ابن العم
للكاتبه_طائربلا_تغريد
الناشربارق العراقي
البارت الخامس
سمعت صوت ابوي يصيح وحسيت بيه يدفر بيه فزيت وكفت عل حيلي كتله هابويه شبيك
ابن ال ،،،،،،،،، ليش ولك تروح لعمامك عل جنان
جا شتريدني اسوي
تاكل ،،،،،،،
بويه رحمه لهلك جوز مني عاد
ولك اليوم اصكطك والله سودت وجهي كدام اخوي
بويه تره اني هم ابنك
ابن عاق هسه تروح لعمامك وترجع جنان
والله ما ارجعهه لو هسه تموتني
هيج يعني
اي هيج انته ماتدري شسوت بيه
لا ادري كالتلك روح سوي تحليل غير
بويه مو هيج الطريقه بويه هانتني ولا تحترمني
والله بويه ما ارجعه وشتريد تسوي سوي
عفته وطلعت من البيت
رحت البيت منتظر كتله اريد انام فرشلي فراش ونمت للعصر يالله كعدت
لكيت البيت هدوء اخويه عنده ثنين بنات بس هادئات
طلعت للصاله لكيتهم كاعدين عل التلفزيون
سلام
هله بريسان شبعت نوم
اي والله خويه كلش جنت تعبان
تعال تغده هسه وبعدين نسولف
تغديت وكعدنه اني ومنتظر بلبراني نسولف
خويه ريسان انته شنو الي تريده
والله ما ادري اني محتار
خويه تحبلك وحده كول
لا والله مابالي اي وحده
جا شعدك
خويه ما طايقه والله العظيم كل يوم اكول كافي ريسان هاي قسمتك ارظه بيهه ورتاح بس ما اكدر
خيي لتعذب نفسك الله كريم بس حاول شويه تصير زين ويه البنيه حته هيه تصير زينه وياك ولتنسه هيه بت عمك
وشملطم بيه غير بت عمي
يلله خويه روح البيتكم تره ابوك اجه يدور عليك
شيريد بعد مني دمرني دمار
الله كريم خويه
يلله اني رايح
رحت للبيت لكيت جنان بلبيت
يمه منو جابهه هاي
اخوهه وكاتلهه كتله وكال اذا تطاولت عليكم بعد بس كلولي
لا بلله وهسه شلون
شني شلون استهده بلرحمن وعيش ويه البنيه
يوووو خلي اولي احسن
طبيت للغرفه وحته للعشه ما طلعت
اجتي جنان
ريسان ريسان
ها شكو
اني اسفه
بعد وكت
ريسان تره انته الي تخليني هيج اتصرف
هااااا شلون بلله
من تصرفاتك وياي ادري بيك متحبني ونغصبت عليه بس اني شبيدي اني ماعندي كلمه حته من زعلت هم اهلي رجعوني غصبن عليه ما اكدر اعترظ عل شي
جنان اني مجاي اتقبلج والله انتي حبابه وحلوه بس نفسيتي كلش ظوجتني مترظه تتقبلج
وهسه شلون بلله انته لا تتقبلني وهلي لا يقبلوني وين انطي وجهي غطيت وجهي بايديه وكمت اشهك بجي
ريسان ظجت حيل عليهه وكلت لازم اغصب روحي عليهه
جريتهه وخليتهه عل صدري وكمت امسد عل شعرهه وكتلهه اششششش لتبجين الله كريم لتبجين
مرت الايام واني ظاغط عل روحي ما ارجع للبيت غير لليل
فد يوم نزلت بلفيس بيت شعر كلت بيه
كلبي من العشك طابع...... وشم بيك
واحسك روحي بالدنيا...... وشم بيك
لو اكضي العمر احضن...... وشم بيك
جهنم مو خساره تصير اليه😘😘😘
جاوبتني وحده كالت
ليش من اغمض العين رسمك يجيني
مدري انته رمش العين مدري انته عيني
فكتلهه
يسألني ملك الموت
روحك شجاها
گتله حبيب الروح
گبلك خذاها
فجاوبت
يهل روحك عله الطيبات تربه
وتضل عيني على دربك تربه
أريد اكعد عله مصلاك تربه
وابوسك من تحط كصتك عليه…
فكتلهه
اهلا وسهلا بيك وياهله بروحي ومن شفتك من بعيد طابن جروحي
فجاوبت
اهلا وسهلا بيك ياروحي انته❤
الكلب والدكات انته الاخذته💖
# الشاعره نور المياحيه
فكتلهه
ﻻتحجي بعالي الصوت سولفلي بسكوت
ثق واعتقديفﻻن بس تزعل نموت
بعدين ظحكنه وظلينه نسولف محسيت بلوقت لمن كالت اني فوني راح يطفه شحن واني هم طفيت هههههههههههههههه
ليش هسه بيش الساعه
الساعه بتلاثه هسه
حيل ولا ادري بلوقت هههههههههههههههه
يلله تصبح عل خير
ونتي من اهل الخير
باجر موجوده
اكيد
زين لعد اشوفج
انشاء الله
باي
بايات
هههههههههههههههه
دخلت للغرفه لكيتهه نايمه بدلت ونمت للصبح كعدت محد بلغرفه طلعت للصاله ماكو بلبراني هم ماكو ولا واحد بلبيت طلعت للحديقه
أنت تقرأ
قصة ابن العم للكاتبه طائربلا تغريد الناشربارق العراقي
ChickLit#ابن_العم #طائر_بلا_تغريد #الناشربارق_العراقي #المقدمه عادات حطمت شباب دمرت عوائل ازهقت ارواح لكن هل تركناها لا بل مازلنا متمسكين بها وهي ابن العم لبنت العم يعتقد البعظ ان هاذه العاده دمرت الفتيات فقط ولكن هاذه قصتي ستكشف لكم وتؤكد ان الفتيان قد...
