احس الكيكه وكفت ببلعومي
فلك طرج يالبرغي حتى الحمامات مخلصت منج نقهرت شويه......لا يا شويه حيل... حاولت انكت بيني وبين نفسي وكانما مفارق ويايه كانما دتحده داخلي ضليت واكفه وبعدين دخلت للمطبخ وهنه يسولفن فتحت الثلاجه دااطلع الكيكه
تبارك/الخميس عرس امير متجين تغيرين جو وتخلصين من مود الدراسه شويه
درت وجهي عليهه مصدومه هم من موعد العرس وهم منهه
جذب جذب والله هههههه شبيج دااشوف ردة فعلج كالولي بطلتي تحبي وبعد ميهمج ردت اشوف صدوك هالحجي
هههههه تافهه مثلج وبعدين طبعآ ميهمني تزوج نام بالحمامات هو وبرغي عساه ويه كل البراغي شعليه بي والله ياربي بس صراحه تفاجئت يعني بالحمام ...بالحمام شلون رهموهه خوب بالغرفه
رحاب/شو اشوفج كعدتي مو علساس تصعدين
والله حلوه السوالف مااريد افوتهه خاصه من تكون على هاي البرغي ..اموت وشوفهه ويه امج حنانو شيسون
رحا/لتخافين عليهه هسه يكعد حظهه مثل ميسون تخاف تحجي وياهه
تبارك/ولجن شو تحجن على امي
ساره/والله امج مو فقيره حتى منحجي عليهه ولج تباركو بت حنانو تره اني هنا بمكان عمتج واعاملج مثل حنانو ...ويلله ولن هواي تحجن
رحاب/خلصتي الكيك ام ثرب
صعدت واني مختنكه حاولت اتشاقه حتى يصدكون ممتأثره وبنفس الوقت اريد نفسي تصدك هذا الشي
اصعب شي من الانسان يتحده نفسه ميتحده شخص ثاني صعدت اول درجايه ولكمه مال كيكه بحلكي رأسآ دموعي نزلن
صعدت كعدت على جربايتي وتجيت راسي ودموعي ينزل ..ايبااه يا ساره مو علساس مالج علاقه بي ليش كلبج وجعج
اصلا احسن وين اكدر اعيش ويه امه وهيه تكرهني يعني ادخل بجحيم
شنو تدورين اسباب حتى يطفه نار كلبج
..بالحمامات امير ...شبيك ممصدك وتحجي على ايهاب فوكاهه باوعت عل سكف ودعيت رب العالمين بصوت عالي انوب فوكاهه بس جانت من كلبي مو شقه
يارب اني متأذيه حيل والله ..يارب خليهم يتزحلكون مره ثانيه بالحمام وطلع حوبت كلبي بيهم ولو هاي البرغي شعليهه هيه هاي سنة الحياة بس عل اقل بالزواج
جنت مقتنعه بدعائي ومن كل كلبي
باوعت عل كتاب ...خرب واهسي من القرايه وظلت تاكل وتشرب بكلبي نومتهم وكل شويه اكول ادبسزيه واتخايلهم بالحمام خرب حظي مو وقتهه اعرف شحجي عليج تبارك ام العلوم
كوه رجعت قريت امتحاني ....مشت الايام وعلى نفس الروتين حاولت انسى ونفس الشي احجي ويه نفسي شعليط ومن هالسوالف بديت اقتنع جذريآ احنه انتهينا
