عَــــــــافِيّتـِــي

الحلقة الرابعة

وسمعنا صوت حد جا شور المخزن وقعد الحس يقرب انا تميت نبكي ونرعش خايفه جا معاذ و حط يدا على فمي على شان مانديرش صوت وقعد يسمع بيعرف من وجا قدام باب المخزن وقعمز قدامه
....... : ياهو حطولنا العشاء هنا بره زحمه
ريناد جاته تجري : جهاد عليش قاعد هنا اطلع برا تو ندزولكم عشاء
جهاد : تي برا زحمه ماتعرف وين تصبي
ريناد : باهي تعال ع الطاوله هنا خيرلك
جهاد : بتجيبو عشاء ولا لا
ريناد : تي باهي باهي
وخشت ريناد حطتله رز وموالح ومشروب وطلعتهن لاه
معاذ بصوت واطي : هضا بيقعدلنا هنا
انا : حي علمي خايفه بعدك جهاد ميدرش خير
معاذ : تي لا ماتخفش تو يعدي ونطلعو
وقعدت انا ومعاذ نرجو لعند ماتعشا جهاد وجماعته وصبو طلعو وفتح معاذ الباب وطلعنا خشيت للحوش نجري ركبت الداري
خشت علياا ايه : رينو قاعده هنا وين كنتي امبدري دورت عليك مالقيتكش
انا : كنت مع معاذ
ايه : هييييي طح سعدك شن حكيتو
انا : تمينا انهدرزو عادي وبعدين قالي انحبك
ايه : نعلياا والله عارفته طايح باهي واضحه عليه باهي انتي شن قلتيله ياوجه الفقر انشالله غير ماطفشتيه
انا : قتله حتى انا نحبك
ايه : وانتي اتحبيه صاح
انا : انموت فيه مش نحبه
ايه : نجك لياا ربي يخليكم البعضكم وانشوف اعيالكم
انا : انشالله ياربي
وصبيت نزلت انا وايه وقعدنا نحوسو ونعاونو فيهم لعند ماروحو الناس البرانيه ومعش تما في حد الا عربنا
انا : بنركب انبدل
ايه : حتى انا خلاص تعبني القفاطن
وركبنا كلنا بدلنا ونزلنا
ريناد : هيا بنات انقسمن الي هذي تمسك حاجه
عميمه نور : تو انا وياك وامل نمسكو المطبخ
عميمه هبه : تو انا انكت الصاله
ريناد : لالا تريحي ياعميمه سامحينا اليوم تعبناك واجد اهن قاعدات البنات تو نكملو فيسع
عميمه هبه : لا يابتي مافيها جميل عاد حوش الغالي كان ماتعبتله المن بنتعب
ريناد : نجك لياا عميمه انشالله انردوها لكي في عواضك
عميمه هبه : سلمك انشالله يارب
ومشت عميمه هبه مع الصبايا في دار المعيشه وخشيت انا وايه وروان ومروه
انا : ها شن انديرو نحنا
ريناد : ريان وايه وشيماء عدن نكتن الصاله و المربوعه وكنسنهن وسيقن الحمامات والممر والسقيفه و مروه وروان وفاطمه شوركن الدور الفوقاني ضمنه كله وساره ودعاء يسيقن الجنان وتوا انا ونور انضمو المطبخ هضا وامل واسماء يطلعن للمطبخ الخارجي
روان : باهي تمام
ريناد : اهاا وانتن طالعات نادلي هاجر وعيشه على طريقكن
مروه : باهي
وطلعنا كلنا
روان : ياهاجر
هاجر : نعم
روان : عدي ال ريناد في المطبخ تبيك انتي وعيشه
هاجر : باه
وخشت هاجر على ريناد
هاجر : ريناد ناديتيني
ريناد وهي ع الحوض تغسل : اها وراس هاجر افتحي الدرج الثاني تلقي فيه شكاير كناسه عدي انتي وعيشه لمن الخيمه
هاجر : باه
وخذن عيشه وهاجر الشكاير وطلعن يلمن
~~~~~~~~~~~~~~
حنان وهي مقعمزه ع الصالون في الصاله : ينعلياا كرعيه وجعني من الكعب
منيره : مفروض مالبستش وانتي حامل مش كويس عليك
حنان : شن اندير يا امي القفطان طويل
