بنتين من الزمن ده مكتمل

الحلقه السادسه

مصطفى/ ها عملت ايه في موضوع المستشفى
اسر/ يابنى انا اسر عيب عليك بكره هتشوف وتسمع
مصطفى بهزار/ شكلك مش مطمنى يا واد اوعى تكون شركت الدكتور واديك اهو جايب عربيه
اسر/ مش هريحك بكره هتشوف وتسمع ويالا غور بقى كفايك كده هو انت هتصاحبنى
مصطفى/ طيب ادينى زيرو طيب يا واطى
اسر/ اوعى ياد تكون صدقت انى عايز اركبهالك اول واحد هههه
مصطفى / عرفك واطى
ومشي اسر بالعربيه
واتصل مصطفى بدعاء
مصطفى/ وحشاني
دعاء/ وانت كمان
مصطفى/ ينفع اشوفك فى الكليه بكره بعد المحاضرات
دعاء/ معلش عشان انا الايام دى مش بروح الكليه وهسافر كمان يومين
مصطفى/ هتسافر مع مين
دعاء / هيكون مع مين مع اهلى
مصطفى / هتقعدى قد ايه
دعاء/ اسبوع
مصطفى/ وانا هقعد كل الوقت ده مشفكيش فيه
دعاء / ده اسبوع وادينى بكلمك اهو ع الفون
مصطفى/ طيب خلى بالك من نفسك
دعاء/ ان شاء الله وانت كمان خلى بالك من نفسك
وقفلو الفون ونامو
الصبح نزل مصطفى واسر فى العربيه وراحو المستشفى
(وصلو المستشفى)
مصطفى/ بردو مش هتقولى ناوي على ايه
اسر/ باقى دقايق وكل حاجه هتتعرف اتقل انت بس
راح اسر للدكتور
اسر/ دوك عامل ايه اعتبرنى جهزت
الدكتور/ لا انت راحه انهارده
اسر/ بس تصدق لاول مره ابقى عايز اشتغل انا هروح معاك
الدكتور/ اسر هو انت هتهزر كتير قولتلك لا مش هتحضر انهارده
اسر/ بس لو مكنتش تحلف
دخل الدكتور اوضة العمليات وبعد عشر دقايق دخل وزيرالصحه
فلاش باك
اسر/ يا فندم انا جى ابلغ عن دكتور بيسرق اعضاء في مستشفى ....
وزير الصحه/ انت متاكد يابنى من كلامك ده
اسر/ ايوه يافندم متأكد وانا عملت بحث بأسامى كل الناس اللى دخلت يوم الاتنين فى خلال سنه و رحت عناوينهم فيهم اللى كان عايش وفيهم اللى مات بس سجلت ليهم وصورت مكان العمليات والتقارير بتاعتهم انهم كانو بيعملو عمليات بسيطه بعيد عن الكلي
و ورى كل حاجه للوزير ومن غباء الدكتور ماكنش بيعدم ورق دخول المرضى في اليوم ده متخيلش حد يدور وراه
(انتها الفلاش)
دخل وزير الصحه على الدكتور
الدكتور من غير مايبص/ انت يا غبي مش قولت مش عايز الباب يتفتح عليه خالص مهما يكون فيه ايه برا
الوزير/ معلش لو هعطلك شويه اتفضل معانا
الدكتور بخوف / اهلا بسيادتك بس انا بعمل عمليه
الوزير مسك دفتر الحاله وعرف الحاله عايزه عملية ايه / وسع عنك (ابتدا الوزير يقفل فى الجرح )تصدق اول مره اشوف مريض عنده المراره يفتحوله في الكليه
وخلص الوزير العمليه وكان الظابط واقف برا اخدوه
الوزير/ انت شاب طموح ياريت كل الشباب تكون زيك تقف قدام اي حاجه غلط وتقول لا
عند هيا . هيا كانت في الاوضه والفون بتاعها رن
هيا بتقول لنفسها ياااه لسه فاكره تسألى عليا/ الو
زيزى/ الو هيا فينك
هيا/ فى الاوضه
زيزى/ طيب حضري نفسك عشان هنسافر تركيا بكره
هيا/ هنسافر كلنا مع بعض خير حصل ايه فى الدنيا عشان نكون مع بعض
زيزي/ اصل باباكى عنده شغل هناك وانا هقابل صحباتى هناك
هيا/ اه طيب انا مش رايحه اصل عندى اصحابى هنا عيزه اسافر معاهم
زيزى/ طيب اووك براحتك
هيا/ براحتى على طول كده طيب مش عايزه حتى تعرفى مين اصحابى دول
