#ذات_إنتفاضهه1
اليلهه وووووووب ي شوق اختي،امشيي وييين انا تاني واقول ي منو تااني،مات ي شوق ماات وحرق حشاااي ،مات وم فضل لي وراهو شي مات وخلاني لا تالي لا والي،اريتو كان سمع كلامي وم طلع من البيت،والله قام من الصباح حلب لي البقرة حتى داك جردلو الحلب فيهو من حتتو م رفعتو عملته ليهو الشاي قعدنا في العناقريب تحت ضل الشجرهه دي قولته ليهو م تطلع الحواشه الليله الجو زاتو مغبر شديد ،م تمشي الخلا الليله انا اصلا قلبي كان قابضني وكنت حاسهه انو حيحصل ليهو شي،قالي لا بمشي بحش القش القايم فيها وبرجع افطر في البيت اريتو كان سمع كلامي اريتو!!! احييييي ي الله شلته مني اهلي كلهم جدي م تم6شهور واسي شلته حيطتي البميل عليها الزول الوحيد اللماني من شتات الدنيا دي شلتو مني م فضلت لي زول في الدنيا دي ماكا عادل معي نهااائي ي الله لييييهه ي الله عملته شنو في الدنيا دي غضبان علي كدة بتحرق حشااي على اهلي واحد ورا التاني😭😭😭😭
شيلي الصبر ي اختي شيلي الصبر💔
احيييييييي ي شوق اشيل الصبر كيف بس كدة وريني اشيلو كيف وانا...
"اسكتي سككت حسسسكك ان شاءالله بركه المغارب دي الببكيك شنو؟مش كتلتيهو؟دخلتي علينا بالساحق والماحق الله لا وراك خير في الدنيا ولا في الأخرهه،ولدي ولد الهنا والسرور،ولدي لسسسهه صغييير وم شاف للدنيا دي شي،ولدي لسسسهه حنه عرسو من اظاافرو م طلعت ،ولدي مات عرييس لا شاف جنا ولا لحق ياخد رضااي كتلتيهو ي ام سعد شيين،من يوم م دخلتي عليهو وهو المصايب واقعه في راسو،محل م تمشي تختي رجلكك تجري وراك المشاكل ،اريتو كان سمع كلامي وكلام ابوهو واهلو كلهم وم عرسكك،اريتو كان سمع كلامنا بس،وكمان بتبكي عليهو ؟الباكيالو شنو يبكو عليك بركه الله اسكتي ي المابتشبهي النسوان ،قومي من ارضكك دي الرضى الماتلقيهو من الله 💔
الحياة ،كلمه محتواها سته حروف بس علشان تعيشها محتاج سته ارواح علشان تكمل فيها،روح تصبر بيها،وروح تتقوى بيها علشان تصبر،روح تثق فيها بقدراتك علشان تصبر وتتقوى ،روح تتعلم بيها وانت بتصبر،وبتتقوى،وبتثق،روح بتتناسى بيها علشان تصبر،وتتقوى،وتثق،وتتعلم،واخييرا روح انت بيها تخت بصمتكك علشان تمثل كلمهه حياة دي لفظياا وفعلياااا،منو فينا م بتمر عليهو مشاكل في حياتو؟مين فينا م عاش ازمات،ومين فينا م عدت عليهو ايام وصل فيها لمرحله التفكير السلبي تجاه قدرات ربنا وافتكر انو دي النهايه ،المشاكل البتعدي علينا في محيط حياتنا بالرغم من اختلاف اسبابها والتفاوت في شدتها بس جوانا بكون عندها اثررر كبييير ،الأثر دهه ي إما استفدنا منو وبقى لينا دافع علشان نكمل،او حطمنا ووصلنا لمرحله اليأس والخمول،المشاكل لو جينا قعدنا مع نفسنا وفكرنا فيها على قدر م هي بتاخد مننا بتدينااا،ولو فكرنا فيها بالجد من جانب إيجابي حنلقى انو الحياة بدونها م بتمشي،
بس اسوأ انواع المشاكل الممكن تعدي عليكك انو انت تتولد في الحياة مظلوم،تعيش حياتكك وانت مظلووم في كل حاجهه وكل المشاكل البتقع في راسكك انت تكون فيها مظلوم،وماف اااي دعم من الحواليكك علشان تكمل بالعكس،مدى رغبتكك في الإستمرار هيتوقف على مدى الطاقه الجوااك وإيمانكك بربنا،ودة الكان حاصل مع شههد💔💔