منيره : كان خذيتي حتى من اختك اهو دولابها قاعد معرم
حنان : تي معش يخش فياا دبشها من بطني هذي
منيره : معش تشفعي منها بطنك يابنت هذي نعمه من ربي ماملي يتماناها
حنان : تي منش متشفعه يا امي بس ضايقتني
منيره : خلاص اس خوك جا
وخش عليهم وليد قعمز : شن يا امي عجباتك الحفله
حنان : الحفله ولا رويدا
وليد بحت فيها بنظره ع الجنب : الاثنين
منيره : لا مشالله تبارك الله عليك حفله وعليك جو الدنيا كلها ماتت عليهاا
حنان : حتى رويدا الحق طلعت مشالله عليها وقفطانها سمح بككل عجبني
وليد : باهي هياا حطولنا عشاء
منيره : حاضر هي تو فطومه تحطلك
وتمت تنادي على فاطمه
فاطمه جتها : نعم ياماما
منيره : حطي الخوكي عشاء
فاطمه : حاضر هي
ومشت للمطبخ حطت عشاء الوليد وجابت الصفره للصاله حطتها قدامه وتمت تهدرز معاهم
~~~~~~~~~~~~~~
كملنا حوسه وركبت دوشت وطلعت جففت شعري وبخيت عطر ونزلت القيتهن كلهن مقعزات في دار المعيشه خشيت قعمزت احذاهن
خالتي ابتسام : ههه طريحه
انا : نقنها طريحه
ريناد : عليك تعب نهار اليوم من قال يكمل
ماما : مايزيدكن الا صحه
انا : لا صااح
وخشت علينا رويدا
خالتي سعاد : هلا بلعروس نورتي
رويدا : سلمك خويله بوجودك
ماما : صبن يابنات وحده منكن تسخن الحاجات وتحطهن راه من الغدا ماذقنا حاجه
وصبن ريناد وامل واسماء وعميمه نور وحطن الموالح في الكوشه يسخنن وسخنن الرز وطلعن المشروب وحطنهن في صفره و جابنها للدار وتعشينا
وبعدين صبيت انا وايه ومروه نضمو في المطبخ وكملنا وطلعنا معاهم وتمينا نهدزو شويه بابا بايت في حوش جدي مع عمامي و الصبايا في دار المعيشه وامل ورويدا وعميمه نور في دار رويدا و ريناد واسماء وساره مع بعضهن في دارها ودعاء وعيشه وهاجر ومروه وروان ركبن الدارنا رقدن ماقعدتش الا انا وايه طلعنا بره في الجنان وقعدنا مكسدات ونهدرزو مره هي تهدرزلي على معتصم وانا نهدرزلها على معاذ لعند ما اذن الفجر
انا : نقني خلاص انعست
ايه : حتى انا معش فيها خلينا نخشو نرقدو
وركبت انا وايه الدارنا
انا فتحت باب الدار القيتها مليانه : هيييييي كنهن كلهن هنا هذينا
ايه : طح سعدهن وين نرقدو نحنا
انا : رايحات اتقول مقبره جماعيه
ايه : هههههه وحق الله باهي
انا : باهي كيف يصير توا
ايه : مافيها الا نفرشو في الصاله وخلاص
انا : نعدو نرقدو في دار ماما خير
ايه : باهي هي
وعديت انا وايه رقدنا في دار بابا وماما وسكرناها او ولعنا المكيف ورقدنا
~~~~~~~~~~~~~~
معاذ طلع من دار خش للمطبخ لقى منى فيه : اوووو قاعده واعيه
منى : اهااا ماجنش نووم
معاذ : حتى اناا
منى وهي مصبيه تقرض : نحسبك معايا
معاذ : شن بديري
منى : بطاطا
معاذ : تم احسبيني
وطلع معاذ من احذاها للصاله فتح التلفزيون وقعد مكسد عليه خش عليه احمد خوه
احمد : مزال واعي انت
معاذ : اهاا مفش نوم
احمد : حتى اناا يارا مش جايني نوم بككل
معاذ : هي نفتحو صوني
احمد : هييي
وفتحو معاذ واحمد الصوني وتمو يلعبو وجتهم منى وجابتلهم الصفره وكسدت معاهم لعند ما طلع عليهم الصبح طفو الصوني والي هضا خش الداره
