صدفه اوقعتني بين يديك

البارت 28❤

في المطعم
حمزه:ادهم جي علينا
جني:جي فين
حمزه:لسه داخل من باب المطعم
جني غمضت عنيها طب انا هروح الحمام واحي تاني
حمزه؛انت كويسه
جني:ااه ااه كويسه دقيقتين بس
ومشيت ووصل ادهم طرابيزه حمزه
ادهم:اهلا ياحمزه
حمزه:اهلا
ادهم؛ايه الي حدفك علي مصر تاني كنت مريح
حمزه؛معلش هتقل عليك شويه😆
ادهم:امال مين المزه الي كانت قاعده معاك وقامت دي احنا مش قد المقام ولا ايه
حمزه:مسمحلكش تتكلم عن خطيبتي كدا وااه مش قد المقام عشان تقعد مع واحد زيك
اعند جني دخلت الحمام وعيونها بدأت تدمع بصت لنفسها في المرايا
جني:ايه هتضعفي وتخليه ينتصر عليكي فوقي وخليكي قويه عشان حقك وحق ابوكي لو جني هتضعف لينا هتقويها
وخرجت لهم
جني:هاي
ادهم :هاي ومد ايده لها فمدت ايدها وباسها
جني:مش تعرفنا ياحمزه
حمزه:ااه طيعا ياحبيبتي دا ادهم بن عمي رجل اعمال ودي لينا خطيبتي يا ادهم
جني:بجد مقولتليش ان ليك بن عم وكمان رجل اعمال
حمزه:مجتش مناسبه بس ياحبيبتي
ادهم:واهي جت نقدر نتعرف دلوقتي
جني:ما احنا اتعرفنا ميتهيأليش ان في حاجه تاني تقدر تعرفها عني يا ادهم بيه
ادهم:ليه دا انا عرفت كمان انك بتدوري علي حد تشاركيه في شغل في مصر
حمزه:وانت عرفت ازاي
ادهم:لا عيب بجد ياحمزه دا انا ادهم
جني:واذا !دا شغل اي حد ممكن يعرفه مفيش حاجه بتستخبي في الشغل
ادهم:وليه منبقاش شركه انا اقدر اشاركك
جني:وانت عارف انا بشتغل في ايه
ادهم:استيراد وتصدير سيارات وعندك شركات في فرنسا
جني:دا انت متابع بقي
ادهم:اكيد
جني:سيبني افكر بس انا شغلي كبير ومفيش فيه تراجع وبمبالغ كبيره جدا وبالدولا طبعا
ادهم:يعني في حدود كام
جني:اممم يعني في مش اقل من 250 مليون دولار دا لو مكنش اكتر من كدا
ادهم:ياااه دا كتير اووي
جني:انا مش مبتدءه انا عندي شغل كبير ومع ناس كبار اووي
ادهم :والمكسب
جني:دايما مضمون وبيبقي الضعف او ضعفين المبلغ المشارك بيه
ادهم:طيب انا معاكي فكري وردي عليا وصدقيني مش هتندمي انك شركتيني
جني:ان شاء الله
كل دا وحمزه مش مصدق ازاي متماسكه كدا وبتتكلم بالقوه دي ومن شويه صغيرين عيونها دمعت وكانت هتعيط القوه الي في عنيها مش طبيعيه
حمزه:ايه يا ادهم هنقضيها شغل واحد وخطيبته خارجين مع بعض متبقاش رخم
ادهم:ااه اكيد وسلم علي حمزه وحضنه وهمس في ودنه اتمني العداوه بتاعتنا متدخلش في الشغل دا حاجه تانيه
حمزه:ان شاء الله
ادهم سابهم ومشي
حمزه:جني انت كويسه
جني:بصوت ضعيف انا عايزه امشي حالا
حمزه:حاضر يالا
مشيت معاه وهي ساكته طول الطريق باصه بره من ازاز العربيه وسرحانه
حمزه:انت كويسه
جني--
حمزه : طب طمنيني عليكي
جني:لو سمحت ياحمزه مش عايزه اتكلم ممكن تسبني لوحدي انا هبقي كويسه
حمزه:حاضر
وصلوا وجمي طلعت اوضتها من غير ولا كلمه
حمزه طلع اوضته وغير هدومه واستعد عشان ينام باب اوضته خبط
حمزه؛مين
جني:انا
حمزه فتح بسرعه الوقت متأخر :جني ايه في حاجه
جني اترمت في حضنه وانهارت من العياط
حمزه؛حصل ايه لدا كله بس اهدي طب خشي جوه عشان محدش يسمعنا
دخلت وفضلت تعيط في حضنه وبعد فنره هديت
حمزه:ممكن اعرف بقي حصل ايه لدا كله
جني:انا عايزه اروح لبابا
حمزه؛ايه تروحي لبابا فين
جني:المقابر
حمزه: دلوقتي انت عارفه الساعه كام الساعه 12
جني:ايوه عارفه بس انا لازم اروحلوا النهارده مش هقدر استني لبكره وبدأت تعيط تاني
حمزه:حاضر حاضر بس متعيطيش ممكن
جني:ماشي
حمزه:اجهزي وانا 5 دقايق واكون جاهز
