الهاربه للكاتب منتظر الطائي الناشربارق العراقي

#الـــــهـــاربـة "#البارت_الثاني

#الـــــهـــاربـة "
#البارت_الثاني
#للكاتب✍ #منتظر_الطائي
insta_mntzer_97#
#alnasheraliraqi9

*رقية : سديت الباب بوجها ع السريع وخليت ايدي على حلگي ودموعي گامن ينزلن وگلبي گام يدگ ع السريع وخليت ضهري ع الباب وگعدت بالگاع ،
*أركان : كسرت خاطري بهذا منظرها ، لو ادري ما داگ الباب وحارجـها، بقيت اصيح عليها رقية افتحي الباب أريد احجي وياچ ، رقـية ، وادگ بالباب بس ما تفتح مليت جان اروح اصعد بسيارتي ورحت للبيت «
رقية : عفت الخبز والتنور وركضت لغرفتي ابـچي ، طلعت امي حاولت تفتهم شبيه ما حجيت شي،
چنت حيل خجلانة من نفسي ومن اركان گلت اكيد هسه راح ياخذ عليه نظرة ان اني جذابة لو راح يشك بمشاعري تجاها ،
أستحيت اداوم ثاني يوم ومارحت وغبت يومين خلال اليومين جان اركان يتصل بيه بس ما أجاوبه ثالث يوم قررت أروح للدوام « +
ـ ( الــعـمــل شــــرف )
رحت للجامعة وبالخط كاعدين اني وعمر بالخانة البلأخير ونحچـي بعصبية بس بصوت ناصي،
عمر : ليش مستحية والله الشغل مو عيب
رقية : مستحية لان جذبت وانكشفت جذبتي بعدين انته منو گلك تحجي عليه كدام الولد
عمر : ادري اني لصتها بس مو عن قصد والله
رقية : لو ما ادري بيك ع نياتك چان شمرتك من الجامة
عمر : يضحك « صايرة تمشرين من الجامه
رقية : لتغرك هالكياته الآني بيها ترة اني لاعبة بالنار لعب
عمر : أي أريدچ تروحين واليحچي وياچ ترگعي ع حلگة ، واني وياج
رقية : الله اليستر ، اني بالمشاكل ويه ولد عمي أختل ورة امي وهية تصيح بمكاني ماعرف احجي بالمشكلة
عمر : اختلي وراية لتخافين « يـضحك.
وصلنا للجامعة ،
عمر :راح اروح اشوف اركان واجي انتي روحي للقسم
*رقية : طبيت للقسم والطالبات يباوعن عليه عبالك مدري شمسوية ، اسمع طالب يكول معقولة هذا الجمال وتشتغل خبازة !! صديقه يجاوبه : والله ما ادري هيج شفتهم يحجون بگروب الماسنجر عليها ،
رحت گعدت بالقاعة اجتي اسماء وياها 3 بنات
أسماء : ها بنت المنصور شنو گالو شايلين من المنصور
رقية : مالي خلگج ترة. عوفوني بحالي ترة البية مكفيني
أسماء : ليش ورة ما تخبزين ترحين تخدمين ببيوت العالم وتعبين؟
وحدة گالت : عوفيها أسماء هاي مو من مستوانة فوگاها چذابة ،
رقية : وگفت ، وصحت العندة بعد حچي خلي يحچي مادام الموضوع مفتوح «
* كل الطلاب بالقاعة سكتو وبقو يباوعون عليه وبقت اسماء تلغي هية والبنات الوياها ويضحكن ، تمنيت ماما موجودة بذيچ الساعة وتدافع لي ، باوعت للباب شفت اركان يمشي ع السريع وجاي عليه ، اني خفت عبالي راح يسويلي شي ، چان يلزمني من أيدي ويخليني ورة ظهرة ،
أركان : أي واحد عندة حچايه وية رقية خلي يحچي ويايه
*رقية : اول مرة احس بالأمان من شخص غير ماما
أسماء : تدافع عن وحدة جذابة ؟
أركان : وعساس احنه ما نچذب ! البنية جاي تشتغل واستحت تگول عن عملها بمكان ما نشجعها مسويلها مهرجان ونحچي عليها ، يعني لو سالكة طريق غير شريف جان ولا واحد فتح حلگة بس لان تشتغل بشرف طلعت لساناتكم.
أسماء : على كيفك عيني شدعوة هيج عصبي