#ذات_إنتفاضهه14
قولته ليهم انا م عايزة اقعد انا ماشه ومشيت بإتجاه الباب بسرعهه،اول م طلعته جو جارين وراي ،عمتي عواطف قالت للحرص امسكها،جا مسكني لزيتو قولته ليهو م تقرب مني ،جات عمتي عواطف قالت لي ي شهد في شنو مالك ي بتي كدة قولي بسم الله،بقيت ساكته وم برد ودموعي جاريه عشرة عشرة،جات حبوبه وإمتثال،حبوبه قالت لي ي بتي مالكك فهمينا،زول مننا عمل ليك حاجه كعبه ولا سمعك كلمه غلط؟لغاايه المغرب دة م كنا كويسين؟فجأهه جو احمد ومحمد ومعاهم ابوهم،محمد قال ليها ي امي خييير،قمته ماشه حبوبه مسكتني قالت لي ماشه وين في انصاص الليالي دي مع البلد الغريبه الما بتعرفي ليها راس ولا قعر دي ي بتي م تخليك عاقله،إمتثال قالت لي هو في شنو ذاتو ي شهد كدة قولي لينا ،من جيتي شايلنك فوق روسينا وما حصل مننا تقصير تجاهك،فجأهه ابوهم قال للحرص قفل البيبان دي كلها م تخلي باب فاتح يلا سرعهه،طبعا صوتو كبير،قلته ليهو يعني كان قولته ليهم قفلو البيبان فكرك كدة م هطلع؟مش كفايه انك انت وشركتك يتمتو ولدي ورملتوني؟يعني عشان قلته ليك حتقدر تعوض ولدي وتجيب ليهو ابو تقوم تعمل صفقه رخيصهه كدة مع عمي وخالي وتعرس لي ولدك؟؟فكرك ولدك دة حيبقى لي زي سعد؟ولا حتى بتقارن بيهو؟خليك عارف ولدك م بساوي حتى ظفر سعد م بساويهو،فاكرين انكم بتشترو الناس ،طيب ومشاعر الناس برضو بتقدرو تشتروها؟حبوبه قالت لي ي بتي،قولته ليها حبوبه يمكن هو ولدك بس بالنسبه لي انا دة الزول الاتسبب في موت راجلي،وبكل دم بارد جا ساوم على موتو عشان عارف المحكمهه ممكن تعمل شنو،عشان عارف المزارعيه كلهم كانو عايزين يرجعو اراضيهم فقام اداهم قروش زيادة،واما اهلي واهل راجلي واضح تماما انو رشاهم بالقروش رش ،لما عمي إتنازل من القضيه وقفلها سكتنا عشان في الاول والأخير هو ابوهو قبل م انا اكون مرتو لكن بأي حق بتعرس لي ولدك انت بأي حق؟ولدي دة انت قايلو تقيل على صفي؟م بربيهو براي؟انا بقدر ابقى ليهو ام وابو الإتنين مع بعض انت منو اساسا؟يعني انت اسي شايف ولدك دة راجل بما فيه الكفايه لمن يقدر يبقى ابو لولدي؟دايرني اربي ولدي على حساب دم ابوهو؟
عمتي عواطف قالت لي ي بتي المسؤلين من الشركه هم الكانو مهملين م عمك سمير والله،قلته ليها الكلام والتبرير ساااهل ي عمتي عواطف بس عيشه الوجعهه م بعلم بيها الا سيدها،انا شوفته جنازة سعد راجلي بعيوني دي،م شوفتي الطريقهه المات بيها،م شوفته المدقاقه بتاعتكم دي طلعت وهرست جسمو كيف،الليله اليوم دة انتي كان عندك كلب وجارك الفاتح فيك دة طلع فيهو بعربيتو بتحقدي عليها خليك لمن يكون بني ادم،طبعا بتكلم وببكي وحسي شبه رايح،قولته ليهو المشكله اهلي استغبوني،لو عارفاكم بتساومو علي وعلى ولدي م كان وافقته م كان وافقته اخخخخ ي ولدي شوف خالك وجدك عملو فينا شنوو وبقيت ابكى،جات إمتثال قالت لي شهد وبقت تبكي معي قالت لي م تبكي ي شهد،عارفنها صعبه وحارة عليك بالذات وانتي في العمر دة لكن اها تعملي شنو م الحصل حصل😭😭😭😭قولته ليها لا الحصل م حصل،انا كل مرة بقول الحصل حصل وبحصل شي اسوأ بس المرة دي م هيكون في اسوأ من الحصل دة،بتقبلي تعيشي في بيت زول كتل ابوك؟بعدين اقول لولدي شنوو؟