زيزى/ انتى مش صغيره حبيبتى براحتك باي هيا معايا ويتنج
هيا اتصلت على ابو دعاء/
هيا/ الو
ابو دعاء/ ازيك حبيبتى اخبارك ايه تلفونك مقفول بقالو يومين ليه
هيا/ معلش انكل اننا بعت رساله ل دودو وطمنتها عليه
ابو دعاء/ اه يا حبيبتى ما هي طمنتني عليكى بس وحشتينى
هيا/ معلش يا انكل انا مش هروح معاكم
ابو دعاء/ ليه بس كده
هيا/ معلش
ابو دعاء/ انتى لو مش هتيجى معانا احنا مش هنروح حته من غيرك
هيا/ اصل اصحابى عزمينى على رحله
ابو دعاء/ اصحابك مين دول
هيا/ اصحابى
ابو دعاء/ ايوه يعنى اصحابك مين وعلى العموم مينفعش تسفرى مع حد متعرفيهوش كويس واحنا عايزينك معانا منقدرش نستغنى عنك
هيا قفلت الفون وفضلت تعيط كان نفسها تسمع الكلام ده من مامتها
حاول ابو دعاء يتصل على هيا ومردتش
ابو دعاء/ دودو تعالى
دعاء/ نعم يا بابا
ابو دعاء/ هي هيا ليها اصحاب غيرك؟
دعاء/ اكيد بس احنا الاتنين قريبين لبعض اكتر من اى حد تانى .ليه يا بابا؟
ابو دعاء/ هيا فيها حاجه غلط بس هى ايه انا مش عارفها هي كانت قالتلك ايه في الرساله قبل ما تقفل التلفون
دعاء/ قالتلى انها عند خالتها ومفيش شبكه واول ما يكون في شبكه هتكلمنى
ابو دعاء/ هى كلمتنى وقالت انها هتروح رحله مع اصحابها
دعاء/ ازاي يعنى ثوانى كده
هيا بصوت حزين/ الو
دعاء/ الو اصحاب مين دول اللي هتروحى معاهم رحله
هيا/ انا تعبانه اووى هكلمك بعدين
دعاء/ ليه بس مالك على العموم هنسافر بكره تعالى باتى معانا وانا افرفشك
هيا عيطت
دعاء/ هيا في ايه طمنينى عليكي
هيا بصوت معيط/ مش قدره اتكلم في الفون
دعاء/ هيا هيا طيب انتى فى بيتكم
هيا/ اه
دعاء/ انا هجيلك
(وقفلو الفون)
دعاء / بابا ممكن اروح اطمن على هيا
ابو دعاء/ انا برضه حسيت انها فيها حاجه
دعاء/ مش عارفه بس هي منهاره من العياط وهروح اشوفها
ابوها/ روحي طبعا وطمنيني على طول اول ماتوصلى عليها وعليكى
دعاء/ حاضر بعد اذنك
وصلت دعاء الفيلا
دعاء / بعد اذنك عايزه هيا
الامن/ اتفضلى هي مستنيه حضرتك فى الجنينه
دخلت دعاء واول ما شافت هيا اخدتها فى حضنها
دعاء مسحت دموع هيا/ في ايه حبيتى طمنينى
هيا/ بقيت كويسه لما شوفتك
دعاء/ ثوانى هطمن بابا
اتصلت على باباها
ابودعاء/ وصلتى
دعاء/ اه ومعاك هيا
هيا/ الو انكل
ابودعاء/ هيا بتقلقينى عليكى ليه
هيا/ معلش والله غصب عنى
الو دعاء/ انتى هتيجى معانا صح
هيا/ هو انا ليه حد غيركم اكيد هروح معاكم
ابو دعء / امال كنتى بتقولى كده ليه
هيا/ ابدا كنت عايز اعرف رد حضرتك لما اقولك انى هسافر مع اصحابى وانا مش محدده هما بنات ولا شباب. وكنت عايزه اعرف وجودى معاكم هيفرق ولا عادى
ابو دعاء/ انتى بتهزرى ازاي وجودك معانا مش هيفرق. وليه كنتى عايزه تعرفى ردى على سفرك مع اصحابك
هيا بحزن/ اصل كنت قولت ل بابا كده قالى براحتك وقولت لماما قالتلى براحتك فكنت عايزه اعرف انا اللى مأفوره ولا هو فعلا صح براحتى
ابو دعاء/ هيا كلامنا في التلفون مش هينفع هاتى حاجتك وتعالى مع دعاء
هيا/ حاضر يا انكل
(وقفلو الفون)
دعاء/ وايدك مكسوره ولا تقولى
هيا/ معلش والله مكنتش عايزه اتعبكم معايا
دعاء/ ايه اللى بتقوليه ده. انتى اختى يابت
