الغلط البخلي حياتنا تكون مسيخه انو نحنا مرات بندي الناس اكبر من حجهم ، بنكبر مكانة الزول بي يدنا و بنخليهو يحس بي انو قدر شنو هو حاجه عظيمه .. حتى الاصحاب لمن نديهم اكتر من حجمهم الصحبه ممكن تتقلب لعلاقه شبيهه بالاستعباد يعني صحبك البتديهو كل اسرارك و بتشاركوا لحظات حياتك الحاوه و المره لكن يجي في يوم و يتغير عليك بتحس انك مرهون ليهو بي حاجه .. بتحس انك مديهو اسرار كتييره في يدو بتحس بنوع من التقييد و انو في زول مشاركك حياتك غصب عنك ، الصاحب الممكن يستهلكك زي ما عايز لأنك غبي و قدرتا توصل ليهو نقاط ضعفك ، الزول الإنت خايف تخسرو اخسروا عشان تسيب الخوف ، الخوف الإنت حاصر حياتك فيهو خصما عنك و العلاقات البتستهلك فيك و انت خايف تخسرها .. الصاحب البذل في شعورك اتجاهو حتى و وصلك مرحلة انك تكره سيرتو الطايره ، الغلط انو نحنا بنتعامل مع الزول كآخر زول في الدنيا و مستحيل نلقى زيو .. الناس البتعاملوا مع النوع الزي ده من العلاقات و بتعاملوا بالطريقه دي ح يخسروا كتييير و حيخسروا خصما على سعادتهم هم ، ح يعيشوا حياه ماعندها طعم في سبيل انهم يسعدوا الحوليهم .. كفايه العشناهو انا و انتي ياسندس و نحنا الاخترنا الحياه دي بسبب عنادك و بسبب كبريائي ، لمره خلينا نرفع الستاره دي و نتعامل بي نوايانا البسيطه نتعامل بالبراءه الكانت جواك و بي الريدة يا مريودتي❤ .. البعد عنك كافي لي انو يوريني انو الحياه من غيرك مسيخه من كل الجوانب ، لا موافقة الاهل و لا كلام الناس ولا اي حاجه تاني ح توقفني في سبيل اعيش لحظات السعاده معاك .. حيتكلموا؟ ح يقولوا فينا كلام ؟ ح يزعلوا ناس كتار ؟ كل ده ما مهم لأنو نحنا إتدمرنا بسبب كلام الناس ، يقولوا الدايريين يقولوا كل الناس انا ما ح اخليك في ظروف زي دي تعيشيها تاني براك ، كفايه لمن خليتك قبل كده تعيشي الوجع براك .. كنت عارف انو سندس قاعده عاطله من غير شغل بعد ماتمت شهور العده و زادت بشهر ، اتصلت لي ابوها و سألتو من اخبارهم و اخبارها ف وراني انو قاعده في البيت و كويسه .. بتاخد علاجات السكري و مواصله حياتها عادي ، طلبت منو يسألها من عنوان ايمليها سألني ليه ؟ فقلت ليهو لقيت وظيفه مناسبه ليها جدا مديرة علاقات عامه في مؤسسه بريطانيه للرشاقه و التنحيف ، شكرة مسؤوله عن تسويق منتجات التنحيف البريطانيه و فرعها في السودان واحد .. محتاجين لبنت متعلمه و مثقفه و خفتا اقول ليهو جميله و ابوها يدخل لي بالتلفون 😂✋ ف وافق ❤ طبيعة الارتياح بين ابوها وبيني تقريبا حاجه خلقها ربنا في علاقتنا ، بيقولوا الاهل بعرفوا و عندهم نظره ، الا امي 💔😢 بعد ما اداني ايملها ، رجعت البيت رسلت فيهو اعلان عن الوظيفه و انتظرتها لمن تدخل و تقراهو .. فعلا دخلت ايميلها بالمساء وشافت الاعلان مرسل عن طريق اسم الشركه ؛ اتصلت لي امل وكلمتها و انا عارف امل🌷 الصحبه السند بجد .. قالت ليها بكره نمشي نشوف المعاينات يابت و انتي محظوظظه والله ياخ ربنا جاب ليك الشغل لحدي باب بيتكم ، ما كان عندي علاقه بالشركه غير معرفه بس و انا وصيتهم عليها و تاني يوم مشت هي و امل سألت من اعلان الوظائف و قالوا ليها ادخلي المعاينه فورا .. كانوا عارفين انها سندس ❤ حكيت للمدير عنها بس لما شافها اقتتنع ، سمراء 💙 جميله بالمساء جاني تلفون منو و قال لي انو قابل سندس و انها اتوظفت و ح تشتغل فورا ، مناسبه جدا ك مظهر و ك ثقافه للموقع الاحنا طالبناهو بيها ، و انا اختياراتي دايما صح💛 .. اتبسطتا انها رجعت للحياه تاني بعد الازمه النفسيه العاشتها بعد وفاة ولدها .. اشتغلت في المؤسسه و بدت شويه شويه تتغير و تضحك زي اول❤ بدت تنسى همومها و النكد الكانت عايشه فيهو ، شهر مستمره في الشغل بطبيعتها الحلوة المحبووبه خلت كل الاصطاف يحبها ويحترمها ، و انا كنت ملهي مع مشاكلي بس ما ناسيها بسأل منها ابوها و بسألوا من احوالهم هم ، كانوا مبسوطين انو بنتهم رجعت تعيش تاني بعد ما كانت انفاسها قريبه للسماء😢 .. و انا مبسوط و رايق و صحتي اتصلحت و جاي داخل البيت حااالق و مروق لقيت لينه مع امي بياكلوا في فول سوداني مع القهوه بعد سلمتا قعدتا جنب امي و قلت ليهم شربوني معاكم ، لينه قالت لي من عيونا ياخ❤ كبت لي وناولتني امي كانت بتعاين لي ، سألتني ماشاء الله رااايق شايفاك ! خير ؟ ضحكتا وبستها في راسها و قلت ليها الحمد لله بس .. قالت لي الحاصل معاك شنو خاليك كده مبسوط قدر ده ، لينه عاينت لي وضحكت لأنها كانت عارفه كل الحاصل بينا انا و سندس .. قلت ليها يا امي يعني ما اتبسط قالت لي بري تبرا من عين الحسود ربنا يديم البسطه عليك ❤ قلت ليها آمييين يارب ، قعدتا شويه و تاني قلت ليها امي مش نفسك تشوفيني مبسوط و مرتاح ! و متزوج .. طوالي عدلت قعدتها وقالت لي و متزوج ؟ قلت ليها الغريبه انك ما استغربتي الا من متزوج دي ، قالت لي رياض اتكلم قلت ليها امي انا ح اعرس سندس اذا الله اراد ، عاينت لي باستغراب و سألتني بتتكلم معاها قلت ليها لا لسه ما اتكلمنا قالت لي و انت عارف " قبل ماتتم كلامها قلت ليها " امي انا ما بعصي فيكي ، ربنا عالم بي و بحالي دي حاجه انا دايرها .. انا ما بعمل في حاجه غلط بس البنت دي انا مابقدر اشوفها مع اي راااجل في الدنيا غيري .. قلتا كلامي ليها و هي سكتت و قمتا على حيلي ، تاني يوم من الصباح وقبل الشغل و زحمة الدنيا مشيت ليها المؤسسه دخلت وسلمت على المدير و قلت ليهو عن اذنك انا مضطر اسوق سندس مشوار ، ما كانت عارفاني اما ورا الشغل ده ، المدير اتصل تلفون وناداها للمكتب و تعابير خلعتها البريئه للان متذكرها💛 ريااض؟؟ قال ليها المدير سندس الليله عندك اذن رياض ده زولنا و ما بنقدر نكسر ليو كلمه ، شكرتا المدير وقمتا قلتا ليها اطلعي انا سايقك معاي مشوار قالت لي خير ؟ قلت ليها جيبي حاجاتك و ارح .. طلعنا من دربنا داك انا و هي 💛 مستغربه و مخلوعه و بتسأل كتير رياض انت السبب ورا الشغل ؟ رياض في شنو ؟ لحدي ما وصلنا شارع النيل لنفس الخاله بس المره دي الصباح .. قعدت و هي لسه بتسأل في شنو وريني ؟ قلت ليها اشتقت ليك عاينت لي ما فاهمه شيء! قلت ليها للمره التانيه و ما الاخيره انا ح اسالك موافقه ؟ قالت لي اول فهمني في شنو ؟ قلت ليها .. للمره الاولى ح اطلب منك ننسى كل النااااس ياسندس ونعيش لينا نحنا ؟ قالت لي رياض مافاهمه شيء؟ قلت ليها سندس انت حقتي من يوم جيتي للدنيا دي حقتي فضحكت❤ قالت لي و عرفت كيف بالله من جيت للدنيا .. قلت ليها المهم انتي حقتي و انا قلت كده ، كانت عيونها تعبانه من كل العلاقات و يائسه و روحها ذبلانه .. قلت ليها لا انا ولا انتي ح نضوق طعم للسعاده و احنا بعيدين عن بعض ، نحرم روحنا ليه؟ المره دي بدون غلط و بدون حاجه حرام .. خلي البينا يكون حلال آبدي ، عاينت لي و هي ساكته قلت ليها خلي العمر الجاي ده يكون لينا نحنا .. خلينا نرمي الفات كلووو ورانا قالت لي ولا ما رضيت ؟ قلت ليها ح احاول مره و التانيه وراها و لغاية ما ترضي قالت لي و حتفتر ؟ زي المره الفاتت؟ قلت ليها لو فترتا المره دي ذكريني انتي زاتك انك انتي مريودتي الاولى و الآخيره❤ ، الخاله قاطعتنا و جابت لينا القهوه قالت لينا انتو لسه ؟ مخطوبين ليكم كم سنه ح تعدوها حبكانيات كده ! يا ولدي ما تلم بنت الناس دي عليك قبل ما واحد يلفحها منك ، ضحكنا الاتنين في مخطوبين دي 😂😂 قلت ليها والله يا امي بحاول اقنع فيها هسي نستعجل العرس وهي رافضه ، سندس قلعت لي عيونها رياض! قلت ليها مالك ؟ مش هسي سألتك ؟ الخاله قالت ليها طيب وانتي مالك خايفه والله العرس ده راحة بال و سترة ، انستروا يا اولادي في الزمن الصعب ده و الحبيب كان حبا صح صح للحبيب بروح بيفدي ، ولدي ده دايرك و باقي عليك من عيونو دي الريدة ظاااهره فيهو .. اها دايره تعرسي و لا لسه عندك خوفه ! عاينت للخاله و عاينت لي و قالت ليها و انا زاتي ما حاشوف السعاده الا جنبو❤
#مريودتي17 #انتهينا❤
كل الحب .. سندس مالك
"ما تنسوا التصوييت يا الحلوين... "
