#النصيب
النصيب❥
البارت 11 💛
🍂🍂🍂🍂
خرج وهو مبتلل وملابسه كلها ماء وشكله مرهق جدا
دخل غرفته وغلق وجلس بتعب دقائق وهو يتذكر: انا ما حبيتك ولا اريدك
تزوج ي ايمن عشان تنسى الماضي !
انا بس بعتذر عشان ذاك اليوم والله فكرتك اخي
بعد دقائق من التفكير : يمكن كلام دنيا صحيح !؟ انا لازم اتزوج لازم واحده تدخل حياتي وتاخذ تفكيري ؟ وفي واحده فعلا بدات تاخذ تفكيري
..........
دخل وهي جالسه وبهدوء: من ذاك اللي كنتي تشوفي له ؟؟
هيام بعد ماعرفت قصده بتوتر: اشوف له ؟؟
زياد : ايوه الذي كنتي تشوفي له ب المول ! اول مره بحياتي اشوفك تشوفي لحد بذيك الطريقه
هيام ب استهزاء: هه اي واحد انا ماشفت لحد؟
زياد بعصبيه مسكها من شعرها: هيام لا تنرفزيني ردي ع سؤالي
هيام: ماااا اعرف
زياد شد شعرها: ذاك ي هيام ذاك انا شفته يوم عرسنا وقال انه يعرفك وانكم جيران ليش كان يشوف لك كذا
هيام وهي تحاول تفك يده:ما اعررررررف
زياد : كان يحبكك ؟؟؟
هيام بعصبيه: زياااد فك شعري
زياد شد اكثر : رررردي
هيام: ايوه كان يحبني وتقدم لي وما بش نصيب خلاااص وكل واحد راح في طريق
زياد بعد ماسمع كلامها حس دمه يغلي وضرب وجهه بالجدار وهو مازال ماسك بشعرها ولفها له والدم ينزل من انفها: وانتي كنتي تحبيه !!
هيام ماعاد قدرت تتنفس :..
زياد بصياح : ررررردي
هيام :..
فكها وجلست ع الارض وضربها برجله:رررردي ي رخيصه ردي كنتي تحبيه!!!
هيام تبكي بس وهو يدعسها ب ارجله:..
كان معصب
ابوه وامه سمعو الصوت وطلعو فتح ابوه وانصدم ومسكه من فوقها وبصدمه: ايش بتفعل ي حيوان !!
امه جلست جنبها وتشوف وجهه مليان دم: هيام هييااام انتي بخير !!!
هيام شافت له وبصياح : ماعاد كان يهمني !! حاولت احبك ي زياد من اول ليله عقدت بها علي !! حاولت احبك بكل مالي من طاقه بس ماعطيتني فرصه !!! عذبتني بس!! حاولت انسى كل شي معك تخليت عن نفسي عن هيام وما حصلت منك حتى تنازل واحد .. حسبي الله عليك
كانت تتكلم والدم ينزل من انفها:..
ابو زياد شاف له بقهر :ليش تمد يدك عليها تعودت خلااص الغلط عند عمك اللي سكت عليك
زياد بعصبيه: يووووووه كلكم علي
ابو زياد: اطلع من امام وجههي اطلع لابارك الله فيك
زياد بعصبيه: بطلع بطلع ما انا فارح بكم او ب الجلسه عندكم
طلع معصب وامه تمسح وجهه هيام ب الفاين : اهدائي اهدائي ي هيام عمك بيتفاهم معه
هيام وقفت وهي تحس نفسها مدوخه: ماعاد بش تفاهم ي عمه انا خلاص ماعاد بقدر اجلس بروح بيت اهلي وانا ردوني قتلت نفسي وقسم بالله
ابو زياد: هيام كل شي بيتصلح ي بنتي ذا المره انا بادبه !
هيام وقفت وهي تجمع ملابسها: ولا عاد مره ولامرات ي عم ثلاث سنين ع هذا الحال
كانت تبكي وهم يشوفو لها ومتحسرين من ابنهم:..
