من يوم الحصل لينا💔اهل ابوي قاطعونا🖐💔،،،،،،أمي تعبت شديد وكل يوم والتاني عيانة💔أبوي قال ليها يا درتي العلاج هنا ما على قدر كده،،،عشان كده نسافر انا وانتي مصر،،،وأن شاء الله ترجعي احسن من أول❤،،،امي قالت ليهو المصاريف بتبقى تقيلة عليك،،،انا بكرة ببقى كويسة،،،،قال ليها شن بسوي بالقروش واانتي بدون عافيتك❤،،،،وفعلا اتخذوا الاجراءات بتاعت السفر كلها❤،،،وسافروا مصر،،،،،الفترة ديك فقدتا امي بالجد💔💔،،،،وكل يوم بليل ابكي وفاقده ابوي اكتر💔💔💔،،،،،كنتا بنوم مع اختي اسيل،،،دي اكبر مني ب3سنةة،،،،،،،،امي وابوي جوو راجعين❤،،،وهناك اتعملت لأمي عملية إزالة رحم،،،،رجعت ماشاء الله عليها صحه وعافية،،،،كأنها رجعت كم سنة لوراا❤،،،امي،قصيرة وعيونا كحيلة ولونا اصفر❤،،وشعرها طويل،،،وانا شايلة مواصفاتا❤،،،،،،انبسطنا كلنا بشوفتها❤❤❤😻بقت مزة زي مابقولوا❤❤❤،،،،،عملنا ليها كرامة كبيييرة❤❤ عزمنا الجيران وكده،،،،كلهم كانوا بتكلموا بيها،،،،ماشفتن درة بقت سمحه كيف،،وماشفتن درة بقت سمينة وحلبية💔💔،،،،،،بليل لما جينا للنوم،،رقدتا جنب امي،،،وبقيت أهبش،ليها في اصابع رجلها❤،،لما حست بحركتي،،،صحت،،،قالت لي صاحية مالك يابتي؟،،،قولته ليها بقيتي حلوة يمة❤،،،المرة الجاية عاوزة اسافر معاك عشان ابقى حلوة زيك❤ ضحكت وقالت لي طوالي،،،المقابلة الجاية نخلي ابوك هنا ونسافر لو الله احيانا من الموت❤،،،،قولته ليهو ماشوفتي يمة نسوان الحلة بتكلمن بيك كيف💔💔💔،،اكلوك اكل💔💔💔،،،،،،قعدت تعاين لي وفجأه قطعت نفس💔💔💔،،،كورتا لناس اليبت،،،كلهم جوو اتلموا💔💔💔،،،امي قالت حاسة بطنها منفوخه💔💔،،،،،مشوا بيها المستشفى الساعه 2صباحا،،،ادوها دربات،،،انا فضلتا صاحية للصباح،،،،جابوها من المستشفى بعد صلاة الصبح،،،،من اليوم داك وتاني امي ماشافت العافية وماضاقت ليها طعم💔💔،،،،،قولته لاسيل ديل نسوان الحلة عيونهم حارة😭💔💔،،،أسيل قالت لي أي والله،،،ربنا يستر على امي💔،،،،،أبوي قرر يسفرها الخرطوم،،،تتعالج هناك،،،،امي كانت كويسة مافيها شي💔💔،،،،بس ابوي قال يمشي يطمن عليها،،،،،يوم الامي كانت مسافرة انا ماكنتا قادرة انوم،،،،قالت لي مالك يابتي مأبيه النوم؟،،،،،قولته ليها يوم عاوزة اسافر معاك💔💔😭،،،،ماتخليني وراك،،،قالت لي هااا يا بتي لكن وراك امتحانات،،،،قولته ليها بعيد السنة بس💔😭،،،،قالت لي لالا دا كلام شنو،،،انا بمشي هناك اشوف بطني فيها شنو وبجي راجعه💔،،اسبوع بس وبتلقيني في وشك،،،بقيت ابكي ومانومتا نهائي،،،،امي وابوي واختي ليلى وراجلها سافروا وانا البكى روح صوتي💔💔،،،بقيت لا باكل ولا بشرب💔💔،،مشيت الامتحان وجيت راجعه،،مرت الايام وكل مانتصل لناس امي،،،ليلى بتقول لينا نايمة💔💔،،،وهي ياحليلا حالتها متأخرة💔💔💔،،،،،،،،
