طبعآ نشرته وشفته ناقص البارت بسبب النت صار خلل شويه وهسه رجعت كتبته
مهان عليه اعوفكم بدون مااكملهه ...الي تحبوهه ومتعلقين بيهه ....اكو راح يكولون متدري بروحهه شتريد ومن هالسوالف ختمتلكم الجزء الاول الي ميحبهه ليكملهه ....وهاي لخاطر عيونكم الي متعلقين بيهه راح اكملهه ..والله ابد مو بنيتي اللعب بعصابكم نهائيآ .......احبكم
حسام/اهلا مرت اخونه الغالي ..جينه نباركلج ولو من غبشة الله بس شنسوي نحب الواجبات هواي
اباوع عليهم وممصدكه شسويت اني شلون فتحت الباب بدون مااعرف منو ليش قليلة عقل الهاي الدرجه اني ......صدمه على خوف على مااعرف شسوي
موبايلي بعيد وجود بعيد عني جان اخذته وركضت
حسام/مبروك يا عروسه غير تخابرينه نحضر زفتج
سكتت محجيت بس اباوع عليهم والخوف متملكني يمكن راح ياخذون ابني
ابو رضا/ماكو تفضلو ...ولو حتى اذا كلتيهه وين نكعد ....يلله منطولهه عليج نريد ابنه
شنو تريدون ابنكم هذا ابني الي ...ماانطي والله
حسام/جان فكرتي بي قبل لتتزوجين بابنج
ابو رضا/احنه كنالج من البدايه اذا
تزوجتي يرجع النه يتربى بوسط اهله احنه نربي ..منخلي غريب يربي هذا ابن اخونا
تحلم بهذا الشي ابني ماانطي رحت باتجاه الباب وكفت كباله
حسام/ ابراهيم جيب الطفل خل نروح مالي مزاج اتناقش ويه هاي الحثاله
انت حثاله ..انت لو رجال جان مأجيت من راح امير ...محسيت غير حسام لزمني من شعري
ولج انتي ويامن تحجين
وخر حقير والله الم الناس عليكم ابني ماانطي وخرووو بصياح
جربي سويهه بلله
الحكووووو...بعدني ممكملتهه سد حلكي حسام
ابو رضا/باعي بت الاحلال منريد نلف وندور من الاخير احنه منقبل وا غريب يربي جود وياخذ فلوسه
رأسآ ابتسمت باستهزاء ...اختصرو من البدايه بدون هالف والدوران والحنيه وكولو نريد الفلوس
حسام/الفلوس وجود اثنينهم تريديهم تتطلكين وتجين يم ابنج وتكعدين معززه مكرمه تختارين رجلج تنسين ابنج .......
ماانطي ابني ...ولا اتطلك من امير واطلعو بره يلله ردت ادخل للغرفه واقفل الباب ....كبل دفعني حسام ولزكني بالحايط وسد حلكي
ابراهيم تعال اخذ جود ......ابني لاااا الله يخليك احجي بكلبي وعيوني تتوسله وتصب حاولت اوخر ايدي بس جان قوي كولش بحيث مااكدر اتحرك
