ابن العم
للكاتبه طائربلا تغريد
البارت ١١
خابرني علاوي
الو
الو علاوي ها شلونك
اني زين
ريسان ماترجع
علاوي شسوي راجع هوه ابويه هامه اني
ريسان لعد شلون
بعدني محجيت وسمع امي تبجي اثاري كاعده تسمع
يمه ريسان هنت عليك يمه
ولك بعتني برخص وبروحي شريتك
صرت اسمعه تبجي واني ابجي وياهه ماكدرت اجاوبهه حقه الي تكوله سديت المبايل منهه كعدة بلكاع وظليت انحب مثل الميتله ميت بجيت واني العزيز المحد يبجيني ظل اخوي يدك عليه واني ما اجاوب اخر شي خابرت ابن خالتي عزيز
الو
لك هلو ريسان شلونك ولك هيج تعوفنهة بعتنه ريسان
هلو عزيز اسمع اريد منك شغله
كول ريسان عيوني الك
اسمع اريدك تروح لبيت اهلي تشوفلي الاوظاع شلونهه
ليس اكو شي صاير شي
مو امي خابرتني وظلت تبجي وما ادري شنو صار
هسه تدلل بس بشرط
هسه وكتهه عزيز
دكول ماشي
يلله كول بسرعه
اريدك تروح وياي البيتنه خالتك ميته عل شوفتك
يلله ماشي انته هسه روح واني راح ابدل وروح البيتكم
صدك سديت المبايل من عزيز بدلت ورحت البيت خالتي دكيتةالباب طلعتلي بت خالتي اول مشافتني رجعت ركظ للبيت وهيه تصيح اجه ريسان اجه وج يمه اجه ريسان ماشوف اله خالتي ورجلهه طلعولي للباب جرتني للبيت شبكتني وظلت تبجي ولك ليش خاله ليش هيج تسوي بينه
خاله انتي ادره بلي صار
اي خاله ادري بس انته صدك كلبك حجر
ولك متكول امي خالتي هيج تسوي
ظلت خالتي تعاتب وتحجي ورجل خالتي يكلي هاذا الي سويته غلط لازم ترجع للبيت كتلهم ابد ما ارجع للبيت
كالو ارجع وحنه نجي وياك ونسولف ويا
لا خاله لهناك ما ارجع بس ارجع البيت خالي اكعد ميخالف
صدك رحنه البيت خالي طبينه هم ظل خالي يحجي عليه وميصير الي جاي تسويه وراح تخلي ابوك يعاند. اكثر بعدنه كاعدين ما اسمع غير امي اجتي لبيت خالي من شافتني شبكتني وكعت بلكاع ومتجي بس دموعهه تجري
يمه عل كيفج ويه روحج ليش هيجي تسوين
ولك ريسان يمه ولك نسيتني ولك اني ياما تعبت وسهرت اليل عليك عفتني حته ما سالت عليه
يمه انتي تدرين اني ماعوفج بس ابوي ظالم يمه ظلمني واني بعد ما اتحمل الظلم
ولك واني مافكرت بيه ولك الليل الي يمر علناس مانمته
بست راسه وحظنتهه
يمه فدوه اروحلج لتزعلين عليه تره والله اني مابيه الزعلج
ظلينه متحاظنين ونبجي اكثر من ساعه وراهه كال خالي ارجع للبيت وحنه نحجي ويه ابوك
كتله لا خالي اني اظل هنا عندك
لا يمه الله عليك الخاطري ارجع ولك والله فراكك كتلني
ما اكدر والله يمه ابوي ولا ساال بيه ميهمه اموت اعيش
كال خالي
يللهةخويه عوفيهةعندي واني احاجيه
راحت امي واني ظليت يم بيت خالي
ثاني يوم راح خالي لبوي حاجاه كله ابد والله يعوفنه عل مود مره ماريده
ظليت بيت خاله ست اشهر
بعدهه مليت من الدنيه طلعت الصبح والدنيه بارده مشيت وصلت يم بيت عمي دكيت الباب طلعلي ابنةعمي احمد
السلام عليكم
وعليكم السلام
عمي موجود
خير رايد شي
اي اريد احجي ويا
هسه اكله
راح لشويه رجع كلي تعال
طبيت لكيت ولد عمي ومرت عمي كاعدين ولا واحد منهم سلم عليهه كلهم ظايجين مني
سلمت وطبيت عل عمي
شافني عمي كام حظني
اني من شفت عمي هيج رتاحيت
كلي ها عمي شلونك اخبارك
والله مو زين عمي تدري بيه صارلي سنتسن طالع من البيت
ادري عمي
عمي الله يخليك بلكت تكجي ويه ابويهةبعد ما اكدر اعيش هيج عمي والله ما غلطت اني وكتلهم من البدايه اني ماهاويهه الجنان بس ابويه غصبني علزواج
ادري بويه بس لو جنت داري من البدايه ما صار كل هاذا
شوف عمي ظل انته اليوم هنا واني عندي شغله اروح اخلصهه وجيك مو تروح
لا عمي ماروح هنا ظال
طلع عمي وصه اهله عليه
ظليت محصور بلبيت كلبي نقبظ ظليت الوب اروح منا اجي منا مثل المسموم
للعصر اجه عمي
سلم وكعد كلي بس ارتاح شويه ونروح
وره نص ساعه طلعنه البيتنه كتله عمي اني ما روح وياك اظل عد بيت خالي
لا عمي ابد تجي وياي ميصير هيج حته نكدر نقنعه اني وياك
صدك رجعت ويه عمي للبيت
تلكانه ابوي
هله خويه شلونك
الحمد لله انته شلونك
