(#معنى_الوجع)
_أنا بت مما قومتا متعلقه بحاجه اسمها أبوي❤ بحبو حب كده غريب،،اكتر من حبي لأمي😂❤❤،،،،لدرجه النوم دا بنوم جنبو❤ والصباح لما يقوم طالع بفضل لي باقي الحليب حقو بشربو❤،،،،،طبعا انا اصغر البيت،،،،أكبر مني 7بنات وولدين«ليلى،سلمى،امل،ريم،سعاد،اسيل،صباح،احمد،فارس»،،،،ديل اخواني❤،،،،منهم المهندس ومنهم المحامي ومنهم الاتزوج من بدري❤،،،عايشين في عطبرة❤،،،بس احمد اخوي مغترب،،يعني من انا صغيرة هو سافر،،،مابتذكر ملامحو حتى،،،،،،امي اسمها درة❤،،،أبوي بقول ليها درتي❤😂،،،اتزوجها من هي عمرها 13سنةة،،،،وجابا عطبرة،،،يعني بقى ليها الاب والاخ والزوج❤،،،،،نحنا طبعا عايشين في،بيت جدي الكبير الله يرحمو،،،هو بيت ورثة وكده،،،،فيهو غرفتين بس وصالون وحوشين،،،،،يلا اعمامي التلاتة«سالم،ادريس،ابراهيم»،،،ديل مغتربين في دول بره،،،،واي،قروش بلموها برسلوها لابوي عشان يشتري ليهم اراضي ويبنيها ليهم❤،،،،وخالين اولادهم عندنا في البيت،،،،يعني عيشتنا كانت صعبه شديد،،،،اولاد اعمامي كلهم معانا في البيت والبيت ضيق💔،،،،أبوي كان بعمل قدرتو عشان يوفر ليهم العايزنو اي حاجه بتصلهم لحدي عندهم لملابس العيد دي ابوي بجيبا ليهم❤،،،وعندي عمتي برضو قاعده معانا هي وبتها،،زوجها متوفي،،،،يلا ابوي متعود كل يوم جمعه يضبح لينا❤،،،،،وعندنا في الحوش الورا غنم دجاج وحمام أبوي مرييهم،،،،وامي واخواتي الكبار ماسكين الحكاية دي❤،،،،كنا عايشين احلى وابسط عيشة❤،،،،طبعا عندي تلاتة من اخواتي متزوجات❤،،،،واقرب لي زول من بين اخواني كلهم كان فارس❤،،،،،،،،أبوي دا اطيب زول في،اخوانو ومسكين،شديد❤،،،،،يلا نحنا اصلا عندنا بيتنا حق ابوي زاتو،،،بس عشان حبوبتي وجدي أبوي كان ماسكهم رحلنا هناك،،،،وبعدها جدي اتوفى،،،وحبوبتي كمان💔،،،،،البيت بقى بيت ورثة،،،،،،،،أبوي اشترى نمر كاملة لاعمامي وبناها ليهم بكمية من الغرف والحمامات الداخليه❤،،،،وأول ما اكتملت بيوتهم وبقت جاهزة،،،أبوي اتصل عليهم وكلمهم اصلا كان متابع معاهو أول بأول❤،،،،،وفعلا نزلوا السودان بعد كذا سنة❤وزي ما متعودين كل جمعه ابوي بضبح لينا❤،،،فعلا ضبح قيلوا معانا اتغدوا وشربوا الشاي❤،،،،بعد طلعوا مننا بشوية،،،الباب خبت،،،،فارس اخوي مشى فتح الباب كان عسكري من النيابة جايب لابوي محضر💔انو اخوانو رافعين عليهو قضيه ورثه💔💔💔طبعا كلنا دخلنا في حالة صدمة،،،،أبوي الصدمه ظاهرة في وشو💔شال المحضر وقع عليهو ومانطق بحرف💔فارس اتعصب وقال إلا يمشي لاعمامي وهو غضبان💔💔عصبي لأبعد الحدود،،،ابوي مسكو وقال ليهو لالا يا ولدي،،،،امسك نفسك💔💔💔،،،،،،تاني يوم الصباح اختي،سلمى المحامية شالت المحضر وطلعت مع أبوي للمحكمه ومعاهم فارس،،،،لما وصلوا هناك ابوي لقى اخوانو التلاتة ومعاهو عمتي انصاف الساكنه معانا في،البيت💔كلهم حلفوا قسم انو البيت وجنينه الفواكه تبع الورثة وفي،بيوت ابوي عاملها برضو قالوا تابعه للورثة💔💔،،،،أبوي لما شافهم حلفوا قسم صعبت عليهو نفسو💔💔💔،،،قال للقاضي مدام حلفوا،،ح نقسم اي حاجه،،إلا بيت أبوي الله يرحمو ما ح نقسمو💔💔،،،،عمي الكبير اتكلم وقال ليهو شوف يا آدم نحنا عايزين ايجار ال25سنهه الفاتوا،،،وإلا البيت يتباع في المزاد العلني💔💔💔،،،،،سلمى كانت محامي لابوي،،،وطلبت انو القضيه تتأجل وفعلا اتأجلت💔💔ابوي ضغطو ارتفع،،،،واختو بكل عين قوية قالت ليهو هوي يا آدم يا اخوي الكلام دا واضح يا تطلع يا تدينا حق الايجار💔💔💔،،،،انا الوقت داك كنتا في،سادس اساس،،،بس كمية الكره الحسيتا اتجاه عمتي ماف زول بتخيلها💔،،،،أبوي اتكسر من اخوانو كسرة شديده💔💔💔مشيت رقدتا جنبو،،،،ختا يدو في راسي قال لي يمة❤ خليك حنينة مع اخوانك،،،ولو باكر حصلت لي حاجه،،،ماتخشي معاهم محاكم💔💔،،،كلام ابوي هزاني من جوه،،،بقيت ابكي بصوت عالي وهو زاتو بكى💔💔💔أمي جات جارية هي واخواتي واخوي،،،،عاين ليهم كلهم وقال لينا،،،انا لو متا ودخلتو المحاكم عشان قروش ماعافي ليكم💔💔💔،،،عاين لامي وقال ليها يا درتي انا اتزوجتك في البيت دا وقضيت عمري كلو هنا معاك،،،راضيه يا بت الحلال ابيع بيت نمرة كاااملة قصاد نص نمرة؟