بنتين من الزمن ده مكتمل

الحلقه الخامسه

دخلو الاوضه بتاعة دعاء وفضلو سهرانين
مصطفى اتصل على دعاء/
مصطفى/ الو
دعاء/ الو
مصطفى/ على فكره انا زعلان منك
دعاء/ هو المفروض مين اللي يزعل من مين
مصطفى/ اكيد انا
دعاء/ يا سلام انا اللى قاعده مع شباب كتير
مصطفى/ على فكره دول اصحابى وانا قولتلك وكانو قبل منك قدامى وانا اختارتك انت
دعاء/ يعنى انا اقعد مع شلة شباب واقولك اصحابى واعرفهم قبل منك
مصطفى/ .....
دعاء/ ما ترد سكت ليه
مصطفى/ طبعا ماينفعش
دعاء/ ايوا بقى ماينفعش ليه ها . وليه بقى ينفع ليك
مصطفى/ انا معرفش الشاب اللى هيكون بيكلمك بيفكر فيكي ازاى ومقبلش مراتي تكلم شباب
دعاء/ سبحان الله طيب ما البنات دى بردو اللي هيتجوزوهم هيكونو رجاله ومش عايزين مراتتهم تكلم شباب
مصطفى/ بس انا واسر بنخاف عليهم بجد وبنعتبرهم زي اخواتنا
دعاء/ اديك قولت اهو زي يعني مش اخواتكم اصلا
مصطفى/ انا واثق في نفسي بعامل البنات دى ازاي وبخاف عليهم وعلى فكره اسر ممكن يكون طايش او مستهتر بس عند البنات دى بيعمل استب عشان هما فعلا اخواتنا ومضمنش اي شاب يكلمك يعتبرك اخته فهمتى
دعاء/ وانا يا مصطفى مش حابه انك تكلم اي حد غيري عشان بحبك وبغير عليك
مصطفى بيستهبل/ عشان ايه مسمعتش قولى تاني
دعاء بكسوف/ كلامي بقوله مره وحده
مصطفى/ قولى تاني الشبكه وحشه مسمعتش عشان ايه
دعاء بكسوووف/ عشان بحبك
مصطفى/ يالهوووى على الرقه وانا بموت فيك. طيب بصى انا مش هقعد معاهم كتير بس مش هقدر ابعد عنهم خالص عشان دول وقفو معايا كتير اووي وانا مقدرش ابعد ولو هما احتاجو منى اقف معاهم فى مشكله لازم اكون جنبهم اتفقنا يا قلبى
دعاء/ براحتك بس ياريت متقفش معاهم قدامى
مصطفى/ يعني هتكوني مبسوطه كده
دعاء/ اكيد لا بس انت مش قادر تستغنى عنهم اعملك ايه
مصطفى/ ربنا ميحرمنيش منك ابدا يا حياتى
دعاء/ ولا منك
هيا بتعزف على الهوا وبتعاكس دعاء
دعاء/ طيب يا مصطفى باي دلوقتى عشان هيا بترخم
مصطفى/ طيب سلميلى عليها
(وقفلو الفون)
والوضع استمر ان دعاء بتروح الكليه وفى ايام بتشوف فيها مصطفى في الكليه واسر استمر فى سهراته وكل يوم اتنين الدكتور مكنش بيخلي اسر يحضر معاه العمليه او يكشف على الحاله خالص  واسر كان بيفرح في الاول عشان يتكلم مع البنات او ينام شوية
اسر/ انا جاهز يا دوك استعنا على الشقى بالله
الدكتور/ اسر لا انهارده مش هتحضر العمليه
اسر/ طيب تمام بعد اذنك
اسر ماشي في الطرقه قابل ممرضه
اسر/ انتى هنا بتعملى ايه الدكتور دخل اوضة العمليات انتى لسه مجهزتيش شكلك هتتنفخى
الممرضه/ اهدى شويه ادينى فرصه اتكلم
اسر/ هو انتى لسه عايزه تتكلمى
الممرضه/ ياختاي اسمع
اسر/ قولى
الممرضه/ انا مش بحضر مع الدكتور العمليه كل اتنين فهمت بقى
اسر بستغراب/ كل اتنين طيب تمام اتفضلى انتى
اسر راح المكتب وبيكلم نفسه طيب ليه ما احضرش انا ولا اكتر ممرضه شاطره العمليه كل اتنين
مصطفى دخل عند اسر/ لا متقولش انك  بردو انهارده مش هتحضر
اسر/ كويس انك جيت عشان دماغى بتلف
مصطفى/ اسر هو مش غريب ان كل يوم اتنين متحضرش العمليه
اسر/ ما هو ده اللى دماغى بتلف عليه اشمعنى يوم الاتنين و كمان اللى اغرب مكشفش على الحاله بتاعت اليوم ده خالص ليه بقى اكيد فى انه فى الموضوع
مصطفى/ بص هو اكيد فى حاجه بس هى ايه بقى ونعرف ازاي
اسر/ ما ده اللي هيجنني اعرف ازاي . اه لقتها انا هدخل اكشف على الحاله اول متطلع من اوضة العمليات
مصطفى/ طيب تمام بس بردو هتعرف ازاي ايه اللى حصل جوا
اسر/ هشوف الفكره دى الاول ولو معرفتش هتصرف وادخل عليهم اوضة العمليات مش هغلب يعني
مصطفى / تمام
