محمد=شهد بصي خدي الملفات ده كلها كده وخلصيها بسرعة حاولي تخلصيها النهاردة ضروري يا شهد
شهد=صباح الخير يا محمد
محمد=اه اسف صباح النور
اسلام=ايه يبني فيه ايه
محمد=ما احنا لازم نخلص الشغل ده النهاردة بقي دول ٢٠ ملف خلصيهم النهاردة وانت يا اسلام تعالي معايا عندنا شغل احنا كمان
اسلام=٢٠ ملف !هتلحقي تخلصيهم
شهد=هحاول
محمد=خديهم مني بقي
شهد شالتهم بس كانت هتقع بيهم لأنهم تقال اوي
اسلام=هاتي هاتي هوصلها المكتب واجيلك يا محمد
محمد=تمام
شهد دخلت المكتب وقلعت الجاكت
اسلام=البسيه تاني ي حبيبتي عشان ممكن اي حد يدخل
شهد=طب ما أنا بلبس كده عادي اصلا
اسلام=هتلاقي تيشيرت عندك ف المكتب البسيه
شهد=اسلام هقفل الباب وخلاص
اسلام=اسمعي الكلام
شهد=يبااي حاضر
شهد لبسته بس ربطته وكان مبين بطنها بردو
اسلام شدها وخبطها ف الحيطة
شهد=ايه فيه ايه
اسلام حط أيده ف جنبها
شهد=اسلام ابعد لو سمحت فيه ايه
اسلام فك الربطة اللي كانت عملتها ف التيشيرت عشان ميبينش بطنها
اسلام بصوت واطي وقرب من شهد اوي وأتكلم ف ودنها=كده احلي
شهد وشها احمر اوي=ابعد بقي لو سمحت طيب
اسلام=وابعد ليه
شهد=اسلام ابعد بجد مش بهزر
اسلام=البرفيوم اللي حطاه حلو اوي ع فكرة
شهد زقته=ممكن نتكلم وانت بعيد كده عادي ع فكرة
محمد=نص ساعة عشان تيجي يا اسلام سيب شهد بقي عندها شغل كتير اصلا
اسلام=طب ما تخليني اساعدها
محمد=هتساعدها بجد ولا هتدلعوا
اسلام=هساعدها يا عم
محمد=طب خلص الشغل معايا الأول وتعالي ساعدها براحتك
اسلام=تمام
شهد قعدت تشتغل ف الملفات ١٠ساعات
شهد=يباي اخيراا
اسلام=ها عملتي ايه
شهد=معنتش قادرة خلاص بجد بس الحمدلله خلصت ده اللي هتيجي تساعدني
اسلام=معلش روحت أنا ومحمد نشوف البدلة بتاعته والبدلة اللي أنا هلبسها وكده
شهد=يا روحي هتلبس بدلة!
اسلام=اه
شهد=لونها ايه
اسلام=هتشوفيها يوم الفرح
شهد=يعني انت سيبتني اشتغل كل ده وانت روحت تشتري بدلة
اسلام ضحك=حقك عليا يستي
شهد=أنا لسة معرفتش هلبس ايه اصلا
اسلام=تيجي ننزل النهاردة نشوف
شهد=هبقي انزل أنا لوحدي عشان مش عايزاك تشوفه
اسلام=لا ي حلوة أنا لو سيبتك تنزلي تجيبيه لوحدك ممكن تجيبي حاجة قصيرة اوي أو ضيقة اوي تحرق دمي
شهد=يبني فوق منا كل لبسي ضيق وقصير
اسلام=ما احنا اتفقنا أن ده هيتغير اصلا
شهد=ان شاء الله
اسلام=لو خلصتي قومي نروح نجيبه طيب لسة ٦ ايام بس
شهد=أنا جعانة اوي نروح ناكل الاول وبعدين نروح نجيب الفستان
اسلام=اشطا عايزة تاكلي اي
شهد=بيتزا
اسلام=اشطا يلا بينا
شهد=لحظة طيب مش هخرج بالتيشيرت بتاعك اكيد
اسلام=والله شكله قمر عليكي
بعد خمس دقايق شهد سرحت شعرها ولبست الجاكت بتاعها
شهد=يلا خلصت
اسلام=تمام يلا
راحوا اكلوا وبعدين راحوا محل الفساتين
شهد=ده حلو وده وده وده وده بص خد دول كده لحد ما اشوف الباقي واشوف انهي هيبقي احلي عليا
اسلام=ايه كل دول يا شهد أنا قيست بدلة واحدة وجيبتها ع طول
شهد=وده وده ويلا هقيس اهو وانا بنت انت ولد يلا
اسلام=يلا يختي
شهد قاست
١
