امتلاك بالاجبار

امتلاك بالاجبار الحلقة 13

امتلاك بالاجبار الحلقة 13<br>
عيون وهى ماشية رايحة اوضة بسملة كانت بتكلم نفسها:انسان فعلا بجح وبارد وقال ايه عايزنى انا اخدم على المعازيم شكله كدة والله اعلم اتجنن يعنى لو الناس شافونى وانا بخدم عليهم هيقولوا عليه ايه<br>
فضلت تكلم نفسها كتير لحد مدخلت اوضة بسملة<br>
فى اوضة بسملة<br>
طق طق<br>
عيون:بسملة حبيتى ممكن ادخل<br>
بسملة بزعل:عيون تدخل لا<br>
عيون عملت نفسها بتعيط فبسملة زعلت عليها وقالت:خلاص خلاص عيون تدخل اه عيون تقعد مع بسملة اه<br>
عيون ضحكت على براءة بسملة<br>
راحت وقعدت جمبها وقالت:بسملة لازم تعرفى انى مش بس صاحبتك انا كمان زى امك يعنى اللى بتحسى بيه ياريت تقولهولى فاهمانى يابسملة<br>
بسملة:بسملة فاهمة اه<br>
عيون:يعنى مينفعش تضربى صحابك انتى غلطتى لما عملتى كدة وغلطتى اكتر لما زعقتى للمدرسة بتاعتك مش دى اللى بتعلمك فيبقى لازم تحترميها<br>
بسملة:بسملة عايزة صحاب اه<br>
عيون:هيبقى عندك ياحبيتتى عارفة ازاى...لما تحترميهم<br>
وتساعديهم فهما هيحبوكى وهيحبوا يلعبوا معاكى...اوعدينى انك هتسمعى الكلام ومش هتعملى حاجة غلط تانى فى المدرسة والا هخاصمك ومش هكلمك ابدا ابدا ابدا<br>
بسملة:بسملة تسمع كلام اه<br>
عيون:قولى اوعدك ياعيون<br>
بسملة:اوعدك عيون<br>
عيون ضحكت وخدت بسملة فحضنها<br>
واتفقوا مع بعض على خطة هيعملوها بكرة<br>
فى الصالة<br>
عيون ماشية لقت الشغالة سالتها على جاسر بيه قالتلها فى مكتبه فقررت تروح<br>
فى مكتب جاسر<br>
طق طق<br>
عيون دخلت وقالت:جاسر.انا...قصدى استاذ جاسر كنت عايزة اكلمك بخصوص بسملة<br>
جاسر وهو حاطت رجل على رجل:هو انتى ازاى تدخلى من غير مقولك انا كدة...اطلعى خبطى تانى ولما اقولك ادخلى يبقا ادخلى<br>
عيون بضيق:حاضر<br>
عيون فى سرها:دة ياخد جايزة نوبل فى الرخامة صبرنى يارب<br>
راحت وخبطت فعلا تانى هو قالها ادخلى وفعلا دخلت<br>
عيون:اظن كدة استريحت<br>
جاسر رما دفتر لعيون هى مسكته قبل ميقع فى الارض<br>
جاسر:انا دلوقتى هقولك على شوية طلبات لازم يتجابوا ويتعملوا قبل الحفلة مش عايز اى غلطة<br>
عيون:طب متخلى اى حد ييجى يساعدنى<br>
حاسر:لا انا عايزك تعملى الموضوع دة لوحدك من غير مساعدة حد<br>
عيون:بس دى كدة رخامة...وعلى فكرة انت كدة مش جينتل خالص<br>
جاسر:هتغضلى ترغى كتير اخلصى وخلينى اقولك على الحاجات اللى عايزها<br>
عيون بضيق:طب ممكن اقعد على الاقل<br>
جاسر:اقعدى ياعيون<br>
عيون قاعدت وهو فضل يمليها الحاجات اللى عايزها<br>
اما هى فكل مدا وبقها بيفتح حاجات كتير مش عارفة تعملها امتى<br>
واول مخلصوا<br>
