الهاربه للكاتب منتظر الطائي الناشربارق العراقي

#الـــــهـــاربـة "#البارت_الرابع

                                                 
#الـــــهـــاربـة "
#البارت_الرابع
#للكاتب✍ #منتظر_الطائي
 insta_mntzer_97#
                                                 #alnasheraliraqi9

عمر : أكللكم عطلانة الكامرات مال بيتنا ليش اجذب عليكم قابل !
سليم : عطلانات لو ضام شي متريدنه نشوفها
عمر : شعليه اني واضم شي عليكم مشاكلكم العائلية لدخلونه بيها رحمة لوالديكم
*عمر : عافوني وراحو لبيت جيرانة هم چانو مخلين كامرات ورحت وياهم طلعو التسجيل وشافو أركان شلون طب لبيت رقية وطلعها بس جانت مشدودة ايدها
سليم : وگف المقطع وگف « هذا مو نفسة أركان المن بيت جاسم الدعم اخوية ؟!!
شيخ حامد : يخطفون بتنة بيت جاسم؟ ليوم نگلبها عليهم گـلااب
عمر : بصوت ناصي « باع ذولة شيفكرون !
سليم : كمل المقطع كملة » كملو المقطع وشافوو أركان نزل من السيارة وراح جاب صورة ام رقية وابوها ورجع صعد وراح،
شيخ حامد : هاي شنو؟
سليم : يخطفها ويروح يجيب صورة امها ؟ وهية ماتنزل تشرد من راح يجيبها ؟ شنو القصة هذا يعرفها؟!!
*عمر : داخو والله « يضحك
سليم : رجع التسجيل كم يوم خلي نشوفه هم جاي عليها قـبل ؟
*عمر : رجعو التسجيل وشافو اركان لمن اجه عليها ورة ما ماتت امها
شيخ حامد : هذا يعرفها ويطب عليها ويطلع ، اني مو شيخ حامد اذا ما اكتلها لهاي رقية واغسل عار بيت رضوان ، لا انوب ويامن وية العدنا عداوة وياه
*عمر : سليم وجها صار احمر وضاج كلش وطلعو يدورن عليهم  هوة واخوته وولد عمة وشيخ حامد وراحو لبيت جاسم مسلحين ، تلگوهم بيت جاسم بالاسلحه وسدو الشارع. وشيخ حامد وگف گدام ابو اركان وكل واحد وراه گرايبة.         
شيخ حامد : لك أبـو اركان ، منا لـ الليل أذا أركان  ميجي وبيدة رقية اعتبر أبنـك ميت
ابو أركان : خطفها الساقط ؟
شيخ حامد : اي خطفها ، لتسوي روحك ما تدري
ابو اركان : هوة شافها بالجامعة وحبها وراد يخطبها بس ورة الحادث مال السيارة الصار والمشكلة الصارت ماگدر ياخذها واني منعته
شيخ حامد : لا مبين مانعه خوش يسمع كلامك
ابو اركان : مادام هيج هذا لا ابني ولا انب اعرفة واذا لزمتوهم شنو تردون تسونة سوو مالي علاقة واي شي تحتاجونة حته تلزموهم اني اساعدكم بس عداوتنا باقية ،
راحو بيت رضوان لمركز الشرطة وشوفوهم تسجيلات الكامرة وصدر امر ألقاء القبض على اركان بتهمة الخطف جان كامش القضية من الشرطة ضابط أسمة ملازم علي «                                       
اركان : اصبلچ چاي حبي !
رقية : لا ما اريد تسلم ، شبعت
أركان : كلشي ما اكلتي الگيمر والجبن على وضعيتة
رقية : لا والله اكلت زين ، تدري من الفاتحة لهسة ما ماكلة مثل هسه
أركان : اكيـد مو آني وجهي يفتح الشهية « يضحك
رقية : ما شاء الله غير مقتنع بروحك ،
اركان : وهوة يضحك دگ التلفون ، عمر 📲 يتصل »
گال ألووو وهوة يضحك
عمر : تضحك ومرتاح ماتدري بالدنيا شكو
أركان : سولف شكو وبچيني اذا ضايج من ضحكتي
عمر : اهلكم درو وجاي يدورون عليكم ومنتشرين والشرطة درت وجاي تدور عليك يعني ابقه بالغرفة ولاتمد راسك من الشباك افتهمت
اركان : يعني بيت رضوان وبيت جاسم ثنينهم گامو يدورون علينا ؟
رقية : عزة وصخام.
عمر : اي وابوك كاللهم مالي علاقه بي شتردون تسوون بي سوو
أركان : حلو كلش حلو ، والشرطة هم جاي تدور ؟
رقية : عزة وصخام
اركان : اسكتي انتي كل شوية عزة وصخام
عمر : اي صدرو عليك القاء قبض والكامش القضية ضابط اسمه ملازم علي «
اركان : ملازم علي ؟
عمر : اي ، تعرفة ؟
أركان : اخوه جان صديقي بالاعدادية
عمر : المهم ديربالكم واي شي يصير جديد ابلغكم
أركان : تمام ...             mntzer_97@
* رقية : چنت اباوع لـ أركان شلون حاير وشلون خاطر بروحه ومستقبلة على مودي، ودموعي تنزل هوة چان من يشوفني ابچي عبالة على ماما يجي يحاول يضحكني ويغير جو شوية.      
صاحب المصيبة والمهضوم والمظلوم من يبچي محد يفتهمة ، يفتهمونه احتمال بس بحدود معينة يعني من چنت ابجي أركان جان يتصور على امي بس بالحقيقة اني ابجي عليه ، مرات ابجي على حظي على امي على التعب التعبته ، بس اليشوفني عبالة ابچي لسبب واحد ، محد يفتهم الألم البداخل الشخص ألا الشخص نفسه او شخص مر بنفس الحالة ، مهما كان المقابل قريب عليك اذا ماعايش ألمك ماراح يحس بيك ...
ـ اللــيــل «
اركان : وين تنامين ؟
رقية : راح أفرش بالگاع وانام
أركان : لا نامي انتي فوگ ع الچرباية اني أنام بالگاع
رقية : ما متعودة عليها گضيت عمري ع الگاع نايمة
أركان : ماشي حبي على راحتچ
* رقية : نام هوة فوگ ع الچبرايه وآني جوة فرشت وچنة نباوع ع السگف وساكتين
أركان : خايفة ؟                               
رقية : اخاف بس من اباوع عليك ارتاح شوية
اركان : عوفي الرومانسية ع صفحة
رقية : جاي احجي صدگ ، مو صوجك
اركان : يضحك « زين شنو تتوقعين نهايتنا ؟ زينة لولا
رقية : ماريد أگول خاف اخوفك
اركان : احچي هية خربانة والعراق كلة يدور علينا
رقية : أبتسمت « اكو فلم هندي شفنا اني وماما الله يرحمها نفس حالتنا تقريبا
أركان : شلون يعني!
رقية : يعني هم شاردين واهلهم يدورون عليهم بس نهايتهم مو زينة
أركان : گعدت ع الجرباية وگلتلها « يموتون ؟
رقية : اي يقتلوهم ،،
اركان : لتباوعين هندي بعد رحمه لوالديچ
رقية : ضحكت « ماشي ، شباوع لعد ؟
اركان : اجنبي ، هم اكو فلم نفس قصتنا وعاشوو بالنهاية.                                   
* أركان : اصلا ماكو هيج فلم اجنبي بس چذبت عليها حته ارفع معنوياتها ، رجعت راسي ع المخدة وبقيت افكر بالسفر خارج العراق اني وياها هذا الحل الوحيد،
رقية : بشنو جاي تفكر ، نام
اركان : أگلج شنو اكثر شي فرحتي بي بحياتچ غير نجاحچ
رقية : اگول بس لا تضحك
اركان : احجي والله ما اضحك
رقية : اشترينة تنور جديد التنور القديم چان شالع گلبي حيل فرحت من جابته ماما
اركان : فرحتچ تقهر الواحد
رقية : يعني شنو ؟
اركان : هيج ولاشي
رقية : زين انته شنو اكثر شي فرحت بي ؟
اركان : من اشتريت سيارة
رقية : نفس الشي تقريبا اني وياك »ضحكت.
