طبعا انا كنتا سمينة وجسمي مضيع لي عمري الحقيقي،،،،رغم انو اسيل اكبر مني،،،بس نحيفة،،،كانوا لما يسألونا منو اكبر؟،،،اخواتي كانوا بقولوا إيناس اكبر من أسيل بس متأخرة في الدراسة💚،،،طبعا بقولوا كده عشان خايفين علي من العين💔💔،،،،أسيل كانت اقرب لي واحده من بين اخواتي،،،مع انو ما بحب اتكلم ابدا،،،بس هي بتفتح مواضيع وتخليني اتكلم غصبا عني❤،،،،،صحباتي كانوا بقولوا لي في المدرسه والنبي يا ايناس تطلعي الطرحة وتقيفي في،الشمس،،أقول ليهم ليه،،،بقولوا لي بس اعملي كده،،،كنتا بعمل زي مابقولوا لي وبفكوا لي شعري،،،،طبعا لون شعري ذهبي فاا مع الشمس بلمع❤وكان طويل على حسب قصري💚 البنات يعاينوا لي ويضحكوا❤❤👊،،،،،،،وبس اطلع من المدرسة لازم اي زول يعاين لي ويشاغلني،،،ماكنتا شغاله بزول مع نفسي،بس💔واساسا من بيتنا ماقاعده اطلع ولو طلعتا ممكن اروح عادي،،،وعلشان السبب دا ابوي موصي صحباتي يقطعوني الظلط لأني بخاف منو ومن العربات💔💔أما ريم فأنا وهي مولودين في نفس اليوم والشهر❤،،وابوي من انا صغيرة بعمل لي عيد ميلاد،،،،بنعمل شاي لبن وزلابية💚 واخواتي ورجالهم بتلموا عندنا❤،،،وبنوزع للجيران منها،،،،،،،،،لما قرب زمن الامتحانات،،ناس المدرسة كانو بضغطونا بجي،راجعه البيت المغرب،،،،ليلى خلت بيتا وجات قعدت معانا❤،،،،ومرت أخوي احمد ساكنه قريب مننا،،،وسبحان الله لحكمه بس بعد وفاة امي بكم فترة هي جابت بت سمتها درة❤ على امي،،،يعني امي اتولدت من تاني❤،،،واصلا عندهم ولد مسمينو على ابوي❤❤❤،،،،أسيل كانت بتراجع لي ومضغوطه معاي❤،،،،مامخليني محتاجه حاجه،،،،،،امتحنتا،،،،وطبعا في الاجازة ما عندي حاجه لزول،،،وبرد على قدر السؤال،،،ومابحب اتكلم كتير💔،،،لحدي ما جاا يوم النتيجه،،،،صباح دخلت رقم الجلوس ،،انا كنتا في الغرفة جوه،،راقده ما عندي اي احساس بالنتيجه او كده،،،،،دخلوا الرقم بتاعي،،،النتيجه طلعت250،،،،،،،فجأه البيت اتقلب بيت عزاء💔💔ليلى مسكتني وقعدت تبكي،،،،،وابوي قاعد في السرير بس بعاين لينا💔💔،،،،،ماكنتا حاسة بطعم النتيجه،،،الليلة لو يمة لسه قاعده كان زغردت لي،،،،كان مشت جابت معاي التفاصيل،،،كان عملت لي الأكلة البحبها💔💔💔،،،يمة ماهنا،،،كيف افرح بالنتيجه؟؟؟؟،،،،،صحباتي جوني ومشينا المدرسة،،،،،اي واحده معاها امها💔الا انا،،،،شلتا تفاصيلي وطوالي رجعتا البيت💔💔💔💔
