الثامن
اسر/ بس يا هيا استغفري ربنا حرام كده و اجمدي شويه. خلي بالك انتي المفروض تكوني جنب دعاء مش انتي و هي متبهدلين كده هيا اهدي عشان خاطر دعاء
مصطفى/ دعاء حبيبتي انتي قويه جدا و انا جنبك عمري ما هسيبك عايزك متكونيش ضعيفه انا مش عارف سكوتك ده معناه ايه بس انا حاسس في صراع كبير جواكى
دعاء مسحت دموعها/ انا كويسه يا مصطفى متقلقش عليه انا بنت راجل علمنى ازاى اعتمد على نفسى
مصطفى/ ما انا عارف حبيبتى راجل ويعتمد عليها كمان
(خلصو الدفنه والعزا والناس مشيت)
دعاء/ هيا تعالى كلي ماينفعش كده احنا بقالنا تلت ايام مش بناكل
هيا/ ماليش نفس . انا مش عارفه مين هترمى في حضنه وانا زعلانه مين هيطبطب عليا ويهون عليه العذاب اللى انا فيه. يارتنى كنت رحت معاهم ومتت
دعاء بدموع/ استغفرى ربنا لسه ليكى عمر وكده عايزه تسبينى انتى كمان لوحدى
هيا/.....
دعاء/ هيا انا عمرى ما هسيبك لوحدك دلوقتى ما بقاش ليه حد غيرك (حضنو بعض وفضلو يعيطو)
هيا بدموع/ معلش المفروض انا اللى اصبرك على فراق اهلك بس انا فعلا مش قادره انتى عارفه هما كانو بالنسبه ليه حياتى كلها
دعاء بتمسح دموعها/ ياسلام هما بس طيب يارتنى كنت موت انا كمان
هيا/ اوعى تقولى كده تانى
دعاء/ طيب مش هقول كده تانى بس قومى كلى انا عملتلك بيض حكايه
هيا ابتسمت وقامت مع دعاء وفضلت دعاء تتكلم مع هيا عشان تهدا شويه
دعاء/ انا هدخل انام عايزه حاجه
هيا/ لا يا حبيبتى ادخلى وانا لما هنام هدخل انام جنبك
(دعاء دخلت الاوضه والدموع نزلت من عينيها زى المطر ونامت على السرير)
دعاء بتكلم نفسها/ ربنا يرحمكم ويغفر لكم انا مش زعلانه انكم سبتونى لوحدى عشان عارفه انكم في مكان احسن من هنا . احمدك يارب ان ماما وبابا راحولك مع بعض عشان مافيش حد فيهم كان هيقدر يكمل لوحده ولوانه صعب عليا انا كمان فراقكم . بس انت يا بابا عرفتنى لازم اكون راجل في اي مكان علمتنى انى اقدر استحمل اي شئ انا هكمل حياتى زي ما انتو كنتو عايزين تشوفونى بابا انا هبقى باشمهندسه دعاء. ماما انا هبقى ست بيت وزوجه وام يعتمد عليها . عمري ما هخذلكم في يوم انتو هتفضلو معايا لاخر يوم في عمرى
هيا في الريسيبشن بتعيط/ ياريت كانو اهلى اللى ماتو خلاص ما فيش حضن دافى . يارب انى استغفرك واتوب اليك
(هيا فضلت مع دعاء اسبوع)
فون هيا رن
هيا بستغراب/ دى مامى. الو
زيزى بفرحه وضحك/ هيا انتى فين انط مرفت هنا وعايزه تسلم عليكى
هيا بضيق/ الله يسلمها سلمى عليها
زيزي/ تعالى يالا متتأخريش عليا
هيا بزهق/ معلش اصل انا في مشوار ومش هقدر اجى
