#ﺫﺍﺕ_ ﺇﻧﺘﻔﺎﺿﻬﻪ31
ﻭﺍﻱ ﻛﺎﻧﺖ ﺍﻟﻤﺪﺓ ﺍﻟﺤﺘﺎﺧﺪﻳﻬﺎ ﺍﺧﺪﻳﻬﺎ ﻡ ﺇﻧﺘﻲ ﺍﻟﺰﻭﻟﻬﻪ
ﺍﻟﺒﻔﺘﺮﻭ ﻣﻦ ﺇﻧﺘﻈﺎﺭﻫﺎ ﻭﻟﻐﺎﺍﻳﻬﻪ ﺍﻟﻠﺤﻈﻬﻪ ﺩﻱ ﺍﻧﺎ ﺣﺮﻓﻴﺎﺍﺍ
ﻟﺴﺴﺴﻬﻬﻪ ﻣﺎﻟﻲ ﻳﺪﻱ ﺑﻴﻜﻚ،ﻭﻫﻮ ﺑﻘﻮﻝ ﻓﻲ ﺍﻟﻜﻼﻡ ﺩﺓ
ﺩﻣﻮﻋﻲ ﺟﺎﺕ ﻧﺎﺯﻟﻬﻪ ﻋﺸﺮﺓ ﻋﺸﺮﺓ ﺭﻏﻢ ﺇﻧﻲ ﻛﻨﺖ
ﻣﺘﻤﺎﺳﻜﻬﻪ ﻭﻋﺎﻣﻠﻪ ﻗﻮﻳﻬﻪ،ﻟﻤﺎ ﺷﺎﻑ ﺩﻣﻮﻋﻲ ﺇﺗﺨﻠﻊ ﻭﻡ
ﻋﺮﻑ ﻳﻘﻮﻝ ﻟﻲ ﺷﻲ ﺑﻘﻰ ﻳﻤﺴﺢ ﻟﻲ ﻓﻲ ﺩﻣﻮﻋﻲ ﻭﻳﻘﻮﻝ
ﻟﻲ ﺷﻬﺪ ﺍﻧﺘﻲ ﻋﻮﻳﺮﺓ ﺑﺘﺒﻜﻲ ﻟﻴﻴﻴﻴﻬﻪ ﻗﻠﺘﻪ ﻟﻴﻚ ﺣﺎﺟﻬﻪ
ﻏﻠﻂ ﺍﻧﺎ؟ﺿﻤﺎﻧﻲ ﻋﻠﻴﻬﻮ ﻭﺑﻘﻰ ﻳﻬﺪﻱ ﻓﻴﻨﻲ ﺑﻌﺪ ﻣﺴﺎﺍﺍﻓﻪ
ﻣﻦ ﻭﻗﻔﺘﻨﺎ ﻗﺎﻝ ﻟﻲ ﺑﻄﻠﻲ ﺑﻜﻰ ﻗﻠﻨﺎ ﻭﺑﻘﻰ ﻳﻌﺎﻳﻦ ﻟﻲ
ﻭﺑﺴﺎﻟﻨﻲ ﻓﻲ ﺷﻨﻮ ﺑﺲ؟؟ﻗﻮﻟﺘﻪ ﻟﻴﻬﻮ ﻛﺮﻳﻢ ﺑﻜﻰ ﻛﺘﻴﺮ ﻟﻤﺎ
ﺷﻠﺘﻮ ﻣﻌﺎﻙ؟ﻗﺎﻝ ﻟﻲ ﻭﺍﻧﺘﻲ ﺑﺘﺒﻜﻲ ﻋﺸﺎﻥ ﻛﺪﺓ؟ﻗﻮﻟﺘﻪ
ﻟﻴﻬﻮ ﺍﻭﻝ ﻣﺮﺓ ﺍﺿﺮﺑﻮ ﺑﺎﻟﺼﻮﺭﺓ ﺩﻱ ﻗﺴﻴﺖ ﻋﻠﻴﻬﻮ ﺷﺪﻳﺪ
ﺭﺟﻊ ﺿﻤﺎﻧﻲ ﻋﻠﻴﻬﻮ ﺍﻛﺘﺮ ﻭﻫﻮ
ﺿﺎﻏﻂ ﻋﻠﻲ ﻗﺎﻝ ﻟﻲ ﺑﻜﻰ ﺑﺲ ﻡ ﻛﺘﻴﺮ ﺷﺪﻳﺪ ﻳﻌﻨﻲ ﻫﻮ
ﺯﻋﻞ ﺷﺪﻳﺪ ﻭﺑﻌﺪ ﻃﻠﻮﻉ ﺭﻭﺡ ﺣﺘﻰ ﻫﺪﺃ ﻟﻜﻦ ﻧﻘﻮﻝ ﺷﻨﻮ
ﺇﺫﺍ ﻧﺤﻦ ﺍﻹﺗﻨﻴﻦ ﻭﻗﻌﻨﺎ ﻓﻲ ﻳﺪ ﻣﺮﺓ ﻗﺎﺳﻴﻬﻪ ﺯﻳﻜﻚ ﻛﺪﺓ
ﻧﺘﺤﻤﻞ ﺑﺲ ﺭﻓﻌﺘﻬﻪ ﺭﺍﺳﻲ ﻗﻮﻟﺘﻬﻪ ﻟﻴﻬﻮ ﺑﺲ ﺍﻧﺎ ﻡ
ﻗﺎﺳﻴﻬﻪ ﺍﻧﺖ ﺑﺘﻘﻮﻝ ﻋﻠﻲ ﻛﺪﺓ ﻭﺍﻧﺖ ﺍﺳﺎﺳﺎ ﻡ ﻋﺎﺭﻑ
ﻇﺮﻭﻓﻲ ﺷﻨﻮ،ﻡ ﻋﺎﺭﻑ ﻣﺮﻳﺖ ﺑﺸﻨﻮ ﻭﻋﺸﺘﻬﻪ ﺷﻨﻮ ﻓﻲ
ﺣﻴﺎﺍﺍﺍﺗﻲ ﺩﻱ ﻓﻌﺎﺩﻱ ﺗﻘﻮﻝ ﻋﻠﻲ ﺍﻱ ﺣﺎﺟﻬﻪ ﻗﺎﻝ ﻟﻲ
ﻭﻫﻮ ﺑﻌﺎﻳﻦ ﻟﻲ ﻓﻲ ﻋﻴﻮﻧﻲ ﺣﺘﻰ ﻟﻮ ﻡ ﻋﺮﻓﺘﻬﻪ ﺍﻟﻌﺸﺘﻴﻬﻮ
ﺍﻧﺎ ﻫﻨﺎ ﻋﺸﺎﻥ ﺍﻋﺎﻟﺞ ﻛﻞ ﻣﺸﻜﻠﻬﻪ ﺇﺗﻜﻮﻧﺖ ﺟﻮﺍﻙ ﺑﻐﺾ
ﺍﻟﻨﻈﺮ ﻋﻦ ﺍﺳﺒﺎﺑﻬﺎ ﺇﺗﻔﻘﻨﺎﺍﺍ،ﻭﺍﻟﻨﻘﺎﺷﺎﺕ ﺣﻘﺖ ﺑﻴﺘﻨﺎ ﺩﻱ ﺍﻧﺎ
ﺑﺤﻠﻬﺎ ﻣﺎﺷﻲ؟ﺑﻘﻴﺖ ﺍﻋﺎﻳﻦ ﻟﻴﻬﻮ،ﺑﺎﺳﻨﻲ ﻓﻲ ﺧﺪﻱ ﻭﻗﺎﻝ
ﻟﻲ ﻫﺎﺍﺍﺍﺍ،ﻗﻮﻟﺘﻪ ﻟﻴﻬﻮ ﻣﺎﺷﻲ ﻗﺎﻝ ﻟﻲ ﻃﻴﺐ ﺑﻌﺪ ﻡ
ﻧﺤﻦ ﻃﻠﻌﻨﺎ ﺍﻛﻠﺘﻲ ﺣﺎﺟﻪ؟ﻫﺰﻳﺖ ﻟﻴﻬﻮ ﺭﺍﺳﻲ ﺑﻤﻌﻨﻰ
ﻻ،ﻗﺎﻝ ﻟﻲ ﺗﻌﺎﻟﻲ،ﻗﻮﻟﺘﻪ ﻟﻴﻬﻮ ﺻﻬﻴﺐ،ﻗﺎﻝ ﻟﻲ ﻭﻻ ﻛﻠﻤﻪ
ﻣﺴﻜﻨﻲ ﻣﻦ ﻳﺪﻱ ﻭﻧﺰﻝ ﺑﻲ ﻋﻠﻰ ﺍﻟﻤﻄﺒﺦ ﻓﺘﺢ ﺍﻟﺘﻼﺟﻪ
ﻃﻠﻊ ﺍﻛﻞ ﺩﺧﻠﻮ ﺍﻟﻤﺎﻳﻜﺮﻭﻳﻒ ﺑﻌﺪﻫﺎ ﻗﺎﻝ ﻟﻲ ﻳﻼ
ﻧﺎﻛﻞ،ﻗﻮﻟﺘﻪ ﻟﻴﻬﻮ ﺻﻬﻴﺐ ﺍﻧﺎ ﺑﺠﺪ ﻡ ﻋﺎﻳﺰﺓ،ﻗﺎﻝ ﻟﻲ ﺷﻬﺪﻭ
ﺑﻄﻠﻲ ﺣﺮﻛﺎﺗﻜﻚ ﺩﻱ ﻭﺍﻛﻠﻲ،ﻗﻠﺘﻪ ﻟﻴﻬﻮ ﺑﺲ ﺩﻱ ﻡ ﺣﺮﻛﺎﺕ
ﻗﺎﻝ ﻟﻲ ﻃﻴﺐ ﻡ ﺣﺮﻛﺎﺕ ﻳﻼ ﻗﻮﻟﻲ ﺑﺴﻢ ﺍﻟﻠﻪ ﻭﺑﻌﺪﻳﻦ
ﺍﻧﺎ ﺯﺍﺗﻲ ﺟﻌﺎﻥ ﻭﺣﺎﻛﻞ ﻣﻌﺎﻙ ﻓﻬﻤﺘﻲ ﻳﻌﻨﻲ ﻡ ﺟﺎﻱ ﻣﻦ
ﻓﻮﻕ ﻭﻣﺪﺧﻞ ﺍﻷﻛﻞ ﺍﻟﻤﺎﻳﻜﺮﻭﻳﻒ ﻋﺸﺎﻥ ﺧﺎﻃﺮ ﻋﻴﻮﻧﻚ
ﺑﺲ،ﻋﺎﻳﻨﺘﻪ ﻟﻴﻬﻮ ،ﺿﺤﻜﻚ ﻗﺎﻝ ﻟﻲ ﻋﺸﺎﻥ ﺧﺎﻃﺮ ﻋﻴﻮﻧﻚ
ﻭﺑﻄﻨﻲ ﻛﻤﺎﻥ ؟ﻗﻌﺪﻧﺎ ﻭﺑﺪﻳﻨﺎ ﻧﺎﻛﻞ ﻓﺠﺄﺓ ﻧﺴﻤﻊ ﺻﻮﺕ
ﺑﻘﻮﻝ ﻣﻨﻮ ﺍﻟﻔﻲ ﺍﻟﻤﻄﺒﺦ ﺇﻣﺘﺜﺎﻝ ﺩﻱ ﺇﻧﺘﻲ،ﻛﺎﻥ ﺻﻮﺕ
ﻋﻤﺘﻲ ﻋﻮﺍﻃﻒ ﻃﺒﻌﺎ ﺍﻧﺎ ﺍﻟﻠﺤﻈﻪ ﺩﻳﻚ ﺇﺗﺨﻠﻌﺖ،ﺻﻬﻴﺐ
ﻗﺎﻝ ﻟﻴﻬﺎ ﻧﺤﻦ ﻱ ﺍﻣﻲ،ﺻﻮﺗﻬﺎ ﻛﺎﻥ ﺑﻌﻴﺪ ﺗﻘﺮﻳﺒﺎ ﻓﻲ ﺍﻟﻬﻮﻝ
ﻟﻤﺎ ﺻﻬﻴﺐ ﻗﺎﻝ ﻟﻴﻬﺎ ﻧﺤﻦ ﺟﺎﺕ ﻭﺑﻘﺖ ﺗﻌﺎﻳﻦ ﻟﻴﻨﺎ ﺗﺤﺪﻳﺪﺍ
ﺑﺘﻌﺎﻳﻦ ﻟﻲ ﺍﻧﺎ ﻣﻦ ﻓﻮﻕ ﻟﺘﺤﺖ ﻗﺎﻟﺖ ﻟﻴﻨﺎ ﻗﺎﻋﺪﻳﻦ
ﺗﺎﻛﻠﻮ،ﺻﻬﻴﺐ ﻗﺎﻝ ﻟﻴﻬﺎ ﺗﺎﻛﻠﻲ ﻣﻌﺎﻧﺎ؟ﻗﺎﻟﺖ ﻟﻴﻬﻮ ﺑﺮﻱ ﺍﻧﺎ
ﺍﻟﺒﺄﻛﻠﻨﻲ ﻧﺺ ﺍﻟﻠﻴﻞ ﺷﻨﻮﻭﻭﻭﻭ؟ﺑﻌﺪﻳﻦ ﻡ ﺗﺨﻠﻮ ﻋﺪﺓ
ﻭﺳﺨﺎﻧﻬﻪ ﺑﺲ ﺳﺎﺭﺓ ﺩﻱ ﺗﻌﺒﺖ ﻣﻦ ﺍﻟﻨﻀﺎﻓﻪ ﺍﻟﻮﻗﺖ ﻛﻠﻮ
ﺗﺎﻛﻠﻮ ﻭﺗﻮﺳﺨﻮ ﻭﺗﺨﻠﻮ ﺍﻟﺤﺠﺎﺕ ﻓﻲ ﻣﺤﻠﺘﻬﺎ ﻏﺴﻠﻮ ﻣﻌﺎﻛﻢ
ﺍﻟﻌﺪﺓ ﺩﻱ ،ﺻﻬﻴﺐ ﺑﻘﻰ ﻳﻌﺎﻳﻦ ﻟﻲ ﻭﺍﻧﺎ ﻣﻼﻣﺢ ﻭﺷﻲ
ﻣﺘﻐﻴﺮﺓ،ﻗﺎﻝ ﻟﻴﻬﺎ ﺍﻣﻲ ﻭﺳﺎﺭﺓ ﻫﻲ ﺑﺘﻐﺴﻞ ﺳﺎﺍﻱ ﻡ ﺑﺘﺎﺧﺪ
ﻣﺮﺗﺐ ﻳﻌﻨﻲ ﺩﻱ ﺷﻐﻠﺘﻬﺎ ﻭﻳﻦ ﺍﻟﻤﺸﻜﻠﻪ ﻳﻌﻨﻲ؟ﻗﺎﻟﺖ ﻟﻴﻬﻮ
ﻭﺍﻟﻘﺮﻭﺵ ﺩﻱ ﺍﻟﺪﺍﻓﻌﻬﺎ ﻟﻴﻬﺎ ﻣﻨﻮ؟؟؟ﻟﻮ ﻋﻠﻰ ﺍﻟﺪﻓﻊ ﺳﻤﺢ
ﺍﻱ ﺯﻭﻝ ﻳﺪﻓﻊ ﻟﻴﻬﺎ ﺣﻖ ﺷﻐﻠﺘﻮ ﻋﺸﺎﻥ ﺗﺸﺘﻐﻞ ﺗﺤﺘﻮ ﻫﻮ
ﺯﺍﺗﻮ ﺍﻟﺘﻌﻮﻳﺪﺓ ﺍﻟﻄﻠﻌﺖ ﺟﺪﻳﺪﺓ ﺷﻨﻮ؟ﺍﻟﻮﺍﺣﺪ ﻋﻤﺮﻭ ﺩﺓ ﻛﻠﻮ
ﻡ ﺷﺎﻑ ﺷﻐﺎﻟﻪ ﺑﻌﻴﻨﻮ ﺍﻧﺎ ﺑﻘﻮﻝ ﻟﻴﻚ ﻛﻼﻣﻲ ﺩﺓ ﻋﺸﺎﻥ
ﺍﻟﻮﺍﺣﺪ ﻟﻤﺎ ﻳﺒﻘﻰ ﻻﻗﻲ ﺟﺪﻳﺪ ﺑﺒﻘﻰ ﻛﻌﺐ ﻭﺭﺯﻳﻞ،ﺻﻬﻴﺐ
ﻛﺎﻥ ﺑﻴﺎﻛﻞ ﻓﻲ ﻛﺒﺴﻬﻪ ﺭﻣﻰ ﺍﻟﻤﻠﻌﻘﻬﻪ ﻓﻲ ﺍﻟﺼﺤﻦ
ﺑﻐﻀﺐ ﻗﺎﻝ ﻟﻴﻬﺎ ﻃﻴﺐ ﺗﻤﺎﻡ ﻱ ﺣﺠﻬﻪ،ﺑﻌﺪﻫﺎ ﻫﻲ ﻃﻠﻌﺖ
ﻗﻤﺘﻪ ﻋﻠﻰ ﺣﻴﻠﻲ ﻭﺑﺪﻳﺖ ﺍﻟﻢ ﻓﻲ ﺍﻟﺼﺤﻮﻥ ﻓﺮﻏﺘﻪ ﺍﻷﻛﻞ
ﻭﺩﺧﻠﺘﻮ ﺍﻟﺘﻼﺟﻪ ﺍﺳﺎﺳﺎ ﻧﺤﻦ ﻡ ﺍﻛﻠﻨﺎ ﻛﺘﻴﺮ ﻭﺻﻬﻴﺐ ﻃﻠﻊ
ﻣﺸﻰ ﺧﻼﻧﻲ ،ﺍﻧﺎ ﺑﻘﻴﺖ ﺍﻏﺴﻞ ﻓﻲ ﺍﻟﺼﺤﻮﻥ
ﻭﺍﺑﻜﻲ،ﻛﻼﻣﻬﺎ ﻛﺎﻥ ﻣﻘﺰﺯ ﺷﺪﻳﻴﺪ ﻭﺟﻌﻨﻲ ﻭﺟﻊ ﻓﻲ ﻗﻠﺒﻲ
ﺍﻳﻮﺓ ﺍﻧﺎ ﺑﺤﺎﻭﻝ ﺍﺳﺘﺤﻤﻠﻬﺎ ﺑﺲ ﻫﻲ ﻛﻼﻣﻬﺎ ﻓﻮﻕ ﻃﺎﻗﺘﻲ
ﻡ ﺑﻠﻘﻰ ﻧﻔﺴﻲ ﻏﻴﺮ ﺇﻧﻲ ﺑﺒﻜﻲ ﻣﻨﻮ ،ﺑﻜﻴﺖ ﻭﺍﻧﺎ ﺑﻐﺴﻞ
ﻓﻲ ﺍﻟﻌﺪﺓ ﺑﻌﺪﻫﺎ ﺟﻴﺖ ﺍﻣﺴﺢ ﺍﻟﻄﺮﺑﻴﺰﺓ ﺟﺎﻧﻲ ﺻﻬﻴﺐ
ﺩﺍﺧﻞ ﻭﺷﺎﻳﻞ ﺗﻮﺑﻲ ﻓﻲ ﻛﺘﻔﻮ،ﺷﺎﻝ ﻣﻨﻲ ﺑﺸﻜﻴﺮ ﺍﻟﻤﺴﺢ
ﻗﺎﻝ ﻟﻲ ﺍﺭﻣﻲ ﺍﻟﺰﻓﺖ ﺩﺓ ﻭﻳﻼ، ﻭﺍﻧﺎ ﺩﻣﻮﻋﻲ ﻡ ﻭﻗﻔﺖ
ﻧﻬﺎﺋﻲ ﻃﺒﻌﺎ،ﻗﻮﻟﺘﻪ ﻟﻴﻬﻮ ﻭﻳﻦ،ﻗﺎﻝ ﻟﻲ ﺍﺳﻤﻌﻲ ﺍﻟﻜﻼﻡ
ﻭﺑﺪﻭﻥ ﻧﻘﺎﺵ ﻓﻬﻤﺘﻲ،ﻫﻮ ﻣﻦ ﺍﻟﻐﻀﺐ ﻋﻴﻮﻧﻮ ﻛﺎﻧﺖ ﺯﻱ
ﺍﻟﺠﻤﺮ،ﻟﺒﺴﺘﻬﻪ ﺍﻟﺘﻮﺏ ﻗﺎﻝ ﻟﻲ ﺍﺭﺡ ﻣﺴﻜﻨﻲ ﻣﻦ ﻳﺪﻱ
ﻃﻠﻌﻨﺎ ﺑﺮﺓ ﺍﻟﺒﻴﺖ ﻓﺘﺢ ﻟﻲ ﺑﺎﺏ ﺍﻟﻌﺮﺑﻴﻪ ﻗﺎﻝ ﻟﻲ ﺍﺭﻛﺒﻲ
،ﻗﻮﻟﺘﻪ ﻟﻴﻬﻮ ﻣﺎﺷﻴﻦ ﻭﻳﻦ ﻭﻛﺮﻳﻢ ﻧﺎﻳﻢ،ﻗﺎﻝ ﻟﻲ ﻛﺮﻳﻢ
ﻣﺮﻗﺪﻭ ﻭﺭﺍ ﺍﻧﺎ ﺍﻧﺘﻲ ﺍﺭﻛﺒﻲ ﻗﻠﺘﻪ ﻟﻴﻚ ﺍﺳﻤﻌﻲ
ﺍﻟﻜﻼﻡ،ﺭﻛﺒﺘﻬﻪ ﺳﺎﻕ ﺍﻟﻌﺮﺑﻴﻬﻪ ﻭﻃﻠﻌﻨﺎ ﻭﻫﻮ ﺳﺎﻳﻖ ﻭﺳﺎﻛﺖ
ﻭﺍﻧﺎ ﺳﺎﻛﺘﻪ ﻭﺩﻣﻮﻋﻲ ﻓﻲ ﻋﻴﻮﻧﻲ،ﺍﻟﺪﻧﻴﺎ ﻟﻴﻞ ﻭﺍﻟﺸﺎﺭﻉ
ﻓﺎﺍﺍﺍﺿﻲ ﻃﺒﻌﺎ ﻣﺎﺷﻲ ﺑﺎﻗﺼﻰ ﺳﺮﻋﻬﻪ ﻋﻨﺪﻭ ﻳﺎﺥ ﺍﻧﺎ ﻟﻤﻦ
ﺑﺮﺟﻒ ﻣﻦ ﺍﻟﺨﻮﻑ ﻭﻡ ﻋﺎﻳﺰﺓ ﺍﺗﻜﻠﻢ ﻣﻌﺎﻩ ﻷﻧﻮ ﻟﻤﺎ ﻳﻜﻮﻥ
ﻏﻀﺒﺎﻥ ﻡ ﺑﺘﻔﺎﻫﻢ ،ﺑﻌﺪ ﺗﻠﺖ ﺳﺎﻋﻪ ﻛﺪﺓ ﻭﻗﻒ ﺍﻟﻌﺮﺑﻴﻬﻪ
ﺍﻭﻝ ﻡ ﻧﺰﻟﻨﺎ ﺇﺗﺰﻛﺮﺗﻪ ﻭﻗﻠﺘﻪ ﻟﻨﻔﺴﻲ ﺩﻱ ﺷﻘﺘﻮ ﺍﻟﺠﻴﺖ ﻟﻴﻬﺎ
ﻣﻊ ﺍﺣﻤﺪ،ﻓﺘﺢ ﺍﻟﻌﺮﺑﻴﻪ ﺷﺎﻝ ﻛﺮﻳﻢ ﻭﻃﻠﻌﻨﺎ ﺑﺎﻷﺻﺎﻧﺼﻴﺮ
ﻃﺒﻌﺎ ﻫﻮ ﻓﻮﻕ ﺷﺪﻳﺪ ﻓﺘﺢ ﺍﻟﺒﺎﺏ ﺩﺧﻠﻨﺎ ﺍﻟﺸﻘﻪ ﻭﻟﻊ ﺍﻷﻧﻮﺍﺭ
ﻋﻠﻰ ﻃﻮﻝ ﺩﺧﻞ ﻏﺮﻓﻪ ﻛﺪﺓ ﺭﻗﺪ ﻓﻴﻬﺎ ﻛﺮﻳﻢ ﺟﺎ ﻃﺎﻟﻊ ﻗﺎﻝ
ﻟﻲ ﻭﺍﻗﻔﻪ ﻣﺎﻟﻚ؟ﻓﻀﻠﺘﻬﻪ ﻭﺍﻗﻔﻬﻪ ﻭﺑﻌﺎﻳﻦ ﻟﻴﻬﻮ ،ﺟﺎ
ﻣﺴﻜﻨﻲ ﻣﻦ ﻳﺪﻱ ﻭﺩﺧﻠﻨﻲ ﺍﻟﻐﺮﻓﻪ ،ﻗﻮﻟﺘﻪ ﻟﻴﻬﻮ
ﺻﻬﻴﺐ،ﻗﺎﻝ ﻟﻲ ﺍﻧﺎ ﻋﺎﺭﻑ ﻧﻔﺴﻲ ﺑﻌﻤﻞ ﻓﻲ ﺷﻨﻮ ﻱ ﺷﻬﺪ
ﻭﻋﺎﺭﻑ ﺍﻣﻲ ﺑﺘﺘﺼﺮﻑ ﺍﻟﺘﺼﺮﻓﺎﺕ ﺩﻱ ﻛﻠﻬﺎ ﻋﺸﺎﻥ
ﺷﻨﻮ،ﻋﺸﺎﻥ ﻛﺪﺓ ﺍﻧﺎ ﺍﻟﻔﺘﺮﺓ ﺩﻱ ﻋﺎﻳﺰ ﺍﺧﻠﻴﻚ ﺗﻜﻮﻧﻲ ﺑﻌﻴﺪﺓ
ﺷﻮﻳﻬﻪ ﻗﺮﺑﻨﻲ ﻣﻨﻮ ﻭﻫﻮ ﻣﻤﺸﻲ ﻳﺪﻳﻬﻮ ﻓﻲ ﺧﺪﻱ ﻭﻗﺎﻝ
ﻟﻲ ﻡ ﺑﻘﺪﺭ ﺍﻣﻨﻊ ﺍﻣﻲ ﻣﻦ ﻛﻼﻣﻬﺎ ﺍﻟﺸﻴﻦ ﻻﻧﻲ ﻋﺎﺭﻑ ﻟﻮ
ﻋﻤﻠﺘﻪ ﻛﺪﺓ ﺣﺘﺘﻤﺎﺩﻯ،ﻭﻓﻲ ﻧﻔﺲ ﺍﻟﻮﻗﺖ ﻡ ﺑﻘﺪﺭ ﺍﺷﻮﻓﻚ
ﻭﺇﻧﺘﻲ ﺑﺘﺘﻬﺎﻧﻲ ﺍﻭ ﺑﺘﺒﻜﻲ ﺑﺴﺒﺒﻲ ﻡ ﺑﻘﺪﺭ ﺍﻗﻮﻝ ﻟﻴﻚ ﻏﻴﺮ
ﺣﻘﻜﻚ ﻋﻠﻲ ﺣﺒﻴﺒﻲ ﺑﻘﻰ ﻣﻘﺮﺏ ﺍﻛﺘﺮ ﻋﺎﻳﺰ ﻳﺒﻮﺳﻨﻲ
ﺇﺗﺮﻣﻴﺖ ﻓﻲ ﺣﻀﻨﻮ ﻭﺍﻧﺎ ﺑﺒﻜﻲ ﻗﻮﻟﺘﻪ ﻟﻴﻬﻮ ﺑﺲ ﺍﻧﺎ ﻡ
ﻗﺎﻋﺪﺓ ﺍﻋﻤﻞ ﺣﺎﺟﻪ ﻏﻠﻂ ﺣﺘﻰ ﺑﻌﻤﻞ ﺣﺴﺎﺏ ﻟﺘﺼﺮﻓﺎﺗﻲ
ﻗﺪﺍﻡ ﻛﻞ ﻧﺎﺱ ﺍﻟﺒﻴﺖ،ﺣﺘﻰ ﻣﻼﺑﺴﻲ ﻭﻣﻼﺑﺲ ﻭﻟﺪﻱ ﻭﻛﻞ
ﺣﺎﺟﻪ ﺑﺘﺨﺼﻨﺎ ﺍﻧﺎ ﺑﻌﻤﻠﻬﺎ ﺑﺮﺍﻱ ﻱ ﺻﻬﻴﺐ ﻭﺍﻟﻠﻪ ﺣﺘﻰ
ﺍﻟﻐﺮﻓﻪ ﺩﻱ ﺍﻧﺎ ﺑﻨﻀﻔﻬﺎ ﺑﻨﻔﺴﻲ ﻡ ﺑﺨﻠﻲ ﺳﺎﺭﺓ ﺗﻌﻤﻞ ﺣﺎﺟﻪ
ﺑﺘﺨﺼﻨﺎ ﺍﻧﺎ ﻭﻭﻟﺪﻱ ﺿﻤﺎﻧﻲ ﻋﻠﻴﻬﻮ ﺍﻛﺘﺮ
ﻭﻗﺎﻝ ﻟﻲ ﻋﺎﺭﻑ ﺍﻧﺎ ﻱ ﺷﻬﺪ ﺯﻱ ﻡ ﻗﻮﻟﺘﻪ ﻟﻴﻚ ﺍﻣﻲ
ﻣﺘﻌﻤﺪﺓ ﺗﻌﻤﻞ ﻛﺪﺓ ﻭﺑﻌﺪﻳﻦ ﻳﻌﻨﻲ ﺷﻨﻮ ﻟﻮ ﺧﻠﻴﺘﻲ ﺳﺎﺭﺓ
ﻋﻤﻠﺖ ﻟﻴﻚ ﻛﻞ ﺍﻟﺤﺠﺎﺕ ﺩﻱ ﻣﺶ ﺳﺎﺭﺓ ﻫﻲ ﺍﻟﻤﺴﺆﻟﻪ ﻣﻦ
ﺍﻟﺒﻴﺖ ﺩﺓ ﻛﻠﻮﻭﻭ؟ ﻡ ﺗﺒﻜﻲ ﺧﻼﺹ ﺣﺒﻴﺒﻲ ﻳﻼ،ﺭﻓﻊ ﻟﻲ
ﺭﺍﺳﻲ ﻭﻣﺴﺢ ﻟﻲ ﺩﻣﻮﻋﻲ ﻭﻗﺎﻝ ﻟﻴﻴﻼ ﺑﻌﺪ ﻛﺪﺓ ﺍﻟﻨﻮﻡ
ﺗﻌﺎﻟﻲ ﻣﺴﻜﻨﻲ ﻣﻦ ﻳﺪﻱ ﻭﺳﺎﻗﻨﻲ ﺍﻟﺴﺮﻳﺮ،ﺭﻗﺪﻧﻲ
ﻭﻏﻄﺎﻧﻲ ﺍﻧﺎ ﻭﻛﺮﻳﻢ ،ﺇﻓﺘﻜﺮﺗﻮ ﺣﻴﺮﻗﺪ ﺟﻤﺒﻨﺎ ﺑﺲ ﺑﻌﺪ ﻡ
ﻏﻄﺎﻧﻲ ﺑﺎﺳﻨﻲ ﻭﻗﺎﻝ ﻟﻲ ﺗﺼﺒﺤﻲ ﻋﻠﻰ ﺧﻴﺮ ﺍﻧﺎ ﺣﻨﻮﻡ
ﻓﻲ ﺍﻟﻐﺮﻓﻬﻪ ﺍﻟﺠﻤﺒﻜﻢ ﺩﻱ ﻟﻮ ﺇﺣﺘﺠﺘﻲ ﻟﻲ ﺍﻱ ﺣﺎﺟﻬﻪ
ﺩﻗﻲ ﻟﻲ ﺍﻟﺒﺎﺏ ﺣﺎﺿﺮ ﺣﺒﻴﺒﻲ؟ﻓﻀﻠﺘﻬﻪ ﺍﻋﺎﻳﻦ ﻟﻴﻬﻮ ﻭﺍﻧﺎ
ﺳﺎﻛﺘﻬﻪ،ﻗﺎﻝ ﻟﻲ ﻓﻲ ﺷﻨﻮﻭ ﻛﻤﺎﻥ؟ﻫﺰﻳﺖ ﻟﻴﻬﻮ ﺭﺍﺳﻲ
ﻭﻗﻮﻟﺘﻬﻪ ﻟﻴﻬﻮ ﻣﺎﻑ ﺣﺎﺟﻬﻪ ﺑﻘﻰ ﻳﻬﺒﺶ ﻓﻲ ﻟﺤﻴﺘﻮ
ﻗﺎﻝ ﻟﻲ ﻡ ﺣﺎﺗﻄﻤﻦ ﻋﻠﻴﻚ ﺍﻻ ﻭﺍﻧﺎ ﺿﺎﻣﻨﻜﻚ ﻧﺎﻳﻤﻬﻪ ﻗﻌﺪ
ﺟﻤﺒﻲ ﻭﻗﺎﻝ ﻟﻲ ﺗﻌﺎﻟﻲ ،ﻗﻮﻟﺘﻪ ﻟﻴﻬﻮ ﻻ ﺣﺄﻧﻮﻡ
ﻭﺍﻟﻠﻪ،ﺟﺮﺍﻧﻲ ﻭﺭﻗﺪﻧﻲ ﻓﻲ ﺣﻀﻨﻮ ﻭﻗﺎﻝ ﻟﻲ ﻣﺶ
ﺣﺘﻨﻮﻣﻲ ﻳﻼ ﻧﻮﻣﻲ ،ﻗﻮﻟﺘﻪ ﻟﻴﻬﻮ ﻭﺍﻧﺖ ﻡ ﻧﻔﺴﻚ ﺗﻨﻮﻡ؟
ﻗﺎﻝ ﻟﻲ ﺑﻌﺪ ﻡ ﺍﺗﻄﻤﻦ ﻋﻠﻴﻚ ﺍﻧﺘﻲ ﺍﻭﻝ ﻋﺸﺎﻥ ﻡ ﺍﻃﻠﻊ
ﺑﺠﺎﻱ ﻭﺗﺸﻴﻠﻲ ﺍﻟﻠﻴﻞ ﺑﻜﻰ ﺑﺠﺎﻱ ﻋﺎﺭﻑ ﺣﺮﻛﺎﺗﻜﻢ ﺍﻧﺎﺍﺍﺍ
ﺿﺤﻜﺘﻬﻪ ﻗﻮﻟﺘﻪ ﻟﻴﻬﻮ ﻣﻦ ﻛﺘﺮﺓ ﺍﻟﺒﻨﺎﺕ ﻓﻲ ﺣﻴﺎﺗﻚ
ﺣﺎﻓﻈﻬﻢ ﺑﺼﻤﻬﻪ،ﺿﺤﻜﻚ ﻣﺴﺎﺍﺍﺍﻓﻬﻪ ﻭﻗﺎﻝ ﻟﻲ ﺩﻱ
ﻧﻌﺘﺒﺮﻫﺎ ﻏﻴﺮﻫﻪ ﻣﺜﻼﺍﺍﺍﺍﺍﺍﺍ؟؟ﻗﻮﻟﺘﻪ ﻟﻴﻬﻮ ﻳﻌﻨﻲ ﺷﻨﻮ
ﻏﻴﺮﺓ؟ﺿﺤﻜﻚ ﻗﺎﻝ ﻟﻲ ﻃﻴﺐ ﻳﻼ ﻧﻮﻣﻲ،ﻓﻀﻠﺘﻬﻪ
ﺳﺮﺣﺎﻧﻬﻪ ﻭﻫﻮ ﺑﻤﺸﻲ ﻳﺪﻳﻬﻮ ﻓﻲ ﺷﻌﺮﻱ ﻭﻭﺷﻲ ،ﻣﻊ
ﺍﻟﺤﺮﻛﻬﻪ ﺩﻱ ﻋﻴﻮﻧﻲ ﺯﻏﻠﻠﻮ ﻟﻐﺎﺍﻳﻬﻪ ﻡ ﻧﻤﺘﻬﻪ ﻭﺍﻧﺎ ﻡ
ﺣﺎﺳﻬﻪ ﺑﺸﻲ ﻏﻴﺮ ﺇﻧﻮ ﺻﻬﻴﺐ ﻛﺎﻥ ﻣﺤﺘﻮﻳﻨﻲ ﺑﻄﺮﻳﻘﻬﻪ
ﺧﻠﺘﻨﻲ ﻣﺴﺘﺴﻠﻤﻪ ﻟﺘﺼﺮﻓﺎﺗﻮ ﻣﻌﻲ ﻭﻣﺘﻘﺒﻠﻬﻪ ﻟﻴﻬﺎ ،ﺟﺎﺗﻨﻲ
ﺣﺎﻟﻬﻪ ﻣﻦ ﺍﻹﻃﻤﺌﻨﺎﻥ ﻛﺪﺓ ﻏﺮﻳﺒﻬﻪ ﻭﺩﻱ ﺍﻟﺤﺎﺟﻪ
ﺍﻟﺒﺘﺨﻮﻓﻨﻲ ﺍﻟﺸﻌﻮﺭ ﺩﺓ ﻛﻞ ﻡ ﻳﺘﻜﻮﻥ ﺟﻮﺍﻱ ﺗﺠﺎﻩ ﺯﻭﻝ
ﻣﻌﻴﻦ ﺍﻧﺎ ﺑﻔﻘﺪﻭ ﻟﻸﺳﻒ ﺻﺤﻴﺖ ﺍﻟﺼﺒﺎﺡ ﻡ ﻟﻘﻴﺖ
ﻛﺮﻳﻢ ﺟﻤﺒﻲ ﻧﺰﻟﺘﻪ ﻓﺘﺤﺘﻪ ﺍﻟﺒﺎﺏ ﺃﺗﻔﺎﺟﺄ ﺑﺼﻬﻴﺐ ﻣﺎﺳﻚ
ﺍﻟﺴﻴﺎﻛﻬﻪ ﻭﺑﻤﺴﺢ
ﻭﻛﺮﻳﻢ ﻗﺎﻋﺪ ﻓﻲ ﺍﻟﻜﻨﺒﻪ ﻭﻣﺮﻛﺒﻴﻦ ﻟﻴﻬﻮ ﺍﻟﺴﻤﺎﻋﻪ ﻓﻲ
ﺇﺿﻨﻴﻬﻮ ﻭﻣﺎﺳﻚ ﺍﻟﺘﻠﻔﻮﻥ ﻓﻲ ﻳﺪﻭ،ﻃﺒﻌﺎ ﺍﻧﺎ ﺑﻘﻴﺖ ﻭﺍﻗﻔﻪ
ﻭﻣﺴﺘﻐﺮﺑﻬﻪ ﻭﺻﻬﻴﺐ ﻳﻐﻨﻲ ﺳﺎﺍﺍﻱ ﻭﺷﻐﺎﻝ
ﻳﻘﻮﻝ " ﻭﻣﺸﻴﺖ ﻣﻌﺎﻙ ﻛﻞ ﺍﻟﺨﻄﺎﻭﻱ ﺍﻟﻤﻤﻜﻨﻬﻪ ﻭﺑﻘﺪﺭ ﻋﻠﻴﻬﺎ
ﻭﺑﻌﺮﻓﻬﺎﺍﺍ ...
ﺻﻮﺗﻮ ﺑﺸﻊ ﺷﺪﻳﺪ ﻃﺒﻌﺎﺍﺍﺍ ﻓﻀﻠﺘﻪ ﻭﺍﻗﻔﻬﻪ ﻭﺍﻧﺎ ﺷﺒﻬﻪ
ﺑﻀﺤﻜﻚ ﻟﻐﺎﺍﻳﻪ ﻡ ﻓﺠﺄﺓ ﺇﺗﻠﻔﺖ ﻋﻠﻰ ﺟﺮﺩﻝ ﺍﻟﻤﺴﺢ ﻟﻘﺎﻧﻲ
ﻭﺍﻗﻔﻬﻪ ،ﺷﻜﻠﻮ ﺣﺴﻬﻪ ﺑﺎﻹﺣﺮﺍﺝ ﻗﺎﻝ ﻟﻲ ﺍﻫﻠﻴﻴﻴﻴﻴﻦ،ﺍﻗﺼﺪ
ﺻﺒﺎﺡ ﺍﻟﺨﻴﻴﻴﻴﻴﻴﺮ ﻭﺑﻘﻰ ﻳﺤﻚ ﻓﻲ ﺭﺍﺳﻮ،ﻗﻌﺪﺗﻬﻪ
ﺍﺿﺤﻜﻚ،ﻗﺎﻝ ﻟﻲ ﺷﺎﻳﻔﻬﻪ ﺻﺤﻴﺖ ﻣﻦ ﺍﻟﺼﺒﺎﺡ ﺇﺗﺼﻠﺘﻪ
ﻋﻠﻰ ﺍﻟﺸﻐﺎﻟﻪ ﺗﻠﻔﻮﻧﻬﺎ ﻗﺎﻓﻞ ﻭﻡ ﺑﺘﺮﺩ ﻭﻡ ﻫﺎﻳﻦ ﻋﻠﻲ ﺍﻋﻠﻲ
ﺗﺸﻮﻓﻲ ﺍﻟﺒﻴﺖ ﺑﺎﻟﺸﻜﻞ ﺩﺓ ﻗﻤﻨﺎ ﺍﻧﺎ ﻭﺍﻟﺒﻄﻞ ﺣﻘﻲ ﺩﺓ
ﻭﺇﺗﺴﺎﻋﺪﻧﺎ ،ﻋﺎﻳﻨﺘﻪ ﻟﻲ ﻛﺮﻳﻢ ﻭﻫﻮ ﺭﺍﻗﺪ ﻭﻣﺎﺳﻚ ﺍﻟﺘﻠﻔﻮﻥ
ﺯﻱ ﺍﻟﺰﻭﻝ ﺍﻟﻜﺒﻴﺮ،ﻗﻠﺘﻬﻪ ﻟﻴﻬﻮ ﻭﺍﺿﺢ ﺇﻧﻜﻢ ﺇﺗﺴﺎﻋﺪﺗﻮ
ﻗﺎﻝ ﻟﻲ ﻱ ﺯﻭﻭﻭﻭﻭﻭﻭﻟﻬﻪ ﻭﺍﻟﻠﻪ ﻭﻧﺴﻨﻲ ﻭﻧﺴﻬﻪ ﺩﺧﻞ
ﻣﻌﻲ ﻛﻞ ﺍﻻﺗﺠﺎﻫﺎﺕ ﻓﻲ ﺍﻟﺸﻘﻪ ﺩﻱ ﺍﺳﺎﺳﺎ ﺩﺓ ﺍﺧﺮ ﻣﻜﺎﻥ
ﻭﺷﺒﻪ ﺧﻠﺼﺘﻮ،ﻣﺴﺘﻐﺮﺑﻬﻪ ﻃﺒﻌﺎ ﻭﺍﻧﺎ ﺑﺸﻮﻑ ﺍﻟﻮﺵ ﺍﻟﺘﺎﻧﻲ
ﻟﺼﻬﻴﺐ ﻫﻬﻬﻬﻪ ﻗﻠﺘﻪ ﻟﻴﻬﻮ ﻃﻴﺐ،ﻋﺎﻳﺰﺓ ﺍﺭﺟﻊ ﺍﺩﺧﻞ
ﻗﺎﻝ ﻟﻲ ﺍﻟﺤﻤﺎﻡ ﻓﻴﻬﻮ ﻓﺮﺵ ﻭﻣﻌﺠﻮﻥ ،ﻗﻠﺘﻪ ﻟﻴﻬﻮ
ﻃﻴﺐ،ﺩﺧﻠﺘﻪ ﺟﻬﺰﺗﻪ ﻧﻔﺴﻲ ﻭﺟﻴﺖ ﻃﺎﻟﻌﻬﻪ ﺣﺴﻴﺖ
ﺑﺮﻳﺤﻬﻪ ﻋﻄﺮ ﺣﻠﻮﻫﻪ ﻭﺑﺎﺍﺍﺭﺩﺓ ﻣﺎﻟﻴﻬﻪ ﺍﻟﻤﻜﺎﻥ ﻭﻫﻢ
ﻣﺎﻓﻲ،ﺑﻘﻴﺖ ﻻﻓﻬﻪ ﻓﻲ ﺍﻟﺒﻴﺖ ﺩﺧﻠﺘﻪ ﺣﺘﻪ ﻛﺪﺓ ﻟﻘﻴﺘﻬﺎ
ﺍﻟﻤﻄﺒﺦ ﻃﺒﻌﺎ ﺷﻘﺘﻮ ﻓﺎﺭﺷﻬﺎ ﻓﺮﺵ ﺧﺮﺍﻓﻲ ﻭﺍﻟﻤﻄﺒﺦ
ﻋﺎﻣﻠﻮ ﺍﺳﻮﺩ ﺑﺎﻷﺑﻴﺾ ﺗﺤﻠﻒ ﺗﻘﻮﻝ ﺳﺎﻛﻨﺎﻫﻮ ﻣﺮﺓ ﺷﺪﺓ ﻡ
ﻣﺮﺗﺐ ﻭﻛﻞ ﺍﻃﺮﺍﻓﻮ ﺗﻠﻤﻊ ﻭﻓﻴﻬﻮ ﺗﻼﺟﻪ ﻋﻠﻴﻬﺎ
ﺑﺎﺑﻴﻦ،ﻓﺘﺤﺘﻪ ﺍﻟﺘﻼﺟﻪ ﻟﻘﻴﺖ ﺑﺎﻗﺎﺕ ﻣﻮﻳﻪ ﻭﻋﺼﻴﺮ ﻓﻲ
ﺟﻚ ﺷﺮﺑﺘﻪ ﻣﻨﻬﻢ ﻭﺍﻧﺎ ﻃﺎﻟﻌﻪ ﻫﻢ ﺟﻮ ﺩﺍﺧﻠﻴﻦ ﺻﻬﻴﺐ
ﺷﺎﻳﻞ ﺍﻛﻴﺎﺱ ﻭﻛﺮﻳﻢ ﺷﺎﻳﻞ ﻟﻴﻬﻮ ﻋﺮﺑﻴﻬﻪ ﻛﺒﻴﺮﺓ ،ﻗﻮﻟﺘﻪ
ﻟﻴﻬﻢ ﺟﺎﺍﻳﻦ ﻣﻦ ﻭﻳﻦ؟ﻗﺎﻝ ﻟﻲ ﻣﺸﻴﻨﺎ ﺟﺒﻨﺎﺓﺣﺠﺎﺕ،ﺩﺧﻞ
ﺍﻟﻤﻄﺒﺦ ﺩﺧﻠﺘﻪ ﻭﺭﺍﻫﻮ ﺑﻘﻰ ﻳﺸﻴﻞ ﻓﻲ ﺍﻟﺤﺠﺎﺕ ﻭﺑﺪﺧﻞ
ﺍﻟﺘﻼﺟﻪ،ﻗﻮﻟﺘﻪ ﻟﻴﻬﻮ ﺧﻠﻴﻬﻢ ﺍﻧﺎ ﺑﺮﺗﺒﻬﻢ،ﻗﺎﻝ ﻟﻲ ﺟﺪﺍﺍ ﻣﺎﻑ
ﻛﻠﻤﻪ ﺑﺘﻌﻠﻰ ﺑﻌﺪ ﻛﻠﻤﻪ ﺳﺖ ﺍﻟﺒﻴﺖ ﻃﺒﻌﺎﺍﺍ ﻟﻤﺎ ﻗﺎﻝ ﻛﺪﺓ
ﺍﻧﺎ ﻟﻤﻦ ﻗﻠﺒﻲ ﻋﻤﻞ ﺷﺤﺢ،ﺩﺧﻠﺘﻬﻢ ﺍﻟﺘﻼﺟﻬﻪ ﻭﺑﺪﻳﺖ ﺍﺟﻬﺰ
ﻟﻴﻬﻢ ﻓﻲ ﺍﻟﻔﻄﻮﺭ ...
ﻓﻲ ﺍﻟﺠﺎﻧﺐ ﺍﻟﺘﺎﻧﻲ ﺣﺒﻮﺑﻪ ﻧﺎﺯﻟﻪ ﻓﻲ ﺍﻟﺴﻠﻢ
ﻭﺑﺘﻘﻮﻝ " ﻭﺍﻟﻠﻪ ﻻ ﺍﻟﺒﺖ ﻭﻻ ﻭﻟﺪﻫﺎ ﻣﺎﻓﻲ ﻱ ﺇﻣﺘﺜﺎﻝ،ﻱ ﺑﺖ
ﻱ ﺇﻣﺘﺜﺎﻝ ﺗﻌﺎﻟﻲ ﻛﺪﻱ،ﺍﻣﺘﺜﺎﻝ ﻗﺎﻟﺖ ﻟﻴﻬﺎ ﻓﻲ ﺷﻨﻮ ﻱ
ﺧﺎﻟﺘﻲ،ﻗﺎﻟﺖ ﻟﻴﻬﺎ ﺷﻬﺪ ﺩﻱ ﻣﺎﻓﻲ ﺍﻧﺎ ﻣﻦ ﻗﺒﻴﻞ ﻗﺎﻳﻼﻫﺎ
ﻧﺎﻳﻤﻪ ﻣﺸﻴﺖ ﻟﻴﻬﺎ ﺍﺻﺤﻴﻬﺎ ﻟﻘﻴﺖ ﺍﻟﺪﻧﻴﺎ ﺧﻼ،ﻗﺎﻟﺖ ﻟﻴﻬﺎ
ﺍﻧﺎ ﺯﺍﺗﻲ ﻣﻦ ﻗﺒﻴﻞ ﻣﺸﻴﺖ ﻏﺮﻓﺘﻬﺎ ﻟﻘﻴﺘﻬﺎ ﻣﺎﻓﻲ ﻗﻠﺘﻪ
ﻳﻤﻜﻦ ﻣﻊ ﺻﻬﻴﺐ ﺍﻭ ﺣﺎﺟﻪ ﻓﻲ ﻏﺮﻓﺘﻮ،ﻗﺎﻟﺖ ﻟﻴﻬﺎ ﺍﻧﺎ ﺯ
ﺑﻨﻘﺪﺭ ﻧﻤﺸﻲ ﻛﺪﺓ ﺍﻧﺘﻲ ﺍﻣﺸﻲ ﺷﻮﻓﻴﻬﺎ ،ﺇﻣﺘﺜﺎﻝ ﻭﻫﻲ
ﻃﺎﻟﻌﻪ ﺍﻟﺴﻠﻢ ﻻﻗﺎﻫﺎ ﻣﺤﻤﺪ ﻭﻫﻮ ﻧﺎﺯﻝ ﻗﺎﻝ ﻟﻴﻬﺎ ﺻﺒﺎﺡ
ﺍﻟﺨﻴﺮ،ﻗﺎﻟﺖ ﻟﻴﻬﻮ ﺻﺒﺎﺡ ﺍﻟﻨﻮﺭ،ﺣﺒﻮﺑﻪ ﻗﺎﻟﺖ ﻟﻴﻬﺎ ﺷﻮﻓﻴﻬﺎ
ﻭﺗﻌﺎﻟﻲ ﺍﻧﺎ ﺭﺍﺟﻴﺎﻙ ﺗﺤﺖ،ﺍﻣﺘﺜﺎﻝ ﻗﺎﻟﺖ ﻟﻴﻬﺎ ﺍﻧﺎ ﻭﺍﻟﻠﻪ ﻱ
ﺧﺎﻟﺘﻲ ﻡ ﺑﻘﺪﺭ ﺍﻣﺸﻲ ﺍﺩﻕ ﻟﻴﻬﻢ ﺍﻟﺒﺎﺏ ﻛﺪﺓ ﻧﻨﺘﻈﺮﻫﻢ ﻟﻤﻦ
ﻳﺼﺤﻮ ﺑﺲ،ﻣﺤﻤﺪ ﻗﺎﻝ ﻟﻴﻬﺎ ﻣﻨﻮﻭﻭ؟ﻗﺎﻟﺖ ﻟﻴﻬﻮ ﺷﻬﺪ ﻓﻲ
ﻏﺮﻓﺘﻬﺎ ﻣﺎﻑ ﻭﺧﺎﻟﺘﻲ ﺑﺘﺴﺎﻝ،ﻗﺎﻝ ﻟﻴﻬﻢ ﻳﺎﺥ ﺻﻬﻴﺐ ﺯﺍﺗﻮ
ﻣﺎ ﺍﻇﻦ ﻳﻜﻮﻥ ﺑﺎﻳﺖ ﻫﻨﺎ ﻻﻧﻮ ﺍﻣﺲ ﻭﺍﻧﺎ ﺩﺍﺧﻞ ﺍﻟﺒﻴﺖ
ﻗﺮﻳﺐ ﺍﻝ1ﻭﻧﺺ ﺻﺒﺎﺣﺎ ﺷﺎﻳﻔﻮ ﻃﺎﻟﻊ ﺑﻌﺮﺑﻴﺘﻮ ،ﺣﺒﻮﺑﻪ
ﻗﺎﻟﺖ ﻟﻴﻬﻮ ﻃﻠﻊ ﺑﻌﺮﺑﻴﺘﻮ ﻣﺸﻰ ﻭﻳﻦ؟ﺳﺎﻗﻬﺎ ﻣﻌﺎﻫﻮ ﻳﻌﻨﻲ؟
ﺍﻭﻋﻰ ﻳﻜﻮﻧﻮ ﺗﺎﻧﻲ ﺍﺗﺸﺎﻛﻠﻮ ﻭﺭﺟﻌﻬﺎ ﺍﻫﻠﻬﺎ ﺑﺲ؟ﻛﺪﺓ
ﺍﺿﺮﺑﻮ ﻟﻴﻬﻢ،
ﺇﻣﺘﺜﺎﻝ ﻗﺎﻟﺖ ﻟﻴﻬﺎ ﻭﺍﻟﻠﻪ ﻱ ﺧﺎﻟﺘﻲ ﺇﻧﺘﻲ ﺩﻱ ﺑﺘﻘﻠﻘﻲ
ﺳﺎﺍﺍﻱ ﻳﺨﺦ ﺩﻗﻴﻘﻪ ﺃﺗﺼﻞ ﻋﻠﻴﻬﻮ ﻃﻴﺐ،ﺭﻓﻌﺖ ﺗﻠﻔﻮﻧﻬﺎ
ﻭﺇﺗﺼﻠﺖ ﻋﻠﻰ ﺻﻬﻴﺐ ...
ﻭﻧﺤﻦ ﺑﻨﻔﻄﺮ ﺻﻬﻴﺐ ﺗﻠﻔﻮﻧﻮ ﺿﺮﺏ ﻋﺎﻳﻦ ﻟﻠﺮﻗﻢ ﻛﺪﺓ ﻗﻔﻞ
ﺍﻟﺘﻠﻔﻮﻥ،ﺗﺎﻧﻲ ﺍﻟﺮﻗﻢ ﺇﺗﺼﻞ ﺭﺩﺓ ﻗﺎﻝ ﺍﻟﻮﻭﻭﻭ،ﺍﻫﻠﻴﻦ ﻱ
ﺇﻣﺘﺜﺎﻝ ﺻﺒﺎﺡ ﺍﻟﻨﻮﺭ،ﺍﻟﺤﻤﺪﻟﻠﻪ ﺑﺨﻴﺮ ﻭﺇﻧﺘﻮ؟ﺍﺍﻱ ﻣﻌﻲ
ﻟﻴﻴﻴﻴﻬﻪ ﻓﻲ ﺷﻨﻮﻭ؟ﺟﺒﺘﻬﻢ ﻣﻌﻲ ﺷﻘﺘﻲ ﻫﻨﺎ،ﺍﻧﺘﻮ ﻛﻨﺘﻮ
ﻧﺎﻳﻤﻴﻦ ﻋﺸﺎﻥ ﻛﺪﺓ ﻡ ﻛﻠﻤﺘﻜﻢ ،ﻣﺎﻑ ﺷﻲ ﻭﺍﻟﻠﻪ ،ﻃﻴﺐ
ﺍﺩﻳﻨﻲ ﻟﻴﻬﺎ،ﺍﺍﻱ ﻱ ﺣﺒﻮﺑﻪ ﻛﻴﻔﻜﻚ ﺗﻤﺎﻡ ،ﺻﺒﺎﺡ ﺍﻟﺨﻴﺮ
ﻋﻠﻴﻚ،ﻱ ﺣﺒﻮﺑﻪ ﻭﺍﻟﻠﻪ ﺍﻧﺘﻮ ﻛﻨﺘﻮ ﻧﺎﻳﻤﻴﻦ ﻭﺍﻧﺎ ﻡ ﺣﺒﻴﺖ
ﺍﺻﺤﻴﻜﻢ ﺑﺲ ﺍﻱ ﻫﻢ ﻛﻮﻳﺴﻴﻦ ﻡ ﻋﻨﺪﻫﻢ ﻋﻮﺟﻪ،ﻣﺎﻑ
ﺷﻲ ﺑﻘﻮﻟﻮ ﻋﻠﻴﻬﻮ ﺍﻧﺘﻲ ﻋﺎﺭﻓﻪ ﻧﻘﺎﺷﺎﺕ ﺍﻣﻲ ﺍﻟﻜﺘﻴﺮﺓ ﺍﻟﻤﺎ
ﺑﺘﻨﺘﻬﻲ ﺩﻱ ﺑﺲ ﺇﺧﺘﺼﺮﺗﻪ ﻋﻠﻴﻬﺎ ﺍﻟﻤﻮﺿﻮﻉ ﻗﻮﻟﺘﻪ
ﺍﺟﻴﺒﻬﻢ ﺑﺠﺎﻱ ﻋﺸﺎﻥ ﻻ ﻫﻲ ﺗﺤﺮﻕ ﺍﻋﺼﺎﺑﻬﺎ ﻻ ﺩﻳﻞ
ﻳﺴﻤﻌﻮ ﻓﺎﺭﻍ،ﺧﻼﺹ ﺗﻤﺎﻡ،ﺧﺘﻬﻪ ﺍﻟﺘﻠﻔﻮﻥ ﻓﻲ ﺍﻟﻄﺮﺑﻴﺰﺓ
ﻭﺭﻓﻊ ﺣﻮﺍﺟﺒﻮ ﺑﻀﻴﻖ ﻛﺪﺓ،ﻗﻮﻟﺘﻪ ﻟﻴﻬﻮ ﻧﺮﺟﻊ؟ﻟﻮ
ﺍﻟﻤﻮﺿﻮﻉ ﺑﻌﻤﻞ ﻟﻴﻚ ﻣﺸﺎﻛﻞ ﺍﺣﺴﻦ ﻧﺮﺟﻊ ﻋﺸﺎﻥ
ﻡ .. ﻗﺎﻃﻌﻨﻲ ﻭﻗﺎﻝ ﻟﻲ ﺍﻟﻤﻮﺿﻮﻉ ﺣﺘﻰ ﻟﻮ ﺑﺴﺒﺐ ﻟﻲ
ﻣﺸﺎﻛﻞ ﻣﻘﺎﺑﻞ ﺭﺍﺣﺘﻜﻢ ﺗﺒﻘﻰ ﺣﺒﺎﺑﻬﺎ ﺍﻟﻒ ﺍﻟﻤﺸﺎﻛﻞ،ﻗﻮﻟﺘﻪ
ﻟﻴﻬﻮ ﺣﺒﻮﺑﻪ ﺯﻋﻠﺖ ﻣﻨﻲ؟ ﻗﺎﻝ ﻟﻲ ﻻ ﺍﺑﺪﺍﺍ ﻳﻼ ﻛﻤﻠﻲ
ﺍﻛﻞ ﻭﻡ ﺗﺮﻛﺰﻱ ﺣﺒﻴﺒﻲ،
ﻓﻲ ﺍﻟﺒﻴﺖ ﺍﻟﻜﺒﻴﺮ ﺣﺒﻮﺑﻪ ﺑﺘﺘﻨﺎﻗﺶ ﻣﻊ ﻋﻤﺘﻲ ﻋﻮﺍﻃﻒ
ﻭﻳﺘﻘﻮﻝ ﻟﻴﻬﺎ ﺑﺴﺒﺐ ﺣﺮﻛﺎﺗﻜﻚ ﺩﻱ ﻱ ﻋﻮﺍﻃﻒ ﺍﻟﻔﻲ
ﺍﻟﻐﺮﺑﻬﻪ ﻡ ﺩﺍﻳﺮ ﻳﺮﺟﻊ ﻋﺸﺎﻥ ﻣﺸﺎﻛﻠﻚ ﻣﻊ ﻧﺴﻮﺍﻥ ﺍﻟﻌﻴﺎﻝ
ﺑﺪﻭﻥ ﺳﺒﺐ،ﺍﺳﻲ ﺷﻬﺪ ﺩﻱ ﻭﺭﻳﻨﻲ ﻋﻴﺒﻬﺎ ﺷﻨﻮ؟ﺑﺖ ﻫﺪﻳﻬﻪ
ﻭﺭﺿﻴﻬﻪ ﻡ ﻓﻴﻬﺎ ﻣﻴﻞ ﻣﺎﻟﻚ ﻋﻠﻴﻬﺎ ؟ﺍﻧﺎ ﺩﻱ ﻳﺎﻫﻲ ﻗﺪﺍﻣﻚ
ﺣﺼﻞ ﺳﻤﻌﺘﻚ ﻛﻠﻤﻪ ﺷﻴﻨﻪ؟ﻡ ﺑﻘﻴﺖ ﻟﻴﻜﻲ ﺍﻡ؟ﻋﻤﺘﻲ
ﻋﻮﺍﻃﻒ ﻗﺎﻟﺖ ﻟﻴﻬﻮ ﻫﻮﻱ ﻱ ﻋﻤﺘﻲ ﻫﻮﻱ ﺍﻧﺎ ﺩﻱ ﻻ
ﻛﻌﺒﻪ،ﻻ ﺑﺨﻴﻠﻪ،ﻻ ﺭﺯﻳﻠﻪ،ﻻ ﻣﻌﻴﻮﺑﻬﻪ ﻛﺎﻥ ﻋﻠﻰ ﻣﺮﺕ ﻣﺎﺫﻥ
ﻫﻲ ﺑﺮﺍﻫﺎ ﺍﻟﺒﺘﺸﻴﻞ ﻭﺗﺸﺮﺑﻚ ﻭﺗﻨﻘﻞ ﺍﻟﻘﻮﺍﻟﻪ ﻭﺍﻟﺴﻮﺍﻃﻪ
ﻭﺍﻧﺎ ﻭﻗﻔﺘﻬﺎ ﻓﻲ ﺣﺪﻫﺎ ﻭﺑﺲ،ﻭﻛﺎﻥ ﻋﻠﻰ ﺻﻬﻴﺐ ﻭﺍﺣﺪ
ﻭﺇﺿﻴﻨﻬﻪ ﻭﺭﺍﺳﻮ ﺧﻔﻴﻒ ﺍﻧﺎ ﻗﻠﺘﻪ ﺷﻨﻮ ﺯﺍﺗﻮ؟ﻋﺸﺎﻥ ﻗﻠﺘﻪ
ﻟﻴﻬﻢ ﻧﻀﻔﻮ ﻣﻜﺎﻥ ﺍﻛﻠﺘﻮ ﺑﻌﺪ ﺗﺨﻠﺼﻮ ﺍﺳﻲ ﺩﺓ ﻛﻼﻡ
ﺑﺠﻴﺐ ﺯﻋﻞ؟ﻋﺸﺎﻥ ﺗﻌﺮﻓﻮ ﺍﻟﺒﺖ ﺩﻱ ﺧﺒﻴﺜﻬﻪ ﻭﺑﻲ
1000 ﻭﺵ ﻛﻴﻒ ﻃﻮﺍﻟﻲ ﺑﺎﻗﻲ ﺍﻟﻠﻴﻞ ﺩﺍﻙ ﻟﻔﺖ ﻟﻠﻮﻟﺪ ﺭﺍﺳﻮ
ﻭﺧﻠﺘﻮ ﻳﻄﻠﻊ ﻣﻦ ﺍﻟﺒﻴﺖ ﺍﻧﺎ ﻋﺮﻓﺘﻬﺎ ﻭﺍﻟﻠﻪ ﻛﺘﻠﻬﻪ ﺣﻴﻠﻬﺎ ﺩﻱ
ﻡ ﻛﺎﻧﺖ ﺳﺎﺍﻱ ﺧﺴﻴﺴﻬﻪ ﻭﺧﺒﻴﺜﻬﻪ ،ﻫﻲ ﺯﺍﺗﻬﺎ ﻟﻮ ﻡ ﻛﺪﺓ
ﻛﺎﻥ ﺇﺗﻄﻠﻘﺖ ﻣﻦ ﺭﺍﺟﻠﻬﺎ ﺍﻻﻭﻝ ﻗﺎﻝ ﻟﻴﻚ ﺩﻛﺘﻮﺭ ﻗﺪﺭ
ﺍﻟﺪﻧﻴﺎ ﻱ ﻳﻤﻪ ﻗﺎﻟﻮ ﻏﻠﻐﻠﺖ ﺍﻟﺮﺍﺟﻞ ﻟﻤﻦ ﻃﻠﻘﻬﺎ ﺑﺎﻟﻤﺤﻜﻤﻪ
ﺍﻟﺒﺖ ﺩﻱ ﻣﺠﺮﻣﻪ ﻡ ﺗﺸﻮﻓﻮﻫﺎ ﻛﺪﺓ ﻭﺍﻧﺎ ﻟﻤﺎ ﺍﻗﻮﻝ ﻟﻴﻜﻢ
ﺍﻟﻜﻼﻡ ﺩﺓ ﺍﻧﺘﻮ ﻡ ﺑﺘﺼﺪﻗﻮ ﺍﺳﻲ ﺍﻟﺤﻤﺪﻟﻠﻪ ﺷﻮﻓﺘﻮ ﺑﻌﻴﻨﻜﻢ
ﻧﻘﺎﺵ ﺑﺴﻴﻂ ﻟﻔﺖ ﻟﻺﺿﻴﻨﻬﻪ ﺩﺍﻙ ﺭﺍﺳﻮ ﺍﻟﻮﺳﺨﻬﻪ ﺍﻡ
ﺗﻼﺗﻬﻪ ﺭﺟﺎﻝ ﻟﻜﻦ ﺍﻧﺎ ﺑﺨﻠﻴﻬﺎ؟ﻭﺍﻟﻠﻪ ﻡ ﺍﺧﻠﻴﻬﺎ ﺍﻛﺤﻠﻬﺎ
ﺑﺸﻄﻪ ﻋﺸﺎﻥ ﻡ ﺗﻘﻞ ﺍﺩﺑﻬﺎ ﻋﻠﻲ ﺍﻧﺎ ﻭﺗﻠﻒ ﺭﺍﺱ ﻭﻟﺪﻱ
ﺍﻟﺠﺎﻳﺒﺎﻫﻮ ﻣﻦ ﺑﻄﻨﻲ ﻋﻠﻲ ﻭﺍﻟﻠﻪ ﻫﻴﺎ ﺑﺘﻲ ﻛﺎﻧﺖ ﺻﺎﺩﻗﻬﻪ
ﻓﻲ ﻧﻈﺮﺗﻬﺎ ﺗﺠﺎﻫﺎ ﻳﺎﻫﺎ ﺣﺎﻟﻪ ﺍﻟﻼﻗﻲ ﺟﺪﻳﺪ ﻋﺸﺎﻥ ﻛﺪﺓ
ﺯﻱ ﻡ ﻗﺎﻟﺖ ﺗﺠﻴﺒﻬﺎ ﺷﺒﻌﺎﺍﻧﻬﻪ ﻣﻦ ﺑﻴﺖ ﺍﺑﻮﻫﺎ ﻭﻻ ﺗﺠﻴﺒﻬﺎ
ﻣﻘﻄﻌﻬﻪ ﻭﺗﺸﺒﻌﻬﺎ ﻓﻲ ﺑﻴﺘﻜﻚ ﺑﺘﻜﺒﺮ ﻛﻮﻣﻬﺎ ﺑﺮﺍﻫﺎ
ﻓﻲ ﺍﻟﺠﺎﻧﺐ ﺍﻟﺘﺎﻧﻲ ﺍﻧﺎ ﺑﻘﻴﺖ ﺍﻛﻞ ﺑﺪﻭﻥ ﻧﻔﺲ ﻡ ﻋﺎﺭﻓﻪ
ﺑﺲ ﻓﺠﺎﺓ ﺣﺴﻴﺖ ﺍﻧﻮ ﺍﻟﻤﻮﺿﻮﻉ ﺩﺓ ﺣﻴﺠﻴﺐ ﻣﺸﺎﻛﻞ
ﻭﺣﻴﻔﺘﺢ ﻣﻮﺍﺿﻴﻊ ﻭﻃﻠﻌﺘﻨﺎ ﻓﻲ ﺣﺪ ﺯﺍﺗﻬﺎ ﻡ ﻛﺎﻧﺖ ﺣﻠﻮﺓ
ﺍﻧﺎ ﻡ ﻣﻔﺮﻭﺽ ﻛﺎﻥ ﺍﺟﻲ ﻣﻊ ﺻﻬﻴﺐ ﻷﻧﻮ ﺗﺼﺮﻓﻮ ﻣﺘﻬﻮﺭ
،ﺑﻌﺪ ﻡ ﺧﻠﺼﻮ ﺍﻛﻞ ﻟﻤﻴﺖ ﺍﻟﺼﺤﻮﻥ ﻭﺍﻟﺤﺠﺎﺕ ﻭﺭﺟﻌﺘﻪ
ﻧﻀﻔﺘﻪ ﺍﻟﻤﻄﺒﺦ ﻭﻃﻠﻌﺘﻪ ﻣﺸﻴﺖ ﻟﺼﻬﻴﺐ ﻓﻲ ﻏﺮﻓﺘﻮ
ﻟﻘﻴﺖ ﻛﺮﻳﻢ ﺣﺎﻳﻢ ﻓﻲ ﺍﻟﻐﺮﻓﻪ ﻟﻤﺎ ﺷﺎﻓﻨﻲ ﻗﺎﻝ ﻟﻲ ﻣﺎﻣﺎ
ﺑﺎﺑﺎ ﻫﻨﺎ ﻭﻣﺸﻰ ﻋﻠﻰ ﺍﻟﺤﻤﺎﻡ ﻭﺑﻘﻰ ﻳﺪﻕ ﻓﻲ ﺍﻟﺒﺎﺏ،ﻗﻮﻟﺘﻪ
ﻟﻴﻬﻮ ﺻﻬﻴﺐ !!! ﻗﺎﻝ ﻟﻲ ﺍﻳﻮﺓ ﺣﺒﻴﺒﻲ،ﻗﻮﻟﺘﻪ ﻟﻴﻬﻮ ﺇﻧﺖ
ﻃﺎﻟﻊ ؟ﻗﺎﻝ ﻟﻲ ﺍﻱ ﻣﺎﺷﻲ ﻋﻨﺪﻱ ﻣﺸﻮﺍﺭ ﻫﻨﺎ ﻗﺮﻳﺐ ﻭﺟﺎﻱ
ﺭﺍﺟﻊ ﻋﺎﻳﺰﺓ ﺣﺎﺟﻪ؟ﻗﻮﻟﺘﻪ ﻟﻴﻬﻮ ﻋﺎﻳﺰﺓ ﺍﻗﻮﻝ ﻟﻴﻚ ﺭﺟﻌﻨﺎ
ﺍﻟﺒﻴﺖ،ﺟﺎ ﻃﺎﻟﻊ ﻣﻦ ﺍﻟﺤﻤﺎﻡ ﻻﺑﺲ ﺷﻮﺭﺕ ﻭﻓﻨﻴﻠﻪ
ﻭﺍﻟﺒﺸﻜﻴﺮ ﻓﻲ ﺭﺍﺳﻮ،ﻗﺎﻝ ﻟﻲ ﺑﻴﺖ ﻭﻳﻦ؟ﺭﻣﻰ ﺍﻟﺒﺸﻜﻴﺮ
ﻭﻫﻮ ﺑﻌﺎﻳﻦ ﻟﻲ،ﺍﻧﺎ ﻃﺒﻌﺎ ﻛﻞ ﻡ ﺍﺷﻮﻑ ﺍﻟﺒﺸﻜﻴﺮ ﺑﺘﺰﻛﺮ
ﺍﻟﻤﻮﻗﻒ ﺑﺘﺤﺮﺝ ﻗﺪﺍﻣﻮ ﺑﻌﺪ ﻣﺴﺎﺍﻓﻬﻪ ﻗﻮﻟﺘﻪ
ﻟﻴﻬﻮ ﺑﻴﺖ ﻧﺎﺱ ﺣﺒﻮﺑﻪ،ﻗﺎﻝ ﻟﻲ ﻟﻴﻴﻴﻴﻬﻪ ﺍﻟﺒﻴﺖ ﻫﻨﺎ ﻡ
ﻋﺠﺒﻜﻚ،ﻗﻮﻟﺘﻪ ﻟﻴﻬﻮ ﻡ ﻣﺸﻜﻠﻪ ﻛﺪﺓ ﺑﺲ ﻃﻠﻌﺘﻨﺎ ﺍﺳﺎﺳﺎ
ﻛﺎﻧﺖ ﻏﻠﻂ ﻧﺤﻦ ﻣﻔﺮﻭﻁ ﻛﺎﻥ ...ﺑﻘﻰ ﻳﻘﺮﺏ ﻣﻨﻲ ﻭﺍﻧﺎ
ﻣﺘﻠﺨﺒﻄﻬﻪ ﻭﺍﻟﻜﻼﻡ ﻃﺎﺭ ﻣﻦ ﺭﺍﺳﻲ ﻟﻐﺎﻳﻪ ﻡ ﻭﺻﻠﻨﻲ
ﻭﻣﺴﻚ ﻳﺪﻱ ﻭﺧﺘﻪ ﺍﻟﺘﺎﻧﻴﻪ ﻓﻲ ﺧﺪﻱ ﻗﺎﻝ ﻟﻲ ﺭﻛﺰﻱ ﻣﻌﻲ
ﻱ ﺷﻬﺪ ﺍﻧﺎ ﺍﻟﻤﺘﺰﻭﺟﻜﻚ ﻡ ﻫﻢ ﻳﻌﻨﻲ ﻣﺎﻑ ﺍﻱ ﻣﻔﺮﻭﺽ
ﺑﻴﺤﻜﻤﻨﺎ ﺍﻟﻤﻔﺮﻭﺽ ﺩﺓ ﻧﺤﻦ ﺍﻟﺒﻨﻘﺮﺭﻭ ﺗﻤﺎﻡ؟ﺑﺎﺳﻨﻲ
ﻣﺴﺎﺍﻓﻬﻪ ﻭﺑﻌﺪﻫﺎ ﻗﺎﻝ ﻟﻲ ﺗﻌﺎﻟﻲ ﻃﻠﻌﻲ ﻟﻲ ﺣﺎﺟﻪ ﺍﻟﻠﺒﺴﻬﺎ
ﻳﺎﺍﺥ ﺍﺧﻴﺮ ﺍﻟﻮﺍﺣﺪ ﺑﻌﺪ ﻛﺪﺓ ﺣﻴﻘﺎﻃﻊ ﺣﻴﺎﺓ ﺍﻟﻌﺰﺍﺑﻬﻪ
ﻭﻣﺮﺗﻮ ﺣﺘﺠﻬﺰ ﻟﻴﻬﻮ ﻣﻼﺑﺴﻮ ﻭﺇﺣﺘﻴﺎﺟﺎﺗﻮ،ﻟﻔﻬﻪ ﻳﺪﻳﻬﻮ
ﺣﻮﺍﻟﻲ ﻭﻧﺤﻦ ﻭﺍﻗﻔﻴﻦ ﻗﺪﺍﻡ ﺍﻟﺪﻭﻻﺏ ﺑﻌﺪﻫﺎ ﺿﺤﻜﻚ ﻗﺎﻝ
ﻟﻲ ﺍﻱ ﻋﺎﺭﻓﻜﻚ ﻗﺼﻴﺮﺓ ﻭﺷﺒﺮ ﻣﻦ ﺍﻷﺭﺽ ﻡ ﻣﺸﻜﻠﻪ ﺍﻧﺘﻲ
ﺍﺷﺮﻱ ﻟﻲ ﻭﺍﻧﺎ ﺑﻨﺰﻝ ﻳﻼ،ﺑﻘﻴﺖ ﺍﻗﻮﻝ ﻟﻴﻬﻮ ﺍﻣﻤﻤﻤﻤﻤﻤﻤﻤﻤﻢ
ﺍﺍﺍﺍﺍﺍ،ﻗﺎﻝ ﻟﻲ ﺷﻜﻠﻲ ﺑﻲ ﺍﻣﻤﻤﻤﻢ ﺍﺍﺍﺍﺍ ﺩﻱ ﻟﻲ ﺑﻜﺮﺓ ﻡ
ﺣﺎﻃﻠﻊ،ﻧﺰﻟﺘﻪ ﻟﻴﻬﻮ ﻗﻤﻴﺺ ﻭﺍﺷﺮﺗﻪ ﻟﻴﻬﻮ ﻋﻠﻰ ﺑﻨﻄﻠﻮﻥ
ﻭﺇﺗﻠﻔﺘﻬﻪ ﻋﻠﻴﻬﻮ ﻗﻮﻟﺘﻪ ﻟﻴﻬﻮ ﺍﻟﻠﺒﺲ ﺩﻳﻞ، ﻗﺎﻝ ﻟﻲ ﻡ
ﺣﺼﻞ ﻟﺒﺴﺘﻬﻢ ﻛﺪﺓ،ﻗﻮﻟﺘﻪ ﻟﻴﻬﻮ ﺑﺎﻟﻌﻜﺲ ﺑﺠﻮ ﻣﻊ
ﺑﻌﺾ،ﻗﺎﻝ ﻟﻲ ﻃﻴﺐ ﺍﻟﻠﺒﺲ ﻋﺎﺩﻱ ﻭﻻ ﺗﻐﻤﻀﻲ ﻋﻴﻮﻧﻜﻚ
ﻭﻗﻌﺪ ﻳﻀﺤﻜﻚ ﺣﺎﻭﻟﺘﻪ ﺍﺗﻔﻜﻬﻪ ﻣﻨﻮ ﻗﺮﺑﻨﻲ ﻋﻠﻴﻬﻮ
ﺍﻛﺘﺮ ﻗﺎﻝ ﻟﻲ ﺣﺘﻔﻀﻠﻲ ﺗﺨﺠﻠﻲ ﻣﻨﻲ ﻛﺪﺓ ﻛﺘﻴﺮ،ﻗﻮﻟﺘﻪ
ﻟﻴﻬﻮ ﺻﻬﻴﺐ ﻛﺮﻳﻢ،ﺇﺗﻠﻔﺖ ﻟﻘﺎﻫﻮ ﻣﺎﺳﻚ ﺍﻟﺘﻠﻔﻮﻥ ﻭﻗﺎﻋﺪ
ﻓﻲ ﺍﻷﺭﺽ ﻗﺎﻝ ﻟﻲ ﺷﺎﻳﻔﻪ ﺍﺳﺎﺳﺎ ﻫﻮ ﻡ ﺷﻐﺎﻝ ﺑﻴﻨﺎ ﺑﺲ
ﺍﻧﺘﻲ ﺍﻟﻨﻜﺪﻳﻬﻪ ﻫﻬﻬﻬﻬﻪ ﺇﺗﻔﻜﻴﺖ ﻣﻨﻮ ﻭﻃﻠﻌﺘﻪ ﺑﺴﺮﻋﻪ ﻣﻦ
ﺍﻟﻐﺮﻓﻪ ﻭﺍﻧﺎ ﻣﺘﻮﺗﺮﺓ ﻭﻡ ﻋﺎﺭﻓﻪ ﺍﻟﺤﺎﺻﻞ ﻋﻠﻲ ﺷﻨﻮ ﺑﺲ ﻛﻞ
ﻣﺮﺓ ﺻﻬﻴﺐ ﺑﻮﺗﺮﻧﻲ ﺍﻛﺘﺮ ﺑﺤﺮﻛﺎﺗﻮ ﺩﻱ،ﺑﻌﺪ ﻡ ﺧﻠﺺ ﻭﺟﺎ
ﻃﺎﻟﻊ ﺟﺎ ﺩﻗﻬﻪ ﻟﻲ ﺑﺎﺏ ﺍﻟﻐﺮﻓﻬﻪ ﻓﺘﺤﺘﻮ ﻟﻴﻬﻮ ﻗﺎﻝ ﻟﻲ
ﺗﻌﺎﻟﻲ ﺷﻴﻠﻲ ﻣﻨﻲ ﻛﺮﻳﻢ ﻭﺍﻗﻔﻠﻲ ﺍﻟﺒﺎﺏ ﺍﻧﺎ ﻃﺎﻟﻊ،ﻗﻮﻟﺘﻪ
ﻟﻴﻬﻮ ﻃﻴﺐ ﻣﺸﻴﺖ ﻭﺭﺍﻫﻮ ﻟﻤﺎ ﻭﺻﻠﻨﺎ ﺑﺎﺏ ﺍﻟﺸﻘﻪ ﻧﺰﻝ
ﻛﺮﻳﻢ ﻗﺎﻝ ﻟﻴﻬﻮ ﻳﻼ ﺑﺎﻱ ﺍﺳﻲ ﺍﻧﺎ ﺑﺠﻲ،ﻛﺮﻳﻢ ﻗﺎﻝ ﻟﻴﻬﻮ
ﻣﺎﻡ ﻭﻣﺴﻚ ﻓﻴﻬﻮ،ﻗﺎﻝ ﻟﻴﻬﻮ ﺍﻧﺎ ﻣﺎﺷﻲ ﺍﺟﻴﺐ ﺍﻟﻜﻠﺐ
ﻭﺟﺎﻱ ﺍﺳﻲ ﻣﺶ ﺍﻧﺖ ﻗﻠﺘﻪ ﻋﺎﻳﺰ ﻛﻠﺐ؟ﻳﻼ ﺍﻗﻌﺪ ﻣﻊ ﻣﺎﻣﺎ
ﻫﻨﺎ ﺍﻧﺎ ﺑﺠﻲ ﺍﺳﻲ،ﻣﺴﻜﺘﻪ ﻛﺮﻳﻢ ﺻﻬﻴﺐ ﻗﺮﺏ ﻣﻨﻲ ﻗﺎﻝ
ﻟﻲ ﺍﻗﻔﻠﻲ ﺍﻟﺒﺎﺏ ﻋﻠﻴﻜﻢ ﻛﻮﻳﺲ ﻣﺎﺷﻲ ﺣﺒﻴﺒﻲ،ﻗﻮﻟﺘﻪ
ﻟﻴﻬﻮ ﻃﻴﺐ ﺣﺎﺿﺮ ﺷﺎﻝ ﻛﺮﻳﻢ ﻧﺰﻟﻮ ﻗﺎﻝ ﻟﻴﻬﻮ ﻛﺮﻳﻢ ﺍﻣﺸﻲ
ﺟﻴﺐ ﻟﻲ ﺗﻠﻔﻮﻧﻲ ﺳﺮﻋﻬﻪ ،ﻛﺮﻳﻢ ﻣﺸﻰ ﻭﻫﻮ ﻋﻠﻰ ﻃﻮﻝ
ﺟﺮﺍﻧﻲ ﻋﻠﻴﻬﻮ ﻭﻟﻔﻬﻪ ﻳﺪﻳﻬﻮ ﺣﻮﺍﻟﻲ ﻭﻟﺼﻖ ﺍﻧﻔﻮ ﻣﻊ ﺍﻧﻔﻲ
ﻗﺎﻝ ﻟﻲ ﺣﺮﻓﻴﺎﺍﺍ ﻣﺸﺘﺎﻕ ﻟﻴﻚ ﻣﻦ ