الهاربه للكاتب منتظر الطائي الناشربارق العراقي

#الـــــهـــاربـة "#البارت_الثالث

                                                 
#الـــــهـــاربـة "
#البارت_الثالث
#للكاتب✍ #منتظر_الطائي
 insta_mntzer_97#
                                                 #alnasheraliraqi9
* راح سليم لبيته شارب وصاير فدنوب ومايدري بروحة شيسولف ،فتحتلة الباب زمـن دفعها وطب گبل
زمن : گايم تشرب بالنهار هم! خوش فضايح
سليم : اشش اشش اشش
زمن : اشش شنو شوف روحك شلون صاير
سليم : رقية راح تصير مرتي
زمن : ساعة السودة الأجت بيها رقية للدنيا وساعة السودة الأخذتك بيها اني لو عندي أهل بيهم حظ ما ابقة وياك دقيقة وحدة بس علمود ابني باقيه وياك
سليم : روحي ، رقية راح تجي بمكانج وتجيبلي طفل عيونة زرگ على امه
زمن : همزين ام رقية موجودة جان هسه البنية شابعة ضيم منك
سليم : ام رقية طارت طارت طارت طارت
زمن : طارت شنو شجاي تحچي انتة ؟ خلي اكمل غسل المواعين وگوم ذب على رآسك مي وأصـحـة
سليم : گتلها اريد بنتچ تگلي ما نطيها الة اتشيلون جنازتي شوية بعد راح نشيل جنازتج
زمن : ليش شسويت !!
سليم : لگيت سكرها نازل أواكعة بالگااع نطيتها إبرة وانتهى كلشي ، شفتي الموضوع شكد بسيط
زمن : عزة بعيني ، قتلت ام رقية ؟
سليم : انتقلت الى رحمة الله بسبب هدف يونس محمود
زمن : وگعت الماعون وگامت ادگ وتلطم وابنها يبچي وسليم يضحك مايدري بروحة ..
* رقية : وصلت للبيت لگيت الباب مفتوح والخبز بالگاع ، صحت « ماما اني اجيت ،
طبيت للاستقبال لكيت امي بفراشها ومتغطية والدوة مطشر يمها لميته ورجعته لمكانة بالميز ، وكعدت يم راس امي.                                     
رقية : ماما ؟ ماما ؟ اگعدي استلمت النتيجة ناجحة ماما ؟ شنو صعد الضغط ؟ ليش عايفة الخبز برة ما مطببتة جوة ،
عفتها گلت خطية تعبانة ما اريد أكعدها رحت طببت الخبز وصبيت غدة جنت آكل واباوع عليها انتظرها تفتح عينها وتشوفني حتة اگلها اني ناجحة «
كملت أكل ورجعت أكعد بيها هلمرة خفت اكعد بيها ماجاي تگعد ضليت اهز بجسمها بيدي وما تگعد لزمت ايدها جان توگع ع الفراش «
رقية : ماما ؟ اگعدي ؟ حطيت اذني على صدرها ما اسمع نبض حطيت ايدي على حلگي ودموعي گامن ينزلن ، مااما اكعدي عليج الله ليش كلبچ مابي نبض الله عليچ اكعدي هاي النتيجة ناجحه اكعدي بس افتحي عيونج والله ما اريد شي بعد حبابه ماما وشبگتها وبقيت ابچي واصيح بصوت عالي نمت بصفها وحضنتها وتغطيت وياها ، وبقيت اشتم بيها احسها هسه راح تگعد بس ما جاي تكعد.  
54
باوعت للباب أجتي زمن تركض شافتي ابچي واصيح
زمن : هاااا
رقية : أمي أمي « ونفسها يصعد وينزل
* رأسن زمـن وخرتني وشافت گلبها جان تصييح يبوووو وگامـت تلطم على وجها
التمت الناس واجتي ام عمر اني گعدت يم راس امي وكمت ابچي وأرجف وتخربطت عليها
اخذوني للمستشفى خلولي مـغذي ورة ساعة گعدت لگيت سليم يمي واخوته وزمن گاعدة يمي وتبچي اني بذيچ اللحظة حسيت روحي فقدت كلشي فقدت عائلتي  حسيت باليُتم ، كعدت شفت الكانونة بأيدي وماچنت مركزة منو يمي بس اتذكر سليم وزمن يمي
*سليم : اخذ زمن على صفحة « اكلج من رجعت سكران هم حچيت شي؟
زمن : لا ما حاجيت شي
سليم : لعد ليش رحتي گبل لبيت رقية ولامـة الناس  علالعرس زمن : رحت اشتري من الدكان وسمعتها تبجي والباب مفتوح
سليم : يعني ما حجيت شي؟
زمن : لا ماسولفت گبل دخلت للحمام ليش شكو شنو ردت اتگول؟
سليم : لا هيج ماكو شي ,
* رقية : واني بالمستشفى جابو جثة ماما حتة يفحصوها ويسوولها شهادة وفاة ،
مساعد الدكتور : هاي الاوراق بيها سبب الوفاة
الدكتور : اريد اروح هسة للبيت مالي خلگ اگعد اقرة مساعد الدكتور : شوفها خاف منطينها دوة بالخطأ
الدكتور : أكتب يمك بشهادة الوفاة وقت الوفاة الساعة 12:45 دقيقة مساءاً ، سبب الوفاة تصلب شرايين القلب.         mntzer_97@
المساعد : بس انتة ماقريت النتائج ؟
الدكتور : اكلك اريد اطلع مستعجل يعني قابل كاتليها هية مرة جبيرة وماتت                +
*رقية : الدكتور ماشاف سبب الوفاة ولا قراها اصلا اشتغل بأهمال وجان متعاجز بالرغم هاي الامور المفروض مايتعاجز منها الطبيب لان مسألة حياة انسان «
ورة ساعتين اخذوني للبيت والمغرب جابو ماما بالتابوت ومغطينة أبطانية حمرة نفس الغطة الجانت تتغـطة بي ، شالو الجنازة وفوتوها للبيت وطلعوها نفس الشي سوو ويه بابا من مات ، جنت مصدومة وحته ادموعي ماجانت تـنزل والكانونة بيدي والنسوان شايلاتني من ادية وبقينة نمشي ورة الجنازة والناس تصيح لا اله الا الله «
منو بعد الية بالحياة ؟ منو من اطب للبيت بعد يتلگاني ؟ منو بعد احتمي بظهرة ويدافع عني؟ حتى اركان الحبيتة صار ممنوع عليه يفوت للمنطقة؟
يارب ساعدني 💔              
عمر 📱: الوو أركان ام رقية توفت
أركان : تحچي صدگ!
