قلبي بقى يضرب شديييد،،،،ملصتا سفنجتي وجريييت على اتجاه المستشفى💔💔ما استنيت الابواب تفتح،،،كان في،عربية إسعاف داخله،،،دخلتا معاها وانا ما واعيه،،،،،شايفة ليلى قاعده في الارض وبتبكي بحرقة💔💔💔 بتقول امي ماتت،،،،،وااااااي يا يمة،،،،وااااي يا الحنينة،،،،واااي يا امي،،،امي مشت خلتنا وماشبعنا منها،،،،،امي ماتتت💔💔💔،،،،،،كنتا واقفة وماقادرة اتحرك،،،حسيت اطرافي اتشلت والدنيا اتشافت لي كعبة وضلام شدييييد💔💔،،،،وقعتا في،الارض💔💔💔ليلى قالت لي امس كانت بتتكلم معاي،،،إيناس خلاص يمة راحت مننا،،،،يمة ماتت يا إيناس💔💔💔،،،جاا راجلها شالني وداني الغرفة لامي💔💔كنت ما واعية،،،رشاني بموية،،،قال لي سلمي على امك في،راسها،،،،تاني ماح تشوفيها💔💔💔فتح لي وشها،،،منظرها وهي مغمضه عيونا ورابطين ليها حنكها مع راسها بشاش رفيع،،،ماقدرتا استحملو💔💔💔،،،بقيت اصررررخ،،،يمة اصحي،،،كيف تموتي كده،،،اصحي💔💔💔،،،انا لسة ما امتحنتا تامن،،،لسه ماخشيت الثانوي،،،ما امتحنتا للجامعة💔💔💔💔،،،،يمة فايتاني وين،،💔💔💔،،،غطوا ليها راسها💔💔،،وأنا طلعوني برة💔💔،،،مشيت لقيت ابوي قاعد برة في الارض وببكي💔💔💔،،،قعدتا جنبو،،قولته ليهو ليه يا ابوي امي مشت خلتني،،،ليه ؟💔💔💔،،،،حضني وهو لسه ببكي،،قال لي أي زول طيب ربنا بياخدو عندو في الجنه❤،،،،مكان احلى مية الف مرة من الدنيا💔💔،،،،غمرتا وتاني ما وعيت الا وانا في العنبر،،،وراجل اختي ليلى بقول لي يلا ارح،،اركبي الإسعاف عشان نودي امك لإخوانك💔💔💔،،،،امي كانت راقده ساااكنه مابتتحرك،،وامل وليلى ماسكين في بعض وببكوا بحرقة💔💔💔،،،ماقدرتا أتحمل وتاني غمرتا،،،شالوني ودوني بعربية تانية💔💔💔وصلنا عطبرة،،،كان في كمية من الخلق،،،،الجيران كلهم💔💔💔،،،واسيل وريم وباقي اخواتي كانوا واقفين برة وببكوا،،،،،انا بقوم وبقع،،،،أسيل جاتني قالت لي يمه وين يا إيناس،،،،وديتوها وين،،،يمة مشت برجولا،،،جبتوها جنازة ليه💔💔،،،،،،كنت ساكته وبحاول ابلع لساني على كم مرة💔💔،،،،عاينتا لعمتي وبتها،،،واعمامي بكره واستفزاز ودخلتا جوه💔💔💔💔،،،،مشيت شلتا توب من تياب امي،،بقيت اشم ريحتو،،وبتذكر في ملامحها💔💔💔💔،،،فارس اخوي جاا وهو مليان تراب بعد دفن امي💔💔💔،،،قولته ليهو دفنتها يا فارس،،،دفنتها بيدينك💔💔💔،،،امي ماتت بسبب اعمامي وعمتي،،،هم جاين يشمتوا فينا💔💔💔،،،،،فارس كان بعاين لي وببكي،،،انا نهائي مابكيت،،،،بس كاتمه جواي💔💔،،،دخلتا في حالة مايعلم بيها الا الله💔💔💔💔،،،،
مرة اسبوع عملنا ختمه لامي❤ وكرامة بليلة وزلابيه،،،وطلعنا انا واسيل وريم نوزع للجيران💔،،،،في،بيت كده قريب لينا،،،خبتا الباب ودخلتا كانت في مرة عجوز،،،،اديتا الكرامة،،،قالت لي انتي بت منو،،،،قولته ليها بت درة المرحومة جارتكم،،،المرة عاينت لي بخلعه ورجعت لي الكرامة،،،قالت لي مابناكل كرامة ميت نحنا💔💔💔💔 طبعا زعلتا زعل،،،يعني خلاص امي بقت منسية💔💔،،يعني في يوم امي كانت زيها،،،،بس اسي في فرق؟💔،،،شلتا الصحن وجريت برة بيتهم،،،لحقني ولد كده،،،قال لي معليش بس حبوبة راسها فات،،،جيبي الكرامة،،،قولته ليهو لا اصلا الصدقة فيكم مابتمشي💔،،،وجريييت بيتنا💔💔💔فارس اخوي لما شافني،،لحقني جوه،،،،قال لي مالك.؟