.ابن العم
للكاتبه طائربلا تغريد
الناشربارق العراقي
البارت الاول
اسمي ريسان عمري حالين ٣٠سنه بدت قصتي من جان عمري ٢٤سنه اعيش بلعماره والدي عايش عندي ثنين اخوان متزوجين والدتي عايشه الله يحفظهه بس مابيدهه شي والدي حكم عليه بلزواج من بت عمي وصار هوه قاتلي
اني خريج اداره وقتصاد موظف بمشروع ماي
نبدي قصتي
ريسان يمه ريسان
هايمه أمري
بعدكلبي ابوك يصيحك
جاي هسه بس اخلص هاي الصونده مال الماطور وجي
يلله بسرعه
جاي ها اها
ها يابه خيرك رايد شي
اي بويه تعال
شوكت نروح نخطب بت عمك
يابت عمي يابويه مو كتلك مالي نفس بيهه
واني كتلك تاخذ بت عمك لو والله العظيم لا انته ابني ولا اعرفك
يابويه يابعد كلبي والله ما اكدر اتزوجهه والله ما احبهه
وك ياحب يابطيخ منو بينه حب قبل الزواج كلنه عرسنه حته مشايفين نسوانه
بس بويه زمانكم غير زمانه واني اذا ما احب البنيه مستحيل اتزوجهه
لعد تطلع من بيتي وما اريد اشوفك بعد
بكيفك بويه
طلعت من البيت واني صاير نار لاكتني امي
ها يمه شبيك
يمه هاذا ابوي ناوي عل موتي
ليش اسم الله عليك
يمه ما احبه الجنان ما احبه والله ولو تظل هيه اخر وحده بلدنيه ما اتزوجهه
يمه تهده هسه وروح عل شغلك والله يحلهه
يلله يمه في امان الله
الله وياك
رحت للشغل لان دوامي بليل جان ظليت الليل كله افكر شلون اخلص من هاي الشغله
اجتني فكره اروح الجنان وحاجيهه وخليهه هم ترفظني اي ماكو غير حل
للصبح رجعت للبيت تريكت ونمت لان الليل كله سهران للعصر كعدت رحت عل بيت عمي دكيت الباب اني ادري بهيج وكت محد موجود بلبيت بس جنان
طلعت جنان
منهو بلباب
انا ريسان
يا ريسان هاذا ابن عمي شعده هسه جاي يبو شكد غثيث
ها جايه
السلام عليكم جنان
وعليكم السلام خيي شلونك
نحمد الله
تره محد هنا
ادري اني جاي عليج
عليه خير خويه
اريد احجي وياج بموظوعنه
ياموظوع
موظوع زواجنه
يازواج
شتكولون شنو رد جنان عل ريسان
أنت تقرأ
قصة ابن العم للكاتبه طائربلا تغريد الناشربارق العراقي
ChickLit#ابن_العم #طائر_بلا_تغريد #الناشربارق_العراقي #المقدمه عادات حطمت شباب دمرت عوائل ازهقت ارواح لكن هل تركناها لا بل مازلنا متمسكين بها وهي ابن العم لبنت العم يعتقد البعظ ان هاذه العاده دمرت الفتيات فقط ولكن هاذه قصتي ستكشف لكم وتؤكد ان الفتيان قد...