عيون:بس دة كتير اوى.هى الحفلة امتى<br>
جاسر:اى حفلة بيعملها جاسر الالفى لازم تكون فخمة ومفهاش اى غلطة...الحفلة خليتها بعد يومين مش بكرة لانى فعلا عارف صعوبة تجهيز الحفلة فيوم<br>
عيون بطريقة طفولية:كدة حرام فعلا والله دة انا بالطريقة دى مش هنام لمدة يوم كامل علشان اعمل اللى انت عايزه...دة انا هجيب اكل واعملوا واتصل علشان اجيبلك فرقة استعراضية وعايزنى ازين الفلة وجايبلى انواع غريبة معرفش جايبهم منين وك<br>
وقفت لما لقت جاسر باصص عليها وبيتاملها هى استغربت بس بعديها غرقت فى بحور عنيه<br>
هو مستغرب طريقة كلامها وطفولتها حاجة ندرة مش موجودة دلوقتى<br>
جاسر فاق من السرحان وقال:على فكرة انا خليت الحفلة بعد يومين علشانك ودة اللى اقدر اعمله <br>
عيون بتريقة:متشكرين لخدماتك عن اذنك<br>
وخدت الدفتر ومشيت<br>
فى حارة العزبى<br>
فى بيت اعتدال<br>
اعتدال:يانصيبتى السودة رقاصة يااحمد دى اخرتها...انت عايز تموتنى ناقصة عمر..لا انا بجد تعبت هو ربنا بيعمل فيا كدة ليه اااه يانى حرام عليك يبنى هتحيبلى السكر...تعالى شوف ابنك ياحاج عايز يتجوز رقاصة ودى شوفتها فين وامتى<br>
ايات قربت من والدتها علشان تهديها وقالت:اهدى ياماما واستغفرى ربنا مينفعش كدة وانت يااحمد انت بتعاقبنا احنا ولا بتعاقب نفسك مش معنى ان عيون راحت منك تبقى انت كمان تضيع معاها وكمان انت عايز الناس تقول علينا ايه دى الحارة كلها خرم ابرة دبة النملة بيعرفوها<br>
احمد بعصبية:يحرق ام الناس مبفرقوش معايا ب بصلة وعلى فكرة انا ولا بعاقبكوا ولا بعاقب نفسى انا فعلا بحبها وهتجوزها وانا راجل واقدر اتحمل نتيحة اختياراتى..الست هتشيلنى من الفقر اللى انا عايش ودافن نفسى فيه ومتقلقوش انا مش هنساكوا<br>
ايات:هى عندها كام سنة صحيح<br>
احمد بتوتر:مش مهم<br>
ايات حست بتوتر اخوها وقالت:لا مهم يااحمد اخلص وقول البت عندها كام سنة<br>
احمد:اربعين<br>
ايات بصدمة:ايه اربعين سنة...هتاخد واحدة اكبر منك بعشر سنين<br>
احمد:وفيها ايه يعنى...فرق السن بقت حاجة مش مهمة دلوقتى وبعدين انتى تعرفى بتكسب كام فى اليوم دة لو انا فضلت اشتغل عمرى كله مش هجمع اللى هى بتكسبه انا جاى هنا لسبب جاى اقولكوا انى هتجوزها وهعيش معاها فى الفلة بتاعتها ومش هنعمل فرح <br>
اعتدال عمالة بتعيط صدمتها فى ابنها كانت كبيرة<br>
ايات بسخرية:طبعا مش هتعملوا فرح...انتوا عايزين الناس تضحك عليكوا...انا اول مرة اخد بالى انك عيل بالشكل دة ولفظ الرجولة والكرامة مش لايقين عليك امشى ياحمد من هنا امشى<br>
اعتدال رمت نفسها على الكنبة بحسرة وقهر<br>
<br>
<br>
<br> احمد فتح الباب ومشى وهو مش مهتم بقلق وقهرة امه عليه وكان مقتنع تماما ان اللى بيعمله هو الصح<br>
بليل<br>
فى فلة الالفى<br>
فى اوضة بسملة<br>
عيون دخلت وطفت التليفزيون بعد م شافت بسملة نايمة<br>
وغطتها كويس<br>
جت نخرج بس لقت جاسر فى وشها<br>
جاى يتكلم بس هى بعفوية منها حطت ايدها على شفايفة تمنعه من الكلام<br>
عيون بصوت واطى:اوعى تتكلم البنت نايمة <br>
جاسر اتصدم من حركتها<br>
عيون بصت فى عنيه تاهت فيهم مرة تانية ومعرفتش تفسر اللى فى عنيه حيرة ولا حب ولا كره مش عارفة<br>
بس كل اللى هى عارفاه ان عنيه دى بحر مش عارفة مداه ايه<br>
اما هو فكانت عنيها لغز محير بالنسباله عنيها بتخلى جواه احساس انه عايز يشدها لحضنه عنيها وروحها مختلفين تماما عن وشها<br>
فاقوا هما الاتنين<br>
عيون بتوتر واضح شالت ايدها من على شفايفة ومشيت <br>
اما هو فضل واقف شوية عمال بفكر بص على بنته بصة سريعة ودخل الاوضة<br>
تانى يوم<br>
فى قصر فخم جدا<br>
هذا هو قصر عيلة البحيرى<br>
فى اوضة مومن<br>
طق طق<br>
مومن:اتفضل<br>
ياسمين ام مومن:حبيبى ممكن اتكلم معاك<br>
مومن حس بقلق خايف امه تكلمه فى موضوع ايات<br>
مومن:طبعا ياماما<br>
راحوا وقعدوا على الكنبة<br>
ياسمين باتزان وهدوء:حبيبى انا كنت حبة اقولك ياريت موضوع جوازك من ايات ياريت تنساه لسبب علشان متعملهاش مشاكل فى حياتها هى مش قدها اوكى حبيبى<br>
مومن حس من نبرة صوتها وهدوءها البارد ان دة تهديد باسلوب غير مباشر<br>
مومن:ماما بعد اذنك انا بحب ايات وصدقينى هتعرف تتاقلم على ظروف البيت وكمان هى متعلمة مفيش فرق بينى ومابينها خالص <br>
ياسمين بتناكة:ازاى ياحبيبى مفيش لا طبعا فيه...هى جاية من حارة شعبية دة شى ميعيبهاش ابدا بس والدك عرف عن البنت دى كل حاجة تصور والدتها قاتحة محل ملابس وياريت موديلز حلوة لا شكلها ياى وحشة اوى ومقطعة وكمان مامتها معروفة فى الحارة بتاعتها بطمعها...والاسوا ان اخوها مندوب مبيعات وكمان عايز يتجوز رقاصة واكبر منه كمان حرام عليك حبيبى عايز شرف عيلة البحيرى يروح فى الارض وتضيع تعب والدك وتعبى معاه<br>
مومن حس انه متكتف هيرد يقول ايه بس<br>
مومن:ماما ايات غير والدتها واخوها انا ممكن امنعها عنهم بس بليز ياماما انا مش عايز ابعد عنها بليز ادينى بس فرصة وانا واثق انك هتحبى ايات يمكن اكتر منى<br>
ياسمين:بص يامومن انا مش بفرض ولا هفرض عليك انك تتجوز واحدة مبتحبهاش فبالتالى انت كمان متفرضتش علينا واحدة وتقول يااما اتجوز دى يااما بلاش اسمعنى انا بكلمك بعقل وبهدوء متخلنيش اقول لوالدك وهو يتصرف معاك يلة اجهز وروح على جامعتك اوكى<br>
ومشيت وسابت مومن فى حيرة ما بعدها حيرة<br>
حط ايدية الاتنين على راسة من كتر التعب والتفكير<br>
فى الجامعة<br>
فى المدرج<br>
الدكتورة خلصت محاضراتها ومشيت <br>
ايات كانت حاسة بتعب وملل المحاضرة دى بالنسبالها مملة<br>
صحابها اتلموا عليها وحاولوا يفكوها شوية هى كانت تعبانة بسبب الشيتات والاسكتشات اللى جاية ورا بعضها<br>
خرجت من المدرج وهى ماشية فى الجامعة لقت على ف وشها جت تمشى بس هو منعها<br>
ايات بضيق:عايز ايه ياعلى<br>
على:انتى لسة متضايقة منى<br>
ايات بتريقة:ليه هو انت عملت حاجة تضايق<br>
على بخبث:والله مكنت ناوى اعمل حاجة بالصور اللى معايا دة انا كنت عايز اخوفك بيهم ايات انا مش عايز تحسى بنقص مش عايزك تكونى لحد غيرى علاقتك مع مومن مش هتجيبلك غير المشاكل وبس دلوقتى انا قدامك وبمد ايدى ممكن بكرة متلاقيش حد ولا حتى انا<br>
ايات حست بقلق وخوف مالى قلبها بس حاولت تكون متمساكة<br>
ايات:الكلام دة تروح تضحك بيهم على حد غيرى انت فاكرنى عيلة ولا عبيطة علشان خاطر اصدق الكلمتين دول <br>
على مسك ايد ايات وقال:والله ياايات بحبك وطالب رضاكى وبس ادينى فرصة اثبتلك فيها انى مش وحش<br>
طب انتى من ساعة معرفتينى عملت فبكى حاجة وحشة<br>
ايات:<br>
على:اتكلمى ياايات ولا معندكيش كلام تقوليه<br>
ايات:محتارة وخايفة اتجرح مش هستحمل يامومن<br>
على اتعصب وقال:انا على ياايات مش مومن<br>
ايات بصت فى عيون على<br>
فجاه وبدون اى مقدمات لقوا ايد ضربت على بوكس ف وشه وبدات ملحمة الضرب<br>
والايد دى كانت لمومن<br>
كل اللى فى الجامعة اتلموا حواليهم الشباب حاولت تفضى الاشتباك اللى بينهم<br>
ادارة الحامعة عرفوا واستدعوا ايات ومومن وعلى<br>
واعتبروا ايات هى الغلطانة<br>
المدير فضل يهزق فى ايات قدام على ومومن اللى بيتعذب لما شاف دموع ايات وحس انه عاحز ومش قادر يعمل حاجة<br>
ايات خرجت من الجامعة وهى بتجرى ومعيطة<br>
اما مومن فجرى علشان يلحقها بس للاسف ملحقهاش<br>
اما على مش عارف هو اللى حصل دة لصالحه او لا<br>
فى فلة الالفى<br>
بسملة دخلت على جاسر وهو نايم فحاولت تصحيه<br>
فتح عينه وضحك وقال:حبيبة بابى عاملة ايه<br>
بسملة ضحكت وقالت:بسملة كويسة اه. بابى<br>
جاسر:نعم ياروح بابى<br>
بسملة:جاسر رايح شغل اه<br>
جاسر:لا ياحبيتى مش رايح الشركة انهردة <br>
بسملة:مامى فين<br>
جاسر استغرب وقال:هو انت خلاص هتقولى لعيون مامى<br>
عيون:عندك مانع<br>
جاسر بصلها وقال:انت صحيتى<br>
عيون:لا روحى هى اللى بتكلمك ايه السوال دة<br>
جاسر:لمضة اوى....ولسانك طويل الله اعلم هفضل صابر عليكى لحد امتى<br>
<br>
<br>
<br>
<br> عيون:الجو حلو اوى فى الجنينة برة متيحوا تخرح<br>
جاسر رفض بس بسملة قدرت تقنعوا ونزلوا فعلا <br>
ياترى ايه اللى هيحصل؟
<br>
<br>
<br>
<br>
<br>

<br>