هيا/ انا عارفه كده كويس عشان كده مكنتش عيزاكى تزعلى عليا وانا عارفه طنط لو عرفت ماكنتش هتسبنى وكانت نفسيتى تعبانه وماكنتش عايزه حد يشوفنى كده
دعاء/ انتى ليه بتبعدى وانتى حزينه ليه مش بتخلينى اشاركك فى حزنك او و انتى زعلانه
هيا وعينها كلها دموع/ عارفه ليه عشان انا مش زعلانه من حد عادي ان زعلانه من بابا و ماما ولو كنت اتكلمت معاكي ممكن اغلط فيهم وانا ماحبتش اغلط فى اهلى قدام حد دول منى برضه
دعاء/ بصى يا هيا مع انك مكلمتينىش عن اهلك بس انا حاسه في جرح كبير اووى جواكى منهم وانا كنت محترمه انك مش عايزه تتكلمى عليهم. وكويس انك مش عايزه تتكلمى عليهمم وحش دى حاجه حلوه بس انا اختك يعنى عمرى ما هاقسيكى عليهم واقدر اخليكى تهدي كتير من النار اللى فى قلبك دى
هيا/ هو انا ابقى بحبهم لما ابقى مش عايزه اتكلم عليهم
دعاء/ طبعا بتحبيهم دانتى صاحبيتى بقالك عشر سنين وعمرك ما اتكلمتى عليهم بكلمه وحشه
هيا/ بس كمان ولا قولت حلوه مش ممكن كده اكون بكره
دعاء لا بتحبيهم وبتحبيهم اووى كمان طول ما انتى مش حابه تجرحى فيهم قدام حد تبقى بتحبيهم . بطلى نكد ويالا عشان نحضر الشنط
هيا ابتسمت/ عارفه لو انتى واهلك مش في حياتى مش عارفه كان حصلى ايه ربنا يخليكى ليا يا اختى يا ازعه (وطلعت تجرى)
دعاء طلعت تجري وراها/ بكره تعرفى قيمة القصيرين لما تتجوزى وتسكنى فى شقه وتفضلى تخبطى في النجف يا طويله
اتصل ابو دعاء عليهم)
دعاء/ الو بابا
ابو دعاء/ ايه رايكم نسافر دلوقتى في ناس عايزنى هناك
هيا شدت الفون/ يا ريت يا انكل
ابو دعاء/ يالا متتأخروش
هيا/ فى ثانيه هنكون عندك
دعاء/ دا احنا هنخربها هههه
(فون دعاء رن)
دعاء/ ثوانى هيا ده مصطفى
..../ الو دعاء معايا
دعاء/ ايوه انت اسر
اسر/ اه. دعاء انا ومصطفى عملنا حادثه
دعاء/ حادثه طيب هو عامل ايه وفين
اسر/ بس اهدى هو كويس عايز يشوفك قبل مايدخل العمليات
دعاء/ انا جايه حالا فين مستشفى ايه
اسر/ مستشفى(....)
(وقفل الفون)
هيا/ في ايه مالك
دعاء بعياط/ الحقينى مش عارفه اعمل ايه مصطفى عمل حادثه وهيدخل العمليات وعايز يشوفنى قبل ما يدخل
هيا/ اهدى وانا هكلم انكل وهقوله
دعاء/ هتقوليلو ايه بابا لسه ميعرفش حاجه عن مصطفى بس انا هقوله على كل حاجه فى الساحل
هيا/ استنى بتصل . الو انكل اصحابنا عملو حادثه واحنا لازم نكون معاهم معلش ممكن نأجل السفر
ابو دعاء/ الف سلامه عليهم طيب تحبو اكون معاكم
هيا/ لا يا انكل ماتتعبش نفسك احنا هنحضر العملية وهنجلكم على طول
ابو دعاء/ طيب فى ناس مستنينى هناك مش هينفع اتاخر عليهم تبقى تعالى انتى ودودو و طنطك
هيا/ خلاص يا انكل هنحضر العملية وهنيجي وراك على طول مش هنتأخر عشان عايزه اتكلم معاك ومع طنطي في حاجات كتير ممكن اهدى شويه من الصراع اللى انا في ده
ابودعاء/ اخيرا هيا هتتكلم وانا والله من زمان كان نفسي تقولى اللى جواكى اللى مخليكى حزينه على طول مع انك شقيه وزى العسل بس حاسس في لغز جواكي
هيا/ فعلا يا انكل لما اشوفك هحكيلك على كل حاجه
مامت دعاء/ هات اكلمهم. ازيك حبيبتى هتوحشوني
هيا/ هنوحشك ايه بس احنا مسافة السكه و نكون عندك