يلله ريسان تعال سلم عل ا بوك
شلونك يابه
هله ريسان توك تذكرت عندك اهل
ابوعلي مو كافي الي تسويه هاذا ابنك وكافي تعاقبه عل غلطتك
غلطتي اني
اي بلي غلطتك انته لو ما جابره علزواج من بنتيجا كل هاذا ماصار
وشبيه بتك تسوه راسه
لا يخوي لتكول هيج ابنك خوش ولد وكل الناس تحجي بيه ولد خلوق وصاحب غيره بس كلبه ما هوه بت عمه شيسوي يعني
علعموم كافي زعل وتراظو
دنكت عل راس ابوي بسته وبست ايدهه وهوه هم باسني وكعدنه اجت امي يمنه وظلينه نسولف اباوع لمي وجهه ورد خطيه
ابو علاوي
كول خويه
خويه اريدك تخطب الريسان
بلله صدك تحجي انته وجاي تحرمصلي علمود ريسان الي طلك بتك
خويه انسه الي صار وزوج الولد الخاطري
والله لو تظل اخر وحده بلدنيه ما سويه وخطبهه اله
ظل عمي يتوسل بيه لليل خله عمي وراح
وراهه اني دخلت الغرفتي شتاقيتلهه ظليت بين الفرحان وبين الظايج عل ابوي الي ما قدر حته عمي
المهم مرة الايام واني الحال باقي كما هوه
بيوم خابرت اميره كتلهه اريد احجي ويه امج
كالت هسه اصيحهه
لا اميره مترهم بلمبايل اريد اشوفهه
وين
ما ادري خلي دبرهه
حاجت امهه لشوي خابرتني كالت امي تكول خلي يجي للبيت باجر ماكو احد
صدك للصبح رحت علبيتهم دكيت الباب طلعت ام اميره سلمت عليهه وطبيت للبراني
ها ريسان خير اكو شي جديد
لا والله خاله اني جيت اكلج اني راح اتقدم الاميره لوحدي
لا يمه والله ميقبلون
خاله خليني اجرب
والله لو ادري بيهم يقبلون جا منزمان كتلك تعال
خاله جا شسوي ابوي قافل فد مره سوولي حل
خاله روح قنع ابوك وتعال
ظليت يمهه اكثر من ساعه اتوسل ماكو
اخر شي كتلهه راح اروح اخر مره لبوي وشوف
طلعت منهم رحت علبيتنه طبيت لكيت امي بلمطبخ كتلهه يمه تعاي وياي اريد احجي ويه ابوي
اجتي ويا امي كعدنه كتله يابه انته ليش هيج جاي تسوي وياي
شمسوي اني
بويه اريد اتزوج
ياريت باجر اخطبلك
اني كيفت كلت بلكت الله حن عليه
بس كلي ومنين تريد اخطبلك
بويه بنيه حبابه والله وهلهه خوش ناس
شوف بويه تريد اخطبلك من الصبح اخطبلك بس هاي البت لا لو تموت ما اخطبهه
اي ليش هيج هاي الي بسببهه طلكت بت عمك وشردة من البيت ماريدهه متطب للبيت اله واني ميت
يمعود
كال ابد
كمت دخلت الغرفتي والدنيه سودة بعيني قفلت باب الغرفه ودكيت عل اميره شالته كالت الو
الو اميره شلونك يبعد كلبي
اني زينه بس انته شبيك
مابيه شي بس اميره بداعتي انتي تحبيني
صدك ريسان تسال هلسؤال
اي جاوبيني
والله احبك وموت عليك والله ما اكدر اعوفك دقيقه وحده
الله عليج اميره لتنسيني بس عيشي حياتج لتظلين عايشه عل ذكراي
هاي شبيك ريسان يمعود شتحجي انته
اميره اني احبج وما اكدر اتخله عنج واني حلفتلج ذاك اليوم بلحمزه تذكرين من كتلج بس الموت يفرقنه عنج
ريسان هاي شبيك شنو جاي تحجي هاذا ياموت اسم الله عليك
الله وياج اميره احبج
سديته منهه وجتني فكرة الانتحار هاي هيه شعندي ظال بعد ما اظل عايش
اميره من سمعت ريسان هيجي يحجي عرفت بيه راح يسوي شي بروحه رحت لمي كتلهه يمه الحكي ريسان مدري شراح يسوي بروحه
ولج شمدريج
يمه خابرني ودعني وسد اتلفون
يمه شسوي راح يروح مني
اكلج ذاك اليوم مو خابرنه من رقم ابن خالته
اي يمه
عندج بعدهه
يمكن
دشوفيهه وخابريه خلي يلحك علولد
صدك دورة الرقم خابرت لبن خالته عزيز دك
شاله
كال الو
الو عزيز
بلي اميره مو
اي اني اميره عفيه عزيز الحك عل ريسان مدري شراح يسوي بروحه
لا بلله شمدريج
خابرني وجان يودع بيه
انه خوك يلله هسه رايح يمه اني
اي خيي بسرعه الحك عليهة
سد المبايل مني واني كعدت بلكاع كمت اشهك ودك
شتتوقعون شسوه ريسان
أنت تقرأ
قصة ابن العم للكاتبه طائربلا تغريد الناشربارق العراقي
Chick-Lit#ابن_العم #طائر_بلا_تغريد #الناشربارق_العراقي #المقدمه عادات حطمت شباب دمرت عوائل ازهقت ارواح لكن هل تركناها لا بل مازلنا متمسكين بها وهي ابن العم لبنت العم يعتقد البعظ ان هاذه العاده دمرت الفتيات فقط ولكن هاذه قصتي ستكشف لكم وتؤكد ان الفتيان قد...
