امتلاك بالاجبار

امتلاك بالاجبار الحلقة 3

امتلاك بالاجبار الحلقة 3<br>
فى بيت عيون<br>
احمد:هى عيون مشيت ليه من المدرسة صحيح<br>
اعتدال ببرود:طب متمشى واحنا مالنا خلينا بس ف اختك ايات<br>
احمد:مالها ايات<br>
اعتدال:معرفش جات امبارح من الجامعة سرحانة وفضلت فى البلكونة فترة متقولش عادى دى مش عوايد اختك<br>
احمد:انت ليه عايزة تقلقينى عليها خلاص اول متيجى من الجامعة هتكلم معاها حاجة تانى<br>
اعتدال قاعدت جمبه وقالت:بقولك ايه ياواد هو انت مش ناوى تتجوز<br>
احمد باستغراب:اتجوز..ضحكتينى...دى عيون لو قالتلى صباح الخير تبقى علامات يوم القيامة ظهرت دى مش بتطيق تبص ف وشى<br>
اعتدال:فشر دة انت ابن اعتدال وبعدين متقلقش ياواد هجوزهالك هى متقدرش تقول لا ولو قالت ليها شارع يلمها<br>
احمد:دة انتى نصيبة يااعتدال<br>
اعتدال بتضربه بخفة وقالت:اختشى ياواد عيب كدة يلة بقا روح شوف حالك ولما ترجع المحروسة هكلمهالك<br>
احمد قام وباس راس امه ومشى وهو مبسوط بجد<br>
فى حارة العزبى<br>
العزبى:استاذ احمد<br>
احمد بلع ريقة بخوف:ايوة يامعلم<br>
العزبى:الحقيقة انا العزبى وكل اللى فى الحارة عارفين انا مين الكبير قبل الصغير واللى يدوسلى على طرف ادوسه برجلى زى اى حشرة رخيصة <br>
احمد بخوف:عارف يامعلم عارف<br>
العزبى وهو بيحرك شنبة يمين وشمال:انا طالب ايد السنيورة بنت عمتك واللى تطلبه انا سداد من جنيه لمليون رايك ايه يااستاذ احمد<br>
احمد اتصدم من كلام العزبى<br>
دة هو اللى بيحبها بس هو يقدر يقول لا للعزبى <br>
احمد بخوف واضح:الحقيقة يامعلم دة راى عيون لوحدها اول متيجى هبلغها <br>
العزبى:وماله خليها على راحتها على الاخر دى اصول وانا مينفعش اتكلم فيها يلة سلام ومستنى ردها على احر من الجمر <br>
ومشى<br>
احمد بارتياح:ياستار دة انا كنت بموت والجحش دة حد يقدر يقوله لا على حاجة دة كان يبلعنى يعنى بسلامتها عيون تقدر..وليه لا يعنى عيون مش بتخاف من حد.انا هبلغها ونشوف رد فعلها ايه<br>
فى المدرسة <br>
عيون ماشية لقت طفلتين بيتخانقوا<br>
جريت عليهم بخضة<br>
عيون وهى بتحاول تحوش بينهم<br>
عيون:بس بس يابنات مينفعش كدة براحة انتوا شطار ليه بتتضربوا وتشدوا ف شعر بعض بالطريقة دى<br>
سلمى بعياط:بسملة شخطبت على رسوماتى وانا تعبت فيها بسملة وحشة ورخمة<br>
بسملة:بسملة وحشة لا ....سلمى وحشة اه ....سلمى تستاهل اه<br>
عيون:ليه كدة يابسملة سلمى عملتلك ايه علشان تشخبطى على رسوماتها<br>
بسملة:انتى ملكيش دعوة اه..امشى بدل م بسملة تضربك اه<br>
سلمى:شوفى ياميس من يومها وهى قليلة الادب كدة<br>
بسملة بصريخ:بسملة قليلة الادب لا..بسملة هتضرب بسملة اه<br>
عيون حاشت بسملة على ضرب سلمى<br>
عيون بزعيق:بسملة عيب انتى كدة بتغلطى ومش مراعياة وجودى امشى على فصلك بدل موديكى المديرة<br>
