#ذات_إنتفاضهه30
مبحوح صهيب خليني اطلع كريم بصحى اسع😢 ،قال لي هششششش ومشى اطراف صوابعو في شفايفي وبعدها باسني،لما وصل المرحله دي انا حرفيا إتجمدتهه وبقيت اعاين ليهو وهو متمادي،في حاله زي دي إذا انا م ابديت اي ردة فعل الشي الطبيعي يفهم إني م عندي إعتراض عليها،ضماني عليهو وباسني في رقبتي وهو نازل لتحت على طول شالني ومشى بي على السرير...
م عارفه انا ليييه م قاومته،ليييهه م قولته ليهو لا ي صهيب،هو يمكن يكون ماخد حاجه حبوب او غيرو لانو لو واعي هو حرفيا بيكرهني وزي م قالها م طايق يشوف خلقتي بس انا واعيهه م عارفه سمحته ليهو بالحاجه دي ليييهه وهو م غصبني عليها،بس ونحن مع بعض كان محتويني بطريقهه نستني نفسي ونظراتو لي كانت كأنو انا حاجهه حتتلاشى من نظرو م كان برفع عيونو من وشي،وم اتكلم معي خالص بس نظراتو كانت بتقول كل حاجهه،بعد ما حصل الحصل وهو بنفس الحاله م ناوي يرفع عينو مني إتحركتهه عايزة انزل مسكني قال لي م تمشي خليك،بعد مسااافهه قولته ليهو كريم ،جراني ورقدني جمبو وغطاني قال لي م بتجيهو حاجه وم حيصحى م عايزك تبعدي مني ي شهد فهمتي؟باسني في جبهتي مسااافهه ومسك يدي ختاها في صدرو ويدو التانيه بقى ممشيها لي خدي وهو بعاين لي كأنو سرحان،خجلتهه منو غمضتهه عيوني وعملتهه نفسي نايمهه ،وبالفعل نمتتهه ،جاتني صحييهه كدة لقيت الواطهه اصبحت نزلتهه على طول لبسته ملابسي ومشيت على غرفتي لقيت كريم يبكي قدرتو،شلتو وبقيت اهدي فيهو لما سكت قولته ليهو طيب ماما داخله الحمام دقيقتين وبطلع،دخلته الحمام اول م بديت استحم قام يبكي، بقيت اتكلم معاهو من جوة الحمام واقول ليهو حبيبي خلاص طالعه والله طالعه،معليش دي ماما دي زعلتكك؟خلاص طالعه والله ،فجأة سكت قولته ي ربي نام تاني؟من الإستعجال م شلته ملابسي معي الحمام لقيت البشكير إتلفيت بيهو وطلعته،اول م طلعته إتفاجأته بصهيب شايل كريم وبلعب معاهو بصوت واطي اول م شافني بقى يعاين لي وانا طالعه ملفوفه بالبشكير بس م عرفته ارجع ولا اقيف ولا اخت يدي فوق،بقيت مخلوعهه هو لما شافني وانا متوترة ضحكك كان لابس شورت بس م معاهو فنيله حتى،جا ماشي علي ،على طول دخلته وقفلته باب الحمام،سمعته صوت ضحكتو قال لي طيب اخدي راحتك انا حأشيل كريم واطلع،قعدته شويه كدة في الحمام بعدها طلعته الغرفه كانت فاضيهه لبسته جلباب بسرعه ولفيت كعكتين لأنو لين،وطلعته مشيت المطبخ عشان اجهز اللبن لي كريم ،وانا في المطبخ فجأة جاتني فكرة إني اجهز الشاي والفطور لانو امتثال هتكون نايمه وحتصحى جعااانهه،بالفعل دة الحصل بديت اجهز فيهم فجأة اسمع صوت صهيب وكريم وهم جااين على المطبخ،انا رجولي حسيتها م شايلاني إتشلت خلاص يخواني بقيت م بقدر اقيف قدامو بعد الحصل😭🙈💔لما وصلو صهيب قال لي كريم ولقينا ماماااا،كريم قال ليهو ماما سمحهه؟صهيب قعد يضحكك ،إتلفتهه عليهم لقيتو شايل كيس وكريم في يدو في حلاوة وشوكلاتهه شكلهم مشو الهايبر ماركت،صهيب قعد كريم في الكرسي وجا من غير اي مقدمات باسني في راسي وخدي مساااافهه وقال لي قبيل م خليتيني اصبح عليك ف من اجمل الحجات الممكن تحصل مع الواحد إنو يبدأ صباحو بيك ف صباح الورد،وانا متنحهه بعاين ليهو إتلفته منو وبقيت مكمله شغلي بحاول اصدق انو هو فعلا مستوعب الحصل بينا وهو واعي كدة ولا لأ،قال لي اساعدك في حاجهه؟