الفصل الثامن عشر
سنية تقف تنظر له بغضب
حسين: سنية هانم
سنية: اه يا خويا سنية هانم " ايه الي جابك هنا
حسين: بتوتر" انا انا جيت عشان كنت عايز ماية
سنية: ومقلتليش ليه أو قولت لرجالا لبرة" اسمع يا راجل انت لولا أن عارفة سيف ابني وعامر متهورين كنت فضحتك" لم نفسك وابعد عن بناتي
حسين: ايه الاسلوب ده " ياريت حضرتك تكلمي معايا بأسلوب احسن من كده
سنية: اسلوب ايه يا ابو اسلوب مش عيب عليك تبقي راجل كبير كده وتبقي مراهق" اسمع اقسم بالله لو قربت من صافي أو جميلة ميهكفيني فيك رقبتك دي
في ايه يا ماما قالها سيف وهو يقترب منهم
توترت ملامح حسين بعد رئي سيف " ثم قال:
مفيش يا سيف مامتك بس دمها خفيف اوي
سيف: ايه الي جابك هنا ثم نظر لجميلة التي كانت تقف في زواية تسمعهم " وانتي ايه الي موقفك كده
سنية: ايه يا سيف هتكون واقفة ليه يا حبيبي
سيف: وهو ينظر لحسين بغيظ:
ممكن اعرف دخلت هنا ليه
سنية: استاذ حسين كان عايز مية " اصلو كان عطشان وهيموت
جز سيف علي اسنانة بغيظ ثم قال:
شربت
حسين: اه سيف اه يا حبيبي
سيف: اتفضل حضرتك
ابتسم حسين ابتسامة خفيفة ثم ذهب ركضا الي حجرة الضيوف
اقترب سيف من جميلة ثم صرخ في وجها:
ممكن اعرف ايه نزلك هنا وايه الي انتي لبساه ده
جميلة: في ايه سيف لبس عادي وبعدين ماما طلبتني
سيف: ماما طلبتك تستأذني مني مش تنزلي من نفسك وراجل ده موجود ولا انا كلامي مبيتسمعش
سنية: خلاص يا سيف انا سبب " معلش حقك عليا انا
جميلة: انا مقصدش اكسر كلامك
سيف: قصدي ولا مقصديش " اتفضلي علي فوق ومش عايز اشوفك وشك هنا لحد ما راجل ده يغور
نظرت جميلة لسنية بحزن ثم همت لذهاب
اوقفها سيف بصرامة' استني
استدرات جميلة له ' نعم
سيف: ممكن اعرف ازاي نازله كده
جميلة: وهيا تنظر لنفسها " مالي كده
سيف: لبسك خفيف وروب الي انتي لبساه مش شايفة عامل فيكي ايه وبعدين انتي ناسية أن في رجالة في بيت
جميلة: رجالة مين يا سيف
سيف: اخويا وابويا " نستيهم ولا مخ تخين مش فاهم
جميلة: اولا انا مخي مش تخين وبعدين عامر زي اخويا وعمي عبدالله زي بابا
سيف: في الأول والاخر رجالة ولازم تخدي بالك من لبسك احترما ليهم وليا" مشفكيش كده تاني" فااااااااهمه
