شهد صحت من النوم زي كل يوم اخدت شاور ولبست وحضرت الفطار وصحت مامتها
مني=صباح الخير يا قمر
شهد=صباح النور ي ماما
مني=ايه اللي انتي لبساه ده ي شهد
شهد=ايه ي حبيبتي
مني=قصير اوي اوي يعني
شهد=ماما قفلنا الموضوع ده
مني=مهو لو كان ابوكي عايش.
شهد=ممكن متكمليش وكفاية بقي
شهد قامت ونزلت مكنتش عارفة تروح فين..شهد اتصلت ب سارة
شهد=ايه ي سارة انتي فين
سارة=الناس بتقول صباح الخير عاملة ايه مش ايه ي سارة انتي فين
شهد=اسفة عاملة اي
سارة=استني استني انتي معيطة
شهد=لالا مفيش حاجة
سارة=ممكن تجيلي طيب نتكلم
شهد=لالا
سارة=تعالي ي بنتي بقي بقالنا ٣سنين صحاب ومشوفتيش ماما
شهد=ماشي هاجي اهو
بعد نص ساعة شهد وصلت بيت سارة بس اسلام اللي فتحلها
شهد=احم سارة موجودة ولا أنا البيت غلط ولا اي
اسلام مردش عليها وبصلها بقرف وسابها ومشي=سارة كلمي
شهد=ايه المتخلف ده
اسلام=قولتي اي
شهد=قولت ايه المتخلف ده ايه مسمعتش
اسلام=انتي جاية بيتي وبتشتميني
شهد=أنا مش جيالك انت أنا جاية لسارة
اسلام=اشك أن سارة تعرف الاشكال ده اصلا
شهد=انت مين ي بتاع انت ياللي عمال تتكلم شكلك خدام هنا صح
اسلام=خدام كمان انتي هبلة ي بت انتي ولا ايه بقولك بيتي
شهد=استغفر الله العظيم شكلي جيت عنوان قرف غلط ده ايه الاشكال ده ع الصبح نقصاك انا
اسلام زعق= احترمي نفسك بقي
شهد اتخضت ودمعت=انت مين عشان تزعقلي كده اصلا
سارة نزلت ع زعيق اسلام
سارة=شهد حبيبتي اسفة والله مكنتش اعرف انك جيتي وانت بتزعق مع مين
اسلام=معاها
سارة=انت متخلف يبني تعالي ي شهد تعالي ي حبيبتي
سارة وشهد طلعوا اوضتها
سارة=ها احكيلي
شهد قعدت تعيط
سارة=طب اهدي بس واحكيلي
شهد=أنا تعبت ي سارة تعبت اوي كل ما تتكلم تقولي لو كان ابوكي عايش لو كان ابوكي عايش أنا تعبت وكمان مش لاقية شغل وغير كل ده شوفت القرف اللي تحت ده
سارة=اه ده اخويا
شهد=اسفة
سارة=واللي يجيبلك شغل
شهد=بجد ي سارة ياريت
سارة=بس هيبقي مع القرف اللي تحت ده
شهد=يستي اي حاجة بس اشتغل لان بقت الحالة وحشة اوي
سارة=طب أنا هكلمه وارود عليكي
شهد=اشطا
سارة وشهد فضلوا يتكلموا لحد الساعة ١٠ وشهد اتعرفت ع مامت سارة
شهد=ياربي أنا اتأخرت اوي هروح أنا بقي
سارة=استني اقول لاسلام يوصلك
شهد=لالا
سارة=استني بس..اسلام وصل شهد
اسلام=لا
اسراء=هو ايه اللي لا اتفضل روح وصلها الوقت أتأخر
اسلام=هو حد قالها تقعد لحد دلوقتي وبعدين مشوفناش حد سأل عليها من الصبح كده ولا ابوها ولا امها
شهد دمعت=خلاص ي طنط أنا أعرف اروح أنا
اسراء=والله ما انتي مروحة لوحدك
اسلام=استغفر الله العظيم يارب اتفضلي قدامي
شهد مشت وركبت مع اسلام
مامتها اتصلت بيها
مني=ايه ي شهد انتي فين كل ده قلقت عليكي
شهد=أنا راجعة من الشغل اهو ي حبيبتي خلاص ف الطريق
مني=متزعليش مني ع كلام الصبح ده ي شهد مكنش قصدي
شهد=عادي ي حبيبتي محصلش حاجة يلا سلام
اسلام=كمان كدابة
شهد=كدابة؟!!! ماما لو عرفت اني مش بشتغل هتنزل تشتغل هي بس مش اكتر عشان كده بقول كده وبعدين وانت مالك اصلا
اسلام=وباباكي فين
شهد=الله يرحمه
اسلام=أنا آسف ع اللي قولته ف البيت
شهد=عادي ولا يهمك متعتذرش
اسلام=انتي مش لاقية شغل يعني
شهد=اه
اسلام=انتي متخرجة من كلية أي أصلا
شهد=السون تركي
اسلام=طب أنا محتاج سكرتيرة عندي ف الشغل وكده هاتي السيڤي بتاعك وتعالي بكرة
شهد فرحت أوي=بجد شكرا اوي
اسلام=العفو
اسلام وصل شهد ورجع
اسلام=بت ي سارة
سارة=نعم
اسلام=ايه حكاية صاحبتك ده غامضة اوي
سارة=اوبا اسلام بيسأل ع بنت
اسلام=بسأل مجرد فضول بس مش اكتر
سارة=مش هقولك
ا سلام=روحي اتخمدي ي بت
تاني يوم شهد صحت ولبست ونزلت راحت شركة اسلام