هزيت ليهو راسي بمعنى لأ،قعد جمب صهيب وبقى يلعب معاهو،قال ليهو طيب ادي ماما شوكلاتهه،كريم بقى يقول لي ماما ها،ماما هااا،قولته ليهو حبيبي انا م عايزة اكل انت سمح،وصهيب كان بعاين لي بطريقهه موتراني وم مخلياني اشتغل وانا بخت في صحانهه الفطور في الطربيزة صهيب وقف على حيلو وكان ماسك شوكلاتهه في يدو مسكني ودخل لي قطعهه منها في خشمي ورجع قعد،قولته ليهو الفطور جهز حتنتظرو إمتثال ولا اصحيها ؟،قال لي لا خليها م تصحيها خلينا نحن نفطر لأنو جعااااان شديد انا،وانت كمان ي كريم صح؟كريم هزة ليهو راسو بمعنى اي،صهيب قعد يضحكك،قولته عليهو طيب افطرو عايزة اطلع قال لي تعالي تعالي وين وين؟قولته ليهو في شنوووو عايزين حاجه؟؟؟قال لي م حتفطري انتي؟قولته ليهو انا م جعانهه عايزة امشي انوم لأني امبارح.. سكتته م قدرته اكمل كلامي،قام على حيلو ومسكني من يدي وقعدني في الكرسي وقال لي م هو عشان امبارح دي لازم تاكلي وانا م حأكل بدونكك فهمتي؟يلا ،يلا ي شهد بطلي ،لو م اكلته م حيخليني بديت اكل وهو مرة ياكل لنفسو ومرة يأكل كريم ويشاغل فيهو وكريم يضحكك،إنتبهته لنفسي لقيتها بتاكل بشراهه خجلت قمته قولته ليهو انا شبعتهه والله يخليك م تقول لي اكلي علشان م حاقدر ،قال لي طيب،قولته ليهو حأنتظركم تخلصو عشان الم الطربيزة،قال لي لا امشي إرتاحي انا بخلي الشغاله تلمها او انا حألمها بنفسي،بقيت اعاين ليهو،قال لي مالك مستغربه على فكرة رغم إني متزوج بس في بيتي عايش عزابي لانو مرتي م جايبه لي خبر😓🙆قولته ليهو طيب طلعته خليتهم بفطرو وانا طالعه لقيت احمد داخل ،قولته ليهو المختفى،قال لي شهدووون،قولته ليهو بقينا نشوفك زي الحاجه السمحهه😂قال لي م انا اساسا حاجه سمحهه ياااخ هههه ديل لسسسسهه م جو؟قولته ليهو منو؟قال لي ناس امي قالو متحركين الليله،قولته ليهو بجد م عندي علم والله،قال لي ي زولهه إمتثال م كلمتكك؟قولته ليهو امتثال من الصباح انا م شوفتها هههههه نايمه،قال لي اي امس كانت في حفلهه شايفها فايرة في الأنستغرام هههه،محمد ماف؟قولته ليهو والله م عارفه م شوفتو لكن صهيب في المطبخ بفطر امشي اللحقهم،قال لي صهيب جا امس ولا شنووو؟قولاه ليهو اي،قال لي انا زاتي جعان شديد والله ومشى على المطبخ،وانا طلعته غرفتي،قولته لنفسي الحمدلله إنو امس من الصباح طبخنا طبيخ إسبوع واصناف كتيرة وإلا الليله كنت إتسيكتهه في المطبخ💔💔😓رقدتهه نمتتتهه جاتني صحيهه لقيت صهيب مرقد كريم في نصنا ونايم معانا وكريم متكرفس صغير في حضن صهيب،بقيت اعاين ليهم وانا منعسسسهه عيوني لقيت نفسي تلقائيا مبتسمهه،جات في بالي فكرة إنو امشي اشوف المطبخ الناقصو شنو عشان عمتي عواطف دي قاعدة لي على الواحدة،نزلته مشيت المطبخ لقيت سارة نضف كل حاجه ورتبتها فكرته إني اعمل رز بكاستر وبالفعل عملتو وخلطته ليهم العصير جات امتثال قالت لي شهد صوتها مبحوح،قولته ليها ي دوب صاحيه؟