العشك يكتل ياصاحب وانته داري
هاك الكلب يمك وانته داري
انته اهلي وعمامي وانته داري
وانته امي وابوي وخال اليه
اسمع زين اكلك وانتبه لك
شنو الجابرني اسمعك وانتبهلك
شخابصني بعمامك انت باهلك
هلي نبراس ومضوي علية
هجرت القلم من بعدك والكتاب
ودليلي من العشك بطل ولك تاب
وحك العرش والكعبة والكتاب
تضل انتة اعز محبوب الية
شخصك ما شفت مثله ابد لا
شتضن كلبي البيه انته ابدله
وابد لتضن احب غيرك ابد لا
لان حبك حياة وموت اليه
الدنيا النه ونمش بيه ...ونلهه
وشما صعبات تجهبني...ونلهه
الاحطهه ابالي اخذهه...ونلهه
وتضل وياي لاخر نفس بيه
فصوص العين فص يمي وفص لك
يامن يوسف انت أصلك وفصلك
أخيطك بيدي تدريني وفصلك
واجيبك فيت يلترهم عليه
