امتلاك بالاجبار

امتلاك بالاجبار الحلقة 4

رواية امتلاك بالاجبار الحلقة 4<br>
اعتدال:ومالك ياختى داخلة بزعابيبك كدة ليه واحنا مالنا هو اللى جى واتكلم مع احمد قال ايه عايز يخطبك<br>
عيون بعصبية:يخطبنى ازاى الراجل دة اتجنن ولا ايه دة لو مفيش رجالة فى الدنيا غير هو يستحيل اتجوزه وبعدين دة متجوز 2 مش يحمد ربنا لا الصنف بتاع العزبى مبيشبعش<br>
ايات:عيون الراجل دة شرانى لو قولتيلى بم هيقولك 10 خصوصا انه كبير الحتة ولو حطك فى دماغه قولى على نفسك يارحمن يارحيم<br>
عيون:كبير على نفسه ياست ايات اصل اللى ايده فى المياه مش زى اللى ايده فى النار انا اتجوز الزفت العزبى... دة الموت ارحملى ميت مرة<br>
طق طق<br>
اعتدال بخضة:يانصيبتى مين<br>
العزبى:انا العزبى ياست اعتدال<br>
ايات بصت لعيون بخوف وقال:دة جاى ليه دة<br>
عيون بقلق:مش عارفة انا رايحة افتح<br>
وفعلا راحت وفتحت<br>
عيون:افندم<br>
العزبى:الله هو انتوا بتمكلموا الضيوف على الباب دى مش اصول ولا ايه ياست اعتدال<br>
عيون:ملكش دعوة بحد وكلمنى انا... بقولك ايه انا مش<br>
العزبى:لا حاسبى نصيحة منى قبل متقولى كلمة فى وش العزبى لازم تكونى عارفة مداها ايه وانا متعودتش حد يقولى لا على حاجة وبعدين دة انا هعيشك برنسيسة<br>
عيون بسخرية:لا ياشيخ برنسيسة دة انت عايز تقعدنى مع مراتاتك الاتنين فى شقة واحدة يامفترى دول اكيد بيكلوا بعض وانت مش موجود بقولك... ايه حل عن سمايا والا متلومش الا نفسك فاهم ...ياباى <br>
وقفلت فى وشه<br>
العزبى:معلش نصبر شوية مسيرك ياملوخية تيجى تخت المخرطة وساعتها هفضل اكل فيكى لحد مشبع <br>
تانى يوم<br>
فى المدرسة<br>
ساعة الفسحة<br>
عيون ماشية لقت بسملة قاعدة لوحدها وبتبص على الاطفال وهى بتلعب بحسرة<br>
عيون:الجميل قاعد لوحده ليه<br>
بسملة:ملكيش دعوة اه<br>
عيون قاعدت جمبها وضحكت وقالت:تعرفى انك جميلة اوى...وشكلك حنينة بس انتى ليه مش بتلعبى مع صحابك<br>
بسملة:بسملة عندها صحاب لا...بسملة لوحدها اه<br>
عيون بحزن:هو انت مش عايزة يبقى ليكى صحاب<br>
بسملة:بسملة عايزة اه...بس صحابى وحشين اه..بسملة تحب صحابها لا<br>
عيون:طب ايه رايك نلعب انا وانتى بس بشرط<br>
بسملة:بسملة عايزة تعرف شرط اه<br>
عيون:تقوليلى ايه اللى مضايقك متفقين<br>
بسملة:هتزهقى من بسملة ورغيها اه<br>
عيون:لا ياقلبى مش هزهق ها نلعب وبعد كدة تحكيلى ايه اللى مضايقك ولا لا<br>
بسملة قعدت تقكر شوية وقالت:بسملة موافقة اه<br>
فى حارة العزبى<br>
فى القهوة<br>
العزبى:عجبك كدة يااستاذ احمد هو انا قلة لامواخذة.. دة انا العزبى انا بس عامل خاطر ليك لولا كدة كنت عرفتها مقامها<br>
