امتلاك بالاجبار

امتلاك بالاجبار الحلقة 1

رواية امتلاك بالاجبار الحلقة 1<br>
فى حى شعبى من احياء القاهرة تستيقظ بطلتنا على رنين هاتفها<br>
عيون بتعب:الو<br>
الاء:يخربيت سنينك انتى لسة نايمة لحد دلوقتى قومى دى المديرة هتطلع عنيكى<br>
عيون:احنا بالصلاة على النبى مش بنخاف من حد وبعدين انتى لو تعرفى ايه اللى مصحينى متاخر هتعذرينى<br>
الاء:عمتك برده مش كدة<br>
عيون:ايوة ياختى هو فى غير عمتى ....بحسها امنا الغولة فى نفسها... بس هعمل ايه كفايا هى مقعدانى ف بيتها بعد موت ابويا وامى الله يرحمهم<br>
الاء:معلش ياعيون استحملى ان خلقنا الانسان فى كبد..دى اكيد ياعينى خليتك تسهرى على الموعين مش كدة<br>
عيون:نهايتوا بقولك ايه هى الساعة كام دلوقتى بس يعنى على فكرة انا مش مدرسة انا اخصاءية يعنى ملوش لزوم اصحا من صباحية ربنا علشان اروح المدرسة<br>
ولا ايه<br>
الاء:الساعة 8 ونص ياعيون تعالى منا برده اخصاءية زيك بس انتى عارفة ان من ساعة م جوزى الله يرحمه م مات مبقتش احب قاعدة البيت خالص<br>
عيون:ايوة جاية على طول مش هتاخر بس ربنا يصبرنى على ام الاتوبيس اللى بركبه كل يوم دة<br>
الاء:ربنا يصبرنا كلنا ياعيون الحامى ربك اخلصى بقا انا زهقانة<br>
عيون:ماشى ياختى ....اصل انا شوية لب هييجوا يسلوكى.... يلة سلام يااخرة صبرى<br>
الاء:سلام<br>
قفلت عيون مع الاء ولبست لبس محترم علشان تخرج من الاوضة خرجت منها ودخلت الحمام غسلت وشها ودخلت الاوضة لبست ونزلت<br>
فى الشارع<br>
قدام عربية الفول<br>
عيون:صباح الفل ياراجل ياطيب<br>
برعى:صباح القشطة على ست البنات كلهم<br>
عيون:يلة ياعم برعى عصافير بطنى بتسوسو يلة اشجينى بسندوتشات الفول انت عارف مش بعرف اقاومهم<br>
برعى:من عينى ياست العرايس <br>
عملها السندوتشات <br>
عيون خدتهم<br>
عيون:تسلملى ياراجل ياطيب سلاموز<br>
برعى:سلام يابنتى ربنا يستر عرضك يارب<br>
عيون:تسلملى ياعم برعى سلام<br>
برعى:سلام<br>
فى مدرسة ما<br>
الاء:مش مواعيد دى ياعيون ايه التاخير دة <br>
عيون وهى بترمى نفسها على الكرسى بتعب<br>
عيون:ونبى اتنيلى دة انا بيطلع عينى والله لسة متخنقة مع واحد والله ناقص رباية قاعدة ف امان الله هو  عمال كل شوية يقرب لحد م قرب  يلزق فيا اتخانقت معاه وفرجت العربية كلها عليه<br>
الاء:احسن يستاهل...لحد امتى هنفضل نخاف تصدقى فى بنات بتخاف تتكلم لحسن يكون معاه مطوة ولا حاجة يغزها بيها<br>
عيون:ربنا يحفظنا ياالاء<br>
الاء:امين يارب <br>
فى بيت عيون<br>
اعتدال:هى السنيورة مشيت <br>
ايات وهى باصة فى المرايا مبسوطة بنفسها وبجمالها<br>
ايات:ايوة يامامى مشيت وبليز بلاش كلام فى سيرة الناس  وقربت منها وقالت:يلة بقا يامامى  اتجدعنى كدة وهاتى فلوس اركب تاكسى مش معقولة واحدة بجمالى دة وتركب اتوبيس زى المحروسة عيون<br>
اعتدال:انتى يابت انتى على طول عايزة فلوس خدى ياختى على الله يطمر فيكى<br>
ايات:هيطمر يادودو يلة سلام<br>
فى كافيتريا الجامعة<br>
غادة:انتى مش هتبطلى كلام فى سيرة ايات لحد امتى هيفضل الحقد مالى قلبك من ناحيتها<br>
