الشاعر ميثم المربيعاوي التميمي
عدا اهلنه الولاها الدهر ياهل
ودوم اعليك دمع العين ياهل
ريت امي اولدتني ومتت ياهل
ولا شفتك اتنازع بين اديه
سره حادي ضعنهم بس متانه
وعكبهم غفله راحت بسمتانه
العمر تانيته كله... بس متانه
لما بأن الكبر والشيب...... بيه
ون كلبي عليهم...... مايونه
بشر والهاجرونه....... مايونه
صحت للحادي ريض مايونه
خذاهم والمصايب ردف بيه
هنا يضعون المرحلين ها وين
الشوفتكم يبعد الروح ها وين
صبح بالروح شبه الداك هاون
بروحي وسيرو شمات بيه
الشاعر البحريني:حسن الصائغ
يوم اللي دنا خلي و وصل لي
على رسول الله قمت اسلم و اصلي
نزلت بسجدت شكر للخالق و اصلي
انصله جوف الما يصلي على نبيه
قمت ادور بقرب بيتهم . و حوله
رقمتها و تطلب رصيد . و احوله
و من شفتها طلعت سوده . و حوله
و انا ال جنت اظن حلوه و بليه
ابوذيتي اليوم ضايع وزنهه
بس شكلي بوزنها بوزن هه
من طحناتها عل راسي و زنهه
لي الحق اضيع كل وزن بيه
بغيابج عشق راسي وساده
يل خدج حلو ملون و ساده
تشهد لج بالحلا عوام و ساده
و تشهد لج بعد قوم الوهابيه