احمد:الحقيقة يامعلم عيون دماغها ناشفة حبتين وبعدين دة جواز ولازم يكون بالتراضى<br>
العزبى:دماغها ناشفة تكسرهلها...انا هتحوزها غاظبن عن عين الطخين ولو حصلت اتجوزها بالعافية هعمل كدة...ما عاش ولا كان اللى يتكبر عليا<br>
احمد بخوف:تخطف مين بس يامعلم...استهدا بالله وان شاء الله تكون ليك..سمسم هات لسيد المعلمين القهوة<br>
سمسم:ايوة جاااى ومعاك شيشة تفاح لسيد المعلمين كلهم<br>
احمد فى سره:يادى الحظ الهباب يعنى اللى احبها العزبى ييبقا عينه منها..طب اعمل ايه انا دلوقتى...مفيش غير واحد <br>
ياترى احمد ناوى على ايه؟<br>
فى مكتب المديرة<br>
المديرة:يعنى انتى اتكلمتى معاها وقالتلك كدة<br>
عيون:الحقيقة البنت محتاجة ام ف حياتها البنت دى رقيقة من جواها.. عنفها دة انا واثقة انه هيختفى لو فى ام فى حياتها<br>
المديرة:بس اللى انتى بتتكلمى فيه صعب اوى...معتقدش ان ابوها هيقبل بحاجة زى كدة<br>
عيون سرحت فى اول لقاء بينهم<br>
عيون بتحدى:انا هتكلم معاه مرة تانية وهحاول اكون قوية زى متعودت ابقا.انتى متعرفيش لما بسملة كانت بتكلم كنت حاسة بايه انا لو معرفتش اخد عقاد نافع مع باباها هكلم حد من اهله<br>
المديرة:ربنا معاكى<br>
فى الجامعة<br>
فى الكافيتريا<br>
غادة:سمعتى اخر الاخبار<br>
ايات:انا ملاحظة ان اخبار الجامعة كلها عندك <br>
غادة:اومال يابنتى دة انا غادة اسمعى بس دة مومن وبسمة شكلهم كدة هيرتبطوا<br>
ايات بصدمة:نعم هيرتبطوا ازاى هما لحقوا :وبعدين انتى عرفتى ازاى<br>
غادة:بسمة هى اللى قالتلى<br>
ايات:بسمة قولتيلى دى اكيد بتكدب عليكى<br>
غادة:معتقدش<br>
ايات:كدة...ماشى انا هثبتلك<br>
ومشيت عمالة بتدور على مومن <br>
لقته قاعد مع بسمة فعلا <br>
فراحتلهم<br>
ايات:مومن لو سمحت عايزاك ثوانى<br>
مومن بغرور:مش شايفانى مشغول تعالى وقت تانى وبعدين انتى لو وقفتى معايا على هيقلب عليكى مش كدة<br>
ايات:يعنى مش عايز <br>
مومن:ايوة ولو سمحت هوينا<br>
ايات بعصبية:انتوا فاكرين نفسكوا فين احنا ف جامعة والجو اللى انتوا عايشين فيه دة وفروا لجنينة الاسماك مش هنا انتوا فاهمين والا هقول لادارة الحامعة<br>
بسمة بخبث:فى ايه بس ياايات...محسسانى انك بنت مبغتغلطتش وبعدين احنا قاعدين بنتكلم عادى مش زيك ماشية على حل شعرك مع الزفت بتاعك<br>
مومن بزعيق:بسمة احترمى نفسك ايه الكلام الفارغ دة<br>
وبص على ايات لقاها بتعيط<br>
جاى يتكلم بس ايات مشيت<br>
مومن بص لبسمة بعتاب وقسوة وبعد كدة راح لايات علشان يلحقها<br>
مومن مسك ايد ايات وقال:انا اسف<br>
ايات:على ايه انا اللى اسفة علشان روحت من الاول<br>
مومن:طب ممكن اعرف روحتى ليه<br>
ايات:ملكش فيه<br>
<br>
<br>
<br>
مومن:لسانك الطويل دة عايز يتقص <br>
