امتلاك بالاجبار

امتلاك بالاجبار الحلقة 7

امتلاك بالاجبار الحلقة 7<br>
فى المستشفى<br>
محمد:متقلقش ياجاسر هى بخير محصلهاش اى حاجة<br>
جاسر:على فكرة انا مش قلقان <br>
محمد:ماشى ياعم هعديها بقولك ايه انت متعرفش فين اهلها<br>
جاسر:لا معرفش بس انا كلمت صاحبتها وهى جاية دلوقتى<br>
الممرضة خرجت <br>
الممرضة:الحقنى يادكتور محمد المريضة عمالة تصرخ ومش فاهمين مالها<br>
محمد وجاسر جريوا على اوضة عيون <br>
محمد مسك حقنة مهداة وايداها لعيون اللى هديت تماما<br>
عيون كانت بتصرخ باسم امها<br>
جاسر مش فاهم حاجة بس قلبه وجعه عليها<br>
بعد شوية<br>
الاء جات <br>
الاء:عيون مالها ايه اللى حصل<br>
محمد بصلها تاه فى جمالها<br>
الاء:يادكتور انا بكلمك<br>
محمد:احم انتى تقربى للممريضة<br>
الاء:ايوة انا صاحبتها<br>
محمد:تعرفى فين اهلها<br>
الاء:ايوة انا كلمتهم وقالوا جايين..هى عيون بخير<br>
محمد:هى الحمد لله بخير متقلفيش<br>
الاء:شكرا<br>
جاسر:انا همشى<br>
محمد:ماشى ياجاسر<br>
فى العربية<br>
جاسر ماشى بالعربية سرحان<br>
مش عارف ليه انقذها معقول خاف عليها..ازاى هو مش المفروض بيكرها...لا هو معندوش اى مشكلة معاها هو بيكره وشها بيفكره بخيانة مراته ليه<br>
فى فلة الالفى<br>
جاسر فتح الباب ودخل اوضة بسملة لقاها نايمة باس راسها وخرج<br>
دخل الاوضة خد الشاور بتاعه وقعد على السرير فضل سرحان فى السقف ومش عارف ايه اخرة عيون معاه وقرر انه مش هيشوفها تانى<br>
فى المستشفى<br>
اعتدال:عاملة ايه دلوقتى<br>
عيون:الحمد لله ياعمتى تشكرى<br>
احمد:انتى هترجعى البيت مخلاص العزبى بقا فى القسم فمفيش حاجة تخافى منها<br>
عيون سرحت شوية وضحكت عفويا لما افتكرت ان لولا جاسر كانت زمانها ميتة<br>
احمد:بتضحكى على ايه<br>
عيون:افتكرت حاجة ضحكتنى عمتى انا كويسة ومفيش داعى اقعد فى المستشفى ولا ايه<br>
اعتدال:ماشى انا هقول للدكتور وممكن تخرجى انهردة من المستشفى <br>
عيون:ماشى ياعمتى.. اومال ايات فين صح<br>
احمد:ياامى رنى عليها ابوس ايدك شوفيها فين<br>
اعتدال:منا كلمتها قدامك وقالتلى عند صاحبتها<br>
احمد بعصبية:هاتى انا هرن عليها...البت دى لو محدش لمها عيارها هيفلت...ايه محدش هيعرف يكسرها ولا ايه<br>
هاتى ام التليفون<br>
فى الديسكو<br>
ايات:انت جايبنى هنا علشان تقولى كدة<br>
على:منا لازم اعرف<br>
ايات:تعرف ايه هو انت مجنون<br>
على:اعتبرينى مجنون ممكن اعرف ايه اللى بينك وبين مومن<br>
ايات بتوتر:مفيش حاجة بينه وما بينه<br>
على:طب ليه متوترة اوى كدة<br>
ايات:بتهيالك وبعدين انت مش بتثق فيا ليه منا قولتلك لا<br>
هكدب مثلا<br>
على:طب لو قولتلك انى هروح علشان اتقدملك هتقولى ايه<br>
ايات:موافقة<br>
على بدهشة:موافقة بجد.....وايه اللى غير رايك <br>
ايات:عادى<br>
على بعصبية:لا مش عادى...انتى عايزة تهربى من مومن انتى بتحبيه وخايفة عليه منى<br>
وهما قاعدين اتفجاوا بمومن<br>
مومن:ازيكم<br>
على:ايه اللى جابك<br>
مومن:عادى انا بسهر هنا على طول شوفتكوا قولت اجى اسلم عليكوا<br>
على:هو انت بتحب ايات<br>
مومن بص لايات لقاها متوترة<br>
مومن:انا بعشقها مش بحبها<br>
على مسك قميصه جامد:وبتقولها ف وشى انتى بجح اوى على فكرة ولازم تتربى<br>
مومن بص لايده اللى على قميصه وبعد كدة بص فى عنيه مباشرة وقال:نزل ايدك ياشاطر عيب كدة...وبعدين بلاش تتحمق اوى كدة انت سالتتى وانا جاوبت <br>
ايات قامت وقالت:خلاص ياعلى<br>
على:خلاص ايه ممكن افهم ايه اللى بيحصل هنا انت عايزانى ولا عايزاه<br>
ايات:انا بحب مومن<br>
مومن ضحك ضحكة خفيفة تحمل كل معانى الفرحة<br>
اما على من عصبيته ضرب ايات قلم<br>
مومن اتعصب وفضل يضرب فيه<br>
الامن بتوع الديسكوا فضوا بينهم وطردوهم برة<br>
ايات:مومن كفايا وخلينا نمشى<br>
على بعصبية:انتى ليا لوحدى ياايات انتى فاهمة متخلنيش اعلن عليكم الحرب انتوا الاتنين <br>
مومن:ماشى ياعم صلاح الدين وانت عارف مش مومن البحيرى اللى يتهدد وهو عارف ازاى يحمى اللى منه <br>
ومسك ايد ايات وركب العربية ومشيوا<br>
ترن ترن<br>
على بضيق:ايوة<br>
بسمة:ايوة ياعلى ايه اللى حصل<br>
على حكالها كل حاجة<br>
بسمة اتعصبت وقالت:نعم انت واعى بالكلام اللى بتقوله ازاى اصلا جى للديسكوا وشافكوا<br>
على:معرفش يابسمة بس والله لهوريها اما فضحتها فى الحارة مبقاش انا<br>
بسمة:اتصرف ياعلى انا معنديش استعداد اخسر مومن اعمل اى حاجة<br>
على:هقولك انا هعمل ايه<br>
فى العربية<br>
ايات:طب نروح المستشفى<br>
مومن:ليه مستشفى يابنتى دى شوية كدمات بسيطة متقلقيش<br>
ايات:متاكد<br>
مومن:سيبك انتى اخيرا نطقتيها<br>
ايات بكسوف:مومن الله<br>
مومن:يالهوى على اسمى وهو طالع من شفايفك<br>
ايات:بلاش قلة ادب <br>
مومن:هو انا لسة قولت حاجة دة انا لسة هقول <br>
ايات:لا دة انت تنزلنى احسن <br>
ترن ترن<br>
مومن:مين بيكلمك<br>
ايات:دة اخويا اكيد هيطلع عينى انا فعلا اتاخرت<br>
مومن:طب خلاص ردى عليه علشان ميقلقش عليكى<br>
ايات:حاضر<br>
فى حارة العزبى<br>
فى شقة اعتدال<br>
احمد بعصبية:انتى ازاى تخرجى من غير متقوليلى<br>
ايات بخوف:والله انا قولت لماما ايه ياحاجة متقولى حاجة<br>
عيون:خلاص يااحمد سيبها لو ليا خاطر عندك<br>
احمد:خاطرك على راسى ياعيون بس البت دى لازم تتربى وانا عارف هرببها ازاى<br>
ايات جريت على اوضتها وقفلت عليها الباب<br>
احمد:شايفة عمايل بنتك<br>
<br>
<br>
<br> عيون بتعب:خلاص يااحمد هى عملت ايه يعنى راحت عند صاحبتها وقعدت معاها شوية بعد كدة اكد عليها انها متروحش ف حتة من غير متقولك<br>
اعتدال:خشى ياعيون ارتاحى انتى اكيد تعبانة<br>
عيون:ماشى تصبحوا على خير<br>
اعتدال:وانتى من اهله<br>
تانى يوم <br>
عيون اتحسنت فقررت تروح المدرسة<br>
فى المدرسة<br>
ساعة المرواح<br>
بسملة:بسملة زعلانة من عيون اه<br>
عيون:ليه عملت ايه<br>
بسملة:بسملة تعرف عيون مالها اه<br>
عيون:انا بخير ياحبيتى متقلقيش<br>
بسملة:بسملة عايزة عيون على طول اه<br>
عيون باستغراب:مش فاهمة يعنى عايزة ايه<br>
بسملة:عيون تتجوز جاسر اه<br>
عيون بحلقت جامد وقالت:يالهوى لو الحجر سمعك مش هيجيبها لبر ابدا<br>
بسملة:بسملة تعرف حجر لا <br>
عيون:الحجر دة يبقا ابوكى...بصراحة ملقتش وصف اوصفه بيه غير دة وبعدين اوعى تقولى الكلام دة لابوكى هيبلعنا انا وانتى<br>
بسملة:بسملة تسمع كلام اه<br>
عيون:شاطرة يابسملة<br>
شوية وجاسر جى <br>
بسملة اترمت فى حضن باباها اللى شالها<br>
جاسر جاى يمشى بس وقفه<br>
عيون:شكرا<br>
جاسر بصلها وقال: العفو وعلى فكرة اى حد ف مكانى كان عمل كدة وياريت تتحجبى وبطلى اللبس الضيق دة علشان دول السبب فى اللى اتعمل فيكى يلة سلام<br>
ومشى<br>
عيون بعصبية:انسان رخم وهو ماله اصلا البس حجاب او لا.والعبيطة التانية عايزانى اتجوزه اتخبلت ولا ايه انا ابقا مرات دة...يانهارى دة يصبحنى بعلقة ويمسينى بيها<br>
فى فلة الالفى<br>
فى اوضة فاطمة<br>
بسملة عمالة تنط على السرير<br>
فاطمة:مالك يابت فى ايه<br>
بسملة:بسملة عايزة بابا يتجوز اه<br>
فاطمة مسكت بسملة من ايدها وقعدتها على السرير<br>
فاطمة:دة على كدة احنا مكناش اطفال ايش فهمك فى الحاجات دى يامفعوصة انتى<br>
بسملة:بسملة عايزة جاسر يتجوز عيون اه<br>
فاطمة باستغراب:عيون مين قصدك الاخصاءية يالهوى انتى عايزة ابوكى يقتلنا دة رافض فكرة الجواز يوم مينجوز يتجوز عيون<br>
بسملة بصريخ وعياط:بسملة عايزة ماما اه...بسملة عايزة حضن اه...بسملة تحب عيون اه<br>
فاطمة حضنت بسملة وقالت:خلاص ياحبيتى متعيطيش خلاص هكلم ابوكى فى الموضوع دة وامرى لله<br>
تانى يوم<br>
اعتدال:قومى ياختى<br>
عيون:فى ايه ياعمتى صباح الخير<br>
اعتدال:انا مش قولتلك ان الصراصير فى المطبخ قد كدة وانتى قولتيلى انك هترشى<br>
عيون:حاضر ياعمتى انهردة اصلا الجمعة ومش خارجة غير بليل علشان اروح الكوافير هرش حاضر من عنيا<br>
اعتدال:يلة بسرعة انا مستنياكى<br>
وطلعت برة الاوضة<br>
عيون:يارب نفسى اخرج برة الحتة...والله معندهاش ريحة الدم انا لسة خارجة من المستشفى وهى بتقولى خشى المطبخ علشان ترشى رحمتك يارب<br>
فى الصالة<br>
احمد:صباح الخير ياعيون<br>
عيون:صباح النور يااحمد رايح الشغل<br>
احمد:ايوة عايزة حاجة<br>
عيون:سلامتك يااحمد<br>
احمد:يلة سلام<br>
عيون:سلام<br>
ومشى<br>
اعتدال:والله معرف ابنى بيحبك على ايه...غاوى يعذب قلبه دة بس لو شاور اجيبله بنات الدنيا كلها تحت رجليه<br>
عيون:معلش مسيره بقابل واحدة تفهمه وتحبه لكن انا لا<br>
فى بيت جاسر<br>
جاسر بعصبية:ايه الكلام الفارغ دة ياستى عايزانى اتجوز عيون...انتى اكتر واحدة عارفة انه مينفعش<br>
فاطمة:طب قولى اعمل ايه بنتك مرتبطة بيها..وعايزاك تتجوزها<br>
جاسر:مستحيل...عيون كل مشوفها ببقا عايز ارتكب جريمة انا مش هتجوز عيون ولا غيرها ودة اخر كلام<br>
وفجاه سمعوا كان حد وقع على الارض بيبصوا لقوها بسملة<br>
جاسر شال بنته ووداها الاوضة<br>
جاسر:بسملة ردى عليا ياحبيتى<br>
بسملة قتحت عينها وقالت بعياط:جاسر وحش اه ...انا عايزة عيون اه...عايزة عيون اه اه اه...بسملة ملهاش دعوة اه...بسملة عايزة ام وحضن وعيون اه<br>
عمالة بتعيط وتصرخ ابوها بيحاول يهديها مش عارفة<br>
فاطمة:انا لازم اجيب عيون هنا علشان خاطر البنت..انت عارف رقمها ولا لا<br>
جاسر:سهل اجيبه مش حاجة يعنى<br>
فاطمة:كويس<br>
فى بيت اعتدال<br>
ترن ترن<br>
ايات:عيون تليفونك بيرن<br>
عيون سابت اللى ف ايدها وراحت ترد على التليفون<br>
عيون:الو....ايوة انا....ايه...طب انا جاية على طول...طب العنوان ايه...حاضر جاية على طول مش هتاخر<br>
ايات:فى ايه ياعيون حصل حاجة<br>
عيون:انا لازم امشى <br>
عيون لبست جت تنزل بس اعتدال فضلت تشتم فيها كتير بس عيون كانت عايزة تمشى لان فاطمة قالتلها ان بسملة عمالة تصرخ وعايزاها<br>
ياترى ايه اللى هيحصل؟<br>
فى القسم<br>
العزبى:جرا ايه ياعم متتصرف منت واخد على قلبك كدة قدة<br>
المحامى:يامعلم الموضوع صعب دول افاشوك بالجرم المشهود مش هعرف اساعدك مفيش حل غير عيون تيحى تتنازل عن المحضر ودة اعتقد مش هيحصل<br>
العزبى:يعنى ايه الكلام دة لاموخذة يعنى انا هشرف فى ام التخشيبة دى كام يوم <br>
المحامى:ممكن نخرجك بكفالة بس غالية شوية <br>
العزبى:ادفع من جنيه لمليون بس اخرج من هنا<br>
المحامى:اصبر عليا يومين وانا هحاول اتصرف ولا تقلق يامعلم<br>
العزبى:العزبى حرمة تتدخله التخشيبة ماشى لما اطلع بس انا اللى غبى علشان سمعت الكلام الزفت سمسم بس ملحوقة<br>
<br>
<br>
<br>
<br>
<br>

<br>
<br>
<br>
<br>