~~~~~~~~~~~~~~~
نضت ع صوت فوني يرن طلعته من تحت المخده ورديت
انا : الووو
روان : ساعه ياحيوانه ونحنا ندقو عليكن حلن الباب وانزلن رانا حطينا الغدا
وسكرت في وجي
انا : عليك دراه كبد
والتفتت على ايه
انا : ايه ايه يا ايه هيا نوضي
ايه : هممممم شن تبي
انا : نوضي راه حطو الغدا
ايه غطت روحها بالفوطه : قوليلهم يعقبولي
انا كريت الفوطه من فوقها : تي هياا ياهمي والله ماحتى عقبولك
وصبيت انا وايه وفتحنا الدار وخشيت انا الحمام وبعدها هي خشت بعدي ونزلنا لوطه
ماما : طيب فيكن الي نزلتن
انا : كنا راقدات
ماما : باهي هيا تعالن قعمزن تغدن
وقعمزت انا وايه تغدينه وشالن البنات الصفره وصبن يغسلن في الماعين
وروحو كلهم بعد الغدا وماقعدش حد الا عيت خالتي سعاد وابتسام وقعدنا في دار المعيشه ونهدرزو
ريناد : هيا امل تصبي معايا انديرو كيكه مع بعضنا
امل : هي
وصبن امل وريناد يديرن في كيكه
خالتي سعاد : بعد خطرها سمعتن قالو سليمة بنت عمتي مبروكه ولدها يقرا برا
خالتي ابتسام : تي اهاا ياحنه يقرا برا وطب اخرى
ماما : مشالله مشالله ومن وين سمعتيها
خالتي ابتسام : ياحنه هذك اليوم تلاقيت نا وندى بنتها في جيبة غاده بنت عيشه صبيتي عاد تقعد سلفتها اشوي من هنا ومن هنا تعارفنا وهي الي عرفتني نا ماجبتهش رايحه متغيره واجد ومتسقمه
خالتي سعاد : قصدك ندى صار منها
خالتي ابتسام : اها ياحنه رايحه اتقول اتقوليش
ماما : وشن مجوزه من عيال سليمة
خالتي ابتسام : مجوزه الثلاثه الكبار العيلين والبنت او وحده من البنات عاطيتها والاخرى قاعده وكلا الذكوره الي قاعد خاطبتله والي برا قاعده ادورله اول مايروح بطلع فرحه
خالتي سعاد : مزالت ماحصلت
خالتي ابتسام : لا شكله مزال اصلا هي قالتلي قاعدين اندوروله
ماما : انشالله ربي يسخرله الي فيها الخير
خالتي ابتسام : انشالله
وخشن علينا ريناد وامل بالكيكه والقهوه ومدن علينا وحطن الصفره وقعمزن
خالتي ابتسام : مشالله عليها سلم ايدياتكن
ريناد : سلمك خويله صحه
امل : صحتين عليك خويله
ابتسام : سلمكن ياربي
~~~~~~~~~~~~~~~~
انتصار تنادي من المطبخ : ياشيماء يا اسماء عدن افتحن الباب يدق
اسماء وهي تمشط في شعرها ع المرايه  : عدي شوفي امك اتضبح
شيماء : وعديلها انتي
اسماء : تي انا قاعده نمشط في شعري مش فاضيه
شيماء رقتلها وصبت ال امها في المطبخ
شيماء : نعم يا ماما
انتصار : ساعه وانا نضبح عدي شوفي الباب من امبدري وهو يدق
شيماء : باهي
وعدت شيماء فتحت الباب مالقت حد طلعت راسها بتشوف من وفجأه اتجي يد ادف راسها جوا
شيماء : تي اااااي
جهاد : ياكلبه ياحقيره مطلعه راسك في الشارع ودفها اخرا بقو قوته لعند طاحت وتمت تعيط وجا هد عليها بيضربها اخرا على جيت انتصار واسماء يجارن سمعن العياط
انتصار : حي علياا لالالالا راك تقتلها
جهاد : خليها الكلبه تبي القتل
انتصار : تي غير قولي ايش دايره بس
جهاد : بنتك الحقيره هذي امطلعه راسها في الشارع
انتصار : مغير توا العن الشيطان وعدي خش جوا نا تو نتفاهم معاها