وصوتك مالو من كواريكك العرس صح،قالت لي لا والله العربيه اامس العملتها فيني اسكتي بس إتعطلت في الشارع وإتصلته على احمد م برد،محمد تلفونو مقفول،حتى صهيب م برد غايتو إتجهجهتهه جهجهه والمطرة دقتني عشان شكلي إلتهبتهه،قولته ليها إنتي جادة لا حولااا يااخي،قالت لي وصهيب دة علشان الصاله قريبه من بيتو هناك م بعيدة قدر م إتصلته عليهو م ردة ن عارفه تلفونو دة كان جادعو وين،بقيت اعاين ليها وانا م عارفه اجاوب ليها بشنو😢قولته ليها صهيب امس جا هنا وهو زاتو سأل منك قال لي المطرة برة كتيرة،قالت لي وبات هنا؟هزيت ليها راسي بمعنى ايوة جا يشيل ملابسو اظن😢💔قالت لي اهااا فعلا هو قال م عندو غيار نضيف في بيتو هناك المهم انا جعانهه،قولته ليها الفطور جاهز،قالت لي طيب م عايزة شي غير المكرونه بالبشاميل العملناها امس دقيقه ادخلها المايكرو ويف ،قولته ليها طيب،ونحن قاعدين فجأة الجرس ضرب،شويه كدة سمعنا سارة بتقول هي ماما جيتو وصوت حبوبه وهي بتسلم عليها،إمتثال قالت لي وصلو شكلهم انا نسيت موضوع جيتهم دة عديل طلعنا لقيناهم داخلين،سلمنا عليهم و...مع تعب السفر وكذاا طلعو غرفهم بعد م شربو المويه والعصير،بعد المغرب حتى جهزنا الغداء وصحيناهم علشان ينزلو وبالفعل كلهم نزلو للغداء،في لحظهه كدة صهيب شايل كريم وبشاغل فيهو وهم في الأكل او كريم هو الكان بلعب وصهيب متماشي معاهو لغاايه م فجأة كان كبايه مويه قاعدة جمب صهيب وكريم مع لعبو ضربها ووقعت إتكسرت،صهيب قال ليهو اهااااا،عمتي عواطف بي نرفزة وزهج قالت "هو شافع صغير زاتو بختو في صينيه الناس الكبار لشنو م يأكلوهو براهو ويقفلوهو في غرفتو يعني ضروري ياكل مع الناس الكبار حتى يعرفو قلهه ادبو،كلهم بقو يعاينو ليها ،حبوبه قالت ليها إتكسر الشر ي عواطف،عمتي عواطف قالت ليها م قلنا شي بس الشافع انت بتشبعو وبتطبعو اللقافه مع الكبار كل الوقت لزومها شنو ،صهيب قال ليها امي في شنو اسي؟قالت ليهو اسي من قبيل انت شغال تلعب معاهو اكل زي الناس زاتو م اكلته وهو بكون ماكل يعني شبعان من لعبو دة طيب م تقفلوهو في غرفتو زمن اكل الناس الكبار،صهيب قال لي بنرفزة شهد هاك ولدك هاك،انا زاتي مصدومه من نبرتو يعني كأنو بايد كلام امو ،قمته على حيلي وشيلته كريم،حبوبه قالت ليهم اسي في شنو بت الناس من قبيل داخله ومارقه م اكلت،ابوهم قال ليهم عيشتكم كلها نقاشات بس حتى وانتو بتاكلو تتناقشو،شلته كريم طلعته بيهو وهو بقى يبكي ضربتو ،اول مرة احس نفسي إتفششتهه فيهو ضربتو ضرب لمن بقى يتنهد ،صهيب جا داخل وراي لقاني بضرب فيهو وبقول ليهو اسكت يلا اسكت هسسسس م اسمع صوتك دة ي قليل ادب، مسكني قال لي بي نهرة انتي جنيتي في راسك دة بتضربي الولد زنبو شنووو؟قولته ليهو فكني وم تدخل انت مالك اساسا؟شال كرين وطلع بيهو وم جا راجع تاني ،وانا بجد ضميري أنبني لأني في لحظه غضب ضربته ولدي وهو م ليهو ذنب بس إستفزاز عمتي لي هو الخلاني اعمل كدة😭💔فضلته قاعدة منتظرة وم طلعته ولا إتكلمته مع زول،جاتني حبوبه قالت لي عواطف دي م تشتغلي بيها اصلا هي كلامها حار كدة قعدت إتكلمت معي كدااااا بعدها قالت لي تعب السفر ي بتي داخل عضامي والله رجولي ديل م حاسه بيهن شان كدة ماشه اخد لي غمدة للصباح كدة،قولته ليها طيب ي حبوبه تصبحي على خير،قالت لي تلاقي الخير إن شاءالله ي بتي،طلعت خلتني وانا ماشه وجايهه منتظرة صهيب يجيب لي ولدي،إتصلته عليهو م برد 😭اتصلته للمرة التانيهه قال لي جاي في الطريق،قولته ليهو كريم كويس؟