#الـــــهـــاربـة "
#البارت_الخامس
#للكاتب✍ #منتظر_الطائي
insta_mntzer_97#
#alnasheraliraqi9عمر : لا بربچ ؟!! تحچين صدگ !
زمن : گامت تبچي « كلشي توقعت منة يسوي بس مال يقتل مرت عمة علمود ياخذ رقية ما توقعتها ،
عمر : لا ياكلب يا أبن الكلب هذا مريض والله ، ماكو صاحي يسوي هيج ، زين شلون راد يعقد عليها وهوة كاتل أمها شلون يفكر يكمل حياته وياها ؟
زمن : اتصل بيهم وگللهم احتمال راح يساعدهم هذا الخبر ولو هوة اتعس خبر
عمر : ليش ما سولفتي من البداية ؟
زمن : چنت مترددة، ولتتصور سهلة المرية تروح تبلغ عن زوجها وابو طفلها وتذبه للسجن أو للاعدام ومن يكبر الطفل شنو راح أگلة اني يتمتك ودمرت ابوك ؟
عمر : افعال ابوه يتمتة انتي مالج دخل ولتتصورين هاي الخطوة خطأ ، عمرها الحقيقة ماچانت خطأ »
ـ عمر 📲 أركان «
أركان : الوو ها يمعود بالي يمك هدوك بيت رضوان؟
عمر : اي هدوني ، انتم وين هسة ؟
اركان : خاف اگلك وين وهم يلزموك وتعال أشرد
عمر : دحچي عاد وين انته ؟
اركان : يم بيت اسماء، شكو شبيك ؟
عمر : موضوع ماينحچي بالتلفون، جايك هسه،
* أركان : بقيت انتظر عمر بالحديقة لحد ما أجة اول ماشفته شبگته چنت خايف يسوون شي بي انتبهت لشفته متعورة بعدين هوة فهمني بالصار بي ، دخل عمر وسلم على أسماء ورقيه واخذني برة بالحديقة
عمر : لو خاتل يم بيت رضوان ولا يم أسماء
اركان : ضحكت » لا صايرة زينة أسماء مو مثل قبل المهم ، أحچي شنو الشي لتريد تگولة ؟
عمر : ام رقية ما ماتت موت الله اكو احد قتلها
اركان : سليم ، مو؟!
عمر : اي شمدريك !!
أركان : كمل منو گلك شلون عرفت ؟
* عمر : سولفت لـ أركان شلون عرفت وشلون گالت اليه زمن الحادثة باوعت لـ اركان گام يرمش وتوگع دموعه ويهز برجله من التوتر ، من عصبيته گام ما يعرف شيسوي لزم سنادين الحديقه وكسرهم
* اركان : انفعلت كلش لأن حسيت بالظلم الوگع على رقية وحسيت اني عاجز ابعد الأذية عنها ولأول مرة احس هيج احساس كلش وجعني ، شلون راح أنگللها كتلو أمچ! شلون راح تستقبل الصدمة؟ يارب ساعدها
طلعن اسماء ورقية شافني بهاي الحالة تفاجئن !!
رقية : شبيك اركان؟!
أسماء : تباوع لـ عمر وگالت « شگتلة وصار هيج!
عمر : ماكو شي علمود اهله ضايج عليهم
* أركان : عفتهم ورحت لغرفه من غرف البيت وسديت الباب ع نفسي ، بقت رقية تستجوب عمر واجتي أسماء يمي بالغرفة گالت احجي شبيك؟
اركان : ام رقية ، سليم القتلها.
أسماء : عزة بعينة !!
اركان : شلون راح أگللها بس فهميني ؟!
أسماء : لا تنهار كل الصار بيك وما سمعت بيك صرت بهاي الحاله گوم على حيلك واعرف شلون تتصرف
اركان: والله كسرت گلبي رقية،حبيبتي شسوو بيها💔
أسماء : زين متأكدين ان سليم مو غيرة؟
اركان: شافه عمر بالكامرة مال بيتهم وشوفني التسجيل فات للبيت بيوم الماتت وطلع منه
أسماء : وهسه شراح تسوي؟
اركان : راح أروح لبيت ملازم علي« الجاي يدور عليه واحچي وياه بلكي الله يقتنع ويساعدني وما يلزمني
أسماء : ماكو غير حل يعني ؟
اركان : لا ماكو ،
* رقية : دگيت الباب وفتت عليهم حاولت افتهم شنو السالفة محد يحچي شي ، بس گاملي أركان وباسني من گصتي وعيونه حمر وطلع برة البيت، سألت أسماء گالت سمع بأمه مريضه وضاج عليها،
أنت تقرأ
الهاربه للكاتب منتظر الطائي الناشربارق العراقي
Ficción Generalكيف ستنجو رقية بعد ان يتم البحث عليها ومن معها من قبل المجتمع والشرطة ؟ كيف ستتخلص بعد ان حكم عليها بالموت؟ هل سينتصر الحب! ام ستبقى الحقيقة مخفية!