النصيب❥

21

#النصيب

النصيب❥

البارت 💛20

مشي وهي تشوف بعده بقهر حتى ما التفتت يشوف لها تجاهلها وكانها ولاشي
حست نفسها بتدوخ والدنيا تلف بها مسكت الكرسي بيدها :.....

طلع السياره وغلق بقوه وبدا يسوق خرج سجاره وبيدخن وهو يبين متوتر معصب ؟او مشاعره مختلطه ورجع شاف لسجاره : بتقتليني ؟ سوء حبيتك او كرهتك بتقتليني ؟
وبضبح رجمها: من هي هيام عشان غيابها يخلي داخلي صقيع ؟ من هي هياااااام !!!

وصل البيت غلق وجلس بالصاله بتعب رد راسه لفوق وهو مغمض عيونه :"لاتهمه طلقني ""انا حاولت اقتل نفسي" "باقي القلب هو بسبب العذاب "
مسح وجهه: يالله خلي صوتها يختفي من داخلي !
ورجع يسال نفسه: معقوله هيام تعذبت بذي الثلاث سنين او كانت سعيده ؟
بدون سبب مقنع اخذ جواله واتصل له واحد من الذي كانو جيرانه سابقا ومازلو ع تواصل :
الوه
ايمن: اهلين كيفك ي ماجد
ماجد: تمام الحمد لله وانت كيفك ي دكتور
ايمن :الحمد لله انتو كيف انتو وكيف الحاره
ماجد: كلنا تمام
ايمن: كلكم تمام والعم فواز مريض عندي بالمشفى
ماجد ضحك: ههههههه خلاص قد الاخبار عندك
ايمن: وعياله كيف هم
قاطعه ماجد وكانه فهم مقصده: بنته تطلقت !
ايمن بهدوء: ليش ومتى  ؟
ماجد: كانت واصل بمشاكل مع زوجها قالو انه كان يضربها وتطلقت قبل ايام قليه
ايمن بتعجب: يضربها ليش ؟؟
ماجد: مادري والله ي دكتور
ايمن: ع العموم بس اتصلت اسال عنكم
ماجد : في اي وقت !
قفل وهو يفكر
وهو يفكر في هيام كانت هي بتنفجر وهي تشوف التلفون: حتى ما ارسل ولاكاني موجوده ؟ماله هذي الايام ؟ اصلا ايش كانت تفعل سمر هناك ؟ انا ماعاد اقدر اتحمل !
وبعد تردد ارسلت له:" هل في بحياتك بنت تسال عليها او لا "
سمع نغمه التلفون وشاف وشاف رسالتها وتذكر انه ما ارسل لها من امس " ايوه متذكر ! متذكر ان في بنت عيونها حلوه وكلامها عسل "
رنا ابتسمت بس مازالت زعلانه"طيب ودامك متذكر ليش قاطعها كل ذي القطاعه؟؟ ولا كانها موجوده مخليها في رف التهميش ؟"
ايمن تنهد : " مشغول ذي الايام ما افضاش اروح وانا تعبان ومرهق "
رنا ارسلت "أظل أمنعك من الدخول !بينما ادع الباب مراويآ،  أظل ادفعك بعيدآ. ! بينما اسأل الله ان يردك الي ردآ جميلا أظل امتنع عن الحديث عنك ! بينما انا اكتب لك الان .. من تقصد بذي الحاله اللي مسويها ؟"
ايمن :" ما اقصد حد كلام اعجبني وسويته ؟"
رنا: " ايش بينك وبين سمر ؟"
ضحك بغرابه "سمر ؟"
رنا: "ايوه سمر ؟؟؟ انت تحبها بينك وبينها شي؟"
ايمن بضبح:" انتي مجنونه ؟ سمر موضفه بالمعهد لاغير "
رنا:" اشتيك تختار انا او هي بالمعهد ؟"
ايمن بعصبيه:" مالك اليوم مريضه فيك شي"
رنا"الخيار امامك سلام "
قفلت وهو بيقراء بنرفزه ورجع اتصل لها ماترد: ؟؟؟؟