قال لي كويس،فضلته منتظراهم لغاااااااايهه م جا داخل شايل كريم في كتفو،وقفته على حيلي وانا ملهوفه قولته ليهو نام؟هزة لي راسو بمعنى ايوة،رقدو في السرير بقيت اعاين ليهو كان حتى وهو نايم بتنهد انا اصلاوعارفه كريم ولدي قلبو حار وزعلو كعب م بهدأ بسرعهه،قربته عليهو وبوسته مساافهه ياخي شوفتو كسرت قلبي،إتلفته على صهيب لقيتو بعاين لي قال لي لأي سبب من الأسباب حتى لو هو غلط م تضربيهو ،قلته ليهو اخليهو يغلط يعني؟قال لي هو غلط عمل شنووووو؟؟ضربتكك ليهو دي هي الغلط هو طفل قولي ليهو لا عيب بس م تضربيهو الضرب م بربيهو فهمتي؟كان بتكلم معي بغضب،قال لي والاهم من كدة لما تزعلي م تتفششي فيهو ،بدون م احس قولته ليهو الكلام دة قولو لنفسك م لي انا لأنك إنت الإتفششتهه فيني نسيت ولا اذكرك؟لغايه اليوم الصباح كنت معي بي وش وقدام اهلك بي وش تاني خالص اهااا نسيت م انت اساسا اخدته العايزو امس بالليل في السرير بعد كدة حبقى ملطش...قبل م اخلص كلامي جراني عليهو وقفل لي خشمي بيدو وقال لي ششششششششش بحبكك،رغم التصرف الساذج والغبي العملتيهو معي،رغم إني حاولتهه على قدر م اقدر م اشغل بالي بيكك بس إنتي اتقنتي تمثيلتكك وشربكتيني فيكك جدجد حتى غلطكك دة انا شايفو صح وبقيت ابرر ليك بي إنو تصرفك صح مقابل العملتو معاك انا،لفهه يديهو حوالي وقربني عليهو واكتر وهو ملصق انفو في انفي وكمل كلامو ب "لما إتضربتهه بالرايش حق الرصاص وتعبته في يوم زي دة انا مفروض اتزكر امي م اتزكرك إنتي صح؟بس انا م كنت عايز زول جمبي غيركك بالحاله الأنا فيها ديك كنت عندي إستعداد اجي من بيتي عشان اشوفك بس لقيت نفسي م قادر ف إتصلته عليك،ولأخر لحظهه في عرس خالك م كنت عايز اجي احضرو وبالفعل م كنت طايقكك وحتى رجلي م كانت بتسمح لي اسوق بس دخلته في نزاع مع نفسي عديل وفي النهايه لهفتي لي شوفتك هي الساقتني ليك وامس لما جيت كان بإمكاني اسال ساره م عاميان من شارع غرفتها بس انا اساسا جاي عشانك اشوفك انتي الملابس دي اخدتها حجه م اكتر م كنت متوقع انو الأمور حتصل معانا للدرجه دي بس كل البعرفو كان إني كنت مشتاق ليك شديييييد واكذب عليك لو قلت ليك قادر امسك نفسي منك انا عمري م حصل لي البيحصل جواي معاكي دة بحبكك انا ي بت الناس فتشتهه وم لقيت اي سبب يمنعني إني م احبكك حتى لو في قدام عيوني والخلق كلها شايفاها انا م شايفها ابداااا انا عارف حجم الشي الأنا عملتو وخلاك تتصرفي التصرف دة عشان كدة حتى وانا عايز م قادر اكرهكك حتى لو لسسهه حتمثلي اكتر وحتعيشيني في وهم برضو راضي انا بالحاجه دي وباقي معاك واي كانت المدة الحتاخديها اخديها م إنتي الزولهه البفترو من إنتظارها ولغاايهه اللحظهه دي انا حرفيااا لسسسههه مالي يدي بيكك ...💜
💜
#نتلاقى®