مشيت جني علي اوضتها لبست ونزل وكان حمزه مستنيها
في العربيه
حمزه؛مش هنطول عشان غلط اصلا نروح بليل ماشي
جني:ماشي 5 دقايق مش اكتر
وصلوا
حمزه:يالا
جني نزلت ووقفت قدام قبر ابوها
جني:ازيك يابابا وحشتني اوووي انا السبب في الي حصلك دا بس وعد مش هسيب حقك ولا حقي ولا حق اي بنت اذاها الكلب دا نسيت اعرفك بص يابابا دا حمزه خطيبي هو الي ساعدني في كل حاجه هو الي انقذ حياتي من ادهم انا مش عارف لو هو مش معايا كان حصلي ايه هو سندي وضهري في الدنيا دي مش عايزاك تقلق عليا انا قويه ومش مكسوره ولا زعلانه عليه انا زعلانه علي نفسي اني سمحت لواحد زي دا يضحك عليا ويضرني عارف كمان مامت حمزه ست طيبه اووي وبتعتبرني زي بنتها وانا كمان بخبها وبعتبرها زي امي الي مشفتهاش اصلا ربنا عوضني بحاجات كتير حلوه سامحني يابابا سامحني
حمزه:خلاص بقي ياجني كفايا كدا ادعيله احسن
جني:ربنا يرحمه
ومشيوا وصلوا الفيلا وجني كانت نامت في الطريق حمزه شالها ووداها اوضتها نيمها بس فضلت ماسكه في دراعه ومش راضيه تسيبه نام جمبها لحد الصبح
تاني يوم
هانم :ست سناء
سناء :نعم ياهانم
هانم:هو مفيش حد صحي ليه ولا ست لينا ولا حمزه بيه مش عوايدهم يتأخروا كدا يعني
سناء ؛خليكي في شغلك احسن
هانم:مقصدش ادخل انا بس بطمن لحسن يكون حصلهم حاجه كدا ولا كدا اصل الساعه داخله علي 11 الضهر ومش عوايدهم
سناء :اطلعي شوفي لينا هانم وصحيها
هانم :حاضر
طلعت هانم خبطت بس محدش رد فدخلت شافتهم نايمين مع بعض جني في حضن حمزه
هانم:استغفر الله العظيم ايه النسوان دي اجنبيه صحيح اتا ريهم اتأخروا في الصحيان رجعت وقفلت الباب وخبطت جامد كذا مره لحد جني جني ما صحيت
جني:مين
هانم:اني ياست هانم
جني:وعايزه ايه يازفته
هانم في سرها (طبعا قطعت عليها ):اصل الساعه 11 وحضرتك اتأخرتي في الصحيان فكن بطمن عليكي
جني:اوك روحي حضري الفطار بتاعي
هانم:حاضر
جني بتتحرك حست بتقل عليها لقيت ايد حمزه حواليها ابتسمت ولفت له وشها في وشه اتأملته شويه ولاعبت شعره أناملها
جني:حمزه
حمزه:اممم
جني:اصحي ياحبيبي الوقت اتأخر بقينا الضهر
حمزه:صباح الخير
جني:صباح النور ايه الي نايمك هنا
حمزه:ياسلام مش انت الي قفشتي فيا زي الغرا ومش راضيه تسيبيني فصعبتي عليا ونمت جمبك
جني؛والله ولا انت الي استعليت الظروف ونمت هنا
حمزه:انا عارف انها هتيجي علي دماغي انا انا غلطان ليكي سلام ومشي
جني:حمزه
حمزه:ايه تاني
جني:شكرا علي امبارح
حمزه:ابتسم ولا يهمك انا جمبك في اي وقت ومشي
جني:عشان كدا بحبك
غيرت ونزلت
جني:هانم
هانم:نعم ياست هانم
جني:فين الفطار
هانم ؛حالا دقيتين ويكون هنا
جني؛كل دا مش قايلالك من ساعه اخلصي
هانم ؛حاضر
جابت لها الفطار
هانم؛الفطار ياست هانم
جني:حطيه هنا بقولك ايه ياحمزه انا راحه النادي النهارده
حمزه؛اوك براحتك
هانم حطت الاكل ومشيت
اتصلت بادهم
هانم؛الو
ادهم؛ايه ياهانم في اخبار جديده
هانم:ايوه انا الصبح طلعت اصحي لينا هانم زي كل يوم ا
ادهم؛وبعدين اخلصي
هانم:شفتها يعني استغفر الله العظيم نايمه في حضن دكتور حمزه
ادهم:ايه
هانم دا الي حصل والله يابيه
ادهم:حاجه تانيه
هانم:ايوه سمعتها من شويه بتقول انها نازله النادي
ادهم ؛ماشي اقفلي انت دلوقتي
ادهم:ماشيه معاك يابن عمي بس مش لازم ينوبنا من الطيب نصيب ولا ايه
^^^^^^^^^^^^^^^
(استووووووب )
ادهم هيعمل لها ايه ؟
توقعاتكم في الكومنتات وتفاعل كتير التفاعل بيقل اووي ودا مزعلني😢