..........
كانت الساعه 9 بعد العشاء ..
رقيه:دنيا شوفي هو زميلي بالجامعه والله انه طيب كلهم يمدحوه لو سمحتي انا عارفه انه احمد يسمع كلامك
دنيا: رقيه انا مالي دخل خلي الولد يجي ويكلم اخوك
رقيه: طيب هو بيجي بكره بس انتي زيدي كلميه لو سمحتي بليززز فديتك
دنيا: طيب طيب بكلمه
رقيه بفرح: تسلمي ي احلى زوجه اخ ب الدنيا
.........
وهو جالس بغرفته نفس الرقم اتصل به رد بسرعه: من انتي بسرعه
..:: لا رد
زياد بضبح: قولي من انتي ؟؟؟؟
قالت بصوت هادى واطي: زياد !
اول ماسمع صوتها غمض عيونه مثل ماتوقع جلس ع السرير: نايله !
نايله: زياد والله حاولت ذي الاربع السنين انساك بس ماقدرت 💔ياحبي واحتوئي يامصدر ضعفي انت !
حس بالم شديد وحس نفسه ماعاد قدر يتنفس من ضيق صدره غلق الخط في وجهها وفتح ازار شميزه العلويه وهو يحس بصوتها ذابحه !!!
........
كانت جالسه مع اكرم روحت معه البيت وامها جالسه مع ابوها بالمشفى كانت سرحانه وهو يتعشي وهي تفكر بكلام ايمن : القلب الذي حبك انتي قتلتيه !!
كانت شارده ومو قادره تاكل
قاطع شرودها هو : هيام !
مازلت شارده ؟ ترك الاكل من يده وبصوت اعلى: هيااام
نقزت وشافت له: ايوه
اكرم: مالك سرحانه ؟؟
هيام : لا ولاشي ؟؟
اكرم: اكلي طيب
قامت: مالي نفس والله
دخلت الغرفه وهو يشوف بعدها :.....
.........
اليوم الثاني
كان يدق لها وماترد اطر يسير المعهد بنفسه
دخل وسمر جالسه اول ماشافته وقفت : تفضل ي استاذ
ايمن دخل وجلس بتعب: كيفك ي سمر
سمر هزت راسها ب ابتسامه: بخير ي استاذ وانت كيفك
ايمن بضحكه: ههههه زي الزفت ولو عاد في وصف اسوء كنت قلته
سمر ضحكت: ليش
ايمن: تصدقي ان رنا بتغير منك ؟ امس كسرت راسي بتخيرني بينك وبينها ب المعهد
سمر بدهشه: مني ؟؟
ايمن: ايوه مش انا عارف ليش انتي ب الذات !!
سمر : تصدق امس شفتها بالمشفى وكانت تقل كلام غريب ما فهمتش ؟
ايمن بتعجب: اي مشفى
سمر: سرت ازور هيام عشان ابوها مريض وشفتها هناك
ايمن بغرابه: ايش كانت تعمل هناك ؟؟؟
سمر: مدري ؟
وقفت بتمشي قاطعها:وهيام !
سكت :..
ورجع كمل وسمر مازلت تشوف له : هيام كيف هي ؟
سمر :يعني تمام قالت انك انت ماسك حاله ابوها ؟
ايمن:وايش زد قالت لك ؟
سمر: قالت !
سكتت
ايمن:  هههههه تكلمي مالك سكتي ؟
سمر: قالت انك تغيرت وانك صرت تكرهها
ايمن وهو سرحان: وايش كمان!
سمر: وانك حسستها انها ولاشي
ايمن: وايش كمان
سمر: وبس !
ايمن: ليش حاولت تنتحر! وليش تطلقت !
سمر: ما ادري !
حاولت تتهرب: ع العموم انا طالعه !
وقفها: هل قلتي لها اني خاطب !
سمر: لا
ايمن: ليش !
سمر:.....
ايمن لاحظ توترها وتهربها: خلاص اطلعي ونادي لي رنا
سمر: حاضر
طلعت وهو يشوف بعدها ويطرق اصابعه بالطاوله :...