بسمة:انا...اخص عليكى...طب يعنى ايات عندها ايه مش عندى طب والله انا لو قلعب الحجاب دة وعملت ربع اللى بتعمله فى نفسها لهمشى ورايا الجامعة كلها<br>
غادة:دة اسمه احساس بالنقص يابسمة<br>
على دخل عليهم وقال<br>
على:بتعملوا ايه<br>
غادة:الناس بتقول صباح الخير مش بتعملوا ايه<br>
على:ياستى اسفين لجلالتك هى ايات لسة مجاتش ولا ايه دى المحاضرة قربت تبدا
بسمة:لا مجاتش... لو عايز تقعد معانا لحد متيجى اوك مفيش مشاكل<br>
على:اشطا <br>
وقعدوا يرغوا شوية لحد مجت ايات اللى حطت ايدها على عيون على<br>
على:قديمة...دى انتى ياايات<br>
ايات قاعدت على الكرسى اللى جمبه:يوووو عرفت منين انه انا<br>
على:البرفيوم اللى انتى بتحطيه كل يوم مش محتاجة زكاء<br>
ايات:اه صحيح هو انت قاعد بتعمل ايه عندك<br>
على بعدم فهم:مش فاهم قصدك ايه<br>
بسمة:دى اكيد بتغير عليك ياعلى قوم لاحسن تضربك ولا حاجة<br>
وضحكت على اتعصب وقال:تضرب مين هى تقدر...دة انا اكسر ايدها<br>
ايات مسكت ايده وغمزتله وقالت:احبك وانت عنيف وكملت بدلع وقالت: يلة بقا خلينا نخش المحاضرة سلام يابنات<br>
على وايات مشيوا رايحين المحاضرة<br>
غادة: الغيرة باينة فى عنيكى اوى على فكرة<br>
بسمة:انا بغير وهغير ليه ان شاء الله وكمان على دة مش استايلى خالص<br>
غادة:ماشى يابسمة يلة قومى عجبتك القاعدة ولا ايه <br>
بسمة:يلة<br>
فى حى راقى جدا<br>
وفى فلة كبيرة ومنظمة<br>
جاسر ينزل ومعاه مفاتيح العربية <br>
جاسر:صباح الخير<br>
فاطمة:صباح الخير يبنى تعالى افطر معانا<br>
جاسر:لا ياستى مش جعان هى بسملة صحيت ولا لسة<br>
صافى بتكلمه وهى بتاكل وتقول:بنتك شكلها مش هتصحا دلوقتى خالص سهرت على البلاى ستيشن طول الليل<br>
فاطمة:طب متروح يبنى تصحيها علشان خاطرى <br>
جاسر:خلاص براحتها انا مش فاضى للكلام دة انا عندى اجتماع مهم ولازم اروح الشركة بدرى <br>
ومشى <br>
فاطمة:ايدة يعنى الواد يقولك صباح الخير وانت متردش عليه
الالفى باشا:متكبريش الموضوع هو قال صباح الخير ليا يعنى مقالها ليا وليكى ولصافى وانتى عارفة حفيدك كل كلمة بيقولها من تحت ضرسه <br>
<br>
<br>
<br>
فاطمة:بسببك انت عمرك محسسته بطعم الابوة وبالتالى مش عايز يعرف البنت يعنى ايه اب ولا هيعرف يعوض البنت عن امها<br>
صافى ببرود:احنا مالنا بكل دة..هو احنا اللى قولناله يروح يقتل مراته..وبعدين الموضوع دة خلاه يكرة بنته اللى من لحمه ودمه <br>
فاطمة بعصبية:صافى مش عايزة اسمع منك كلام فى السيرة دى انتى فاهمة هو قتلها علشان خانته مش علشان قاتل ومفيش اب بيكره بنته انتى فاهمة ولا لا<br>
الالفى باشا:خلاص ياامى بلاش تتعصبى انتى تعبانة<br>
فاطمة:انا هطلع استريح فى اوضتى خلى الشغالة تجيبلى قهوة<br>
الالفى باشا:حاضر ياامى<br>
وطلعت<br>
الالفى قرب من صافى وشدها ليه<br>
صافى:يووو يخربيتك اتهد<br>
الالفى:هو اللى متجوز واحدة زيك يعرف يتهد ابدا<br>
وباسها فى شفايفها وهنا<br>
سكتت شهرزاد عن الكلام الغير مباح<br>
فى اوضة بسملة<br>
فاطمة بتصحيها<br>
فاطمة:بسملة  قومى ياحبيبة سته بسملة>
بسملة:اوف بقا بسملة تصحى دوواقتى لا بسملة تعبانة وعايزة تنام اه<br>
فاطمة:يعنى مش عايزة تروحى المدرسة وتشوفى صحابك وتلعبى معاهم<br>
بسملة:لا بسملة عندها صحاب لا بسملة لوحدها اه<br>
فاطمة زعلت على بنت حفيدها وقالت:طب قومى كلمينى انا ست كبيرة ومش حمل مناهدة<br>
بسملة قامت وقالت:ها تيتة <br>
فاطمة:خلاص الوقت اتاخر ومينفعش تروحى المدرسة دلوقتى<br>
بسملة:تيتة عسل وانا بحبها قد البحر <br>
وحضنتها وباستها<br>
فاطمة:ماشى ماشى كلى بعقلى حلاوة ياست بسملة <br>
بسملة:بسملة تكمل نوم اه تصبحى على خير<br>
وشدت اللحاف عليها وكملت نوم<br>
فاطمة:ربنا يهديكى يابسملة<br>
فى مدرسة ما<br>
طق طق<br>
عيون:هى المديرة مش موجودة هنا لو سمحت<br>
لقت واحد عمال بيبصلها برغبة واضحة هى حسيتها<br>
الرجل:لا مش هنا <br>
عيون:الحقيقة كان فى ملف عن طالبة فى المدرسة هى كانت طالباه منى ضرورى<br>
الرجل:اه تعالى حطيه على المكتب هنا<br>
عيون بتمشى ناحية المكتب وبتحاول تكون قوية <br>
عيون حطت الملف على المكتب وحست بايد الراجل بتمر على جسمها  وباسها فى رقبتها حست بقرف وبعدت عنه بسرعة<br>
عيون بعصبية:انت راجل قليل الادب انت ازاى تعمل كدة ايه الجراه اللى انت فيها دى.... دة انا هفضحك فى المدرسة كلها<br>
الرجل:امشى ياشاطرة من هنا...انتى متعرفيش انا مين ولا ايه<br>
عيون:لا انا ميشرفنيش اتعرف على واحد قذر زيك<br>
الرجل بعلو صوت:اتلمى يابت بدل مدفنك صاحية فى مكانك انتى فاهمة دة انا ممكن اقطع عيشك فى ثانية لانى ابقا  جوز مديرة المدرسة وتخيلى بقا انا ممكن اعمل ايه<br>
عيون:هو انت متخيل انى ممكن اقعد فى المدرسة دى بعد انهردة بلغ المديرة باستقالتى عن اذنك<br>
ومشيت<br>
فى اوضة المدرسين<br>
عيون قعدت على المكتب وعيطت<br>
الاء:فى ايه ياعيون ايه اللى حصل<br>
عيون بعياط:الدنيا جات عليا اوى ياالاء انا تعبت بجد..تصورى راجل بجد معرفش بعنى ايه تربية حاول يتحرش بيا فى مكتب المديرة وقولتلوا انى ماشية من هنا<br>
الاء:انتى مجنونة تمشى فين دة انتى المفروض تفضحيه فى المدرسة كلها <br>
عيون بعياط:افضح مين بس ياالاء دة يبقى جوز المديرة يعنى ممكن يحرف الكلام واكيد المديرة هتصدق جوزها يعنى<br>
الاء:طب هتعملى ايه ياعيون<br>
عيون:مش عارفة ياالاء مش عارفة بجد<br>
قى حارة العزبى<br>
عيون ماشية فى امان الله <br>
ايه ياجميل حورية الحارة ماشية لوحدها ليه
لا يبنى دى فاقت الحورية بمراحل متيجى ونجيب مليجى ياقمر<br>
طب بدل متمشى لوحدك تعالى واحنا هنسليكى<br>
اموت انا  فى التقيل<br>
كانوا بيمشوا وراها وهى ماشية ولا كانها سامعاهم <br>
كانت مرعوبة مش اول مرة تتعاكس فى الحارة<br>
ودخلت البيت<br>
فى الجامعة<br>
ايات:يخربيت رغي الدكتورة دى ... دة انا بنام فعلا..ربنا يتوب علينا من المحاضرة دى بقا
على:بقولك ايه يايويو<br>
ايات:ايه يالولو<br>
على بعصبية:ايه لولو دى ياايات والله راجل مش عامل ضفيرة فى شعرى علشان تقوليلى الكلمة دى<br>
ايات:ياعم متقفش بهزر وبعديت انت عارف مش بحب يويو دى بتحسسنى انى بنت اختك الصغيرة<br>
على:سيبك بس من الموضوع دة وخلينى اقولك الكلمتين اللى فى دماغى بدل منساهم<br>
ايات خايفة يتكلم معاها فى حوار الخطوبة هى مش عايزة تتخطب خالص<br>