واعملك استدعاء ولى امر وانتى ياسلمى روحى معاها<br>
سلمى:حاضر<br>
بسملة اتضايقت وجريت على فصلها<br>
فى مكتب المديرة<br>
طق طق<br>
المديرة:اتفضل<br>
عيون:ازى حضرتك<br>
المديرة:اهلا ياعيون اتفضلى ياحبيتى واقفة ليه<br>
عيون:الحقيقة فى واحدة اسمها بسملة الحقيقة البنت دى عنيفة اوى انا لاحظت دة انا محتاجة اعرف ايه سبب عنفها دة...اكيد اللى فى البيت ليهم دور<br>
المديرة:انتى قاصدك بسملة جاسر الالفى<br>
عيون:الحقيقة معرفش اسم والدها بس هى يعنى طريقة كلامها غريبة مثلا بسملة تحب الاكل لا..بسملة وحشة لا<br>
المديرة:ههههه تبقى هى بسملة جاسر الالفى الحقيقة احنا اتكلمنا مع والدها كتير بس هو مش مهتم خالص<br>
عيون باستغراب:يعنى ايه مش مهتم مش هو ابوها لازم يهتم بيها ولو الطفلة عندها مشكلة يشوف يعالج المشكلة دى ازاى انا محتاجة اشوف والدها واتكلم معاه البنت لسة متخانقة مع صاحبتها برة<br>
المديرة:البنت معندهاش صحاب هى شقية وعنيفة جدا مع صحابها كل الاخصاءين فشلوا معاها تفضل تزعق وتصرخ فيهم احنا منعرفش هى حالتها عاملة كدة ليه<br>
عيون:كلامك دة بيخلينى ابقى مصممة انى اقابل والدها حضرتك تعرفى عنوان شغله<br>
ياترى عيون اول لقاء هيجمعها بجاسر هيبقى شكله ايه؟<br>
فى الجامعة<br>
ايات ماشية لقت مومن قاعد مع بسمة فى الكافيتريا فراحتلهم<br>
ايات:صباح الخير<br>
بسمة:صباح النور اومال على فين<br>
ايات:على لسة مجاش <br>
مومن:ايات ازيك<br>
ومد ايده علشان يسلم عليها هى مدت ايدها وسلمت عليه <br>
ايات:انا شكلى ضيف رزل انا همشى<br>
مومن:استنى ياايات انا عايز اتكلم معاكى<br>
ايات كانت عايزة تقعد معاه بس لسانها قال حاجة تانية<br>
ايات:معلش يامومن انا عندى محاضرة وكمان على لو شافنا مع بعض هيقلب عليا وانا مش عايزة مشاكل معاه<br>
سلام<br>
مومن اتضايق وقبض على ايده من الغيظ ازاى ترفض تتكلم معاه هى فاكرة نفسها ايه<br>
بسمة حطت ايدها على كتفه<br>
بسمة:مومن بلاش تزعل هى اساسا هتموت عليك بس هى بتحب تكون تقيلة انت لو جدع بلاش تحسسها انك مهتم بيها ولا هتموت عليها<br>
مومن:بلاش جنان انا لو عايزها مفيش حاجة هتمنعنى.تعالى بس نكمل كلامنا اقعدى<br>
وقعدوا يرغوا شوية بس دماغ مومن فى حتة تانية خالص<br>
مومن فى سره:ايات انتى ليا..انا جيت الجامعة دى علشانك..معنديش استعداد اخليكى تروحى منى...واذا كان على تناكتك وغرورك دول انا عارف هقضى عليهم ازاى.لعبة الحب والغيرة هيبتدوا وانا اللى هكسب <br>
<br>
<br>
<br>
<br>
<br> فى مكتب جاسر الالفى<br>
ترن ترن<br>
جاسر:الو<br>
السكرتيرة:فى واحدة اسمها عيون عايزة حضرتك بخصوص بسملة<br>
جاسر بقلق:خليها تدخل بسرعة<br>
بعد شوية عيون دخلت<br>
جاسر قام من على مكتبه وكان مصدوم بجد قرب منها وعيونه حمراء من العصبية<br>
عيون اتخضت من شكله فبتبعد وهى مش عارفة ايه اللى بيحصل <br>
عيون:يااستاذ فى ايه دى الحيطة خلاص ورايا هروح فين تانى<br>
عيون لزقت فى الحيطة<br>
جاسر فضل يبصلها بصة صقر بالمعنى الحرفى<br>
جاسر:انتى مين <br>
عيون بلع ريقها وقالت:انا عيون ابقا اخصاءية فى مدرسة بسملة
جاسر وهو باصص فى عينها مباشرة:وعايزة ايه<br>
عيون:ممكن تبعد وبلاش تبصلى البصات دى هو انا قتلت امك واتجوزت ابوك ولا ايه
جاسر شد دراعها جامد وقال بزعيق:انتى واحدة قليلة ادب وانا هعرفك تمن التطاول على جاسر الالفى وابعدى وشك دة عنى انا مش طابقه<br>
عيون خافت بجد وقالت:انت اول مرة تشوفنى بس كلامك معايا بيقول غير كدة.وبعدين ماله وشى ومش طايق تشوفه ليه بيفكرك بمين يعنى ممكن تفهمنى<br>
جاسر ضرب الحيطة جامد<br>
عيون حاطت ايدها على وشها من الخوف<br>
جاسر بصوت كفحيح الافعى:اياكى والمجادلة معايا انتى فاهمة واتفضلى اطلعى برة بكرامتك احسلك بدل منادى الامن يطردوكى وبزعيق قال:برة<br>
عيون خافت وجريت والدمعة على خدها<br>
جاسر غمض عينه جامد بحزن وقهر<br>
جاسر:ازاى...ازاى تبقى نسخة منها بالشكل دة...دى كانها هى بالظبط..انا مش فاهم حاجة..اابنت دى مش لازم اشوفها تانى...انا لو شوفتها ممكن ارتكب جريمة وانا مش حاسس...مش لازم اشوفها تانى<br>
فى الجامعة<br>
على بزعبق:ياايات ارحمينى بقا دى مش طريقة والله<br>
ايات:متزعقش كدة احنا فى الجامعة وبعدين انت اللى مش راحم نفسك مش انا<br>
على:لا منا لازم اعرف انتى بتحبينى ولا لا<br>
ايات:ايوة بحبك<br>
على:مش باين<br>
ايات:ايه هو اللى مش باين يعنى لازم تبقى لبانة فى بقى علشان ترتاح<br>
على:ولا بتقوليها ولا بتعملى حاجة تاكدلى انك بتحبينى..انتى لو بتحبينى هتكونى عايزانى مش تتهربى منى<br>
ايات:انا...امتى هربت منك<br>
على:لما كل مكلمك فى سيرة الخطوبة تتهربى منى دة اسميه ايه <br>
ايات:اوف بقا انتى شاكلك عايز تتخانق وانا بصراحة مش عايزة<br>
جت تمشى بس هو مسك دراعها جامد وقال بعصبية:لما بكون بكلمك تقفى لحد مكمل كلامى وبعد كدة تمشى... ايات انتى ليا لوحدى انتى فاهمة ولا اعيد كلامى<br>
ايات بوجع:ااه على بتوجعنى اوعى سيب دراعى لو سمحت كفايا<br>
مومن كان ماشى فجاه لقاهم فراحلهم<br>
مومن:فى ايه بس ياعلى سيبها <br>
على:خليك فى حالك ومتتدخلش ما بينا<br>
مومن:ياعم ماشى بس كل شى يتحل بالتفاهم وسيب دراعها هى مش حملك<br>
على:وانت مالك زعلان ليه<br>
مومن:هو انا امتى قلت انى زعلان<br>
على:انت فاكرنى غبى انت مش شايف نفسك ولا ايه بس احب اطمنك ان ايات ليا لوحدى <br>
ايات بزعيق:اوعى بقا انا مش ملك حد انت اتغيرت اوى ياعلى لو سمحت سيبنى امشى<br>
على بزعيق:قلت لا<br>
مومن بعصبية:متزعقش كدة وبعدين سيبها تمشى والا<br>
على:والا ايه ياسى روميو ورينى ايه اللى عندك<br>
