك
محمد :تي لا يارا
منعم: هيا وين العشاء
محمد:لالا فيها غش
منعم:غش عينك معندك وين هارب
محمد صبا بيجبلهم عشاء لقى معاذ في سيارته
محمد:ياموعاا
معاذ:نعم
محمد:حطني ع طريقك بالله
معاذ:اركب هي
وطلعو معاذ حط محمد عند المطعم ومشا الحوشهم
~~~~~~~~~~~~~~~~~
نضت خذيت فوني من تحت المخده القيتها الساعه 7:30 صبيت خشيت الحمام بعدها طلعت ع المرايا انلف في شعري
فتحت باب الدار وخشت: واخيرا نضتي من امبدري انراجي فيك
برمت عليها:ههههه ليش مانوضتيني
ريناد رقدت ع السرير: قلت شكلك تعبانه مابيتش انوضك
ريان جت قعمزت احذاها ع السرير: تعرفي جيعانه بكل
ريناد: انزلي للمطبخ تلقي غداك ع الطاولة
ريان: باه
ريناد: بسرعه بس عشان نمشو
ريان مصبيه احذا الباب: من بيشيلنا
ريناد : رويدا قالت تو نجي ناخذكن
ريان:تمام
نزلت تغديت بعدين ركبت بنوتي روحي فتحت الدولاب: زعما شن نلبس
ريناد وهي ماسكه فونها: ترا وريني
ريان طلعتلها لبستين: اين احلى هذي ولا هذي
ريناد: البسي الي ع اليمين متاع القميص الاسود تهبل
ريان: باهي هيا اطلعي بنبدل
طلعت ريناد وانا بدلت او وتيت روحي ونزلت احذا ريناد انراجي في رويدا
الباب دق
ريناد: هذي اكيدا رويدا
وصبت تفتح في الباب
رويدا: هيا بسرعه وقت
ريناد:اهو جايات
رويدا: هيا انراجي فيكن في السيارة
خشت ريناد نادتني وطلعنا ركبنا في السيارة
ريناد: واخيرا جيتي من امبدري انرجو
رويدا:ماهو شن ندير محوتك طلعت من بين الناس
الحوش مليان
ريان:ووووو عليا بعدك مانحبش التسليم
رويدا: وراس رينو سلمي فكينا من الحشايم
ريان: باهي باه يصير خير
خشينا الشارع وكان شارعهم مليان درسنا قدام الحوش فتحت باب السيارة ونزلت وانا خاشه شفت واحد..........
#يتبع