جهاد شاف الشيماء : والله توا عشان امك بس كان ماهضا قتلتك بين يديا
وخش جوا وجتهن اسماء تجري
انتصار : عدي اجري يابنت جيبي اميه الاختك
عدت اسماء جابت اميه وجتهن
انتصار : خوذي اهوا اميه اشربي
خذت شيماء الميه وهي تبكي وترعش مش قادره حتى تمسك الطاسه وشربت ومدتها ال امها
امها : هي صبي خشي للدار راه يجي باتك يشوفك هكي نا بنعدي نشوف الطنجره سيبتها ع النار
صبت شيماء وخشت للدار ولحقتها اسماء
شيماء وهي تبكي : برا برا مانبش حد احذايا اطلعي وغطت روحها بالورغان وزادت تبكي اخرا اسماء مابتش اتزيد عليها طلعت وسكرت الباب وراها
وخشت على امها في المطبخ
انتصار : وينهي اختك
اسماء : قاعده في الدار تبكي
انتصار وهي تحرك في الطنجره : خليها تستاهلها حتى هي عليش تبحت في الشارع ايش تريد
اسماء : يا امي وين تندري عليها بالك مالقتش حد ولا بتشوف من مافيها شي غير انتم الي عيله متخلفه
انتصار : ياا كل الا بتشوف من نا كنت حاسه اصلا عندكن مواضيع اكيد عندها شي حد حي كان مايطلع ولد رابحه جارتنا وتحشمني مع المرا هالفانص عارفتها اديرها
اسماء : يعني انتي توا تخايلتي من راسك وصدقتيها يا امي انتي الي مفروض اتصبي معانا مش تقعدي ضدنا ساد العيشه السوده الي عيشينها راه والله ماهي حياه
وطلعت وسكرت باب المطبخ وراها بالقوه
انتصار : طيح والله سعدك يا اسماء هكي في وجي خزي نا الي ماعرفتش انربي
خش عليها جهاد : كنك يا امي
انتصار : لا شي
جهاد : شن صوت الخبطه الي توا
انتصار : لا مغير الباب صفقاته الريح
جهاد : اهااا
انتصار : هاك شيل الصفره للصاله عليما ناديت خواتك
جهاد : لا حطيلي بروحي نا
انتصار : والله ماعندي جهاد يالله حطيت هضا
جهاد : تي باهي باه
ومشا طلع بالصفره للصاله
~~~~~~~~~~~~~~~~~
رن الجرس متاعنه
ماما : صبي ياروان افتحي
روان : حاضر
وصبت روان افتحت الباب وبعدين خشت عليناا
روان : خويله سعاد هضا عمو قالك هياا
ماما : لا وين خلوكم يابتي مزال بدري
خالتي سعاد صبت : بدري من عمرك يارويمه خلاص ماقعدنا الا واجد
ماما صبت : تي والله مانكم متحركين الا بعد العشاء 
خالتي سعاد : تي والله اكيدا مستعجل مش ح يابه نا عارفته
ماما : نا تو نكلمه صالح عارفته مش ح يردني وحطت وشاح ع راسها وطلعتله
ماما : خير ياصالح كيف حالك شخبارك
عمو صالح : اهلا ريم والله الحمدلله كيف حالك انتي وكيف حال مختار والبنات مبرووك على بنيتك والعقبه للثانيات
ماما : الله يسلمك الحمدلله سلمك يبارك فيك العقبه لبنياتك انشالله
عمو صالح : سلمك انشالله بعد اذنك ياريم كلميلي سعاد والبنات بنروح بيهن
ماما : لا والله ماهي صايره الا بعد العشاء تقعدو اتعشو معانا
عمو صالح : تي والله لا ليش تحلفي ياريم تو نتعشو غادي في الحوش
ماما : خلاص انا حلفت وهيا خش للمربوعه على ما جا مختار
وخش عمو صالح للمربوعه
ماما : اهو توا انا نستأذنك بنخش ومختار شويه ويجي امغير عنده شوي مواضيع يديرهن ويجي مش ح يطول
عمو صالح : اذنك معاك اها ربي يعاون انشالله
ماما : سلمك
