تعبت نفسيتي من الانتظار وهو مشغل اغاني حظرته خررب حضج يا ساره انوب ساده الكنتور كله ممخليه شي شويه اباوع عليه منه
حتى مااعرف بيش الساعه بس طولت هواي واختنكت خررب حظي انوب بطني كامت توجعني ردت ابجي خل اطلع واليصير يصير فتحت السلايت شويه وتراجعت شفته فز من فتحت الكنتور انتبه مبين كام على حيله رأسآ اجه يتقرب جان فتحته كبل للباب هو بعد اني الكفت بس احس بووخه صارت اختنكت
امير/سارره تحجين صدوك كمزتيني ...شتسوين هنا
كمت اهفي على وجهي ...ولا عبالك سته هو شلون شته جنه صيف الله يسلمه جنت شايله العلبه البيهه السبحه وصفنت علي مدري شجاوبه حرت
شتسوين هنا ....مو احجي وياج
جود كاعد يبجي
بعصبيه....ساره جود مديبجي ...احجي شتسوين هنا وشنو هاي العلبه
جرهه مني وفتح العلبه ...هاي سبحتي شتسوين بيهه ....خاف تريدين تسويلي سحر
ياااا.سحر والله عشتو خاف البرغي عنده هاي السوالف ..اشوف انت مو شايف روحك هواي اليوم البارحه تكلي تكولين للبرغي اني مااعوف امير واليوم اسويلك سحر والله مااعرف شكلك بس مو زين الغرور
اكول مو اللسانج صاير طويل ويرادله كص يمكن راح تطلعين منا كبل للكبور لان صبري راح يخلص
ادري تشلع سنوني وتكص اللساني شيبقه بيه اني
اي حتى لا تعضين ولا تحجين وترجعين ساره الهادئه مو المسعوره علينه يلله ...امشي روحي نامي وبعد لتدخلين غرفتي وتلعبين باغراضي
اباوع عافني وراح تمدد عل جربايه ......من تطلعين طفي الكلوب وياج
والله انت طفي اني مااشتغل عندك .....وبعدين انت منو كلك راح اطلع من الغرفه اني ....باوعلي بتعجب ورفع حاجبه
واني هم استغربت النفسي من حجيت...شبيج يا ساره شو صايره خفيفه امداج اي والله ....اباوع علي بعده رافع حاجبه
امير حاجبك راح يشكل تره ..
ابتسملي
صايره تحششين هواي
تصبح على خير ........باوعلي وسكت وراهه كال ...اجمعين
طلعت من الغرفه رحت نمت يم جود ظليت الوب ادور منا وارجع منا وبعقلي تتجمع الكلمات الي اريد اكولهن ال امير بس الوقت متأخر يجوز نام ....كمت وكفت على حيلي ....رجعت نمت بالفراش
ساره شبيج روحج لايبه متكليلي ....والله تعبانه ...تعبانه حيل ...تذكرت ابو ثرب حسام من ضربني ..دمعت عيوني على ضعفي جان مفروض اضربه اسوي شي رجعت تذكرت عمو من ضربني كدامه نزلت دموعي حيل وانقهؤت على ضعفي احس كلبي تفطر حيل
اكره احساس من يكره ابانسان ضعفه ...يكره نفسه حيل ...ويحتقر نفسه هواي .....اني انسانه فاشله مااعرف اصيغ الكلام اتصرف بانفعال بدون كلام موزون ليش مااعرف اخجل الناس واريح كلبي بنفس الوقت