ايات:قول ياعلى بس لو هتتكلم معايا فى موضوع الخطوبة ياريت بلاش كلام فى السيرة دى لانك عارف ان مفيش خطوبة غير بعد مخلص جامعة صح ولا لا<br>
على مسك ايدها وقال:بس انتى عارفة انى بحبك ومقدرش اعيش من غيرك وانا اهو بقولك طالب الحلال<br>
مش بعمل زى الشباب التانية اللى بينطوا من الشباك<br>
ايات:وانا كمان بجبك بس يعنى مش لازم نعرف بعض اكتر انا معنديش استعداد ان يتعلم عليا فى الشارع بتاعنا يقولوا اتخطبت وفسخت ولا ايه<br>
على:ياستار يارب هو انتى مقتنعة انى لو خطبتك هفسخ الخطوبة على فكرة انا مش النوع اللى ياكل وبشرب ويخرج وفى الاخر يقول كان فى وخلص<br>
ايات:برده لازم  نستنى شوية بليز ياعلى<br>
على:حاضر ياايات زى متحبى<br>
فى بيت عيون<br>
عيون:السلام عليكم<br>
اعتدال:وعليكم السلام ياختى ايه جاية بدرى مش عوايدك يعنى<br>
عيون:انا تعبانة وعايزة انام<br>
اعتدال:خدى هنا تنامى ايه دى الموعين قد كدة جوة والبوتاجاز زى الزفت روحى اعمليهم<br>
عيون بتعب:ياعمتى بقولك تعبانة والموعين دى مش بتخلص ولا ايه<br>
<br>
اعتدال:لا ياختى مش بتخلص خشى اعملى اللى قولتلك عليه وبعد كدة اعملى الفطار لاحمد اكيد جاى من الشغل تعبان وعايز ياكل<br>
عيون فى سرها:بالسم الهارى يارب ارحمنى وعلى اساس انه مفطرش فى الشغل يارب قوينى على العيشة دى
بليل<br>
فى فلة الالفى<br>
جاسر ركن العربية ودخل الفلة لقا فى وشه صافى<br>
جاسر:اوعى من وشى<br>
صافى:هو انت لحد امتى هتفضل مكشر فى وشى بالطريقة دى<br>
جاسر:اخر مرة هقولها اوعى من وشى والا متلوميش الا نفسك<br>
صافى:مهو عنفك دة هو اللى مخلينى هموت عليك<br>
جاسر:طب يارب هو انا اكره انك تموتى علشان ارتاح من وشك دة اوعى كدة<br>
جاى يمشى بس هى مسكت ايده وقالت:انا مش فاهمة فى حد يلاقى المتعة ويرفضها دة انا بقولك انا ملك ايديك<br>
جاسر حس بقرف من ناحيتها<br>
بصلها وقال:النوع الرخيص ميلزمنيش... انتى اخرك متعة رخيصة مع واحد قد ابوكى واوعى ايدك القذرة دى عنى انا جاى مهدود وتعبان فمتخلنيش اطلع هموم الشغل كله عليكى<br>
سابت ايده <br>
هو طلع الاوضة خد الشاور بتاعه ونام بسرعة من كتر التعب اما هى كانت هتموت من كتر العيظ والعصبية
تانى يوم <br>
فى بيت عيون<br>
عيون:الو<br>
الاء:لقيتلك شغل فى مدرسة لغات والمرتب حلو اوى بس اهم حاجة حلاوتى متنسهاس<br>
عيون بفرحة:حبيبتى ياالاء ربنا يخليكى ليا يارب<br>
الاء:عيب عليكى ياعيون انتى اختى يابت<br>
عيون:تسلميلى ياروحى😍
الاء:هتستلمى الشغل من اول بكرة العنوان ..................هتروحيلهم الساعة 6 الصبح اشطا ولا ايه<br>
عيون:اشطا بس.. دى اشطا ومهلبية ورز بلبن وكل حاجة حلوة <br>
الاء:ههههههههه سلام يامجنونة<br>
عيون بتبص لقت مازن على الوايتينك<br>
عيون قفلت مع الاء<br>
عيون:الو <br>
مازن:عيون انا محتاج اشوفك ضرورى<br>
عيون:طب مفيش وحشتينى دة انت وحشنى اوى يامازن<br>
مازن:عيون انا مستنيكى فى المكان اللى دايما بنتقابل فيه ياريت متتاخريش<br>
عيون بقلق:طب قلى فى ايه انت قلقتنى كدة<br>
مازن:لما اقابلك هتعرفى كل حاجة <br>
عيون:ماشى سلام<br>
مازن:سلام