شهد نامت واسلام نام ع الكنبة
تاني يوم..
اسلام=صباح الخير
شهد=ينهارك اسود يا اسلاام انت ايه اللي نيمك هنا مش قولتلك انزل نام تحت
اسلام=بقولك صباح الخير تقوليلي ينهار اسود قومي البسي يا شهد عندنا زفت شركة ع الصبح قومي
شهد=انت. بتكلمني كده ليه ع الصبح فيه ايه
اسلام=واحدة صاحية بقولها صباح الخير تقولي ينهارك اسود اقولها ايه يعني
شهد=اصل مينفعش نبات مع بعض ف أوضة واحدة وانت اكيد عارف كده وبعدين
شهد قامت قعدت جمبه ومسكت ايده
شهد=وبعدين حبيبي لسة تعبان يعني مينفعش ينام ع الكنبة كده
اسلام=لا بتعرفي تثبتيني بصراحة اتثبت خلاص
شهد=يلا قوم ورانا شغل هروح اوضتي البس وانت البس بسرعة يلا
اسلام=اشطا
شهد راحت لبست
بس الفستان كان طويل لحد قبل الركبة بحاجة بسيطة*
شهد راحت خبطت عليه
شهد=أنا خلصت
اسلام=وانا كمان خلصت
شهد=اشطا يلا بينا
اسلام=استني استني تعالي ارفعي ده يا حبيبتي
شهد=لازم تبوظ شكل كل حاجة كده يلا طيب هرفعه
اسلام=طب ارفعيه
شهد=هرفعه يبني حاضر اصبر يباي
اسراء=شكل شكل شكل انتوا لما تتجوزوا هتعملوا ايه
هنا=هيتطلقوا ع طول اصلا يا طنط مش لايقين ع بعض شهد مجنونة واسلام هادي كده اه صح ال dress ده شكله مش بطال عليكي
شهد بصوت واطي=شايف بتقول ايه
اسلام مسك ايد شهد
اسلام=لما أنا والقمر ده مش لايقين ع بعض اومال مين اللي يليق ع مين بقي
شهد ضحكت ووشها احمر
اسلام=يعني قمر وبيتكسف كمان يعني أنا عايز ايه من الدنيا اكتر من كده والفستان حلو اوي عليكي يا قلبي حقيقي
اسراء ضحكت=ربنا يخليكوا لبعض يارب
هنا بخنقة=أنا هطلع الاوضة أنا ي طنط
هنا حطت ايديها ع كتف اسلام=عايز حاجة يا اسلام
شهد بعدت ايد هنا=لا ميرسي يلا ي حبيبي
في الطريق
شهد=هتجيبلي شلل
اسلام=منا رديت عليها يا شهد
شهد=مش انت يا اسلام هي
شهد وهي بتقلد طريقة هنا=هيتطلقوا ع طول اصلا يا طنط مش لايقين ع بعض شهد مجنونة واسلام هادي يييييييي
اسلام ضحك=مجنونة انتي فعلا مجنونة
شهد=حتي انت بتقول عليا مجنونة
اسلام=مجنونة بس انا بحبك وانتي مجنونة يستي
شهد=وانت هادي!
اسلام=لا وانا كمان مجنون عشان انا لو كنت عاقل مكنتش حبيت واحدة مجنونة زيك
شهد=يباي عليك يبااااي
شهد ضربته ف كتفه جامد
اسلام وقف العربية=ااهه ي شهد ايه الغباء ده
شهد=أنا اسفة والله مكنش قصدي انا اسفة انت كويس؟
اسلام=لا هزتيني جامد حسيت ان قلبي وجعني كده اوي
شهد دمعت=والله اسفة والله طب اعمل ايه طيب والله مكنش قصدي نروح للدكتور!
اسلام=اهدي اهدي هتعيطي ولا ايه اهدي
اسلام حضنها=بصراحة كنت بهزر معلش هزار سخيف بس بعد بقالي كتير محضنتكش يا عم
شهد=ورانا شغل يا اسلام
اسلام=انتي مالك قلبتي ع محمد كده ليه ليه بتوظي اللحظات الحلوة ده كده يا ماما ليه الشغل هيطير يعني
شهد=لا هيطير يلا عندنا اجتماع مهم النهاردة شركة G S R
اسلام=تمام
شهد واسلام وصلوا الشركة
شهد=روح أنت ع الاجتماع وانا هاجي وراك
اسلام=اشطا بسرعة ها
شهد=حاضر
عند اسلاك
اسلام=شهد بس بتجيب الورق وهنبدأ الاجتماع
مارك=عادي أنا مش مستعجل اوي
شهد وهي داخلة كانت هتقع مارك مسكها
مارك=انتي كويسة؟
شهد=أنا اسفة جدا بجد بس مش عارفة فيه ايه ف الارض هنا كان هيوقعني
مارك كان حاطط أيده ف جمب شهد واسلام مديهم ضهره
مارك=لا عادي ولا يهمك
اسلام لما سمع صوت شهد لف
اسلام=ايه ده فيه ايه
شهد بعد ايد مارك=مفيش كنت هقع واستاذ ..
مارك=مارك اسمي مارك
شهد=واستاذ مارك لحقني بس
مارك=لا مارك بس مش استاذ
شهد=حاضر
مارك=انتي مصرية؟
شهد=اه
اسلام مسك ايد شهد وبعدها عن مارك=نبدأ الشغل يا استاذ مارك ولا ايه
مارك=تمام يلا
اسلام=شهد هتورينا كل حاجة عن المشروع اللي مفروض نعمله وتقدر بقي بعد كده تقرر هتوافق ولالا
مارك=اسمك شهد!
