عليّ ثوب الونــــين اشكثـــــــر .. حالي
شباب وهل شبت مـــــــــــــــن دون .. حالي
انشدچ على احوالچ مثــــــــــــــــــل .. حالي
طايــــــــح والهموم اتشيل بيـه
طفت عيني الجنت يسمر بهاراك
وعشرتك كالوحل صارت بهاراك
يحالي صفنك ادري بهاراك
وتعض بشفاك عالسويته بية
مـثــل الّلّــبن حـچـيــك بسترانا
وصرت تختل شمـالك بس ترانا
صحيح العوز طگني بس ترى آنا
أستنكــف ما امـد لّلناس إِديـــَـــه
هجرك حيل خايب مرضاني
زعلت وعكب شخصك مرضاني
ترض صدري وتكلي مرضاني
ولاجنك سحكت انته عليه
اعله مودك چنت اهدن حگ وتل حگ
بعيني وناطرت تكبر وتلحگ
عساهه حوبتك تسحگ وتلحگ
وره كلمن رفض ينطيك اليه
بوادي الشوك احس صوتي دوى لك
ودليلي شموع الك عشرة دوى لك
اذا كالولك بكتلي دوى لك
شتضن بدواك روحي اتعز عليه
