بنتين من الزمن ده مكتمل

الحلقه الخامسه عشر والأخير

دعاء بتصوت/ متقولش كده يا دكتور طيب حاول تانى انا حاسه انها عايشه
مصطفى كان شغال في المستشفى دي
مصطفى كان معدي وشاف دعاء بتصوت وفكر يمشى وميرحش ليها بس طبعا قلبه مش حجر للدرجه انه يشفها بتعيط ويسبها
مصطفى/ هو في ايه يا دكتور ومسك وش دعاء
الدكتور/ في حاله ماتت تبعها
دعاء/ لا متقولش ماتت الحق هيا يا مصطفى هي عايشه انا حاسه انها عايشه
مصطفى/ اهدى انتى بس وانا هدخل ابص علبها واللى هقدر اعمله هعمله
دخل اسر لقى اسر عندها
مصطفى مسك ايد هيا وابتدا يكشف عليها
مصطفى بص ل اسر / وانت مالك انت كمان ايه اللى عمل فيكم كده
اسر/ الموضوع كبير شوفها ونتكلم بعدين مش قادر اتكلم هستناك برا
اسر/ دعاء اوعى تقولى حاجه لمصطفى دلوقتى ده لو عرف ان كان حد هيعملك حاجه بسببها ممكن لو فيها نفس يخلص عليها
دعاء/ على فكره انا واثقه في مصطفى يقدر يفرق بين حياته الشخصيه والعمليه ولا انت مش عارف صاحبك ده غير انو حالف بمين ان اي حد تحت ايده هيتقى ربنا فيه
اسر/ عندك حق تعالى طيب ارتاحى عقبال ما يطلع
دعاء/ مقدرش ارتاح غير لما اطمن عليها
مصطفى طلع ونده ممرضه/ عايزك تعملى سونار كامل تشوفى في اي نزيف داخلى وكل الجروح اللى عندها تتخيط
جه دكتور / ايه اللى انت بتقوله ده بتعالج وحده ميته
مصطفى/ ومين قال انها ميته انا دراستى والبحث بتاعى عن حالات الغيبوبه النادره تبقى النبض فيها ضعيف جدا ما يتلاحظش بس لو حطيت اجهزة القلب النبض هيبان ومع انتعاشة القلب النبض هيزيد وترجع للحياه بس الموضوع ده انها تتحط تحت اجهزه عايز موافقه من اهلها يا دعاء تقدري تجيبى الموققه دي وياريت تكون في اقرب وقت
دعاء/ اقدر طبعا في خلال ساعه هتكون جاهزه
دخل مصطفى عمل لهيا انتعاشة قلب وفعلا رجعت للحياه تانى بس لسه في غيبوبه وعمل اجتماع لكل دكاترة مخ واعصاب وشرح ليهم الحاله بمصطلحات طبيه
دعاء حاولت تتصل بمامة هيا و ابو هيا ومحدش رد عليها . روحت دعاء عشان تغير هدومها عشان كلها دم لقت عربية هيا واقفه في نص الشارع طلعت غيرت واخدت نسخه من مفتاح العربيه وركبت العربيه عشان تركنها لقت فون هيا اخدته وركنت العربية واتصلت بأم هيا ردت ودي كانت اول مكالمه لهيا بأمها من سنه واكتر
زيزي/ الو ايه اخيرا الفلوس اللى معاكى خلصت ههههههه
دعاء/ يا ساتر يارب هو في كده انتى ام انتى يعنى بنتك بقالها فوق السنه مكلمتكيش وتقولها كده اول ماتكلمك انتو ايه اتقو ربنا في بنتكم دي بنت واحده مش عشره
زيزي/ انتى مين وفين هيا
دعاء/ انا دعاء يا طنط معلش كنت هعطل حضرتك شويه وهاجى لحضرتك تمضى موافقه ان هيا تتحط تحت اجهزة اكلنيكيه
زيزي قامت بسرعه/ اجهزة ايه هي هيا فين
دعاء/ هيا بين الحياه والموت هي في غيبوبه والله واعلم هتفوق امته عشان كده لازم تقعد تحت اجهزه والمستشفى عايزه منكم موافقه
زيزي بخضه/ بنتى فين فين المستشفى دي
دعاء قالت عنوان
زيزي/ الحق يا فاروق بنتك بتموت
فاروق/ ايه اللى بتقوليه ده انا لو بنتى حصلها حاجه عمرى ما هسمحك ابدا كذا مره اقولك تعالى نشوف فين البنت تقولى سبها هي عند صاحبتها وبتحطي فلوس في حسابها عملت لبنتك الفلوس ايه
زيزي اول مره متردش على فاروق الكلمه بعشره
زيزي/ طيب تعالى بس نشوف هيا وبعدين نتكلم
وصلت زيزي وفاروق المستشفى ودعاء كانت موجوده
زيزي بعياط/ دعاء هيا فين هي ايه اللى حصلها انا عايزه اشوف بنتى
دعاء بصت وضحكت ضحكه حزينه/ ايه اللى حصلها؟ اللى حصلها انتو السبب فيه انتو دمرتوها انا مش عارفه بصراحه اللى جواكم ده قلب ولا حجر بينبض عشان تعيش نزاوتكم وسهراتكم واصحابكم سبحان الله لازم يحصل حاجه عشان تفوقو ما دام انتو مش قد العيال والتربيه مابلاهم احسن و مشيت وسابتهم
ولاول مره زيزي وفاروق مايرموش الغلط على بعض
فضلو يعيطو هما الاتنين وجوه كل واحد صراع
زيزي بتكلم نفسها/ ايوه انا السبب انا اللى ماخدتش بالى من بنتى عمري ما سمعت هي عايزه ايه عمري ما حضنتها
فاروق بيكلم نفسه/ انا اسف يا بنتى كان عندك حق الراجل مش فلوس وبس الراجل الحضن وامان لاهل بيته
وراحو مضو الاقرار وهيا اتجهزت عشان تتحط على الاجهزه
دعاء كانت واقفه جنب اوضة هيا ومصطفى كان معدي وشاف دعاء
مصطفى/ دعاء انتى شكلك تعبان روحى ارتاحى القاعده هنا مالهاش لازمه يا عالم هتفوق امته
دعاء بدموع/ مش قدره اتحرك من مكانى
مصطفى/ طيب تعالى المكتب بتاعتى ارتاحى وانا مروح اوصلك
دعاء/ معلش سبنى براحتى هقعد هنا
مصطفى/ براحتك
مصطفى راح لاهل هيا
مصطفى/ مساء الخير انا دكتور مصطفى المسؤال عن حالةج هيا
فاروق/ اهلا بحضرتك دكتور
مصطفى/ اهلا بيك حضرتك ممكن تاخد المدام وتمشو عشان القاعده مالهاش لازمه هيا في غيبوبه
زيزي بعياط/ ممكن تفوق امتى يادكتور
مصطفى/ تقعد قد ايه ده بتاع ربنا اهم شى ادعولها كتير
زيزي/ ربنا يقومك ليه بسلامه يا بنتى طيب ممكن ابص عليها
مصطفى / اه بس من الازاز
فاروق/ شكرا يا دكتور
رحو بصو على هيا وكانت دعاء واقفه
فارق/ دعاء تعالى اوصلك شكلك تعبانه
دعاء/ شويه وهروح ميرسي
فاروق/ لو عايزه اي حاجه اتصلى بيه على طول
دعاء/ ان شاء الله
مصطفى/ انا خصلت تعالى اروحك
دعاء/ حاضر
ركبو العربيه ومحدش اتكلم فيهم طول الطريق و اول ما وصلو عند بيت دعاء
دعاء/ ثوانى هطلع اجيب شنطة هدومى وهروح اقعد في فندق
مصطفى/ ليه يعنى عشان هيا مش معاكى اقعدى في فندق انا كنت فكرك اقوي من كده وتقدري تقعدى لوحدك في اي مكان
دعاء/ الموضوع مش كده وانت مش عارف حاجه
مصطفى/ طيب هاتى شنطتك وهتقعدى مع اختى دخلت الكليه هنا وقاعده مع اصحابها
دعاء/ معلش عشان يكونو براحتهم
مصطفى/ مش عايز كلام كتير يالا بسرعه
دعاء/ حاضر ونزلت راحت لحد السلم و وقفت خافت تلاقى حد فوق
مصطفى اخد باله ونزل من العربيه
مصطفى/ ممكن افهم في ايه اكيد كمان مش خايفه تطلعى تلمى هدومك مش للدرجه دي
دعاء/.......
مصطفى بعصبيه/ هو في ايه يا دعاء
دعاء/ ممكن تهدى وهفهمك بعدين
مصطفى/ اتفضلى اطلعى انا هطلع معاكى
طلعو ومصطفى كان واقف على باب الشقه
دعاء لمت هدومها ونزلو جه لمصطفى فون
مصطفى/ الو ياباشا فينك مش باين
ظابط/ حبيبي اهو في الدنيا بس انت عارف الشغل
مصطفى/ انت عامل ايه المهم
الظابط/ تمام انا كنت عرفت من اسر ان دعاء خطيبتك
مصطفى باستغراب/ هو في حاجه بتسأل ليه
الظابط/ عشان قضية هيا فاروق
مصطفى/ قضية ايه هي معملتش حادثه
الظابط / حادثه ايه لا اللى حصل ل هيا كان في بيت دعاء
مصطفى/ طيب ثانيه هفهم وهرجع اكلمك
مصطفى بص لدعاء/ ممكن افهم هو ايه اللى حصل
دعاء/ طيب اهدى بس وانا هفهمك كل حاجه
مصطفى/ اخلصى حصل ايه
دعاء / اللى انا اعرفه انها اتصلت بيه وانا مردتش عليها وفجأه الباب خبط جامد وفتحت لاقتها بتجيب دم من كل وشها وجسمها وقالتلى امشى بسرعه من البيت عشان عدنان كان عايز يعمل فيه حاجه
مصطفى/ نعم وعدنان ده يطلع ايه ان شاء الله ويعرفك من فين
دعاء/ اصل ااااصل
مصطفى/ اخلصى يعرفك من فين
دعاء/ مصطفى بالله عليك اهدى انا اعصابى تعبانه
مصطفى بيدوس على سنانه/ طيب قولى ادينى هديت اهو
دعا/ اصل كسرت ايده
مصطفى/ كسرتى ايه وانتى شفتيه فين يا ختى
دعاء/ انا رحت لهيا في المكان اللى قولتلى عليه ورحت اخد هيا كان هيمد ايده عليه رحت كسرتهالو بس هو ده اللى حصل واللى انا اعرفه
مصطفى فضل يضرب في الدركسيون / والله كانت عارف اخرت الزفته دي سوده و انا نصحتك وانتى حد لمسك؟
دعاء/ انا الحمد لله مشيت قبل ما يوصلو وجبت البوليس
مصطفى فضل يجز على سنانه واتصل بالظابط وقفل وكلم اخته
مصطفى / انا كلمت اختى ومستنياكى وهعدي عليكى بكره عشان حضرتك مطلوبه في القسم عشان يتحقق معاكى
دعاء/ وانا يتحقق معايا ليه ده انا اللى بلغت
مصطفى/ متقلقيش الظابط الحمد لله صاحبى وهكون معاكى
دعاء / ربنا ميحرمنيش منك اه سورى نسيت انك قطعت علاقتك بيه
مصطفى بص جامد لدعاء وكان مولع/ طيب انزلى يا دعاء
دعاء طلعت وفضلت صاحيه لحد الصبح مش عارفه تنام من كتر التفكير في هيا ومصطفى لسه بيحبها ولا خلاص فعلا مش عايزها
مصطفى اتصل بيها ونزلت وراحو القسم وفضلو يحققو معاها وكان عدنان واقف وصاحبه وقالت دعاء كل اللى تعرفه من اول كلبسون لحد ما هيا قالتلها امشى
دعاء/ هو ده كل اللى انا اعرفه لحد ما جيت بلغت هنا
الظابط/ الافندى حاطت كاميرة مراقبه صورت كل حاجه وشغل الفيديو كان عدنان بيضرب هيا عشان تقول عنوان دعاء وهى رفضت واول ما الشباب كان هيغتصبو هيا
مصطفى/ خلاص اقفل كفايه اووي كده
الظابط / جرى حتة الاغتصاب وجاب حتت وهو بيجيب العنوان من على الفون
دعاء/ ياااا يا هيا كل اللى حصلك ده عشانى انا وبردو في الاخر مقولتيش على عنوانى وكمان برغم كل اللى فيكى جيتى تلحقينى
مصطفى/ اهدي يا دعاء هى اللى عملت كده في نفسها( بس بيقول جوه نفسه)
ياااا هو لسه في حد مخلص لحد اووي كده
انا خيرت دعاء بينى وبين صاحبتها اختارت صاحبتها
وهيا فضل يضربها ويعذبها و متقولش عنوان دعاء وتقول اعمل فيه انا اي حاجه بس صحبتى لا و برغم كل اللى فيها تروح تلحق دعاء صح على رأي دعاء اللى بينهم اكبر من كل شي
اترحل عدنان على بلده واتحكم عليه بتهمة شروع في قتل واخد عشر سنين سجن
هيا بقالها خمس شهور في الغيبوبه وامها وابوها كان ديما معاها وبيقرأو ليها قرآن
واسر كان دايما يجيب ورد وهدايا لهيا ويتصور معاها سلفى
دخل مصطفى/ بتعمل ايه يا مجنون انت بتصور واحده في غيبوبه سلفى دانت لاسع خالص
اسر/ لاسع ايه يا عم يعنى عايزها لما تفوق تقول محدش عبرها ولا انا اجيب ورد وهدايا وادفع دم قلبى وهي ولا في دماغها طيب قولي لما تفوق هزلها ازاي لازم تحس كان في حد بيصرف عليها
دعاء / عايز تزل اختى يا مفترى طيب ( اخدت فون اسر وجريت) عارف لو قربت هرميه في الما
اسر بصوت عالى/ يا مجنونه لا اووعى طيب مش هزلها استهدى بالله كده وهاتى الفون وكان بيقرب عليها
صوتت دعاء والله هرمى هرممممممى
....../اااااه دماغى
كلهم بصو على الصوت
دعاء/ هيا
كلهم جرو عليها
مصطفى/ هيا سمعانى
هيا/........
مصطفى/ طيب لو مش قادره تتكلمى اعملى اي اشاره حتى اقفلى عينك وفتحيها
امها وابوها كانو بره دخلو اول ما عرفو انها فاقت
اسر مسك ايد هيا/ انتى كويسه
مامتها مسكت ايدها التانيه
ومصطفى/ هيا حاولى اعملى اي اشاره لو حاسه بينا هيا وبيشاور قدام عينيها
هيا / عاااااااااااااااااااااااااااااااااااااااااااااااااا
مصطفى نده الممرضه / هاتى مهدى بسرعه
هيا بطلت صويت وبصت عليهم واحد واحد لحد ما عينها جت في عين ابوها وامها وفضلت تعيط
زيزي اخدتها في حضنها جامد و فاروق اخدهم هما الاتنين في حضنه
هيا/ يااااااااه كان نفسي في حضنكم ده من زمان
فاروق/ معلش يا بنتى حقك عليه عمري ما هزعلك ولا هسيبك ابدا
زيزي فضلت تبوس فيها/ حبيبتى يا بنتى انا ما صدقت رجعتى ليه عمرك ما هتبعدى عن حضنى تانى
هيا مسكت وش مامتها وقربتها ليه وباستها وحضنتها
زيزي/ انا من هنا ورايح ليكى انتى بس عمرى ما هتغيبى عن عينى تانى
هيا/ هو ايه اللى حصل انا فاكره اخر حاجه امبارح لما عدنان ضربنى بالكرسي
اسر/ نعم يا ختى امبارح شوفتو كان عندي حق اصورها اهى بتقول امبارح
دعاء/ هيا يا قلبى انتى بقالك هنا خمس شهور وحكو كل حاجه لهيا
هيا/ عارفه يا دودو كل الفتره دي كنتى معايا وانتو كلكم والله كنتو معايا
اسر/ دا انا مصورك حبة صور تحفه وجبتلك ورد وهدايا على فكره
هيا/ لا مش معقول انت مصدقش
اسر/ لا اوريكى عشان تصدقى اصل انا كنت عارف انك مش هتصدقى قلت اصورك عشان افرجك
دعاء/متصدقهوش دا عشان يذلك
اسر/ انتى هنا بتعملى ايه اطلعى بره
هيا/ لا خلاص سيبها عشان خاطري
فضل اسر يفرج هيا على الصور
هيا/ انا حاسه انى شفت كل الورد ده والهدايا دي انا افتكرت حاجه و انا في الغيبوبه كنت بسمعكك والله وكنت حاسه بيكم
دعاء/ وسعت منك يا هيا
مصطفى/ لا هيا اللى بتقوله صح في انواع غيبوبه المريض بيحس بكل اللى حواليه عشان حاسة السمع عنده شغاله بس في مركز في المخ واقف مش قادر يستعيد نشاطه واهو الحمد لله بقيتى معانا من جديد
هيا ضربت اسر على كتفه/ يعنى بتصورنى وراسي معووجه
اسر/ يعنى انتى كنتى حاسه بحاجه
هيا/ ايوه رقبتى كانت بتوجعنى
اسر/ معلش المره الجايه هبقى اعدلهالك
هيا/ نهارك اسوح انت بتدعى عليه وعضت اسر في ايده
دعاء/ ايوه بقى ياتى اخيرا ضحكتكي وشقاوتك رجعت تانى
فضلو يهزرو والضحكه رجعت وشهم من جديد ومصطفى سامح هيا عشان خوفها على دعاء واسر سامح هيا عشان عرف من دعاء قد ايه هي اتعذبت في حياتها
خرجت هيا من المستشفى
هيا/ دعاء خليكى معانا هنا
مصطفى/ هنا اللى هو فين
هيا/ هنا معايا
مصطفى/ لا يا هيا مش هتفضل هنا ولا معاكى دعاء هتبقى معايا انا وانتى تبقى تزورينى يا خالة عيالى
دعاء بصت لمصفى وفرحت عشان طول فترة غيبوبة هيا مكنش صالحها وانه لسه بيحبها وهيتجوزها وسامح هيا

وهنا القصه خلصت بس عندي رساله كل اب وام اسمعوا اولادكم كويس وفضوا نفسكم ليهم مفيش اغلى منهم في الدنيا بالنسبالكم
لكل ابن ولكل بنت اوعو تسيبو بيت ابوك وامك مهما حسيتى انهم مقصرين معاكم لانه ببساطه ءأمن مكان ليكو في الدنيا
لكل بنت اوعى تصدقى اي شاب يضحك عليكى بكلمتين و يقولك بحبك وهتجوزك حتى لو مخطوبين اوعى تسلمى نفسك غير لجوزك، شرفك اغلى من اي حاجة في الدنيا.
لكل شاب اوعى تلعب بمشاعر بنت وتكسر قلبها كل ذنبها انها صدقتك و وثقت فيك وافتكر انه كما تدين تدان
وكلكم ما تنسوش أن كلكم راع و كلكم مسئول عن رعيته وماتنسوش أن فيه يوم هانتحاسب فيه كلنا وانها مش مجرد حياة وأن فيه زمن تانى مش بس الزمن ده.
وإلى اللقاء في قصه جديده😍❤️