ايات:على خلاص لو سمحت مش عايزين مشاكل<br>
على:بسببك حصلت المشاكل دى<br>
ايات:خلاص انا اسفة يلة خلينا نمشى<br>
مومن بصلها باستغراب مش فاهم هى عملت كدة ليه بس هو اتضايق <br>
على:اسفك دة مش مقبول <br>
وساب دراعها وقال:انا ماشى<br>
ومشى<br>
ايات بعصبية:عجبك كدة<br>
مومن:انتى بتتعصبى عليا ليه هو انا مالى بكل دة.. بس يعنى باين عليكى مش بتحبيه ليه مش عايزة تنهى العلاقة دى<br>
ايات:انا مش بحب اقطع علاقات وبعدين انت مين قالك انى مش بحبه<br>
مومن:باين اوى من طريقة كلامكوا مع بعض ايات لو مش بتحبيه سيبيه احسن ليكى وليه<br>
ايات معلقتش ومشيت<br>
مومن:شكلك هتتعبينى اوى ياايات...ايه حكايتك معايا يابنت قلبى<br>
فى فلة جاسر الالفى<br>
جاسر دخل البيت<br>
جاسر:ستى ياستى<br>
فاطمة:ايوة يبنى فى ايه<br>
جاسر:فين بسملة<br>
فاطمة:جوة فى اوضتتها <br>
جاسر:انا كلمت المديرة بتاعتها وقالتلى على اللى عملته دى عايزة تتربى ياستى<br>
صافى جات وقالت<br>
صافى:هاى بيبى<br>
جاسر:مش وقتك خالص<br>
وطلع اوضة بسملة<br>
فاطمة:ايه بيبى دى عيب عليكى والله<br>
صافى:so ...هو انا قلت ايه... وبعدين هو ماله متضايق ليه<br>
فاطمة:صبرنى يارب بقولك ايه احترمى نفسك والا<br>
صافى: i know هتقولى لجوزى صح احب اقولك مش هيصدقك لانه بيحبنى so much<br>
فاطمة:انا مش عارفة ليه الالفى مصمم يعمل فينا كدة..ليه اتجوزك..وحطنا قدام الامر الواقع...وياريتك واحدة كويسة دة انتى<br>
صافى:توء توء عيب كدة انتى واحدة لادى محترمة ميتفغش تقول الفاظ سوقية وبعدين روحى اساليه ليه اتجوزنى انت بتسالينى انا باى<br>
وطلعت اوضتها<br>
فاطمة:حسبى يالله ونعم الوكيل فيك ياالفى حسب يالله مش هقول اكتر من كدة<br>
فى اوضة بسملة<br>
طق طق<br>
جاسر:بسملة<br>
بسملة:بسملة مخاصمة جاسر اه<br>
جاسر قعد جمبها وقالت:على فكرة دة انا اللى المفروض اخاصمك ايه اللى انتى عملتيه فى المدرسة دة<br>
بسملة بصريخ:بابا ملوش دعوة اه..بابا بيحب بسملة لا...بسملة عايزة تموت اه..الكل عايز بسملة تموت اه...بسملة وحيدة اه..بسملة عايزة ام اه<br>
<br>
<br>
<br>
جاسر خد بنته ف حضنه وقال:خلاص ياروح قلب بابى متزعليش وبعدين مين قال ان احنا مش بنحبك..دة احنا بنموت فيكى...ويلة بقا ورينى ضحكتك علشان لو ضحكتى هخرجك زى منتى عايزة<br>
بسملة بفرحة:بجد يابى<br>
جاسر:بجد ياروح بابى<br>
بسملة حضنت ابوها اللى اتضايق فعلا على بنته غمض عينه والصدمة ان صورة عيون مش مفارقة خياله فتح عينه بسرعة<br>
باس بنته وغطاها وقال:ايه رايك لو نمت جمبك انهردة<br>
بسملة:هيييييه تعالى بابى حبيب قلب بسملة اه<br>
جاسر خد بنته ف حضنه وقعد يفكر فى كلام بنته وازاى يعوضها عن امها <br>
فى بيت عيون<br>
عيون دخلت البيت متعصبة وقالت:ممكن اعرف ايه الكلام اللى قاله الزفت العزبى دة