انا جدو لما اتفق م الراجل دة وشطب القضيه واخد قروشو طلعته خليت ليهم البيت وم بشيل منو ولا حق الحلاوة لولدي حتى،فكرك حقبل اعيش هنا؟واسي دايرين تحبسوني هنا،حتحبسوني لمتين؟سنه ولا سنتين ولا تلاتهه م في النهايه هطلع هطلع قعدته في الأرض وبقيت اعزي وبقول م شوفته ي سعد العملو فيني اهلك واهلي دمك طلع رخيص شديد عندهم 😭حبوبه بقت تبكي معي وامتثال،وعمتي عواطف تمسح في دموعها،حبوبه قالت لي ماف بني ادم دمو رخيص ي بتي،قولته ليها لكن سعد راجلي اهلو استرخصو دمو ي حبوبه،بالرغم من انو م كان زول كعب،كان اطيب بني ادم مع كل الناس،رغم انو فقران وم حيلتو شي بس م كان محوجني لشي،ولا كان محوج اهلو شي يخليهم يعملو كدة ويبيعو دمو بالرخيص كدة،انا نفسي افهم هم عملو كدة ليييه؟القروش؟كان دايرين قروش انا كان اديتهم ابوي وجدي انا م خلوني سااي اراضي اهلي حدادي مدادي كان بعته ليهم واحدة بس بتغنيهم وبتكفي عيشتي وعيشه ولدي 😭😭😭😭😭😭😭😭😭💔💔💔حبوبه قالت لي ي بتي استغفري،كل الحجات دي مكتوبه عند ربنا ماف زول فينا عارف قدرو شكلو كيف ولا في زول عارف لقدام حيحصل شنو لقدام،قولته ليها م اعتقد حيحصل اسوأ من الأنا فيهو دة ي حبوبه ،خلوني امشي ي جماعهه قلته ليكم وقفته على حيلي ،حبوبه مسكتني قالت لي ي بتي اسمعي الكلام ماشه وين بالليل دة؟قولته ليهم اي مكان بمشي،راجعه اهلي،اهلي زاتهم م راجعه ليهم ارجع ليهم لشنو وهم الرموني في الشوك بيدهم،جا محمد،قال لي طيب بس لي بكرة الصباح خلي الصباح يصبح ووعد مني ليك اي مكان انتي ماشاهو انا بوصلك ليهو ،معقوله نخليك تطلعي انصاص الليالي دي ياخي؟خلي الصباح يصبح وان شاءالله العايزاهو بحصل،قولته ليهو انا دايرة اطلع من هنا،قال لي هنطلعك من هنا بس الصباح البلد دي م مضمونه انتي قايلاها زي بلدكم هناك؟حبوبه قالت لي قومي ي بتي من مكانك دة وخشي جوة م معقوله الولد دة هنا الباعوض والبرد زاتو،قولته ليها خلاص انا بقعد هنا للصباح م داخله انا امشو انتو،قالت لي كيفن نخليك هنا كدة ي بتي م منطق ابدا،قومي ادخلي معانا والا انا زاتي م متحركه من هنا بقعد معاك لمن تصبح،امتثال قالت ليها ي عمتي انتي عندك الرطوبه،قالت ليها كان تموتني م بفوتها الليله امشو انتو امشو ادخلو جوة خلوني معاها ،ابو صهيب قال ليها ي امي،قالت ليهو قلته ليكم امشو اسمعو الكلام يلاااااا،إتحركو دخلو جوة،احمد قال ليهم تاريها م هينه كانت كاتله حيلها ساااي،امو قالت ليهو اسكت م تتكلم سااي البت مسكينه والعاشتو في عمرها دة م هين صغيرة شديد ،امتثال قالت ليهم ي وجعتي عليها قطعت قلبي المسكينهه ياخي شافعهه والله💔💔💔💔عمتي عواطف قالت ليهو سمير اها الحل شنو؟قال ليها بالنسبه لشنووو؟قالت ليهو بالنسبه لشنو كيف بالنسبه لبت الناس دي؟قال ليها اها هعمل ليها شنو مثلا؟تقعد بس بأي طريقه كانت ماف ليها اي طريقه بتاعه رجعه باي طريقهه كانت اقنعوها بالقعدة زي م اهلها اقنعوها بالعرسه دي وبعدين ولدك وين؟قالت ليهو بري م عارفه،قال ليهو محمد شوف لي اخوك وين،قال ليهو ي ابوي يعني صهيب جديد عليك؟م اكيد هيكون في جمبه من جمبات الشيشه بتاعه 117،قال ليهم انا الولد دة لو م جاب اجلي ماف زول بجيبو غيرو طلع تلفونو وإتصل واتحرك مشى على السلم،وفجأهه قال"ي زفت انت وين؟؟؟تعال لي في البيت بسرعهه،
