قبل كولشي لتكولون بارت قصير لان هذا هديه مني الكم موعدنه باجر احنه مفروض وباجر انزللكم تكملة البارت13
امير/هنا يمك خويه شكو اليوم شو فرعنه كله سيارات
نزلت من التكسي الي مكدر يدخل من السيارات الماليه الفرع كلبي قبضني شفت كومه شباب واكفه بباب بيتنه
شمرت جنطتي احس ايدي متكدر تحمل شي ابويه مات لو امي لو ايهم لا ياربي لا مااتحمل اخسر واحد ثاني حسيت برجلي كامت تتسابق جان بيتنه مو بداية الفرع
حتى ماعندي وقت اسأل احد منو مات منو خسرته اخاف من الاجابه وصلت قريب باوعت الشباب يضحكون وكامو يطلعون رغم ضحكاتهم بس خوف بكلبي مفاهم شي الى ان سمعت صوت هلهوله اخذت نفس
الحمدلله ياربي الحمدلله وراهه لمحت ايهم وابويه يسلمون عل ناس ووجهم مابي ملامح حزن وكفت واخذت نفس صرت قريب عليهم بس مندمجين مشافوني واني جنت محتاج استراحه من الهبطه الهبطتهه باوعت كامن يطلعن نسوان وراهه الشباب خلو واحد بالنص ويكمزون خونه خوش اخو يستاهل الهوسه ومن هالسوالف الي محافضهن
بكلبي الله ينتقم من اخوكم هبطلي كلبي مشيت باتجاه ايهم وابويه وكفت بصفهم
...............
تدرون هبطت جانو دايرين وجهم
ايهم/امير
سالم/امير شجابك
امير/ باوعت على وجوههم اخترعو بصوت ناصي من هذا ابن الكلب الهبطني عبالي صاير شي وشو محد كلي مسوين خطوبه بيتنه شنو خطوبة منو باوعت على ابويه وايهم سكتو وعافوني احجي وحدي بعدهه راحو ودخلو عمامنه واني هم دخلت وياهم مثل الاطرش بالزفه
باوعت ولد خوال البنات شكو غير افهم
ايهم شنو القصه فهمني والله دخت احس روحي اطرش بالزفه هههههه شو كرايبنه كلهه هنا
ايهم/دتعال ورايه بسرعه طب ايهم والمفروض اروح ورا بس جنت عطشان حيل دخلت للمطبخ جان فارغ مابي احد وجانن نسوان يطلعن من الهول صارن بوجهي استحيت دنكت اخذت كاسة مي وطلعت كبل
ايهم/وين رحت مو كتلك تعال ورايه
امير/ايهم تره اني ميت تعب هلكان من الطريق وين تريد اروح وياك وبعدين هاي الهوسه شنو الهنا صار الف مره اسألك انفتح باب المطبخ جانن بنات خال البنات واعرفهن واكو مااعرفهن وخرت على صفحه وجانت امي وامهن وراهن
حنان/اميرررر يمه شجابك
امير/ها يمه سالمين شو اخترعتي شو ياهو اليشوفني يخترع هههههه رجليه جابتني مليت من هذا السؤال المعضله الي محد يجاوبني عليه عفته وسكتت
يمه اكو احد غريب جوه اريد اصعد فوك بعد نص ساعه يا نص ساعه هم كولي عشر دقايق بقتلي لازم ارجع عندي واجب حجيتهه واني طافره روحي