،،،،،امي عاينت ليهو ودموعها مالية وشها💔،،،،قالت ليهو هيي يا آدم وقت اتزوجتني جبتني من بيت نص نمرة،،،،اسي بعيش معاك في نص النمرة دا،،،افوتك وين،،،،قول لي بس،،،،نص النمرة دا ح يبقى لي نمرتين بيك وبي بناتك وولدك❤❤،،،ولاتشيل هم يا اخوي❤،،،باكر ربنا يعدلها علينا❤،،،،،،كرهتا اعمامي واولادهم وعمتي لدرجه بعيده،،،عمري ما اتوقعتا في،يوم أشوف أبوي البشوش ببكي💔💔💔،،،،،كسرة الخاطر احرى منها مااااف💔💔💔تاني يوم العصر اعمامي جو ومعاهم اولادهم لابسين عمم وجلاليب،،ومعاهم عمتي وبتها💔،،،،،اتناقشوا مع ابوي في موضوع البيت،،،وانو عايزين المزاد العلني هو اليحكم منو يشيل البيت،،بس ابوي لا💔💔بقوا يرفعوا اصواتهم على ابوي،،،،وعمتي وبتها بشاكلوا في امي،،،،اخواتي بقوا يكركوا في عمتي وبتها💔،،،وأنا واقفة منهم بعيد،،،بس بعاين ليهم💔💔💔عمي رفع يدو حاول يضرب ابوي،،،بس فارس مسكها ليهو وخنقو،،،فارس اخوي كان يادوب في الثانوي،،،اتلموا كلهم فيهو،،،،قربوا يقتلوا💔💔💔،،،،،عمتي قالت لامي امشي يا بتاعت الفقرى والشيوخ،،،،كتبتي اخونا وبقيتي قصادك انتي واولادك💔ياجاهلة،،يا امية،،،،كتر خير اخوي الجابك من تحت الحمير والبهايم💔طبعا امي بقت في حالة عدم استيعاب💔💔💔،،فارس دفر اعمامي كلهم برة البيت💔💔💔💔،،،،،كنتا واقفه ومتجمده،،،،،كرهتهم شدييييد،،،ماعارفة بس انا يستحيل في يوم ألجا ليهم او اخلي ابوي يتزلى ليهم💔💔💔،،،،،،،،بعد فترة من الكلام دا،،ابوي بقى يفتش في زول يشتري منو البيت لاننا كنا مقروضين،،،،كنتا بشوف الانكسار والخزلان في عيون أبوي💔💔💔وأنا عارفة انو مستحيل يجي يوم واتجاوز الحاصل دا💔💔💔اتباع البيت وجاب حق الورثة💔💔،،،،،،تاني يوم طوالي جانا ود عمي،،،سلم على ابوي،،وجاني في الغرفة جوه لقاني بحضر،،،قال لي إيناس كيفك،،،،ما رديت ليهو،،،عدل قعدتو جنبي،،،انا قومتا طلعتا وجيت راجعه،،،فجأه بدون اي مقدمات قام واتلصق فيني💔💔💔،،،،كان بتحرش بي وابوي قاعد في البيت💔💔كان طويل،،،وأنا قدامو ولا اي،شي،،،،،ماكنتا عارفة الوقت داك هو بعمل في شنو،،،بس العارفاهو اني بكرهو وبكره اعمامي،،،،ماعارفة جاتني قوة من وين،،،لزييتو واديتو كف قوي💔💔،،،أسيل كانت في المطبخ،،سمعت الصوت جات بخلعه قالت لي في شنو؟،،،قولته ليها ولا شي،،،،،طبعا هو كان مخلوع فيني،،،مرق بدربو وتاني ماشفتا وشو💔💔بسببو كرهتا حاجه اسمها رجال،،،،،كرهتم وقرفتا منهم💔💔💔اي راجل كنتا بشوف فيهو شخصيه اعمامي وأولادهم💔💔💔💔جريت رقدتا جنب ابوي،،،قولته ليهو يابا انا بكره اخوانك ديل،،،انت كيف طلعتا طيب كده❤ وما زيهم،،قال لي شوفي يمة ربنا بخلق السمح والشين واي شي لازم يتخلق ليهو عكسو،،وربنا ميزنا بالعقل عشان نعرف نختار صح!❤كنتا ببكي وبعاين ليهو❤،،،،،،يوم المحكمه ابوي كسب القضيه،،،واشترى بيت جدو❤،،،،،بس اي حاجه بناها وتعب فيها اتقسمت بينو وبين اخوانو،،،،،كمية الظلم الاتعرض ليها ابوي ما كانت ساهله،،،،كانت موت بس بالبطئ💔💔💔💔،،،،،،
انا حاليا بحكي القصه دي وعمري 21سنه،،،،إيناس آدم❤،،،،اكتفوا بالتعريف دا بس لحدي اتم ليكم قصتي كلها❤❤،،،،،،
#بت_آدم❤🖐