اركان : تدرين هواي شغلات تعلمتها منچ
رقية : مثليش؟
اركان : كل الصار بيج وبعدچ واگفه على رجليچ وصابرة وسباعية وقنوعة ، هواي اكو بنات حاولن ينتحرن وكرهن رواحتهن لأسباب تافها ، عكسچ
رقية : مخبلات ، مايتحملن مشاكل الدنيا شلون راح يتحملن جهنم ،بس تدري آني هم كرهت شغلة بروحي
أركان : شنو هيه ؟
رقية : عيوني الزرگ ، والله احس كل المصايب من وراها ، يمكن كل البنات يحبن جمالهن بس اني البنية الوحيدة لتمنيت شكلي مو حلو
اركان : لتحچين هيج ترة اگمز عليچ والله « يضحك
رقية : نام ، ولتخليني اسوي بردة بين وبينك ..
ـ صــبـااح الـيــوم الـتـالـــي »
ام عمر : اكعد عمر احنه رايحين لبيت خوالك راح تبقة وحدك بالبيت ،،                    
عمر : من جوة البطانية » الله وياكم سلمونة ،راحو وگالو راح يبقون 4 ايام ، گمت من افراشي غسلت وطلعت لگيت صور اركان معلگة بالشارع ومكتوب جوها مطلوب اليعثر عليه الة جائزة ،
بقيت اتمشه واباوع ع الصور مالته واشوف سليم واخوته يفترون بالمنطقة وگفت على صفحة جان اطلع تلفوني واتصلت 📲 على اركان
عمر : ألو اركان معلگين صورك بالمناطق ديربالك
اركان : اخبارك من الصبح تخبل
*عمر : باوعت وراية لگيت سليم وأخوتة واگـفين وراية سديت لتلفون
أركان : الوو عمر الوو.           mntzer_97@
سليم : عرفت عدك شي من گتلي الكامرات عطلانة بس شلون فاتتني انته وياهم بنفس الجامعة
* عمر : لزموني وگعدوني على كرسي وشدو ادية  واجه شيخ حامد چبيرهم.                 
رقية : شنو يگـول عمر
اركان : انگطع الخط يمعودة
رقية : واذا انگطع شبيك هيج خفت
اركان : اتفقنا اني وعمر اذا نگطع الخط واحنه جاي نحچي ارجع أدگ عليه 5 مرات اذا ما جاوبني يعني لازم نغير مكانة ،
رقية : هسه شگد دگيت عليه؟
اركان : مرتين بعد 3 ،
*عمر : جنت اباوع على تلفوني بيد سليم واحسب الاتصالات
سليم : لك احچي وين همه وين مكانهم « وضرب عمر بوكس وگع هوة والكرسي
* عمر : گمت اتفل دم « واباوع للتلفون بعد اتصال واحد «
سليم : هذا اركان يدگ صارلة ساعه اجاوبه؟
شيخ حامد : لا خاف يعرف ويغير مكانه ، +
أركان : لمي غراضچ بسرعه صارن 5 دگات ، احتمال لزمو عمر
رقية : وين نروح !
اركان : اصعدي بالسيارة ومعليج ....
* عمر : انتظرت شوية وگلت خلي يطلعون واگللهم على المكان
شيخ حامد : ابني عمر مانريد نضربك بعد، انتة غريب وابن عشيرة غريبة منريد نطب وياها بمشاكل فگول وين مكانهم وشتريد نطيك احنه حاضرين
عمر : ماشي عمي راح اسولف تلگوهم گاعدين بغرفة وانطيتهم العنوان «
*عمر : يارب افتهم الخطة اركان وشرد
- طلعو بيت رضوان كلهم تقريباً 7 سيارات وراحو للعمارة اركان ورقية چانو بالسيارة گاعدين ويباوعون من بعيد ، نزل سليم واخوته واولاد عمه من سياراتهم وصعدو للشقة لگوها فارغه نزلو سئلو ابو المحل الجوة گللهم قبل شوية طلعو                 
سليم : گام يصيح بنص الشارع
رقية : باوع تخبل المخبل
أركان : لو ما جاي عليج قبل يوم جان هسة هوة زوجج
رقية : أييع لتذكرني ، ويلا امشي لا يشوفونه
اركان : ابتسمت » ومشيت بالسيارة
رقية : وين راح نروح ؟
أركان : يم وحدة تحبيها كلش
رقية : منية؟
أركان : راح نروح لـبيت أسماء
رقية : يا أسماء ؟
أركان : الويانة بالشعبة شبيج
رقية : تحجي صدك ! وديني لبيت رضوان ولتوديني يمها ،
اركان : لا متغيره هليام وگاعدة وحدها بالبيت امها مسافرة برة
رقية : ما شاء الله تفاصيلها يمك.             
