اسلام بيزعق
اسلام=هو ايه اللي حامل انتي هتستعبطي
..=ايه اللي هستعبط أنا عملت ايه والتحاليل قدامك اهي
اسلام=أنا ولا واثق فيكي ولا ف التحاليل ده اساسا
شهد فتحت الباب ودخلت لقت اسلام وهنا
شهد=انتي!
هنا=طب أنا هخرج انا بقي نتكلم بعدين
اسلام=شهد استني هفهمك
شهد=أنا جاية اخد فستاني بس وهمشي أنا اسفة اني دخلت فجأة
اسلام جاي يمسك ايديها شهد زقت أيده وضربته بالقلم
شهد=اوعي اوعي يا اسلام تقرب مني ولا تلمسني اوعي
اسلام=طب اسمعيني وهفهمك
شهد بزعيق=مش عايزة افهم حاجة أنا مش عايزة يا اسلام أنا تعبت خلاص ابعد عني ابعد
شهد اخدت الفستان وخرجت
اسلام=يا شهد استني يا شهد
اسراء=فيه ايه تاني يبني
اسلام=خلصت يا ماما خلاص
اسراء=ايه اللي خلصت يبني مالك
اسلام=مش هترجع تاني
اسراء=طب اهدي وفهمني
عند شهد اخدت الفستان ومشت راحت قعدت ف كافيه وقعدت تعيط ولما هدت راحت مشوار وبعدين وراحت لسارة
سارة=اتأخرتي كده ليه يبنتي
شهد بتعب=اسفة بس مكنتش لاقية الفستان
سارة=مالك يا شهد
شهد=مفيش يا قلبي ايه القمر ده بس الفستان حلو اوي عليكي
سارة=متأكدة انك كويسة
شهد=اه بلاش تتكلمي كتير بقي عشان مفيش حاجة تبوظ وهي بتحطلك ميكب
سارة=حاضر البسي يلا بسرعة
شهد لبست الفستان
سارة=حلو اوي عليكي بجد قمر
شهد=ميرسي يا قلبي انتي اللي قمر
شهد فونها رن لقت اسلام مردتش اتصل ع سارة
اسلام=سارة اديني شهد
سارة=فيه ايه
اسلام=اديهاني بس
سارة=حاضر شهد اسلام
شهد=حاضر
شهد اخدت التليفون وخرجت برة
شهد=انت بتتصل ع تليفون سارة ليه انا مقولتلهاش ان حصل حاجة مش عايزة انكد عليها أنا
اسلام=شهد هجيلك اخدك نتكلم
شهد=مش هاجي معاك ف حتة ولا هنتكلم يا اسلام عايز ايه مني تاني بقي
اسلام=يا شهد لازم نتكلم
شهد=لو سمحت من فضلك أنا قاعدة مع صاحبتي ومش عايزة اتنكد أنا لو سمحت اقفل ومتتصلش تاني
شهد قفلت ف وشه وقعدت تعيط وبعدين مسحت دموعها ودخلت لسارة
سارة=شهد انتي بتعيطي انتي كويسة؟
شهد=مش بعيط بس عيني دخل فيها تراب كتير اوي ف عيني وجعتني بس عديني كده اغسل وشي
سارة=طب شكلي حلو
شهد=حلو اوي ي قلبي قمر ماشاءالله ربنا يخليكوا لبعض يارب
سارة=عقبالك
شهد ضحكت
سارة خلصت وشهد كمان
سارة=محطتيش ميكب ليه يبني
شهد=حطيت بلاشر وماسكرا وروج عادي بقي كده شكلي احلي
سارة=شكلك قمر فعلا
شهد=حبيبتي انتي اللي قمر
سارة=اسلام ومحمد وصلوا برة يلا بينا
شهد بضيق=تمام يلا
شهد وسارة خرجوا
محمد حضن سارة=ايه القمر ده بجد مشاء الله
اسلام حضن سارة=قمر يا حبيبتي ماشاءالله حقيقي مش مصدق انك كبرتي وخلاص هتتجوزي وكده
اسراء=ايه القمر ده يا قلب ماما انتي مشاء الله ربنا يحميكي ويحرسك يارب
سارة=ربنا يخليكوا ليا يارب
اسلام=شكلك حلو
شهد بصتله وسكتت
هنا=ايه يا قلبي القمر ده بس مشاء الله عليكي
شهد لما شافت هنا اتخنقت=طب انا هروح أنا ع القاعة
سارة=مش هتركبي معايا
شهد=لا اسلام هياخدك انتي ومحمد وماما مفيش مكان ليا ي قلبي هاجي وراكوا حتي بأوبر
اسلام=هتمشي لوحدك كده ازاي
شهد جاية ترود
مالك=مبروك يا عريس مبروك يا عروسة
محمد=الله يبارك فيك يا مالك
شهد=مالك ازيك عامل ايه خلاص همشي مع مالك ومي اهو
هنا=وانا
سارة=روحي معاهم
شهد=مفيش مكان لا صح يا مالك يلا يلا
شهد شدت مالك ومي ومشوا
هنا=ها هعمل ايه
اسلام=اركبي وروحي بقي
هنا=تمام
شهد ركبت مع مالك ومي
مالك=بت انتي مالك فيه ايه
شهد=مفيش
مالك=لا فيه مالك
شهد=مفيش يا مالك
مالك وقف العربية=مش هنمشي غير لما تقولي مالك ع فكرة
شهد دمعت=يباي يا مالك قولت مفيش حاجة
مي=متضغطش عليها يا مالك
مالك=مضغطش عليها ايه فيه ايه يا شهد
شهد عيطت=تعبت يا مالك تعبت
مالك=فيه ايه يبنتي
شهد حكتله ع اللي حصل
مالك=اكيد فيه حاجة غلط يا شهد اسلام بيحبك مش هيعمل كده
شهد زعقت=كل مرة تقولي بيحبك مش هيعمل كده كل مرة يا مالك أنا تعبت بقي يعني ايه اللي اجبره يعمل كده ضربته ع أيده ولا ضحكت عليه يا مالك
مي=طب اهدي يا حبيبتي ومتفكريش ف حاجة اهدي احنا رايحين فرح سيبك منه دلوقتي ومن كل حاجة افرحي بس انتي دلوقتي وبعد الفرح نقعد أنا وانتي نحكي كتير
شهد مسحت وشها وظبطت المسكرا
شهد=تمام انا تمام يلا
مالك=متأكدة
شهد=اه يلا بقي متنكدش عليا
مالك=تمام
وصلوا الفرح وشهد قعدت تتجاهل اسلام وكل ما يجي يحاول يتكلم معاها تسيبه وتمشي وهنا لازقة ف اسلام جه الفقرة بتاعة رمي البوكيه سارة ادورت وادته لشهد
شهد=انتي بتعملي ايه
سارة=خلاص بقي الدور عليكي انتي والشاب الوسيم ده
اسلام ضحك=شاب وسيم!
