النصيب❥

25

#النصيب

النصيب❥

💛24

عندما كنت اغرق بالحزن كانت يدي امي وابي تنتشلني با اعجوبه .. كانا ينتشلاني اشلاء فيعيدا ترميمي بدهشه!
اعود كاني لم اتمزق .. لوهله اعتقدت ان يدي امي وابي سحريه ..او ان شي خارقا لطبيعه ينبت من خلالهم ..

بعد مرور اسبوعين ..

ابو هيام كان طلع قبل اسبوع من المشفى
رقيه اتصلت ليوسف يرجع وانه ايمن اقنع احمد ورجع وخطبها ابوه وافق وبرضاه يمكن ماحب يشوف يوسف بوضع هيام اللي انتكست حالتها وصارت كائيبه وتحب تجلس لحالها وبغرفتها ولا عاد تكلم حد ولا تحتك بحد
كلهم كانو ملاحظين هذا الشي
كانت مغلقه وجالسه عندما دق الباب ودخل : مساء الفل
هيام بهدوء: مساء الخير
اكرم : مالك بتدي لنا الاكل وتدخلي اجلسي اكلي معنا قد ابي بيسال عليك ومتضايق منك وانتي عارفه انه مريض وممكن لا قدر الله نخسره ب اي لحظه
هيام :...
اكرم شاف تلفونها ع الطاوله مكسوراخذه بتعجب: متى انكسر
هيام ببرود: قبل اسبوع
اكرم: ؟؟؟ وجالسه لحالك وبدون تلفون ليش ما كلمتيني اصلحه لك
هيام: وايش يفيد وجوده وعدمه واحد
اكرم جلس جنبها: هيام ايش رايك بدل جلسه البيت هذه تخرجي تدرسي
التفتت له ببرود : ادرس وين ادرس
اكرم: تعرفي المعهد الذي كنتي تدرسي به ؟ ارجعي ادرسي
هيام بتعجب: قصدك معهد الانجليزي
اكرم: ايوه
هيام رده وجهها: ماعاد اشتيش
اكرم : ليش ؟ هيام اسمعي لازم تغيري جو احسن من جلسه البيت هذه
هيام: وابي ؟
اكرم: ابي هو الذي طلب مني اجي اكلمك هيام الله يحفظك ابدي من بكره
هيام: اكرم والله ماعاد اشتيش افهم
اكرم: طيب ادرسي اسبوع اسبوعين لو شفتي نفسك مش قادره تكملي بطلي او انقلي معهد ثاني عشاني ي هيام
هيام شافت له وسكتت :...

..........
زياد كان بالغرفه وبيتصل : اسمعي ابن عمي يوسف بيتزوج قريب يمكن اسبوع اسبوعين كذا
انا اشتيك تقولي انه عرس ابن عم صاحبتك طيب وانا بخلي اختي تقابلك وتتعرف عليك وع اهلك ونفعل كم زياره وبعدين بخطبك
نايله : زياد بس انا خايفه
زياد: من ايش خايفه
نايله : خايفه حد يعرف
زياد: وكيف بيعرف مافي معنا غير ذا الحل
نايله : طيب طيب وقت العرس كلمني
زياد: حاضر
..........
كانت جالسه مقابل للاداره مع هبه وتشوف وتفكر ماكلمت ايمن ع موضوع هيام تحب تتاكد قبل
انصدمت عندما شافتها دخلت لعند سمر وكانت لابسه جاكيت بني
كانت جالسه متفجاءه وهي تشوف
هيام دخلت وجلست : بسجل
سمر ابتسامه: واخيراااا واخيرا اقتنعتي
هيام : اكرم اصر علي وبما انه اكثر حد وقف معي ماحبيتش اقل له لا
سمر: وانا يعني اصراري ماجابش نتيجه
هيام: ههههه لا اكيد بس
بس ما كنتش احب اشوف ايمن ماعاد اشتيش احتك به لاني بنجرح كثير
كانت بتكمل كلامها عندما سمر شافت وراءها التفتت وكان هو :...
سمر : اهلين ي استاذ
رفع حواجبه :عندك ضيوف ي سمر ؟
سمر : لا لا هيام جاءت تسجل
تغير لونه بشكل ملحوظ وكانه انزعج : تسجل ؟
هيام شافت تغير شكله وشافت امامها
سمر وقفت عشان يجلس مكانها
ايمن : لو سمحتي بس اشتي الملفات حق امس تخرجي تتطبعيهم
سمر فهمت انه يشتي يكون لحاله مع هيام وطلعت
هيام بتطلع بعدها وقفها: لحظه
وقفت بتوتر :...
سمر اخذت الاوراق وخرجت :..
وقف هو امامها: خير ي استاذه هيام مش ناويه تتركيني لحالي ؟؟؟ ايش قصتك انتي
هيام : انا والله ماعاد كنتش اشتي ارجع بس اهلي اصرو**
قاطعها بصياح: وكل حياتك اهلك اهلك اهلك انتي مالك وجود وقرار .. هيام لو مفكرين اهلك انه بهذي الطريقه بيخلوني ارجع اخذك فهم غلطانين انتي متي بنسبه لي متي
رفعت له عيونها بصمت وهو يتكلم ولا رفت عينها
هدا شوي كانه حس انه جرحها : لو سمحتي اخرجي ولاعاد ترجعيش
هيام: ليش خايف من وجودي لذي الدرجه هل مازلت نقطه ضعفك ؟؟
شافت لعنده بنفس النظرات: انا حياتي خربت خلاص انا تعبت ي ايمن والله ماعندي غير طلب واحد بس انك تحبني ي ايمن ! مش تحبني عشان تتزوجني ولا تحبني عشان احبك ولا تحبني عشان تهتم فيني لاا
حبني عشان اعيش اعطيني سبب واحد للعيش لانه فقدت كل الاسباب حبني عشان اقدر اكمل يومي وحياتي حبني عشان يكون عندي سبب واحد ع الاقل عشان اصحى الصبح
وب ارتباك منها خرجت بسرعه ونست جاكيتها ع الكرسي وكلامها مازل داخل اذنه بيعيد نفسه
بدون شعور منه اقترب واخذ الجاكت حقها بيده
مدري ايش اللي خليه يقربه من وجهه ويغطي وجهه فيه كانه بيتخيله هيام
كيف يطلب منها تروح وروحه مازلت معلقه بها لهذا الدرجه !
هل مازال يحبها بس يكابر
ايش بيفعل هو بنفسه مش عارف
مسك الجاكت بيده وبيخرج يمكنها لو مازلت موجوده وصدم برنا بوجهه :...
وقف ساكت مش عارف ايش يقول
قاطعت صمته : هي هذه البنت اللي بتكسر القلوب ؟
ايمن:...
رنا: هذه صاحبه سمر اللي تعز سمر من معزتها ؟ هي هذه اللي داخل قلبك ي ايمن ؟
ايمن : رنا انتي فاهمه الموضوع غلط ؟
رنا :كيف فاهمه الموضوع غلط وانت بتناقض نفسك بتقل لها اطلعي من هنا وتاخذ جاكيتها في احضانك كيف فاهمه غلط وانت بس تشوفها تتوقف مثل التمثال
هذه هي هيام اللي اخذه قلبك وروحك ومخليتك معي بس جسد؟