اسلام اتعصب وضغط ع أيده جامد
شهد=اه
مارك=اسمك حلو
شهد=ميرسي
اسلام بصوت عالي نسبيا=نبدأ ولا ايه
مارك=نبدأ
شهد وطت عند ودن اسلام عشان كان قاعد وبصوت واطي=اهدي شوية الصفقة ده مهمة مش عايزين نضيعها من أيدينا
اسلام=هادي اهو أنا هادي
شهد=واضح يا حبيبي واضح
شهد فضلت تشرحلهم المشروع وف نص الشرح قلعت الجاكت اللي كانت لابسه وحطته ع الكرسي
مارك فضل مركز مع شهد اوي
اسلام فجأة بصوت عالي شوية=ناخد بريك شوية ي جماعة بقي ونرجع نكمل شغل تاني
مارك=فيه مطعم قريب من هنا تعالي نروح ناكل ونرجع تاني
شهد=حلوة الفكرة ده أنا جعانة اصلا يلا
مارك=ما انتي تعبتي بصراحة
اسلام=شهد هاتي الجاكت بتاعك وتعالي عايز اقولك ع حاجة واستاذ مارك روح انت واحنا هنيجي وراك
اسلام دخل المكتب وشهد دخلت وراه
اسلام=ايه اللي خلاكي تقلعي الجاكت الفستان ضيق جدا من ورا ومفتوح اوي من فوق يا شهد وحط أيده ف جمبك ف اول الاجتماع وعمال يبصلك بصات قذرة اصلا
شهد=أنا احتريت بس من كتر الحركة وكده بس عشان كده قلعته ومش ضيق جدا ولا حاجة يعني عادي
اسلام=الجاكت يتلبس وكلام تاني معاه ومتتكلميش وبقيت الاجتماع أنا اللي هكمله وانتي هتقعدي ف المكتب او بعيد عنه ف الاجتماع
شهد=تمام
اسلام=اتفضلي امشي قدامي
شهد=متزقش طيب براحة
اسلام=مش ناقص استظرافك بجد
شهد=حاضر سكت اهو
شهد واسلام راحوا لمارك
مارك قام وسحب الكرسي لشهد عشان تقعد
شهد=خليك انت يا استاذ مارك أنا هقعد جمب استاذ اسلام هنا
مارك=تمام قوليلي بقي انتي خريجة كلية ايه
شهد=السون
مارك=قسم ايه
شهد=تركي
مارك=اها
اسلام=اكيد بقي هتيجي ف فرحي أنا وشهد
مارك=فرحك انت وشهد؟؟
اسلام=اه ما احنا مخطوبين
مارك=اه احم مبروك اكيد هاجي
اسلام مسك ايد شهد=اول ما نحدد المعاد هقولك ع طول
مارك=تعالوا نرجع الشركة بقي نكمل شغل
اسلام=تمام
شهد واسلام خلصوا شغل وروحوا
اسلام=مش هتدخلي معايا الاجتماع ده تاني ابدا انتي فاهمة والسكر ده هيتغير يعني هيتغير يا شهد انتي مشوفتيش كان بيبصلك ازاي
شهد=اسلام عايز تتشاكل صح انت عايز تتشاكل خلاص ي اسلام قولتلك ماشي مش هتنزل ادخل الاجتماعات بتاعة الشركة ده تاني
اسلام=وفين الخاتم بتاع الخطوبة
شهد=نسيته فوق
اسلام=لا يتلبس ومتنسيهوش تاني
اسراء=كل يوم بترجعوا بتتشاكلوا كده فيه ايه بجد
شهد=يا ماما معملتلوش حاجة والله
اسلام=مارك صاحب شركة. G S R كان بيشقطها وانا قاعد
شهد=ايه بيشقطها ده احترم نفسك ومتقولش الألفاظ ده
اسلام=شوية كان هيقولها يتخطبوا خلاص وانا قاعد بينهم اصلا
اسراء=مارك ده مسيحي يبني يخطبها ازاي
شهد=أيوة صح طنط عندها حق انت بتقول ايه
اسلام=لبسك هيتعدل
شهد=مش هغير لبسي أنا
هنا=أنا شايفة انها لو بتحبك هتغير لبسها عشانك
شهد=اخرسي انتي ملكيش دعوة اصلا متدخليش بينا
اسلام=شهد عيب كده متتكلميش معاها كده
شهد=لا اتكلم بالاسلوب اللي يعجبني اصلا جبت واحدا منعرفهاش قعدتها معانا ليه اصلا
هنا=وانت قاعدة هنا بأمارتك ايه انتي كمان خطيبته!! مش مبرر
شهد=اسلام انت ساكتلها
سارة=فيه ايه يا جماعة
شهد=اسكتي انتي عشان انتي السبب ف كل ده
هنا=بتتكلم كأنه بيتها بجد
شهد=لا انتي ف ده عندك حق بصراحة مقدرش اتكلم
شهد سألتهم وخرجت وسارة خرجت وراها
اسراء=مش هتروح وراها
اسلام=لا
اسلام طلع ع سطح الڤلة وهنا طلعت وراه
هنا=متضايقش نفسك
اسلام=ع فكرة ده بيت شهد كمان
هنا مسكت أيده=طب اهدي انت ومتضايقش نفسك
عند سارة وشهد
سارة=اهدي يا شهد وكفاية عياط بقي
شهد=يا سارة معدناش بنعمل حاجة غير أننا بتتشاكل اصلا وبنزعق لبعض بس وهنا ده كمان مستفزة اوي يعني
سارة=همشيها حاضر خلاص والله تعالي بس روحي اقعدي اتكلمي مع اسلام براحة وظبطوا الدنيا كده
شهد=حاضر
شهد روحت
شهد=ماما فين اسلام
اسراء=فوق ع السطح
شهد=تمام
شهد طلعت لاسلام