زيزي بزعيق/ انا بقولك لازم تيجى نص ساعه وتكونى عندي
هيا بضيق/ حاضر يا مامى
(قفلو الفون)
هيا/ ياتري عايزه منى ايه دى مبتتصلش غير وهى عايزه منى حاجه . دى حتى متعرفش حاجه عنى بقالها اسبوع
دعاء/ معلش روحى شوفيها عايزه ايه
هيا/ طيب تعالى معايا
دعاء/ معلش مش هقدر اقعد مع حد ولا اتكلم مع حد
هيا/ طيب هروح اقعد هناك يومين وهبقى اجى اطمن عليكى
دعاء/ ماشى يا حبيبتى خلى بالك من نفسك
هيا/ وانتى كمان
(مشيت هيا و وصلت الفيلا)
هيا/ صباح الخير
زيزي/صباح النور يا قلبى. تعالى سلمى على طنط مرفت وابنها شريف
مرفت/ ازيك هيا. بقيتى عروسه زي العسل
هيا/ ميرسي يا طنط . عروسة ايه بس لسه بدري
زيزي/ سلمى على شريف
هيا بضيق/ اهلا شريف
شريف/ كويس انتى عامله ايه. ايه يا هيا لو مكنتش اسأل انتى ماتسأليش
هيا/ معلش والله الدنيا بقى مشاغلها ومش بفتح فيس كتير
شريف/ الف سلامه على ايدك
هيا/ الله يسلمك
شريف/ ايه اللى حصلك
هيا/ لا مافيش وقعت على ايدى
زيزي/ الف سلامه عليكى مش تخلى بالك
هيا بضيق/ اه هخلى ان شاء الله المره الجايه. بعد اذنكم هطلع ارتاح شويه
مرفت/ اتفضلى
(هيا طلعت الاوضه بتاعتها وامها طلعت وراها)
زيزى دخلت الاوضه بتاعت هيا/ ايه قلة الذوق اللى انتى فيها دى
هيا بستغراب/ نعم بتكلمينى انا
زيزي/ امال بكلم نفسي
هيا ببرود / خير يا مامى فى حاجه
زيزى/ انتى اصلا قليلة الذوق . الناس بتكلمك وانتى بتردى بقرف. وفي الاخر بعد اذنكم؟
هيا/ انا برد بقرف؟ على العموم هما اصحابك انتى مش اصحابى وانا سلمت عليهم والموضوع خلص
زيزى/ هيبقى ليه معاكى كلام تانى بس لما الناس تمشي
هيا/ بس يا ريت تفتكرى انك تتكلمى معايا
زيزي/ انتى بني ادمه غريبه اووى انهارده. وسابتها ونزلت لضيوفها
هيا فتحت الماسنجر و واحد كان باعتلها صور ورد وكاتبلها هاى ممكن نتعرف عملتلو بلوك (هيا من طبيعتها مش بتكلم اي حد متعرفهوش حتى لو على النت
(الضيوف مشيو وام هيا نادتها)
زيزي بصوت عالى/ هيا هيا انزلى عايزاكى
هيا طلعت من الاوضه بتاعتها/ نعم
زيزي بصوت عالى / تعالى هنا انزلى
هيا/ حاضر
زيزي/ شريف اتقدملك والخطوبه الجمعه الجايه
هيا/ هو اتقدملى طيب ماشي بس ازاى الخطوبه الجمعه الجايه؟ مش المفروض تخدو رأيي
فاروق/ شريف لسه صغير اما عادل ابن شوقى ولد نشيط جدا وماسك شغل ابو كله شاب يعتمد عليه و فيه شراكه هاتبقى بينه و بينه
زيزي بصوت عالى/ ومال شريف الوريث الوحيد لابوه ده غير الفيلا بتاعته
هيا باستغراب/ عادل وشريف يا ما شاء الله طيب حضرتك عجبك عادل
فاروق/ اه جدا كفايه انو شاب طموح
هيا ببرود/ تمام تمام.