نومتا وصحيت قريب المغرب،،،طلعتا برة،،،شايفة راجل مع ابوي،،،ما سلمتا عليهو،،،ابوي ناداني،،قال لي ايناس تعالي يا بتي سلمي على ود خالك،،،،مشيت على اتجاهو سلمتا عليهو بمساخه،،،بارك لي النجاح،،،،ودخلتا جوه💔ماكنتا حاسة بطعم اي شي،،،الدنيا بااهته شديد💔💔مرت الاجازة،،وشالوني مدرسة قريبة مننا،،،وزي عادتي القديمة،،،بنوم جنب ابوي،،والصباح بشرب الحليب❤وفارس جاب ليهو عربية❤وقتها كان في تانية جامعه💚بوصلني المدرسة،،وآخر اليوم برجعني،،وتاني بمشي يلحق باقي محاضراتو💔💔،،،،في الفصل بقعد جنب الشباك وراا،،،عاملة لي،صف براي مامعاي زول💔،،،اي استاذه تجي تسألني بقول ليها كده مرتاحه،،،،،مدرستنا كانت طابقين وبرضو جنبها مدرسة اولاد💔من عادتي بكوي لفارس ملابسو وبرتب ليهو دولابو❤،،،،مرة قاعده أرتب في الدولاب،،،جاا داخل قال لي ايناس تعالي اقعدي عايزك في موضوع،،،،قعدتا جنبو،،،قولته ليهو سامعاك❤اداني عطر نسائي❤،،،هو كان عندو منو نفس النوع،،،بس رجالي🌚👊❤،،،،،قال لي انتي عارفة انا بثق فيك اكتر من باقي اخواتك،،،لأنك اعقل واحده فينا،،،عمري ماشفتا بت بتمر بمرحلة المراهقة ومابتعب الناس معاها،،،قولته ليهو وأنا من متين بشبه البنات💔،،،كنت منزلة راسي وبتكلم،،،قال لي انتي ستهم،،،رافعه راسي ورأس ابوك❤❤،،،انا بمشي الجامعه وبكون مطمن انو يستحيل تعملي حاجه غلط،،،،بس عايز منك حاجه واحده،،ماتحتكي بالبنات كتير،،،،اغلبيتهم كعبات،،،،،قولته ليهو حاضر،،قال لي شوفي ليك اتنين تلاتة كويسات صاحبيهم،،،انا ولد وعارف البت بتجر رجل صحبتها لولد كيف،،،عشان كده خليك فارضه شخصيتك دايما❤،،،قولته ليهو حاضر❤،،،،،،،واي ولد يعاكسك او يحاول يعمل ليك حاجه كلميني وماتخافي،،قولته ليهو طيب❤،،،،،،،،فارس تاني يوم وصلني الجامعه،،وعلى حسب استايل الجامعه وكده،،،البنات افتكروهو حبيبي،،،،وهو ماشاء الله سمح مافيهو كلمة،،بس مابعرف يلبس،،،فأنا كنتا بنظمو وبطقم ليهو❤❤،،،،،في الفصل بكون قاعده جنب الشباك وسرحانه💔،،،،وزمن فسحه الفطور،،،بشتري فطوري ويجي راجعه الفصل💔💔،،،،،البنات بغيروا مني علشان الاولاد بشاغلوني ومابشتغلوا بيهم💔،،،،،كانوا بقولوا علي مفترية ومغرورة💔💔،،،وكلام كتييير بسمعوني ليهو،،،ماكنتا بشتغل بيهم❤،،،،،،بقفل شباكي وبسرح،،،وبشرط ورق،،،ماعارفة انا بعمل كده ليه،،بس فجأه بلقى نفسي شرطتا اكبر كمية من الورق💔💔💔،،،،فارس جاني نهاية اليوم،،،وقف بالجهه التانية من الظلط،،،وانا ماشة عليهو،،رجلي زاقت،،،قربتا اقع،،في اولاد كانوا قاعدين،،،واحد فيهم قعد يضحك،،قال لي ماتخافي بتحصلي يا مزة❤،،،حمرتا ليهو ومشيت،،،ركبتا العربية،،،فارس قال لي الولد دا كان معاك؟؟؟؟