مامت دعاء/ لا انا هسافر مع عمك مش هينفع اسيبه لوحده انتى ودودو تبقى تعالو مع بعض وخلي بالك منها ادهالى اكلمها
هيا/ اخلى بالى من مين هي اللى تخلى بالها منى وعلى العموم في عيونى معاكى اهى
دعاء/ الو يا مامتى
مامت دعاء/ هتوحشينى يا قلب مامتك من جوا خلى بالك من نفسك ومن هيا
دعاء/ بدل ما اوحشك وتفضلى قلقانه علينا طول الطريق خليكى سافرى معانا واهو تجربى سواقة هيا
مامت دعاء/ مقدرش اسيب ابوكى لوحده وانتى معاكى هيا وطول ما انتو مع بعض انا مطمنه عليكم لا اله الا الله
دعاء/ محمد رسول الله
(وقفلو الفون)
ابو دعاء/ ايه جو التراجيديا اللى انتى عملاه ده
مامت دعاء/ اول مره اروح حته من غير دعاء
ابو دعاء/ طيب خليكى وتعالى معاهم
مامت دعاء/ مقدرش اسيبك انت كمان
ابو دعاء/ تعرفى احسن حاجه عملوها ايه
مامت دعاء/ ايه
ابو دعاء/ ان احنا هنقعد مع بعض لوحدنا ههه
مامت دعاء/ منحرمش منك ابدا
(دعاء وهيا راحو المستشفى)
دعاء/ اسر مصطفى فين
اسر/ تعالى معايا. بس امسكى نفسك شويه
دعاء دخلت الاوضه لقت وش مصطفى كله دم وهدومو)
دعاء/ الف سلامه عليك حبيبي طمنى عليك حاسس بايه
مصطفى فتح عينه وبصوت واطى/طول ما انتى جنبى الحمد الله(مسك ايدها) بحبك دعاء بصوت معيط/ وانا بموت فيك
(دخلو اصحابه البنات)
سها/ الف سلامه
لولو بهزار/ اجمد شويه وبطل دلع دول كام كسر بس
مصطفى ابتسم
دينا/ ده شكله عايز يعرف بنحبه قد ايه
هيا/ ايه يا جماعه انتو كلكو على مصطفى وسايبين اسر على فكره كان معاه فى الحادثه . الف سلامه يا اسر انت واقف كده ليه روح ارتاح شكلك تعبات اووى وراسك فيها جرح شكله عايز يتخيط
اسر/ اللى فيا حاجات بسيط ومقدرش اسيب مصطفى
دعاء/ طيب روح شوف جروحك احنا معاه وربنا يخلى اصحابه اهو زاحمين الدنيا قصدى مالين المكان عليه
(الباب خبط)
الممرضه/ اتفضلو يا جماعه برا عشان نجهزو للعمليات
اسر/ معلش يا صاحبى كلها دقايق وهتبقى زي الفل والله انا مش عارف الفرامل ازاى سابت كده
مصطفى/ الحمد الله . بس الحادثه دى اكيد مقصوده مش هيسبوك في حالك اكيد عرفو انك انت اللى بلغت. محدش يقول لاهلى حاجه غير لما اطلع من العمليات
(اتجهز مصطفى عشان يدخل العمليه)
دعاء/ اسر ممكن اعرف هو في ايه بظبط
اسر/ شرخ بسيط في الجمجمه ده غير الكسور اللى في ايده ورجلو و نزيف داخلى
دعاء/ قاعدة على الكرسي ومش قادره تتحرك
الممرضه/ دكتور اسر اتفضل معايا انت عندك كسر في دراعك وراسك لازم تتخيط
اسر/ لو سمحتى سبينى دلوقتى لما اطمن على مصطفى
هيا/ ايه اللى بتقوله ده اتفضل روح جبس دراعك وخيط راسك اللى بتجيب في دم
(راح اسر بعد ما كلهم فضلو يقولوله)
وخلص وفضل فى الطرقه رايح جايه
ممرضه طلعت من الاوضه
جريو عليها
اسر/ هو حالته عامله ايه
الممرضه/ معلش في تلت اوض عمليات جوه انهى حاله
دعاء/ اللى جاي فى حادثه
الممرضه/ ا ا ا ا ا
اسر/ ماتنطقى في ايه
الممرضه/ البقاء لله
ياترا الدكتور هيسيب اسر؟
ياترى هيا هتقول المره دى كل حاجه لاهل دعاء؟
ياترى دعاء موقفها ايه في موت مصطفى
توقعاتقم الحلقه الجايه!
هنزل حلقه كمان لو في تفاعل انطلقوا
ابتسام محمود الصيري