وخشت عليناا
خالتي سعاد : ها شن قال
ماما : لا ما قال شي يابتي اهو مقعمز في المربوعه
خالتي سعاد : امغير انتي معزتك كبيره عنده يا ريم الا هو يحبش يرد في كلمته
ماما : وحتى انا يعلم الله قداش ماغالي علياا عنده مكانه عندي
خالتي سعاد : سلمك يارب
ماما : حس صوت الباب انفتح اكيد مختار
ريناد : اها صوت بابا
ماما : هي خلاص تعالن معايا للمطبخ نحطو العشاء ع النار
وصبن ماما وخالاتي للمطبخ يديرن في العشاء ونحنا طلعنا للصاله وحطو العشاء وتعشينا وروحو عيت خالتي سعاد وبعدها خالتي ابتسام ونحنا من كثرة التعب كلنا ركبنا رقدنا طول ونضنا ثاني يوم و نفس الروتين وهكي مشن الايام ملل ومفش شي جديد وبدت المدرسه ومعش فضيت نحكي مع معاذ واجد بس يجيني في المدرسه كل يوم لعند في يوم من الايام وانا طالعه وكان جايني معاذ
معاذ : هيا راني قاعد قدام الباب
انا : هيا هي تو نطلع
وسكرت الفون وطلعت قعدت نشوف فيه هو قاعد قدام باب المدرسه وانا في المدرسه من جوا وشويه هكي ورن علياا
معاذ : تعالي نبيك بسرعه اطلعيلي
انا : لا مستحيل نقدرش نطلع
معاذ : تي غير تعالي بس من بيفطنلك نبيك في موضوع ضروري راه نراجي فيك
وسكر علياا
انا قعدت خايفه وبرمت ع ايه : حي علياا وحي ياويه
ايه : كنك شن في
انا : قالي تعالي اطلعيلي نبيك
ايه : وباه اطلعي
انا : شن تحكي انتي شن نطلع تو يفطنولي
ايه : من بيفطلك كان على روان لاهيه مع صاحباتها وكان جا باتك تو نقوله في الحمام ونلهيه لكي شويه غير انتي عاد مطولش بس
انا : باه
وطلعت كلمت معاذ وهو جاني مسكني من يدي لعند وصلنا المكان الي مدرس فيه سيارته كان مستخطي شويه صبينا قدام السياره
انا : ها شن هو الموضوع الضروري
معاذ : شن اين موضوع
انا : مش قتلي نبيك في موضوع
معاذ : انا قلت نبيك في موضوع
انا : خزي عليك طلعتني ع الفاضي
معاذ : ههههههههه
وصبا قدامي وقعد يدخن
وتمت تمطر في الاول بشويه وبعدين زادت
انا تميت انبحت فيه وفي منظره في المطر وكيف حاط طربوشه على راسه وكيف يدخن منظره يهبل بككل تمنيتش انزل عيوني من عليه
معاذ بضحكه : عارف روحي سمح
انا : هههههه غير لا ياعبد الواثق
معاذ تما يبحت فوق وفي المطر كيف تنزل : انحب المطر
انا بحتت فوق : حتى انا انموت فيها مووت
ومعاذ مزال يبحت في المطر وانا نزلت راسي وقعدت سارحه قدامي بعدين حسيت روحي صقعت
انا : حبيبي صقعت
معاذ سلحلي شاله وحطه لياا ع رقبتي : هاكي يااقليبي كل شي الا تمرضيلي عاد
انا : ههههه نجك لياا
وتميت انشم فيه
انا : الله حبيبي عليهاا بنة عطرك ودخانك البنة الي لعند نموت وانا نحبها ونموت فيهاا
معاذ : نجك لياا حبيبي للدرجه هذي تحبيني
انا : واكثر اخرى
معاذ جا وصبا قدامي فتح كبوطه وحطني فيه جوا وسكر علياا بيديه وحضني زين وتما راسي على صدره : هكي دفا اكثر ولا لا
انا تميت نضحك : ههههههه واحلى دفا
معاذ قعد يضحك وتما حاضني وكل ما لاه يضغط علياا اخرا
معاذ : مش تحبي المطر
انا : اها
معاذ شمرني : وتي روحك معناها
وتما يلف بيا لعند ما تعبيت مطر