جمعت ملابسها ودقت ل اخوها اكرم وهو كان جالس مع امه شاف الاتصال : هذه هيام
رد : الوه
هيام وهي تبكي: اكرم تعال خذني من هنا ل اقتل نفسي
اكرم وقف: هيام انتي بخير ؟؟
هيام: اكرم تعال بسرعه خذني
اكرم وهو يمشي: حاضر مسافه الطريق
خرج وامه تشوف بعد بقلق بعد ماسمعت اسم هيام :...
يوسف دخل : سلام
وبيدخل غرفته وقفته: وينك ابوك زاعل منك
يوسف: يقرح
ام هيام بعصبيه: اتكلم مثل الناس
يوسف: وانا مفعل ؟؟؟ قال ارجع البيت قذا رجعت ؟؟ ايش ازيد افعل ؟؟
ام هيام : لاحول ولاقوه الا بالله
شاف لها ودخل غرفته :....
اكرم وصل هناك ودق لها ونزلت وام وابو اكرم يشوفو بعدها بعد ماحاولو معها تجلس ورفضت دخلت وهي تبكي وغلقت الباب بقوه
اكرم : ايش في ي هيام
شافت له وحاولت تتكلم بس من القهر ماقدرت كانت تبكي بس:...
اكرم: الكلب مد يده عليش مره ثانيه
هيام بقهر ودموع : مره الف ي اخي .. اعتقوني منه خلوه يطلقني ماعاد اقدر اتحمل 💔
اكرم:يشتي واحد يدعسه والله لو لا ابي كنت***
وبعصبيه ضرب بيده بالسياره :....
............
كان يشوف لها بنظراته بحب كالعاده عندما التفتت ب ابتسامه له قال لها: هيام ؟؟ ايش بتفعلي هنا ؟
هيام : ماعندي مكان اروح له قلت بجي اجلس هنا ؟؟
رد عليه ب ابتسامه: وليش هنا ب الذات ؟
هيام: لانه توقعت بشوفك !!
مسكت يده وبعيونها السرحانه: عادنا احبك ي ايمن عادنا احبك كثير !!
نقز بتعب وضرب بيده ع السرير : كذابه حتى ب الاحلام كذابه !!! مازلتي تطلعي لي رغم الكرهه اللي بقلبي لك نفسي تدمري وتتحطمي !متى تطلعي من حياتي واحلامي متى ي هيام !!!
ماحس ب الوقت ولا متى نام بس حس انه كان تعبان جدا وقف لبس وطلع يتعشي خارج
........
دخلت مع اكرم ودخلت غرفتها ع طول وهي تبكي
ابوه كان ب الصاله رفع حواجبه وشاف ل اكرم: ايش في
اكرم: ذي هيام تصايحت مع زوجها
ابو هيام: ع ايش؟؟؟ ايش حصل ؟؟ البنت ذي مو ناويه تستقر وتهجعنا
كانت تسمع كلام ابوها وتبكي :..
يوسف سمع الصوت وطلع :...
ابوه شاف له : متى جيت ؟اخيرا تذكرت ان معك بيت
يوسف:...
ابو هيام: حسبي الله عليكم من عيال ما منكم الا الهرم ..
.........
كان ضابح وجلس وهو يتذكر : حاولت احبك ي زياد بس ماعطيتني فرصه ..
ضرب ب ايديه ب الارض: حسبي الله عليك ي نايله خربتي حياتي من بعدك!! كل كرهي فيك طلعته في هيام !! وانتي عايشه مرتاحه !! حسبي الله عليك !!
......
كان خارج وبيدخن عندما جاء وجلس جنبه : كم جهدك دخان ههههه
ايمن ضحك: ههههههه لا تقلق علي شكلي بدخن فوق قبرك
عبد الخالق: هههههههه ما اظنش اذا جلست ع هذا الحال
ايمن التفتت له بجديه: عبد الخالق لو اطلب منك طلب بتقبل تجيبه لي ؟
عبد الخالق بتعجب : اطلب انت اعز اصحابي ماشي يغلى عليك
ايمن رجم السجاره ودعسها برجله وسحب نفس عميق والتفتت له: تقبل تناسبني ؟؟ وتزوجني واحده من خواتك !!!
.........
أنت تقرأ
النصيب❥
Romanceالعادات والتقاليد .. والزواج التقليد .. وانعدام ومحاربه زواج الحب في مجتمعنا العربي .. ابرز مواضيع الروايه ⇉