امي هناك بقت تقول لابوي رجعني لاولادي،،،دا ياهو الموت زاتو يا آدم،،،،بدور اموت في نصهم❤،،،،ابوي قال ليها الموت يشيلني قبلك،،،ماتقولي كده،،،بكرة تبقي كويسة💔💔،،،،،،امل اختي قالت مسافرة هي وراجلها،،،انا طوالي قومتا وقولته ليهم بسافر معاكم😭💔💔،،عايزة أشوف امي،،،،،امل قالت خلاص كويس،،،،سافرتا معاهم وخلينا محمد وناس اسيل،،،،لانو محمد كان ممتحن تالتة💔،،،وجات اختي سعاد قعدت معاهم💔💔💔،،،سافرنا الخرطوم،،،من الموقف مشينا المستشفى طوالي،،،دي كانت اول مرة اطلع برة بيتنا،،،،شوفتا كمية ناس مبالغه،،حاجه تخوف عديل💔💔💔،،،،لقيت ابوي،،جريت حضنتو وبقيت ابكي بصوت عالي💔💔💔،،،سامعه صوت يمة بتبكي في الغرفة،،،مشيت ووقفتا جنب الباب،،،،شايفة ممرضات وكم دكتور،،،وامي راقده وبطنها كبييرة،،،،كانوا مركبين ليها فراشة،،،وكمية اجهزة كده مامفهومه💔💔💔،،،،مشيت لأمي حضنتها وبقيت ابكي،،،،قالت لي والله يابتي ماخايفة من الموت،،،،خايفة عليك انتي،،،ح اخليك وانتي مافاهمة شي للدنيا💔💔انا ما ح احضر نجاحك،،ولا ح أفرح بجديدك💔💔قولته ليها يمة انتي كويسة،،،ح ترجعي معاي لناس أسيل كلهم مستنينك💔💔،،،،،بعد شوية ابوي جاا خاشي،،،امي،بقت تعاين ليهو وتبكي،،،،قالت ليهو شوفتا يا آدم،،،،ماعافية لاخوانك،،،هم سبب مرضي دا💔💔ماعافية ليهم💔💔،،،،حسيت كأنو امي قصدت تقول الكلام دا قدامي عشان اعرف منو سبب اللي هي فيهو💔💔💔💔،،،،،كرهي وحقدي زاد على اهل ابوي💔💔💔حاله امي كانت تحنن الكافر💔💔💔حضنتها وبكيت فيها بكى بحرقة💔💔،،،،أمي كانت راقده على جنبتها وأنا بهبش ليها في رموشها💔💔💔فتحت عيونا قالت لي مانعسانة انتي؟،،،قولته ليها عاوزة انوم جنب رجلينك💔قالت لي وهي بتبكي ماينفع لانو عندي عملية في بطني💔،،مسحتا ليها دموعا وقولته ليها يمة انتي حلوة ماتبكي💔💔،،،ابتسمت لي،،وقالت لي طيب أمشي نومي وتعاليني باكر سمح يمة؟💔،،،قولته ليها سمح،،،،،راجل اختي عندو قرايبو جنب المستشفى،،،مشينا بيتنا معاهم،،،انا ما جاني نوم نهائي💔💔،،،،الصباح اختي صحتني،،قالت لي يلا قومي استحمي عشان نمشي نشوف امي،،،قومتا استحميت سريع وقولته ليها ارح،،،لما جينا بشارع المستشفى،،،امل بقت ماشه اسرع مني💔💔،،،جريت حصلتها ومسكتها من يدها💔💔💔،،،كان في صوت بكا وصواريخ عااالية طالعه من المستشفى💔💔💔،،مسكتا امل قوي،،قولته ليها،في شنو💔💔؟،،،امل عاينت ووشها ماببشر بالخير💔💔،،،قالت لي يمه دي شكلها ماتت💔
#نتلاقى💕