،،،،قولته ليهو اي،،،،فارس رجع بالعربية لوراا وبقى مقاصد الاولاد،،،قال لي بتشاغل مالك يا معلم،،،،الولد قال لي هي تطلع شنو عشان اشاغلها،،،فارس قال ليهو تمام،،،خليك قبلك،،،بوصلا وبجي بوريك هي تطلع شنو،،،،فارس بقى سايق بسرعه،،،قال لي انزلي،،،،نزلتا ودخلتا البيت،،،،هو دخل بيت اخوي،،شال ليهو عكاز وطلع،،،،ود خالتي لما شافوا طلع معاهو العربية بدون يفهم الحاصل👊😂،،،،رجعو المدرسة،،،فارس وقع ضرب في الولد،،،وود خالتي نفس الشي😂😂😂👊،،،،،،انتهوا من الولد خالص،،،بعد دا ركبو العربية ووداهو القسم😂👊،،،الضابط قال ليهو دا مالو،،،فارس قال ليهو دا واحد قليل ادب،،،قاعد جنب مدرسة البنات وبشاغل،،،،وشاغل اختي وانا ضربتو،،،،الضابط قال لود خالتي انت شاهد،،،،ود خالتي قال ليهو ااي،،،ونكر انو ببقى لاخوي😂😂😂👊،،،،حبسو الولد73ساعه😂💔،،،،،وانا هناك نمت وصحيت المغرب،،لقيت محمد جاا،،،ماجاب لي سيرة عن الموضوع👊💔،،،،،،
الصباح كالعاده وصلني،،،قال لي ماتمرقي،،،انا بجي اسوقك من جوه المدرسة،،بجي افهمك انا قولته ليهو طيب وانا مافاهمه شي💔،،،دخلتا المدرسة والبنات بتكلموا بوراي💔💔،،،،دي هي،،شفتوها سمحه كيف،،،وحبيبا سمح ود عز❤،،وكلام كتييير مشيت الفصل وقعدتا في مكاني💔جوني كم بت كده،،واحده قالت لي من المدرسة فتحت لا بتتكلمي مع زول ولا بتشاركي مالك انتي؟؟،،،التانية قالت لي اسمك منو،،،قولته ليها إيناس،،،قالت لي إسمك حلو،،وحبيبك حلو😂👊،،،،قولته ليها حبيبي؟،،،،قالت لي اي،،،،واحده قالت لي كيف جاك قلب تخلي يضارب مع الاولاد كده،،،وقعدوا يحكوا لي في الحصل❤❤😂😂👊👊👊،،،،،قولته ليهم دا اخوي،،،ماحبيبي😂😂😂💔،،،،طبعا عاينوا لي مخلوعات،،،،واحده اسمها ملاذ قالت لي احلفي😨،،،،قولته ليها والله جد😂😂👊👊،،،،،قالت لي تصدقي امبارح مشيت اتشاكلتا مع حبيبي،،،،قولته ليها ليه،،،،قالت لي مغسة ساااي بس لما شفتا اخوك بضرب الولد😂😂😂😂😂👊،،،،،،،،اروى قالت ليهم شفتو طلع أخوها،؛وانا مرتو،،،يلا من هنا😂😂😂👊،،،،،بعدها اي واحده جابت كرسيها وقعدوا جنبي،،،،،«ملاذ،اروى،مياده،زينب»❤❤،،،،من يومها المدرسة كلها عرفت اني اخت الولد الكسار😂👊👊👊❤،،،،،،،مرة فارس جاني وكان واقف برة،،،جيت لقيتو بتزاهج ليهو في بت،،،قال ليها انا عايز افهم،،انتي جاية عشان قراية ولا كلام تاني،،،،البت شالت كرعينا وقطعت الظلط😂😂💔،،،،جيت سألتو،،،يافارس في شنو،،،قال لي ياخ البت لبشتني،،،وشها ضارب وتشيل وتعاين في القزاز،😒😒👊،،،،،،،عدت فترة سنة أولى ثانوي،،،وعدت الاجازة وجينا تانية❤،،،ودي الممكن اقول كانت احلى فترة في حياتي❤
#لبعدين❤
