شفت واحد مصبي قدام الباب الي جوا وعاطي بظهره مايشوفش فيا قعدت بنخش بس الاستاذ بسلامته طول في عرض 😒
انا:معلش شويه
التفت عليا و صبى بحدا الباب حط يده ع راسه من لاوره انحرج
معاذ : ااااااا اسف معلش سامحيني
انا وانا خاشه من الباب: عادي ماصار شي
خشيت جوا لقيت عرم صبايا تميت انسلم ماكملن الا بعد ماطلعن روحي 🌚
شافتني مروه جتني تجري تسلم عليا
مروه: وينك ياكلبه من امبدري وانا انراجي
انا:والله حتى انا من امبدري بنجي غير هذي وصلت رويدا
مع طلعت ايه من المطبخ
ايه:رينو جيتي وجت سلمت عليا
مروه:لا مزالت في الطريق 😂
ايه:حناطه 🙆
انا:وين خالتي خليني نسلم عليها
ايه: قاعده في المطبخ امشيلها بعدين تعاليلنا في الدار
وصبت هي ومروه للدار وانا عديت شور المطبخ سلمت ع خالتي ولقيت معاها خالتي ابتسام وماما و ايمان مرات خالي
انا:خير ياخالتي كيف حالك
خالتي سعاد:الحمدلله يابنتي بخير ونعمه كيف حالك انتي وكيف حال صحتك
انا:والله الحمدلله بخير انشالله الحمدلله ع سلامت عمي
خالتي سعاد : الله يسلمك يابنيتي
انا : كيف حاله عمي توا انشالله احسن
خالتي:لا الحمدلله كويس خير من امس
انا:باهي الحمدلله يارب
سلمت ع خالتي التانيه ومرات خالي ومشيت للبنات في الدار تميت نهدرز معاهن لعند ماخشت علينا امل
امل:هيا بنات حطينا العشاء تعالن
طلعنا تعشينا وغسلنا الماعين وبدا الحوش يفضا معش تما في حد الا خالاتي ومنيره مرات عمهم وعيشه عمتهم
كلنا كنا مقعمزين في الصاله وانهدرزو لعند ماخش وليد ولد عمهم وجا قعد يسلم علينا وبعدها قال الامه هيا
خالتي سعاد:لا شن دوتها تروحي يابتي خليك بايته
منيره صبت:مره اخرى انشاالله
خالتي سعاد:مافيكم ماروحتو في ه الظلامات تو بكره الصباح رباح
خش وليد رد قعمز احذانا وتما يهدرز مع البنات
صبت رويدا
رويدا:خلاص الوقت تأخر وبكرى عندي كليه بنخش نرقد
ماما:جبتي حاجتك معاك
رويدا:اها قاعدات في السيارة
ريناد:حتى انا بنمشي بكرى عندي محاضره مهمه
ماما شافتلي انا وروان:وانتن متبنش تمشن للمدرسة
روان:كلا انا منش ماشيه معندش الها نيه
ماما شافت الروان: مش غريبه عليك
وبعدها شافتلي: ها وانتي يارينو بتمشي
انا:شنطتي في الحوش ومش مستعدتلها
ماما: ه المره تغيبن لكن اخركلن مره معش في غياب الامتحانات قربن
انا&روان:حاضر
بعدها صبيت
مروه: رينو وين ماشيه
انا:بنعدي نرقد خلاص نعست
ايه:غير خليك هدرزي معانا وانتي ديما نعسانه
انا:تو بكره نهدرزو
صبيت من احذاهن وعديت شور دار ايه فتحت الباب و قعمزت ع السرير فتحت النت وتميت مكسده عليه شويه هكي او وصلتني رسالة من موده
موده:كلبه
انا:نعم
موده:جايه بكره
انا:لالا منش جايه
موده:وعليش ياحنه
انا:والله بايته عند خويله ومش جايبه حاجتي
موده:خلاص حتى انا معناها مش ح نجي
انا:اصلا بكره مفش شي مهم
موده:باه قتلك
انا:نعم
موده:بنرن عليك
انا:باه رني