اسلام=ادخلي ي حبيبتي البسي واحد تاني يلا ايه الفستان اللي انتي مش لبساه ده اصلا ادخلي يلا
شهد=حلو اوي والله
اسلام= يلا يا شهد اخلصي
شهد=حاضر
٢
اسلام=ده حلو شوية لفي كده عشان اشوفه عليكي
شهد=حاضر
اسلام=ينهارك اسود ده ضهرك كله باين ادخلي يا ماما يلااا
شهد=كده مش هشتري حاجة النهاردة
٣
اسلام=قصير جدا وايه ده ايه شكله من فوق ده يلا ي شهد يلا ي حبيبتي
شهد=يبااااي
٤
اسلام=ده واسع واكتر واحد محترم من فوق شوفته لحد دلوقتي حقيقي بس مينفعش الفتحة ده تتقفل شوية
شهد=لا مينفعش أنا عاجبني التاني اوي
اسلام=انهي
شهد=ده
اسلام=ضهرك كله باين ي شهد
شهد=احنا ف فرح يا اسلام ف فرح
اسلام=قولت لا
شهد=حاااضرر
شهد=ده حلو اوي بقي
اسلام=اه تمام واكتر واحد محترم في اللي شوفناه
شهد=اشطا
اسلام=اشطا
شهد اشترته وخرجت
شهد=حلو اوي
اسلام=انتي حلوة ف كل حاجة عليكي حلوة
شهد ضحكت=ميرسي
اسلام وشهد روحوا
اسراء=اتأخرتوا ليه يا ولاد
اسلام=شهدد كانت بتشتري الفستان
اسراء=فستان فرحكم؟
شهد=ايه يا ماما فستان فرح سارة مش انا لا الفستان اللي هحضر بيه
اسراء=تعالي قيسيهولي
شهد=حاضر
شهد قاسته لاسراء
اسراء=مش ضيق شوية
شهد=ضيق؟
اسراء=اه يعني اسلام معترضش؟
شهد=لا
اسراء=ماشي!
شهد=اومال فين سارة
اسراء=مع محمد
اسلام دخل= اومال مقالتليش ليه
اسراء=قالتلي أنا
اسلام=هو ايه اللي قالتلي أنا وانا فين هو مش انا راجل البيت هنا
اسراء=فيه ايه يا اسلام من امتي وانت بتكلم ع حاجة زي كده هي مع خطيبها هي مع حد غريب ؟وبعدين هي دايما بتروح معاه ف كل حتة يعني
اسلام بصوت عالي=اه مع خطيبها مش مع جوزها اه غريب
شهد=فيه ايه يا اسلام مفيش حاجة حصلت لكل ده اهدي
اسراء بصوت عالي=وهو انت وشهد متجوزين ما انت بتخرج معاها ف كل حتة وبتسافروا مع بعض كمان
اسلام=ده غير ده
اسراء=ده غير ده ازاي بقي
اسلام بصوت عالي=خلاص يا ماما
اسراء=لا مش خلاص جاي بتزعق ومش همك حد هو فيه ايه وده غير ده ازاي يعني
اسلام بصوت عالي=هيقول عليها ملهاش أهل يا ماما اه محمد صاحبي بس هيحس بكده اكيد
اسراء=بردو مش فاهمة. ما انت بتروح مع شهد ف كل حتة
اسلام=ما شهد ملهاش أهل فعلا يا ماما ف أن.
شهد بصوت عالي=اسلام كفاية طنط اهدي تعالي ي اسلام معلش ي طنط أنا اسفة ع اللي حصل ده تعالي
شهد شدت اسلام=امشي شوية واقف كده ليه
اسلام=شهد أنا آسف انتي مخلتنيش اكمل الجملة والله كنت هقول اني انا اهلك عشان كده دايما معايا ف كل حتة
شهد=خلاص ي اسلام ممكن افهم انت مضايق ليه اصل حوار أن سارة تخرج مع محمد ده مش داخلة دماغي يعني ما هم ع طول بيخرجوا مع بعض وفرحها كمان كام يوم فيه ايه بقي
اسلام=أنا مش مستوعب فكرة أن سارة اللي عاملة صوت للبيت ودوشة كده هتمشي منه اصلا
شهد=يعني هي كانت هتقعد معاك العمر كله يا اسلام انت هتتجوز وهي هتتجوز ده سنة الحياة
اسلام=أنا هتجوز ف البيت إنما هي هتخرج منه البيت مش هيبقي ليه روح كده من غيرها
شهد =يا روحي ربنا يخليكوا لبعض وتجيبلك عيال يعملوا نفس الدوشة اللي هي بتعملها واكتر روح اعتذر لطنط بقي وفهمها انك كنت مضايق عشان كده يلا
اسلام=حااضر..