اركان مو وكت غيرتج هسه ابد ترة ماكو احد نروحله غيرها ، واني هم رايحلها على اعصابي
* رقية : رحنة لبيت أسماء بعد ماچان الطريق كلش طويل لان اركان كل سيطرة عسكرية يشوفها يغير طريقة ، وصلنة للبيت الچان عبارة عن قصر حتة خدم بي ماجنت اتصور اكو هيج بيوت بالعراق عبالي بس بالمسلسلات الخليجية اكو هيج ،
طلعت اسماء استقبلتنة لان اركان اتصل بيها بالطريق وفهمها بس رؤوس اقلام ،
أسماء : شنو هااي شصاير بيكم تحجون صدگ لو تشاقون ؟
اركان : هيج سوالف ترهم شقة
اسماء : البقية بحياتج رقية
رقية : حياتج البقية تسلمين
أسماء : هلفترة فكرت بالسويته وياچ لگيت نفس غلطانة بحقچ وجرحتج بالجامعة ، آسفة.
رقية : لا عادي حبيبتي مصار شي واحنه جاي نسولف اجتي الخدامة ( البنگلاديشية ) خلت الگهوة گدامنا
رقية : يمكن من دريتي بيه خبازة صارت نظرتج الية بالجامعة مثل نظرتج لهاي الخدامة ، مو صح؟
أسماء : اي صح ، بس كتلج تغير تفكيري هسه
رقية : لو اعرف انتي عايشه هيج حياة جان عرفت ليش تعاملتي وياي ذاك التعامل ، باعي أسماء الانسان مهما اشتغل من عمل راح تبقة مشاعرة وأحاسيسة ما ميتة حته هاي الخدامة مو لان خدامة يعني عادي نجرحها لو مثلاً عامل النظافه عادي نلغط عليه و و و الامثلة هوايه ، خلي يكون احترامنا للأنسان لان هوة أنسان مو لان هوة يشتغل بفلان وظيفة او عندة كذا مال وكذا عقارات ،               mntzer_97@
*أركان : لزمت حنچ رقية بأصابيعي وبست اصابيعي وباوعت لـ أسماء گتلها هاي رقية الحبيتها عرفتي ليش حبيتها هسه ؟                                  +
أسماء : هسه انتو جايين تحچون عليه؟ « تضحك
أركان : لا بس حبينة نبين وجها نظرنا الچ
أسماء : وصلت فكرتكم وخلي اگوم اشوف الغدة وين صار
* رقية : چانت عايشة هية وأمها بهذا البيت حسب ما أفتهمت من أركان بس أمها محامية ومسافرة هسه لخارج العراق علمود قضية ،، ابوها منفصل عن امها وعائلتها مدري شلون عايشين كلمن بصفحه ، صح فلوس عدهم هواية بس شنو قيمة الفلوس اذا ماجانت العائلة مجتمعة سوة وگلب على گلب !
گمنا للغدة على ميز فخم ومرتب وگعدنا اني وأركان والاطباق گدامنا عبالك فطور أنگليزي «
الشوكة والسكين 🍴 گدام كل واحد وبلشوو ياكلون اني بقيت حايرة شلون ألزمهن وأسيطر على لگمتي باوعت لـ أركان چان يشاورني گلي باوعيلي وسوي نفس ما اني آكل.                            
بقيت اباوع لـ اركان وآكل چانت اول لگمة صعبة بس بعد شوية تعلمت عليها ، چنت اباوع لـ اركان وابتسم وهوة هم يضحك « ياربي شگد أحبه 💝
خلصنا الأكل وگمنا نغسل وأركان ورايه ينتظرني اخلص گال هاي اجي اغسلج ايدج ،
رقية : اهوو علمني على شغلة سواني كلشي ما اعرف
أركان : انتي تعرفين شلون تفوتين لگلبي بس 💘
* رقية : ضحكت ورحت گعدت بالصالة چانت كلش جبيرة بحيث اركان من اجه صوت كعب حذائه يطلع صدى ،گعدنا وجابو الچاي ☕ وبقينة نسولف كلنا،
أسماء : سولفلي اركان شلون توفت امچ بس عندي كم سؤال اريد اسئلهم اذا ماعدج مانع؟
رقية : تفضلي!