ورنت عليا موده وتميت نحكي انا وياها لعند خش عليا رقم غريب وتما ساكن مبش يفصل
انا:شويه دودي في رقم ساكنلي انرد عليه ونكلمك
سكرت منها ورديت عليه
انا:الوو
.... : معلش هضا رقم ريان مختار ال###$
انا:اها بس من معيا
..... : انا احمد الي معاك في المدرسة
انا : اها احمد كيف حالك
احمد : والله الحمد الله بخير كيف حالك انتي
انا : الحمدلله
احمد : طبعا اكيدة مستغربه كيف حصلت رقمك
انا : حاجه زي هكي
احمد : اسمعي
انا : نعم
احمد : شويه ونرد عليك توا الشباب جو احذايا
انا:باه
وسكرت منه ورديت على موده
موده:رديتي عليه
انا:اها وعارفة كان نقولك من تصدقش
موده:ها من
حكيتلها شن صار
موده:تبصري
انا:والله
موده:غريبه احمد تحسيه معندش في الجو هضا
انا:والله حتى انا مستغربه
وتميت انهدرز انا وياها وسكرت منها شويه هكي ورن عليا احمد هدرزت انا وياه بعدها سكر مع خشت ايه
ايه:اروينه مزلتي واعيه
انا:اها مش جايني نوم
ايه:عليش خشيتي معناها
انا:مخاطرش في ولد عمكم البارد هضا
ايه:هههههههه وليد
انا:اها
ايه:كنه
انا:انحس فيه يتلصق واجد😒
ايه:بلعكس والله كويس جوه سمح
انا:اها باه كيف حالك مع معتصم
ايه:على حطت يدك ماتغير شي
انا: ربي يهديه انشالله
ايه:انشالله
انا حسيتها اضايقت بنغير الموضوع:قتلك ياويه
ايه:نعم
انا:في واحد امبدري وانا خاشه شفته ع الباب راه طويل عيونه اتحسي فيهن لون لابس سروال اسود وسوريه دميه
ايه:هههههههه هضا كله وشفتيه ع الباب مركزه حتى ع عيونه 😂😂😂
انا:لا مش هكي بس لونهن باين لفتني
ايه:اها لا هضا معاذ ولد عميمه عيشه
انا:اها بس تحسي ميشبهش ال امه
ايه:اها هو نسخت عمي مفتاح
انا:اها
وتميت نحكي انا وايه وشويه وجن مروه وروان وفاطمه بنت عمهم ومنى بنت عمتهم وتمينا انهدرزو مع بعضنا ونضحكو ونشفطو لعند ماخش علينا معاذ
معاذ : منى تعالي شويه
منى صبتله وبعدها شويه وجتنا
انا:هضا خوكي
منى:اها
انا:ربي يحفظكم
منى ابتسمت: تسلمي
فاطمه نطت من مكانها: حي علمه يابنات ميدو يرن
عدت غمت روحها بالورغان و ردت عليه ونحنا تمينا نضحكو ونبصرو عليها
روان طلعت فونها من تحت المخده:خليني حتى انا نكلم انوسي
وطلعاته وتمت تكلم فيه وبعدها الي هذي تكلم في حبيبها ايه مع معتصم ومروه مع سند ماقعدتش الا انا ومنى
منى:رينوو بنسألك
انا:نعم
منى:انتي مرتبطه
انا:لالا نحبش الجو هضا عندش عليه
منى شافت ال روان وابتسمت: مع أنكن توأم لكن مش كيف بعضكن بكل
انا: اها الطبع يختلف روان تحسيها اجتماعيه واتحب الناس غالي عليها كثرت الضحك والبصاره وانا بطبعي عكسها هاديه ومنحبش كثرت الناس والمخالطه
منى:سبحان الله مع ان الشكل نسخه وحده
انا:لكن الاطباع يختلفن
روان قعمزت ع السرير و حطت يدها ع الفون و شافتلنا: تعالن كولني وخلاص
انا شفت الروان: نحنا مانكلوش في لحم الشارف 😌💞
روان ردت رقدت: مش ح نرد عليك مزاجي حلو نبش نعكره
انا:يكون احسن
شويه هكي وبعدها كل وحده ارقدت