والحاله طلعت من اوضة العمليات وراح عند الاوضه لقى امن على الاوضه  بعت ممرضه تاخده بعيد عن الاوضه ودخل الاوضه
اسر/ مساء الخير و مسك الدفتر بتاعه اللي مكتوب في هو عمل عملية ايه وبيقرأ
المريض/ دكتور انا تعبان اووي
اسر/ بطل دلع انت عامل عملية زايدة يعني مش فيها تعب اووي كده ورفع هدوم المريض يكشف عليه وهنا المفاجأة
اسر/ مش معقول انت عملت حاجه تانى دلوقتى غير الزايدة
المريض/ لا
اسر مسك تليفونه وصور الحاله وطلع يجري واتصل بالممرضه انها تسيب الامن يرجع واتصل بمصطفى
اسر/ انت فين
مصطفى/ ايه وحشتك
اسر بعصبيه/ مش وقت هزار تعالى بسرعه
مصطفى بهزار/ لا شكلى وحشتك فعلا انا هجيلك بس اوعي تفهمنى غلط ههه
اسر بعصبيه/ مصطفى مش بهزر تعالى حالا
مصطفى/ ايه يابنى مالك وانت من امتى بتتكلم جد اهدى على نفسك شويه هكشف على حاله هتدخل وهاجيلك
(وقفلو الفون)
مصطفى راح  لاسر/ انا جيت اهه عايز ايه
اسر/ اقفل الباب وتعالى
مصطفى بهزار/ انا قولتلك ايه هجيلك بس اوعى تفهمنى غلط قفل الباب على جثتى
اسر بصوت عالى / اخلص يا زفت اقفل الباب وتعالى
مصطفى قفل الباب بسرعه / اموووت فيك وانت حمش
اسر/ مصطفى هي طالبه معاك خفه انهارده عايز اقولك على اللى شوفته انا دخلت للحاله
مصطفى بجديه/ ها تمام وحصل ايه
اسر/ انت وراك حاجه دلوقتى
مصطفى/ لا خلصت
اسر/ طيب تعالى نتكلم برا
مصطفى/ يالا
وصلو كافيه جنب المستشفى
اسر/ عارف الحاله بتاعة انهارده المفروض يكون عامل عملية الزايدة
مصطفى/ تمام وبعدين
اسر/ لما كشفت عليه بقى لقيت فتحتين
مصطفى تنح/ لا متكملش ازاى دكتور كبير يعمل كده
اسر/ انا هتجنن ومش عارف اعمل ايه
مصطفى/ لا لازم تعرف ومتتكلمش مع الدكتور في حاجه خالص دلوقتى لحد ما نشوف هنتصرف ازاي
في بيت دعاء)
ابو دعاء/ ايه رايك نروح الساحل الشمالى نقضي اسبوع انتى وحشانى يابطتى من بدري مقعدناش لوحدنا
مامت دعاء/ بس انت عارف اننا منقدرش نسيب دعاء هنا لوحدها
ابو دعاء/ لا هناخدها طبعا بس الذكاء هناخد هيا كمان هما يندمجو مع بعض واحنا مع بعض يابطتى
مامت دعاء/ طيب ياريت اهو تغير جو معانا وتكون مع دعاء
دعاء/ جايه تجري ومعاها فشار/ مين بيجيب سرتى انا وهيا ها ها مين
ابو دعاء بيشاور على امها
دعاء/ الله الله الضربه تيجى منك انتى يا بطه بتجيبي سرتى ليه ها قولى يالا قولى
مامت دعاء/ يابت ابلعى ريقك هقول ازاي اهدي
دعاء/ اهو خرصت قولى مش بتقولى ليه ها قولى و النبى قولى هعيط قولى قولى ماما انتى مش بتقولى ليه هاها
مامتها ضربتها بالمخده ما انتى لو تسكتى انا هقول
دعاء/ اهو سكت ومش بتقولى
مامتها حطت ايدها على بق دعاء/ رايحين الساحل وهناخدك انتى وهيا وشالت ايدها
دعاء/ لا بجد بتهزري صح يا بابا
ابو دعاء/ اه صح
دعاء فضلت تتنطط / هييييييه هييييييه
والفشار اتكب ع الارض
مامتها/ اهدى كده وجو زي الوان اللى عملتيه دلوقتى والفشار اللى اتكب على الارض يتلم عشان مش اكوبك وراه
دعاء/ انتى لو عايزانى الم الشقه كلها واروقها من عينى في منت
الباب خبط
مامت/ روحى افتحى الباب
دعاء/ حاضر شوفتي انا مؤدبه ازاي
مامتها/ اه شوفتك افتحى يالا
فتحت دعاء الباب
دعاء/  احنا لوجبنا سيرة مليون دولار مكنتش جت
هيا/ دولار مره واحده طبعا مش هتيجى عشان طماعه اوعى كده . هي الحرب قامت عندكم مين فجر الفشار كده في الارض ومسكت طبق الفشار وبتاكل
مامتها/ هيكون مين غير اللى لسه نوغا
هيا/ نوغا هههه (بتبص لدعاء) الكلام عليكى شكله كده
دعاء/ هيا بابا هايودينى الساحل الشمالى وانتى هتكونى معانا
هيا/ بجد هييييه وفضلت تتنتط وكابت باقى الفشار
مامت دعاء/ هو ده اللي صاحبتك عملتو بظبط انتى وهي زي الشطرين تيجيبو المكنسه وتشيلو كل اللى عملتوه ده احسن....