ايات:هو انت هترتبط انت وبسمة صحيح<br>
مومن ضحك جامد وقال:مين اللى قالك كدة<br>
ايات:ملكش دعوة مين اللى قالى ...انت هترد سوال بسوال<br>
مومن:عايزانى اقولك ايه<br>
ايات:قولى انت وبسمة مش هترتبطوا<br>
مومن:يفرق معاكى<br>
ايات:اه<br>
مومن ضحك وقال:لا مش هنرتبط واللى فهمك كدة اكيد بيغير منك<br>
ايات:محسسنى انك جيبت التايهة مهى حاجة معروفة يعنى مكل الجامعة بتغير منى<br>
مومن:هو احنا ينفع نبقا صحاب<br>
ايات:لا بلاش<br>
مومن باستغراب:بلاش ليه<br>
ايات:علشان على ميزعلش<br>
مومن بغيرة:خايفة على زعله<br>
ايات:الموضوع مش كدة<br>
مومن:انا ميهمنيش اعرف...دى حاجة بينك وبينوا...عن اذنك انا ماشى<br>
ومشى<br>
ايات:اوف بقا هو زعل ولا ايه..شكلى عكيت.طب اروح اتاسف...انتى عبيطة ياايات...تتاسفى ليه..هو انتى غلطتى.وكمان اللى عملته صح...علشان على بالطريقة دى هيحط مومن فى دماغه وانا مش عايزة كدة<br>
فى مكتب جاسر الالفى<br>
طق طق<br>
جاسر:ادخل<br>
السكرتيرة:البنت اللى جات اخر مرة مصممة تقابل حضرتك<br>
جاسر بصلها بعين حمرا<br>
السكرتيرة خافت وقالت بصوت متقطع:والله انا مليش دعوة هى اللى مصممة تقابل حضرتك<br>
جاسر بقسوة:البنت دى مصممة تلعب فى عداد عمرها...خليها تدخل<br>
السكرتيرة:امرك ياجاسر بيه<br>
ودخلت عيون<br>
عيون بتماسك:بقولك ايه بلاش تحسسنى انى قتلتلك قتيل انا مغرفش ليه كل متشوفنى تتعصب كدة...اسمع منى الكلمتين وبعد كدة مش هوريك وشى<br>
جاسر حاول يهدى اعصابة شوية وقال:قدامك خمس دقايق تقولى الكلمتين اللى انتى جاية علشانهم وتمشى<br>
عيون:طب ممكن اقعد<br>
جاسر:انتى جاية علشان تقعدى<br>
عيون بهزار وهى بتقعد على الكرسى:اومال ايه دة انا هقعد وتجيبلى عصير فريش كمان<br>
جاسر غمض عينه جامد وبعد كدة قعد على الكرسى اللى فى وشها وحط رجل على رجل وقال:انتى قولتلى انك جاية بخصوص بسملة مش كدة
عيون:ايوة قولت الحقيقة البنت محتاجة ام فى حياتها<br>
جاسر قام وقال بعصبية:انتى باى حق تتكلمى فى الموضوع دة...انا يستحيل اتجوز بعد مراتى...ولو دة الموضوع اللى خلة سيادتك تشرفينى فياريت برة مت غير مطرود<br>
عيون قامت وقالت:انا اسفة انى بتكلم فى الموضوع دة...بس صدقنى دة ف مصلحة بسملة..البنت لوحدها ومعندهاش صحاب احنا بالطريقة دى هنضعيها مننا<br>
جاسر بقسوة:ارجع واقولك دة شى خاص بيا انا وملكيش حق تتكلمى فيه<br>
عيون بتحدى:انا اسفة ليا حق اتكلم فى لما بشوف اب بيدمر بنته بايده يبقى لازم اتدخل<br>
جاسر بقسوة:متضحكيش عليا انا عارف البنات اللى زيك بيفكروا ازاى شوفتى بنت واحد غنى لقيتيها فرصة تصطاديه بيها ومش بعيد تكونى حاطة عينك عليا علشان تكونى انتى اللى المفروض اتجوزها مش كدة...تفكير رخيص من واحدة<br>