انا : حي علمك ياهبل نزلني راه نطيح
معاذ تما يضحك ونزلني : هههههههه باهي الحمدلله خفيفه ماتعبينش بعدين
انا : ههههههه سخيف
معاذ :  ههههههه والله مافيها كيف مراتي عاد
انا : عليك الي ضامن روحه
معاذ بحت فيا برفعة حاجب :  اكيد بنضمن روحي امالا شنو ولا مفكره تكوني الغيري وجا قرب مني وحضني من جديد
انا : يانعنجد نكون الغيرك نموت ولا ناخذ غيرك انت ولا بلاش
معاذ : نعليااا نا انشالله ياربي ربي يكتبك من نصيبي وما يحرمني منك يااااااااارب
انا : امين يارب
وقعدنا ساكتين نحنا الثنين وبعدين فطنت الروحي وحسيت منظرنا بايخ
انا : حبيبي
معاذ : عيونه
انا : ادنى راه يجي حد ويشوفنا هكي
معاذ : محد يجي هنا اطمني
انا : كيف
معاذ : الجماعه جايبهم دايرين حراسه مشدده
انا : هههههههه امنسق صار
معاذ : امالا شنو
او وقفت المطر
معاذ بحت فوق :  اهي وقفت
انا : يخساره
معاذ زاد حضني اخرا لعند قريب كسرلي عظامي : لياا زمان خاطري في التضبيطه هذي تفكرش ان نحولك بككل
انا : ولا انا بنحول اصلا
معاذ : نعلياا
انا : حبيبي دخن
معاذ : قعدتي مدمنه يافرخه
انا : لا مش هكي حبيبي بس نموت في شكلك وانت ادخن
معاذ  تما يضحك او وخر من قدامي شويه او ولع دخان وبعدين قرب من جديد ونزل راسه على مستوايه وتما يدخن وينفخ ع وجي
انا : حبيبي خلاص
معاذ : مش تبيه
انا : لكن مش للدرجه هذي
معاذ ضحك وطفاه : باه هيا ياطشه ردي المدرستك قبل مايجي باتك
انا : باه اطلق سراحي
معاذ تما يضحك او وخر : حابسك صار
انا : اجعنه حبس كل احبيب
معاذ تما يضحك : هههههههههه
انا اذكرت الشال حولته من على رقبتي ومديته لاه
انا : هاك اهوا شالك
معاذ : خليه عندك
انا : لا خوذه امتاعك
معاذ : لا خليه تذكريني بيه ولا تبش تذكريني
انا : لا معقوله انموت في الحاجه الي تربطني بيك
معاذ : نجك لياا
انا : نطلب منك طلب
معاذ : ادللي ياقليبي
انا مديتله الشال : حطلي عليه عطرك عبيه ليا عطرك نبيه كأنك انت احذايا
معاذ بأبتسامه : حاضر من عيوني ياعويناتي
وفتح باب السياره وطلع العطر امتاعه وتما يبخ فيه ع الشال وبعدين مدلي الشال ومعاه العطر
معاذ : هاكي عويناتي هاه
انا ضحكت بفرحه : نجك لياا حبيبي شكرا
معاذ ضحك الضحكتي : العفو ياعمري وكم مره قتلك معش تقولي شكرا
انا : اسفه انسيت
معاذ : عادي ياقليبي وحتى اسفه معش تقوليها
انا : هههههه باه
معاذ : ريونتي
انا : نعم حبيبي
معاذ وهو يشوفلي : هيا اقليبي عدي المدرستك طولنا راه
انا : يييي عليا نسيت هيا حبيبي سلام
معاذ : سلام هكي بلا شي
انا ضحكت وعطيته بوسه ع السريع وعديت نجري خشيت للمدرسه وانا نمشي اندور في ايه القيتها امصبيه مع مجموعة بنات شيرتلها جتني
ايه : ها شن صار
انا : لا هدرزنا بس
ايه مع تبحيته ع الجنب : ع قصاد بنة الدخان الي قالبتك قلب
انا : هيييييييي قصدك واضحه
ايه : تي من قبل مانوصل فيك شميتها
انا : حي علياا كيف اندير تو بابا يشمها
ايه فتحت شنطتها وطلعت منها عطر وتمت تبخلي لعند عبتني تعباي وحولت البنه نوعا ما وجتنا رويدا