قولته ليهو فارس انا عايزة امشي لأمي،،،عليك الله يافارس وديني المقابر💔💔،،،،ساقني من يدي ومشينا،،،،ودي كانت اول مرة امشي ليمة في بيتها الجديد💔،،،،،كنا شايلين معانا كمية من الاكل،،،جونا شفع جارين،،،،فارس،طلع قروش واداهم❤❤،،وأنا بديت اوزع الاكل،،،،،،كانوا فرحانين شديد❤،،،،مشوا جابوا لينا موية عشان نرش بيها القبر💔وجوو،،،،ماكنتا مقتنعه انو امي بقت تحت التراب💔💔،،،قولته لفارس ارح،،،قال لي وين وين،،،ما ح تسلمي على امي💔💔مسك يدي وساقني بنص المقابر💔،،وفي قبور صغيرة وقبور جديده💔💔قبور فيها كلاب وفيها كدايس،،،كمية وسخ ماعادية💔💔💔قعدتا في الارض وقولته لفارس،،،،نحنا بننوم في السراير وامي بتنوم هنا،،،كيف نخليها مع الكلاب💔💔💔💔قال لي امي جسمها تحت التراب،،،بس روحها فوق❤ مع خالقها❤،،،،امي راقده هنا ومعاها جاراتا❤،،،،مابراها،،،،يلا قومي ننضف القبور دي،،،قومتا واصلنا مشي لحدي اخر المقابر💔💔 كان هناك قبر امي💔💔 جديد💔،،،قعدتا جنب راس امي💔،،،فارس قومني قال لي تعالي على رجلينها،،،عشان تشوفك،،،قولته ليهو يعني يمة شايفاني💔💔،،،قال لي ااي تعالي،،قومني والشفع جابوا لينا الموية،،،نضفنا القبور الجنب امي،،ورشيناها موية❤فارس قال لي ح نجي كل جمعه،،ننضف بيت أمي وبيوت جاراتها❤
بعد فترة طويلة اكتشفت اني عندي ثقب في طبلة الاذن💔💔سمعي بقى ضعيف وطوالي في حاله مرض،،لانو ما كنتا ببكي💔💔💔،،،،،،،انا وابوي نزلنا الخرطوم،،وبقيت بمشي اعمل مقابلة كل خميس💔،،،،،،كان المفروض اعمل عملية،،بس ابوي رفض واكتفينا بالعلاجات،،،،بيتنا كان الحزن ماليهو💔💔💔💔،،،،اخواتي كانوا بهتموا بي شدييييد💔💔💔وكان ثابت عندنا كل جمعه بنمشي نزور امي💔💔،،،،،،،،الزمن داك كنتا ممتحنه شهاده الأساس وكان لازم انزل المدرسة،،،كنتا بغيب كتير بسبب مرضي💔💔لما نزلتا المدرسة كنتا كئيبة وانطوائيه شديد💔💔،،،صحباتي عزوني والاستاذات،،،بعدين مشينا فصل سابع،،،اي واحده شالت كرسيها ودرجها عشان نمشي الفصل الجديد💔وقفتا مساااافة بقيت اتذكر امي،،لما كانت بتجيني وهي،شايفة الفطور💔💔وصحباتي كانوا بقولوا لي امك سمحه زيك وقصيرة❤،،،،،ولما كنتا عيانة وجابت لي حبوب البندول💔💔،،،،وادتني قروش لمن طلعت من المدرسة💔💔،،راسي لفّ وجيت واقعه💔💔💔،،،،،صحيت في مكتب المديرة،،،قالت لي كلنا ح نموت والله،،،ربنا يرحمها،،ركزي في،قرايتك عشان تنجحي وتفرحي امك❤ماركزتا معاها،،،طلعتا مشيت البيت،،،،،،،طبعا فارس اخوي نجح وقرأ هندسة💚،،،،كان بهتم بي شديد❤كنت مكتئبه وحالتي صعبه💔💔بمشي المدرسة بحضر الحصص وبرجع💔💔،،،،،،وابوي حالتو أصعب مني💔💔،،،بس متصبر💔،،،،،،،حالتنا الاجتماعية كانت كويسة❤،،،،،،،،،،كنتا بشوف علاقات الحب،،واي واحده بتتكلم عن حبيبا،،،والرسايل الغرامية،،،،طبعا جنب مدرستنا،،في مدرسة اولاد عشان كده💔💔انا كنتا بعيده كل البعد عن الكلام دا،،،بشمئز من حاجه اسمها اولاد💔💔،،والحله كلها عارفاني،،،كنتا بخوف الاولاد مني،،،ونظراتي حاده،،ومابسمح لولد يقرب مني💔💔💔،،،،،كنتا نسخه من فارس❤،،،وبما انو انا اختو،،ماكان في ولد بقدر يتجاوز حدودو معاي💔،،،،فارس كان بثق فيني شديد وبخاف علي من اقل حاجهه❤
#بكرة🙌❤
