قصة ابن العم للكاتبه طائربلا تغريد الناشربارق العراقي

ابن العم البارت ٩

ابن العم
للكاتبه_طائربلاتغريد
الناشربارق العراقي
البارت ٩
كلي هلو
هلو وظحكت
معقوله انتي اميره
ونته ريسان
اي اني والله بس اني وين ونتي وين
هههههههههههههههه ليش انته هم حلو
لا عمي انتي صدك اميره تخبلين
يلله اني اروح لان ماما تنتظرني
فد شويه ابقي
لا ما اكدر والله
مرت ايام واشهر كلت بلكت ابويه شويه ينسه الي صار بس ابويه لا بلعكس منسه ابد فديوم خابرتني اميره وهيه تبجي
الو ريسان الحكلي
ها حبيبي شبيج
ريسان عمي جايبلي اس يخطبوني
جذب منين ذوله
ما ادريي يكول اصدقاءه 
ونتي شكلتي
رفظت طبعا بس عمي كلش قافل عليهم وابوي يحب عمي ويسمع كلامهه
اكلج ظلي ارفظي لحد ما اكل لهلي واجي اخطبج
اوكي بس ستعجل عفيه
اي ميخالف اليوم راح احاجيهم
خوش يلله اني اروح
يلله الله وياك

رحت لكيت امي كاعده بلمطبخ كعدة يمهه كتلهه اكلج يمه
ها يمه كول
اريد اخطب
يا صدك
اي والله
ياريت والله
يعني شتكولين اب ي يقبل
والله يمه ماادري بس نكله ونشوف بس هيه منين البنيه
يمه متعرفيهه
جا انته منين عرفتهه هيه نفسهه ام المبايل
اي يمه هيه
جا ايس ابوك مايرظه
وليش ما يرظه هاي حياتي مو كافي الي سوا بيه
والله يمه شكلك الله يهديه
انتي كليله وخلي نشوف
ميخالف هسه اروح احاجيه
راحت امي واني ظليت انتظر ساعه اروح الغرفتي ساعه اروح اتصنط هههههههههههههههه صرت مثل الجاهل الي يريد شي ومنتظر راي اهلهه
وره شويه سمعت صوت ابويه يعيط لشويه طلعت امي كالت تعال ابوك يريدك
طبيت عل ابويه اول مشافني كلي
ها ريسان تريد تتزوج
اي بويه
ومنين هاي العروسه
بويه اخت صديقي.،،،،،،،،،،،،،،    لعد شكله
ها بيهه الخير بويه وتريدني اروح وياك اخطبهه مو
اي
وجعي والله والخلقك ما تصيرلك مره مادامني عايش
بويه ميصير هيج انته تعف من الب.ايه اني ماحب جنان
وهاي تحبه مو
اي بويه احبه والله
الله يخليك بويه لتصعب الامور
لا يبويه لا اصعب الامور ولا هم يحزنون روح اخطبهه لوحدك لان لا اني ولا اخوتك ولا امك نروح وياك سمعت وقسما برب الكون اذا تجرات وخطبتهه لا انته ابني ولا اعرفك سمعت وكوم اطلع احسن ما ارفس بطنك
طلعت من ابوي واني نار صاير رحت يم اخوي علي سولفتله الي صار كلي
ريسان انتظر شويه بلكت يهدء ويقبل
يمعود لشوكت اتاني والله اهلهه يردون يزوجونهه
شوف اذا تحبك متقبل
واذا جبروهه اهلهه
شوف ثق بلله اذا الك متصير الغيرك بس انطي صبر شويه
الله كريم راح اصبر كم يوم وشوف
طلعت من بيت اخوي خابرت اميره
الو حبي
هلو عيني شلونك
انتي شلونج
اني زينه ذوله الي جابهم عمي رفظتهم وكلت لابويه ما اريد اتزوج هسه
اي كلش زين
بس انته شسويت
اكلج اميره اريد اسولف وياج عندي موظوع
اي حبي سولف شوفي اميره وسمعيني للاخير لتتسرعين بلحكم
خير ريسان شو خوفتني
لا لتخافين ماكو شي بس لازم تعرفين كولشي عني
ليش انته اكو شي ظامه
اي اكو شي اسمعيني
سولفتلهه كولشي ظلت ساكته حته متنفست من خلصت
ها اميره سمعتيني   اميره    اميره
ها ريسان
سمعتيني
اي سمعتك
وشكلتي
خليني استوعب الموظوع يعني انته هسه متزوج
لا جنت متزوج وطلكتهه
وهسه ابوك ميقبل يخطبلك مو
اي بس اني راح اظل. وراه لمن يقبل
وبعدين
اميره بس ابقي ويا ي والله زا عوفج
اسمع ريسان اني حبيتك وما راح اكدر اعوفك بس هاذا الي تحجيه كلش هوايه عليه نطيني مجال اسولف ويه ر حي وشوف
سولفي يبعد روحي بس لتنسين اني شاريج وما عوفج لمن اموت
يلله هسه روحي رتاحي
الله وياك
سديت التلفون منهه واني ميت حسبه اجت بالي كلت اذا مقبلت شلون شراح اسوي
واذا قبلت شلون بابويه
رجعت للبيت تعشيت ورحت للشغل بذاك اليوم ما خابرت اميره كلت خليهه تفكر زين للصبح لكيتهه دازتلي بيت شعر

‎خيالك من طرف عيني…… ولا راح
‎وذكرك دوم بألساني…… ولا راح
‎أسمك عايش بقلبي…… ولا راح
  ‎وأذكرك كل دقيقه تمر عليه ...
     
رديت عليهه

#ااااخ وينك؟؟؟
خل #اسولفلك تعال.
براس #اذاني شگد داگه #حجاياتنه.
احنه #عشرتنه مثل #خبزه_ويتيم
يعني بس #الله يطب #بيناتنه...
#شصار؟
#ليش؟
#شلون؟
#معقوله!!
#محال.
ما اصدك #تختلف_نياتنه.
ذني: #راحن
ذني: #طاحن
ذني: #هيج
خلي #نحسبهن عدل #حسراتنه
واكفه بنص #عيني ذيج #الذكريات
#وجدمي واكف يم اثر #خطواتنه
احنه #واحد كلمه صارلهه #سنين
منين #طلعت كلمه #اثنيناتنه ...

بعدين خابرتهه كتلهه بس الموت يفرق بيناتنه
مرت الايام واني عايش عل مخابراتهه وكول كم يوم اجيب ناس عل ابويه حته يخطبلي حبي بس كول الي يجيه يرجعه زعلان
جبت ساده وعلماء وشيوخ ولا فاد حته رحت العمي ابو جنان هم حاجيته وتوسلتله يجي وياي بس مرظه
وره كم يوم خابرت عل اميره متجاوب رديت هم ماكو  للعصر هم خابرت هم ماكو ظليت تلث ايام اخابر محد يجاوب فخابرت عل امهه دك دكتين شالت المبايل وهيه تبجي

شتكولون شبيهه اميره