عيون بزعيق وهى بترفع ايدها علشان تضربه بالقلم:اخرس<br>
بس هو مسك ايدها ولوى دراعها جامد<br>
جاسر بعصبية:انتى اتجننتى بترفعى ايدك عليا...دة انتى حفرتى قبرك بايديكى بعملتك دى...ومالك اتعصبتى كدة ليه..مدى الحقيقة معلش ساعات بتوجع بس احب اقولك انتى بالنسبالى صفقة رخيصة متلزمنيش ويوم مقول ياجواز مش هتكونى انتى<br>
عيون بتحاول تمنع دموعها من النزول:سيب ايدى انت بنى ادم حقير<br>
جاسر ضحك بصوت عالى وقال:منا عارف قولى حاجة جديدة...بس الحقير دة صدقينى لو حاولتى تقربى منه او من بنته تانى صدقينى هيبقى اخر يوم ف عمرك انتى فاهمة<br>
عيون:<br>
جاسر بصريخ:فاهمة<br>
عيون:حاضر اوعى بقا ايدى<br>
جاسر ساب ايدها <br>
وهى مشيت<br>
جاسر قعد على الكرسى وحط راسه وراء الكرسى وقال:انا مش عارف ايه حكمة ربنا انه يخلينى اقابل واحدة نسخة طبق الاصل من مراتى...وشكلها مش هتجيبها لبر ابدا.انا لازم اعرف ايه الموضوع وبسملة حكيتلها ايه..انا واثق انها قالتلها حاجة والا ليه تقولى ان البنت محتاجة ام ف حياتها<br>
فى بيت عيون<br>
اعتدال:حمد لله على السلامة<br>
عيون:فى موعين ولا لا<br>
اعتدال:فى ياختى هى الموعين بتخلص<br>
عيون:انا هروح اغير وبعد كدة هخش على المطبخ اغسل الموعين<br>
اعتدال:استنى هنا عملتى ايه مع العزبى<br>
عيون:هعمل ايه يعنى منا قولتلوا لا<br>
اعتدال:العزبى مينفعش يتقالوا لا<br>
عيون:قصدك ايه<br>
اعتدال:قصدى انك تتجوزيه<br>
عيون بعصبية:لا مستحيل دة يحصل <br>
اعتدال:انتى كدة هتفتحى علينا ابواب حهنم <br>
عيون:ارحملى ميت مرة من انى اكون ف حضن راجل قد ابويا<br>
ودخلت الاوضة<br>
عيون:يارب عديها على الخير وعقل اللى متتسما...دى هتودينا كلنا فى ستين فى داهية انا هقولو حاولت معاها ومعرفتش مش ناقصة مشاكل معاه هو بقا اللى يتصرف مش انا<br>
فى فلة الالفى<br>
وبالتحديد فى اوضة فاطمة<br>
جاسر حاطت راسه على رجل سته<br>
فاطمة:معاها حق<br>
جاسر باستغراب:مين دى اللى معاها حق<br>
فاطمة:يبنى انت لازم تتجوز انت لسة صغير<br>
جاسر:اتجوز علشان تيحى واحدة قديها كل مشاعرى وفى الاخر تروح تخونى<br>
فاطمة:يبنى الدنيا فيها الحلو وفيها الوحش انا مش هغيشلك العمر كله.. لازم تتجوز واحدة تصونك واموت وانا مطمنة عليك<br>
جاسر قام وباس راس سته وقال:بعد الشر عليكى ياست الكل دة انتى اللى مصبرانى على العيشة هنا<br>
فاطمة بمغزى:هى الاخصاءية دى حلوة<br>
جاسر سرح فى عيون شوية وقال:وشها بكرهه اوى ياستى<br>
<br>
<br>
<br>
فاطمة باستغراب:ليه يبنى هو وشها بيفكرك يعنى بحد بتكرهه ولا ايه<br>
جاسر:الاخصاءية شبه نوال ياستى