ابن العم
للكاتبه طائربلا تغريد
البارت ١٥
والاخير
وكف ابو اميرن عل حيله كال
هاي تحجون صدك اشو اول مره اسمع هاذا الشي
اخي استريح خلي نسولف صلي عل محمد وال محمد
اللهم صل على محمد وال محمد
اخويه ريسان ابن اخوي وهوه مثل ابني ابوه حب يزوجه بنتي وهوه مجان قابل من الاول لاكن ابو غصبه وكله اذا مقبلت اتبره منك قبل يتزوج من بنتي واني مجنت ادري بهل شي وره العرس مكدرو يتوالمون فطلكهه بس ابو ظل غظبان عليهه وهسه ابوهه مقابل عل زواجه مو لان بتكم بس هوه رافظ زواج ريسان عقابا اله
زين وشنو يظمنلي ان ريسان راح يتراهم ويه بنتي
عمي والله اني تعلمت الدرس واني جاهز اي ظمان تريده
اخويه اني سيد وبن رسول الله اني اظمنه الك
انته عل عيني وعل راسي سيدنه بس اني رايد ظمان بلايدريسان اني حاظر الكل طلب
ابو اميره ، انته مو تكول عندك بيت ستوك بانيه
اي بعدني مكاعد بيه
طلبي تسجل البيت باسم بنتي
الكول صاحو
هاذا مو حجي ابو اميره
والله هاذا الظمانه البنتي
بقو يحجون وهوه يحجي واني ساكت اخر شي كمت وكلتلهم
اذا تسمحون حقه ابو اميره يريد يظمن مستقبل بنته عمي تره اني شاري ومراح ابيع وحته اثبتلك هلشي اني موافق
عل طلبك
معقوله تقبل
اي عمي قابل ومن باجر اسجل البيت باسمهه
ابو اميره بيهه الخير انشالله يوليدي تعيشون بلبيت طول عمركم
الله يسلمك عمي
كال السيد مدام اتفقنه خلي نقره الفاتحه الروح ام البنين تسهيل امربعد مطلعنه من البيت الولد ظلو يحجون عليهه كتلهم رجائن اني قابل ماريد حجي بلموظوع
وره كم يوم دزيت امي وخالتي اتفقو عل كولشي وراهه اخذت اميره وعقدنه محكمه وبنفس اليوم تنازلتلهه عن البيت
وره شهر صار العرس جنت فرحان الدنيه ملامتني بيوم العرس لبست قاطي وركبت سيارتي ورحت البيتنه طبيت لكيت ابويه كاعد بلصاله نزلت عل رجله وبستهه وكتله يابه كول الي اريده رظاك عليه يابه والله احبه البنيه طول عمري ماجنت اطلب شي اليه وكل الي تكوله جنت اسويه بدون سؤال بس اول مره ردة شي اليه اول مره حبيت ماريدك تزعل عليه شلت ايده بستهه ودرة وجهي وصلت للباب سمعته صاح ريسان وكفت ممصدك هاذا ابويه صاح بسمي التفتت لكيته واكف وفاتح اديه اجيت ركظت الحظنه بجيت بوقتهه كلي اسف ما راح اكدر اجي وياك بس الله يسعدك
ابتسمت وكتله اهم شي رظاك عليه
طلعت من البيت واني احس نفسي انولدة جديد صدكوني ماكو احله من فرحت رظى الوالدين عنك
رحت لكيت جماعتي محظرين السيارات طلعنه البيت اميره نزلت اول مطبيت رحت عل امي لان هيه جانت رايحه قبلي البيت اميره
بست راسهه وكتله يمه ابوي حاجاني
صدك يمه
اي والله رحت للبيت وبست رجله وراسه وهوه هم باسني وكلي راظي عليك
الف الحمد والشكر يارب
بعدين رحت يم اميره شلت البركع عنهه وكعدت مقابيلهه ظليت اباوع الوجهه كامت تظحك
هاي شبيك ريسان وك فشلتنه
ههه ليش فشلتج اري اباوع الحبيبتي ميصير اكو واحد عنده اعتراظ
كمت عل حيلي وصحت اسمعو هاي حبيبتي وريد اكعد اباوعلهه اكو واحد بيكم عنده اعتراظ
هههههههههههههههه لا عيني براحتك حقك عيني حقك
شفتي محد معترظ
وك كافي الله يخليك
هههههههههههههههه كمت كعدت عل كرسي كامن البنات يركصن بعدين جابو كيك وعصير شربنه لزمت ايدهه وطلعت اخذتهه من وصلنه للباب كتلهه اميره لابسه حذاء عاليه لو ناصيه
ليش
هسه جاوبيني
طبعا عاليه
زين تكدرين تنزعيهه
هه ليش
مو اني ناذر نذر اذا تزوجنه بس نطلع من بيتكم اخذج وشرد
هههههههههههههههه لا بربك
اي والله تدرين بيه مخبل
هههههههههههههههه اي ادري بس تدري بيه اخبل منك موهههههههههههههههه اي والله ادري بيج
لعد شوف
اميره نزعت حذائي وشلت بدلتي كتله وين مخلي السياره
براس الشارع
لعد الحكني
هههههههههههههههه ركظت
ريسان وج خرب كتلج اني اخذج وشرد مو لنتي تركظين
هههههههههههههههه ركظت وراهه والناس تظحك لزمت ايدهه وركظنه للسياره
هههههههههههههههه جان يوم موطبيعيوصلت النهايت قصتي احب اكللكم الي يحب بصدق وطهاره صدكني الله راح يوكف ويا وراح ياخذ الي يحبه ولو بعد عذاب وقت طويل
اسف تعبتكم ويه قصتي
اخوكم ريسان
أنت تقرأ
قصة ابن العم للكاتبه طائربلا تغريد الناشربارق العراقي
Chick-Lit#ابن_العم #طائر_بلا_تغريد #الناشربارق_العراقي #المقدمه عادات حطمت شباب دمرت عوائل ازهقت ارواح لكن هل تركناها لا بل مازلنا متمسكين بها وهي ابن العم لبنت العم يعتقد البعظ ان هاذه العاده دمرت الفتيات فقط ولكن هاذه قصتي ستكشف لكم وتؤكد ان الفتيان قد...