دعاء وهيا راحو عليه بسرعه/ من غير احسن يا بطه كل اللي انتى عيزاه هيتعمل اهم شي تكوني مبسوطه وراضيه علينا
هيا/ وانت كمان يا انكل لو عايز اي حاجه اؤمر خدامتك هيا تحت امرك ياسيدي ههههه
ابو دعاء/ ده انتو طلعتو بتوع مصلحتكم اووى ههه
دعاء/ امال انت فاكر ايه احنا واطين اووي ههه
ابو دعاء/ طيب اجهزو على اخر الاسبوع نسافر
دعاء/ اعتبرنا جاهزين من دلوقتى
هيا فضلت معاهم شويه وروحت
هيا كانت في الجنينه بتاعت الفيلا شافت باباها بيركب العربيه جريت عليه
هيا/ بابي ازيك
فاروق/ كويس هيا اعملي حسابك هنسافر تركيا اخر الاسبوع
هيا/ معلش انا هسافر مع....
شوقي/ على العموم براحتك ومشي بالعربيه
هيا/ فضلت متنحه وطلعت الاوضه
وهي طالعه قبلت مامتها
هيا/ مامي عيزاكى واكيد انتى مش فاضية بس مش هاخد من وقتك كتير
زيزي/ اه عندي ميتنج في النادي
هيا/ على العموم مش هاخد من وقتك كتير انا هروح مع صاحبتى واهلها....
تلفون زيزي رن)
زيزي/ الو انا جايه اهو على طول . هيا انا لازم امشي حالا (ونزلت على السلالم)
هيا/ مامي على فكره انا كنت بكلمك
زيزى/ بعدين يا هيا مش فاضيه
هيا/ قعدت على السلم وفضلت تعيط لحد ما انهارت وفضلت تصوت وتقول انا ليه اصلا بحاول اتقرب منكم ولا اقولكم حاجه انا فعلا اللى غلطانه انى بحرق دمي واكلمكم . انا اصلا مش فارقه معاكم انا لو مت في اوضتى ولا حد هيحس بيا
ما اروح ولا اجى براحتى انا باخد رايك ليه اصلا وبتصوت
لحد ما اغمى عليها و و قعت من علي السلم وفاقت بعد تلت ساعات لقيت نفسها متعوره في راسها وايدها مش قدره تحركها اتصلت ب الدكتور الخاص بعيلتهم
نظف جرح راسها واخدها المستشفى عمل اشاعه على ايدها وكان في شرخ واتجبس
عند اسر اشترى عربيه
مصطفى/ مبرووك العربيه
اسر/ الله يبارك فيك شوفت مقدرتش اركب حد فيها قبل منك
مصطفى/ لا اصيل. ها عملت  ايه في موضوع المستشفى
اسر/ يابنى انا اسر عيب عليك بكره هتشوف وتسمع
مصطفى بهزار/ شكلك مش مطمنى يا واد اوعى تكون شركت الدكتور واديك اهو جايب عربيه
اسر/ مش هريحك بكره هتشوف وتسمع ويالا غور بقى كفاياك كده هو انت هتصاحبنى
مصطفى/ طيب ادينى زيرو طيب يا واطى
اسر/ اوعى ياد تكون صدقت انى عايز اركبهالك اول واحد هههه
مصطفى / عرفك واطى
ومشي اسر بالعربيه
واتصل مصطفى بدعاء
مصطفى/ وحشاني
دعاء/ وانت كمان
مصطفى/ ينفع اشوفك فى الكليه بكره بعد المحاضرات
دعاء/ معلش عشان انا الايام دى مش بروح الكليه وهسافر كمان يومين
مصطفى/ هتسافري مع مين
دعاء / هيكون مع مين مع اهلى
مصطفى / هتقعدى قد ايه
دعاء/ اسبوع
مصطفى/ وانا هقعد كل الوقت ده مشفكيش فيه
دعاء / ده اسبوع و ادينى بكلمك اهو على الفون
مصطفى/ طيب خلى بالك من نفسك
دعاء/ ان شاء الله وانت كمان خلى بالك من نفسك
وقفلو الفون ونامو
الصبح نزل مصطفى واسر فى العربيه وراحو المستشفى
(وصلو المستشفى)
مصطفى/ بردو مش هتقولى ناوي على ايه؟