اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
#النصيب
النصيب❥
البارت 13💛
كان احمد يتصل لها: انا الان بطريق جهزتي العشاء دنيا ب ابتسامه: بتوصل وهو جاهز احمد: انا الان ب السياره حق ايمن بيجي يتعشي معي دنيا :حلو حين جبته معك احمد التفتت له وايمن بيسوق : هههههه بصراحه هو اللي جاء معي ما جبته دنيا بعصبيه: بس لا يسمعك عيب ايمن رد من جنبه: ههههههه عادي عادي خليه يتكلم احمد:هههه معه موضوع يشتي يتكلم معك به دنيا : موضوع مثل ايش احمد : لوما نوصل نكلمك دنيا غلقت بتعجب وهو شاف ل ايمن : ههههه ي اخي انت محبوب اتمنى لو عندي معاريف وناس كذا يحبوني مثلك ايمن ضحك: هههه من قال لك احمد: يوووه شوف كم معك اصحاب وشوف دنيا كيف تحبك شوف المرضى حقك كيف يحبوك والاطباء ب المشفى والعيادات وحتى اللي يشتغلو معك من اول واحد ل اخر واحد .. عندما اقول انا صهير الدكتور ايمن كل اشياء تمشي بسهوله ههههه سرح بصمت :... احمد بتعجب: مالك قلب وجههك هذا خبر يحزن ابتسم بهدوء: ههه لا وقال في نفسه: كلهم يحبوني الا البنت اللي حبيتها 💔! ................. كان خارج طول اليوم بالمساء رجع ودخل ابوه وقف امامه : اخرج اشتر عشاء من خارج وتعال زياد: وليش ما كلمتموني وانا طالع ؟ ابوه : لانه تلفونك مغلق ي طايع والديك ؟؟ زياد بهدوء: طيب وبعدين اكل المطعم مش حلو ابوه: وانت خليت لنا خيار ؟؟ انت عارف ان اختك الوحيده تزوجت وانت ابننا الوحيد ضربت زوجتك اللي هي بنت عمك دم وراحت بيتهم وانت داري ان امك تاعبه وماعاد لها قدره ب المطبخ ؟؟ زياد: هذا الموضوع اللي نفسك ينفتح ؟ ابوه : سير ادي عشاء وتعال زياد : اطلع اخذ فلوس وارجع طلع فتح الدرج اخذ فلوس والتفتت للجهه اللي ضرب بها هيام وشاف علامه الدم اللي طلعت من انفها مازالت ب الجدار وكلامها مازال صداه داخله " حاولت احبك يازياد ماعطيتني فرصه .. انا تنازلت عن نفسي عن هيام " مدري ليش ذي المره بيحس بتانيب الضمير :.... نزل وشاف ل ابوه: ايش تشتو عشاء ابوه: اي شي زياد: طيب .. وبكره ان شاء الله بروح ارجع هيام ابوه :نشوف اذا بترضي ترجع ؟ زياد شافت له شوي وطلع :... ........... رنا وهي تتكلم ب التلفون : والله تفجاءت ي هبه قووي احس نفسي بحلم للان .. يعني عادنا افكر كيف اخليه يلتفت لي الا وعبد الخالق يفتح الموضوع !! هبه: حتى انا منصدمه ...؟؟ رنا : وزد اليوم لما قال لي انا منجذب لك ومدري ايش توترت حتى ماعرفت ارد عليه كنت اشتي اصيح اقول له اني احبه حسيت نفسي تبلدت هبه: ههههههههههههه الله كيف يفعل الحب رنا: قدنا متوتره بعد ما سالني عبد الخالق جلست ساكته ساعه هههه هبه: هههههه الان العرس متى بتفعلو حفله او كيف ؟ رنا: العرس قال عبد الخالق بعد سنه ماهو كان قال هذا الاسبوع هبه: اهاا وليش اخره كذا رنا: مدري ؟ ......... وصل مع احمد والعشاء جاهز وبعد ثواني دنيا شافت له: ايوه ايش الموضوع احمد : ايش اكثر خبر مفرحه ممكن تسمعيه من ايمن دنيا سرحت شوي: والله كل شي من ايمن يفرحني هههههه احمد: اكثر شي دنيا: لو انه يتزوج لكن ما اظن ايمن ضحك: انا خطبت ! خلاص دنيا شافت له شوي ورجعت شافت امامها ورجعت شافت له وحست بغصه يمكن من الفرح حست الدموع تتجمع بعيونها : ما اصدق لا تقول انك تكذب ايمن وقف وضمها : مالش بتبكي الان ؟ دنيا : والله مش مصدقه قد كنت تاعبه معك !! احمد : ههههه يعني ان قال بتزوجت بكيتي وان قال ما بتزوج بكيت كيف يفعل دنيا : هذي دموع الفرح ايش عرفك انت ايمن كان مبتسم ويشوف لها بس :... دنيا : الله يوفقك ي اخي ويتمم لك ع خير ويارب اشيل عيالك بيدي مثل ما انت بتشيل عيالي ايمن : امين امين الله يخليك لي ي احسن اخت ب الدنيا ............ اليوم الثاني سار بيت عمه ع اساس بيرجع هيام سلم عليه وجلس ابو هيام : ايش القصه ي زياد كل شويه وجبت لي البنت تبكي ؟؟ زياد : ي عم بنتك مدلعه قوي وتشتي كل شي يمشي ع كيفها يوسف جنبه : معك حق حين هي الوحيده زيدو لها الدلع اكرم بعصبيه: مابش شي يعطيك حق تضربها ي زياد مشي بنت ابوك ! ابو هيام بعصبيه: بس اسكتو ورجع شاف له : والان مش راضيه ترجع زياد : ليش ي عم ؟؟ ايش قد فعلت قلعت لها عينها لا سمح الله ؟؟ تحسن اخلاقها معي واحسن معاملتي معها لكن هي ما بتحبنيش ي عم وما تشتيني انا عارف ابو هيام سرح بكلام زياد وهو يتذكر كيف كانت تشتي ايمن وكيف كانت تكرهه زياد وخليه يفكر انه يمكن الغلطانه هيام شاف ليوسف : كلم اختك يالله بترجع مع زوجها اكرم بعصبيه: فين ترجع يبه فين!!! تقول لك بيضربها ما بتفعل قيمه لبنتك زياد: اكرم انت مالك دخل الموضوع بيني وبين زوجتي وعمي اكرم: وزوجتك اختي ي زياد يوسف: وزياد ابن عمك واختك غلطانه اكرم: وانت ايش عرفك انها غلطانه ي سبع الليل ؟؟ انت خليك مع بنت الجامعه وبس هذا ذي فلحت به يوسف قام بعصبيه: بنت الجامعه اشرف منك !! ايو هيام وقف بصيح بينهم: خلااااص اسكتو الاثنين لا اسمع صوت وشاف ليوسف: وانت سير كلم اختك ترجع يالله
هيام كانت تسمع من عند الباب ودخلت: مابرجعش يبه ما برجعش زياد يشوف لها بس وهي تتكلم والدموع مليان عيونها: والله بقتل نفسي لو ترجعني ابو هيام: هيام بنتي اقصري الشر وارجعي لا تخليني اعصب فوقك هيام: واذا عصبت يبه ايش باقي بتفعل ؟؟ بتضربني ؟؟ شوفي جسمي كيف صار من الضرب ؟!!!! فكت الشميز من فوق ايديها : شوووووف علامات الضرب في جسمي مسكت الفنيله ابعدها عشان تشوف الضرب اللي في بقيه جسمي عشان تفهم كيف هو عنيف !! ابو هيام بعد ماشاف علامات الضرب عليها اندهش!!! وشاف لزياد اللي لفتت وجهه الجهه الثانيه ب احراج :... اكرم وقف: هيام ادخلي ادخلي والله ما تخرجي لو اموت ارجعي ابو هيام كان مصدم ماتوقع توصل لذي الدرجه :.. زياد شاف له وبهدوء: ي عم انا*** قاطعه: زياد اطلع من البيت زياد: ي عم لحظه اشرح لك ** قاطعه عندما وقفت: قد كل شي بيشرح نفسه،. حين انا زوجتك بنتي الوحيده ووثقت انها بتكون عندك ب امان تقعل بها هكذا ؟؟؟ اطلع لاافقد اعصابي!! لا تفكر حين ارجعها لك اني ماعاد اشتيها ! شاف له وهو راد وجهه عنه وشاف ليوسف ويوسف ساكت تنهد وطلع وهو يكلم نفسه : معقوله كنت عنيف مع هيام ذاك اليوم هكذا ؟ كيف ما حسيت ع نفسي كيف ضربتها ؟؟ معقوله الغيره فعلت بي هكذا ؟؟ معقوله ماعاد حسيت بنفسي ؟؟؟ اول مره عمي يطردني من البيت واضح انقهر قوي ؟؟ قد ابي على حق الصدق انا غلطان !الان ايش بفعل البيت كله معتمد ع هيام ؟؟
ابو هيام كان واقف وجهه قلب وواضح عصب :... اكرم وقف امامه وبهدوء: ثلاث سنين وهيام تنضرب بدون منصف ! هذا اللي قلت بيعزها يبه ؟؟ رفع له عيونه ؟ اكرم بجديه: ليتك زوجتها ل ايمن يبه ليتك زوجتها له !💔 خرج وهو يشوف بعده :... كانت هي دخلت غرفتها غلقت وتبكي :.... ..........