سارة=مش اخويا يبقي شاب وسيم
اسلام ضحك=ربنا يخليكي ليا يا قلبي
شهد=ميرسي يا قلبي ربنا يخليكي ليا يارب
الفرح خلص
سارة=ماما هتوحشيني اوي
اسراء=أنا جمبك يا قلبي ف اي وقت تجيلي اصلا هتوحشيني اكتر
اسلام=البيت هيبقي وحش اوي منغيرك بجد
سارة= ما هو هيحلو بشهد بقي يا عم هي فين صح
اسلام=مش عارف ممكن تكون ف الحمام
مالك=مشت
سارة=مشت؟
مالك=تعبت شوية ومشت بس
سارة=طب ابقي خليها تكلمني
مالك=حاضر
سارة ومحمد مشوا
اسراء=مالك وديني ليها
مالك=والله يا طنط ما اعرف مكانها مقالتليش هتروح فين أنا بس شوفتها وهي ماشية وحاولت اوقفها سابتني ومشت
اسلام=وازاي متقوليش من اول ما تشوفها يا مالك يعني
مالك=انت بالذات تخرس خالص
اسراء=هو ايه اللي حصل يا ولاد فهموني ايه اللي حصل بينك وبينها يا اسلام عشان كل ده يحصل
مالك=ابن حضرتك يا طنط
اسلام=مالك اسكت
مالك=خايف ع شكلك قدام طنط ومخوفتش ع مشاعرها وانا بتخونها مع واحدة زي ده
هنا=احترم نفسك وأتكلم كويس
مالك=بقولك ايه انتي لو مكنتيش بنت كنتي هتشوفي مني وش تاني ف تخرسي خالص
اسراء=خنتها؟ انت هنا شهد يا اسلام هي ده التربية اللي أنا ربيتك عليها يا اسلام بتلعب ببنات الناس ومشاعرهم
اسلام=يا ماما اسمعيني
اسراء ضربته بالقلم=متقوليش يا ماما انت من النهاردة مش ابني عشان انا مربتكش ع انك تجرح بنت بالشكل ده مربتكش ع انك تخون واحدة حبتك مع واحدة من الشارع اصلا
هنا=لو سمحت يا طنط
اسراء=مالك معرفش يضربك عشان هو راجل إنما أنا ست ف ممكن اديكي بالجزمة ع دماغك
اسراء جاية تضرب هنا
هنا=طنط أنا حامل مينفعش تعملي فيا كده
اسراء=حامل!! ينهار اسود ينهار اسود وكمان حامل بت انتي من بكرة أنا اللي هروح احللك أنا مش واثقة فيكي اصلا
اسلام=مالك أنا عايز اتكلم معاك
مالك=يا عم أنا مش عايز اعرفك تاني
اسلام=يا مالك نقعد مع بعض واسمعني وبعدين قرر يا اخي عشان اعرف ارجع شهد
مالك=مش هترجع يا اسلام شهد مش هترجع تاني خلاص أنا روحت شوفتها في البيت قالي اتباع
اسلام=هي عملت كل ده امتي ده لسة عارفة الصبح اصلا
مالك=مش عارف بقي
اسراء=انت مش هتدخل البيت غير بشهد طول ما شهد لسة مش موجودة وانا عايشة انت مش هتدخل البيت ده يا اسلام وانتي شوفيلك داهية نامي فيها بقي
هنا=وهدومي
اسراء=هتروحي تلاقيها قدام باب البيت
مالك اخد اسراء ومي وصلهم وهنا راحت اخدت هدومها وباتت ف فندق واسلام فضل مع مالك
عند سارة ومحمد وصلوا المطار
سارة=هي مش ده شهد
محمد=اه هي
سارة ندهتلها
شهد اتخضت=بدور عليكوا مشيت من الفرح بس عشان كنت تعبانة ف جيت اباركلك هنا بقي واشوفك قبل ما تسافري
سارة=يا روحي انتي ربنا يخليكي ليا يارب بس تعبانة مالك
شهد=دوخة بس ي قلبي متشغليش بالك روحوا انتوا واتبسطوا بقي
محمد=طب كلميهم بقي عشان كانوا بيسألوا عليكي وكده
شهد=هكلمهم اهو ع طول يلا بقي عشان متتأخروش ع الطيارة سلام
سارة حضنتها=سلام يا قلبي
نرجع لاسلام ومالك
اسلام=هحكيلك اللي حصل بالتفصيل والله اليوم ده
مالك=احكي
