رعيتك ليش گلبــــــــــك .. ما رعاني
ويهمــــك فت دليلــــــــــــــــي .. وما رعاني
مره احبس بدمعــــــــــــــــي .. ومره اعاني
ومره اتطيح روحي ابين اديـــه
اريد اكتب شعر يا ناس .... شعبي
واشرح بي قهر واهموم .... شعبي
العراق يريد فزعة وعمل .... شعبي
ونزرع ورد ضد الطائفية
وحق الما وصل واحد مكانة
تدري شگد الك عندي مكانة
شلت گلبي صرت انتة مكانة
ونبض البيك نفس النبض بية
ماغزر وياك شبيك ملحـــــــــــــاي
يدك ومابطل هلكلب ملحــــــــــــاي
شرف ذي قار امي بوصف ملحاي
لان مملوح مو ماصخ خويــــــــه
بعد زيدي الشكر بلچاي حليه
و سؤال اللي طرحته عليچ حلیه
و یحلوه شعرچ المضفور حلیه
دقایق خل یرد الروح لیه
ارسم من دمع عيني واردلك
واگطع من ورد گلبي ورد لك
اغيب اشما اغيب تالي اردلك
لان انته الوحيد وغالي عليه