أسماء : امج بالتقارير مكتوب سكته قلبية مو صح؟
رقية : اي صح
أسماء : من طبيتي لگيتيها جانت تخبز غير توگع يم الخبز منو وداها لفراشها ؟       
ـ ( مــــن الــقـاتــل ؟ )         
رقية : باوعت لـ اركان متعجبة « وگتلها ما ادري
أركان : اني هم من سألتني ما عرفت اجاوب وصدگ منو طلع الادوية يمها وهية جايتها السكته القلبية ؟؟
أسماء : وهذا هم جان السؤال أبالي
رقية : غير الطبيب شاف سبب الوفاة وكتبها قابل مايعرف الطبيب من كال سكتة قلبية ؟
أسماء : ترة أغلب الدكاترة مايهتمون لنتيجة التحليل يكتبون اي شي وينطونها خصوصا اذا جان الشخص جبير بالعمر «
رقية : آني عندي بعدهم النتائج والفحوصات الأخيرة مال ماما كلهن بالجنطة
أسماء:وديهم لدكتور غيرة خلي يشوفهم ما نخسر شي
أركان : انطينياهم اني اشوف هذا الموضوع
رقية : خليتوني افكر يعني معقولة احد منطي دوة لماما بالغلط مثلا منو هذا ؟ شنو مصلحتة؟ لا مستحيل هذا تفكيركم !             
* أركان : گمت من يمهن وطلعت بالحديقه وضليت افكر ، وأسولف ويا نفسي معقولة ام رقية ماتت مقتولة ؟ منو الة فائدة يموتها ؟ سليم ؟ ليش ؟ حته ياخذها ؟ لا لا سبب الوفاة سكته قلبية الاطباء مايخطئون « لعد منو شالها من يم التنور للفراش وطلع الدوة ؟؟ راسي راح يطگ من التفكير « باوعت لـ رقية وگلت يارب هاي مابيها حيل بعد صدمة ثانية ، وين صرت عمر ؟ ليهسة ما هدوك ؟ شصار بيك؟
اجتي رقية واني واگف حظنتني من ضهري وخلت خدها على ضهري وأديها على صدري وگالت بيمن تفكر حبيبي؟ لزمت أيدها وافتريت عليها وحظنتها گتلها ما افكر بشي ، وضحكت « قبل چنا نخاف من أسماء تشوفنا بالجامعه وهسة شابگج أبيتها
رقية : أبتسمت « لا أسماء گايمة تحب واحد سمعتها تخابرة وتصيح عليه
اركان : صدك! ، يعني لگت واحد على ذوقها ! عبالي متغيرة من صدك طلع بعد يحتاجلها تغيير. 
* عمر : ورة ماراحو للغرفة الچان بيها أركان ورقية ومالگوهم هدوني فرحت للبيت وغسلت حلگي ، خرب عرضة سليم مو بوكس أيدة عبالك طابوگة « واني جاي أغسل أندگت الباب فتحتها لگيت مرية لابسة عباية وبوشية على وجهاا بس عيونها طالعات وبدون متحچي فاتت وسدت الباب آني خفت »گلـتلها منو ؟ هية رفعت البوشية وگالت آنـي زمـن«
عمر : رجعي البوشية ماعرفتچ « ضحكت
زمن : آني زمن زوجة سليم ،  شبيك
عمر : سليم طير هاي الصفحة من وجهي دزچ تكملين الصفحه الثانية ؟ بعدين الأدري بي أنتي أطلگـتي منه شجابچ لهنا؟
زمن : جاية أگلك شي بس آني أعرفة ومن وراه مجاي أگدر أنام الليل
عمر : شنو هالشي گولي ؟!          mntzer_97@
زمن : أتصل بصديقك وگلة أم رقية ما ماتت أنكتلت والقتلها سليم ، أجة سكران بيومها وسولفلي.