رويدا : هيا اطلعن بسرعه
وطلعت انا و روان
انا : معندكش كليه اليوم
رويدا : لا عندي
انا : غريبه
روان : حمار من بيموت رويدا روحت بينا من المدرسه
رويدا : ماتصدقنش ارواحكن واجد غير بابا مش فاضي وقالي روحي بخواتك
انا : باهي باه
او وصلتنا رويدا للحوش وعدت خشينا القينا ماما في المطبخ ومعاها ريناد تساعد فيها
ماما : ها شن صار في امتحانكن حليتن
انا : اها حليت ساهل هو تطبيق
روان : حليت
مانا : باهي تمام من امبدري ونا مشغوله عليكن
روان : لا اطمني
ماما : اركبن غيرن وانزلن راه توا بنحط الغدا 
انا : باه
وركبت انا وروان للدار
روان سلحت وشاحها وحطاته ع الشماعه وتمت تسلح في الكبوط وانا سلحتهن جري ومسكتهن في يدي وعديت طلعت الشال من شنطتي وحطيته في دولابي وخذيت دبش للدوش
روان وهي مصبيه ع الزيانه ترفع في شعرها : راه شميتها بنة الدخان يا ريان مغير مشيتها لكي قدام رويدا بس
انا : يااااااي خوفتيني وحق الله
روان : بطلي سهوكه وعدي اسبحي راه تفطنلك ماما تقعد في كبيره بعدين
انا اجاهلتها وطلعت للحمام حطيت دبشي تحت الميه في الحوض وحطيت فوقه صابون غساله عشان تحول البنه وبعدين حطيته في الغساله ودوشت ع السريع ونزلت
ماما : كنك طولتي
انا : دوشت ع السريع
ماما : اهاا باه تعالي تغدي
انا : باه
وجيت طلعت كرسي و قعمزت ع الطاوله
انا : وين بابا ورويدا
ريناد وهي تاكل : بابا في العمل و رويدا عندها محاضره الساعه 2
انا : اهاا
وكملنا غدا وصبت ريناد تغسل في الماعين وماما قعمزت ع التلفزيون في الصاله وانا وروان ركبنا الدارنا رقدنا و معش حسيت بشي الا وماما فوق راسي وتنوض فياا
ماما : رينو اروينه نوضي سلم بنيتي تشغلينش عليك
انا حسيت جسمي كله متكسر ومش قادره انتحرك : انا نعم يا ماما
ماما حطت يدها ع راسي : هييييييي حي علياا نااااا حراراه البنت
وتمت تنادي على رويدا
رويدا جتها : نعم ياماما
ماما : عدي اجري اختك تطبخ من الحراراه ديريلها كمادات
وانا مش فانطه الشي حاسه روحي اتقول في بير ونسمع في صوتهم بعيد
دارتلي ماما كمادات وخفت الحراراه شويه
ماما : اروينه
انا : نعم
ماما : خوذي سلم بنيتي اهواا البنادول يخفف عليك
انا : مانبش ياماما
ماما : خوذي تشغلنش عليك حي عليك را تنحولي ولا تنشلي
انا : عادي خليني مانبش دوا
ماما : توا تاخذيه قدامي
انا قعدت نبكي : مانبش ياماما مانبش
وغميت روحي بالبطنيه وزدت نبكي اخرا
ماما : ياااانعلي ياريان ماديرهش فياا خوذي الدوا يابنيه را تصيرلك شي حاجه
انا مزلت نبكي ومارديتش عليهاا وخش عليناا بابا
بابا : كنك ياريم شن في
ماما : البنت ريان مريضه وماتبش تاخذ الدوا
بابا : وينهي هي
ماما : اهي كارسه تحت البطنيه وتبكي
بابا جا عند البطنيه وارفعه من علياا : ريان هياا صبي خوذي الدوا
انا : مانبش يا بابا مانبش
بابا : كلمه انا قلتها توا تاخذي الدوا
والتفت على ماما : هاتي ياريم الدوا والميه
ماما : هاك اهوا
بابا : هياا صبي بسرعه
انا قعمزت بناخذ الدوا فجأه حسيت بدوخه ومعش فطنت ال شي الا................
#يتبع