فاروق كان هيتكلم
قاطعته هيا/ استنى بس .وحضرتك عاجبك شريف
زيزي/ طبعا مالو شريف البنات كلها هتموت عليه شاب وسيم انا لو مكانك ما اسبهوش
هيا/ وعادى بتقولى كده قدام بابى. طيب على العموم مش هقدر ازعل مامى
زيزي/ بنتى حبيبتى
هيا/ انا لسه مخلصتش كلامى وعلى العموم مش هقدر ازعل بابى بردو
فاروق/ انا كنت عارف انك هتفكرى صح وهتختاري عادل
هيا/ بردو مخلصتش كلامى . انا مش هتجوز حد عشان مقدرش ازعل حد فيكو
فاروق/ ايه اللى انتى بتقوليه ده
هيا ببرود/ طيب سهله يا بابى اتجوز انت عادل مامى اتجوزى انتى شريف
زيزي/ ما انت السبب شتت البنت هي هتتجوز شريف والموضوع منتهى
هيا/ بعد اذنكم عايزه اسألكم سؤال
انتوعايزين تجوزونى ليه؟
زيزي/ عشان كبرتى ولازم تتجوزى
هيا/ طيب لما اتجوز اتجوز حد احبو ويحبنى ولا عاجبكمم جواز الصالونات بتاعكم
زيزي/ وماله جواز الصالونات غير كده شريف معاه فلوس تعيشك ملكه
هيا ضحكت/ اه تعيشنى ملكه زيك كده بالظبط صح يا مامى
زيزي/ طبعا
هيا/ وانا مش عايزه اكون زيك ولا عايزه اتجوز جواز صالونات زيك
زيزي/ ايه اللي انتي......
هيا قطعتها/ لو سمحتى انا لسه مخلصتش كلامى . انتى تعرفى عنى ايه ها تعرفى ايه. جيتى مره سألتينى جعانه شبعانه تعبانه سقعانه . جيتى مره قولتيلى عملتى ايه انهارده
فاروق/ طول عمري بقول عليكى ام فاشله
هيا بتضحك جامد/ ام فاشله طيب. وحضرتك ايه انت تعرف انا كنت فين امبارح واول
فاروق/ يعنى هتكونى فين فى الاوضه طبعا
هيا/ اه صح كنت في الاوضه وبتضحك برافو عليك عرفت من فين بقى ها
فاروق/ يعنى هعرف منين انتى على طول في اوضتك
هيا بدموع/ جيت مره خبطت عليه الباب عشان تطمن عليه وتشوفنى رجعت من برا ولا لا . تعرفو ايه عنى انتو. ده انتي حتى شوفتى دراعى مكسور ولا هان عليكى تعرفى ازاي حصل ولا امتى كل اللي همك منظرك قدام اصحابك وبس. وحضرتك كل اللى همك ازاى تجيب فلوس ما شاء الله عليكم
فاروق/ شوفى يا هانم تربيتك
زيزى/ وليه متكونش تربيتك انت
فاروق/ ما انتى يا هانم تسهرى وتقابلى اصحابك
زيزي/ بقولك ايه انت شكلك كبرت وخرفت. وانتى خطوبتك الجمعه الجايه على شريف
فاروق/ انا قولت على عادل
امها وابوها بيتخانقو بصوت عالى
هيا بصويت/بااااااااس كفايه بقى ارحمونى اسكتو شويه انا عمرى ما شفتكم بتتكلمو بصوت واطى اسكتو اسكتو بقى حرام عليكم
(امها وابوها مش ساكتين وبيتخانقو)
هيا/ والله لهسيبلكم البيت
(طلعت هيا لمت هدومها وهما لسه بيتخانقو ونزلت )
هيا / والله ما هخليكم تشوفو وشى تانى ويبقى كل واحد عاجبه حد يتجوزه
(هيا راحت عند بيت دعاء)
عند دعاء الباب بيخبط
دعاء/ مين
هيا/ انا هيا
دعاء فتحت/ مالك شكلك عامل كده ليه ادخلى
هيا بتعيط/ انا مش عارفه الناس دى عايزين منى ايه انا تعبت والله هما بيعاملونى كده ليه
دعاء/ اهدى بس كده وقولى في ايه
حكت هيا كل اللى حصل ل دعاء
دعاء/ طيب اهدى
هيا/ ممكن اقعد معاكى هنا على طول
دعاء/ طبعا يا قلبى هو انا اطول. انك تكونى معايا دايما انتى اختى (مسكت وش هيا ومسحت دموعها) تعرفى يا هيا انا لو ليا اخت عمرى ما كنت هحبها ادك انتى اغلى حاجه عندى
هيا حضنتها وفضلت تعيط
دعاء/ طيب ممكن اطلب منك طلب
هيا / طبعا اتفضلى
دعاء/ ممكن تتصلى بمامتك وتقوليلها انك هنا
هيا/ والله مش فارقه معاهم انا بخرج و ببات عندك عمرهم ما حسو انى مش فى البيت هقولك على ابسط حاجه انا بقالى عندك اد ايه؟
دعاء/ بقالك اسبوع
هيا/ طيب تعرفى بسأل بابا انا كنت بايته فين امبارح بيقولى في الاوضه بتاعتك بالله عليكى لو باباكي كان دخل ينام قبل ما يطمن عليكى انك في اوضتك ويتكلم معاكى شويه؟
دعاء / الله يرحمه واحشنى اووي هو وماما انا نفسي اعملهم صدقه جاريه واختملهم القرآن كل شهر لازم اعملهم حاجه تغفرلهم زي ما كان كل همهم انهم يسعدونى في الدنيا وانا لازم اخليهم فخورين بيه حتى وهما ميتين
هيا/ الله يرحمهم عمرى ما شوفت حد في حنيتهم ربنا يصبرنا على فراقهم. وعلى العموم انا هريحك واتصل ببابى
دعاء/ انتى حبيبتى يالا اتصلى
هيا اتصلت وفتحت الاسبيكر
هيا/ الو
فاروق/ ايوه يا هيا مش خلاص عملتى اللى في دماغك ومشيتى وسيبتى البيت عايزه ايه تانى؟
هيا / عايزه ايه؟ على العموم انا كنت بطمنك عليه انى عند.....
فاروق قاطعها / ماشى يا هيا انا عندى ميتنج ومش هقدر اتكلم كتير ولو على خطوبتك انتى وامك حرين يالا باى
(وقفل الفون)
هيا بصت لدعاء و دعاء مصدومة مش عارفه تقول ايه
دعاء/ معلش انتى سمعتى بيقول عنده ميتنج
هيا/ انا خلاص اخدت على كده . متفتكريش انى زعلانه انا كويسه طول ما انا معاكى
دعاء / وانا كمان مبسوطه وانا معاكى
(فون هيا بيرن)
هيا/ مامى بتتصل
دعاء/ شوفتى بقى اهى خايفه عليكى وبتتصل تطمن عليكى ردى بقى
هيا بفرحها/ الو مامى
زيزي/ اوعى تفتكري يا بت انتى بسيبانك البيت بتلوى دراعى الفلوس اللى معاكى هتخلص وهترجهى زي الكلبه (و قفلت المكالمه)
هيا/ سمعتى بودنك هما دول اهلى اللى كنت مش عايزه اعرفك عنهم حاجه عشان كده مش كنت بتكلم عنهم خالص
دعاء مصدومة من اللي سمعته مش مصدقها نفسها
دعاء/ هيا حبيبتي اهدي عشان خاطري احنا مع بعض هانعيش احسن عيشه معاش بابا هايكفينا و زياده
هيا/ على فكره انا عندي حساب في البنك و كنت بشيل فيه فلوس كتير. و يا ريتني كنت فقيره اديني سمعتك اهه عشان متقوليش كلميهم تاني. بعد اذنك
دعاء/ طيب هناكل مع بعض
هيا/ معلش مش هاقدر بعد اذنك
هيا دخلت الاوضه و فضلت تعيط لحد ما مسكت الفون و فتحت الماسينجر و اتفاجأت
يا ترى اهل هيا هايسألو عليها تاني؟
يا ترى ايه اللي شافته عالماسينجر؟
توقعاتكم ايه الحلقة الجايه
ابتسام محمود الصيري
# بوسي
أنت تقرأ
بنتين من الزمن ده مكتمل
Humorلا حد منا يشبه الثاني ف كل شخص له خصال وصفات تميزه عن غيره، ولا يحق لنا أن نعيب زمن بأكمله عندما نشاهد ظاهرة شاذه. هيا بنا لنتعرف على بنتين من الزمن ده.