عمر : اي والله اليوم رقية طبت للبيت لگتها متوفية
أركان :  الى رحمة الله ،، سكت شوية وگال : رقية شلونها ؟ 💔
عمر : مو زينة أبد حالتها تبچي الصخر
أركان : أريد اشوفها 💔
عمر : بيتهم مگلوب گلاب وبيت رضوان كلهم گدام الباب وناصبين الچادر مال فاتحه اذا شافوك تصير فاتحتين
أركان : مو مهم حتى اذا شافوني ، لازم اشوفها بعد ما عدها احد بس آني
عمر : أصبر لعد خلي تروح الناس واني ارتبلك الوضع
*اركان : سديت التلفون وگمت أبچي وحدي بالغرفة افكر اروح وشيصير خلي يصير انوب اهدئ واصبر مثل ما گال عمر.                           
ـ بـــعـد مــرور 8 أيــام »
سليم : يلا عيني عوفو رقية وحدها بالبيت
ام عمر : ليش خالة خطية منو يبقة يمها !
سليم : محد يبقة يمها واذا تحتاج شي تبلغني لو تجي يمي تعيش بالبيت
ام عمر : وليش عود ؟
سليم : قابل تبقة وحدها بالبيت العمر كله وهية بنية شابة ، لازم تزوج ورجلها يحميها
* رقية : طلعن النسوان كلهن وبقيت لوحدي بالبيت سديت الابواب وگمت ابچي وصحت ماما وينچ ؟ يردون يخوفوني حتة اقبل اتزوج سليم ، ماما تعاليلي ماماااا ،
عمر 📱: الوو أركان رقية بقت وحدها اذا تريد تجي تعال اليوم بليل كلش الساعة ب2 لو ب3 كلها نايمة والمنطقة فارغة
اركان : تـماام.                             
رقية : جنت گاعدة وحدي بالاستقبال ومنتچية على الحايط وشابگة المخدة ، واباوع لمكان امي الجانت تنام بي ، واباوع للباب اگول هسه راح تفوت منة ، ما جنت خايفة لان بيت عمر عدهم كامرات وجوارينة كلهم عدهم كاامرات ،،
واني گاعدة سمعت صوت بالطرمة الضوة جان طافي ركضت جبت مسدس بابا أوكفت ورة الباب مال استقبال ، انفتحت الباب ما جنت اعرف منو الدنيا ظلمة والوقت متأخر كلش ، خليت المسدس على راسة وگتلة لا تتحرك ، وادية چانن يرجفن ، هوة بقة ثابت ماتحرك ، فتحت الضوة « لگيتة اركان باوعلي وادموعه جانت تنزل ،
*أركان : باوعت للمسدس « گتلها ترة مايضرب لازم تلغين الأمان وتسحبين اقسام
رقية : وگعت المسدس بالگاع ، وحظنت اركان وگامت تبچي بصوت عالي ،،                         
أركان : البقية بحياتج حبيبتي ، آسف لان ما اجيتج كملي بچي كملي ،
رقية : كعدنة » وگتلة شلون فتت للمنطقه؟
أركان : عمر رتبها « المهم شلونج هسه
رقية : مو زينة ، وسمعت گرايبنة يردون يزوجوني سليم ويعقدونة ، أورة الاربعين يسون العرس
أركان : اي ؟
رقية : اي شنو!
أركان : وانتي شنو گلتي
رقية : بقيت ساكتة وابچي
اركان انتي لو ياخذوج للموت تبقين ساكتة
رقية : امي موهنا وانتة مو هنا واذا درو بيه اريدك يذبحوني شرد اسوي اركان لخاطر الله والله تعبت
اركان : والله مياخذج واذا صارت اكتلكم ثنينكم بليلة العرس واكتل روحي.          mntzer_97@
رقية : اذا اخذوني لـ سليم ميحتاج تكتل وحدة ميتة                                                        
عمر 📱: الوو أركان اطلع من البيت ترة الشمس طلعت والناس گامت تطلع
اركان : تمام ،
رقية : منو؟
اركان : عمر يگول اطلع من البيت
رقية : ابقى بعد شوية حباب ، اخاف وحدي هنا
اركان : والله ماراح اعوفج بس خلي شوية تهدئ الامور ولازم الگة حل ،،
رقية : ماشي ، ديربالك على روحك 💔
اركان :انتي ديربالج ع روحج وبس تردين شي اتصلي عليه لو على عمر
رقية : ماشي،
* اركان : طلعت واباوعلها واگفة بالباب تباوع عليه وعيونها الزرگ متروسة ادموع ، والله حسيت روحي تريد تطلع بذيچ اللحظة ، وحسيت روحي عاجز اسويلها شي ،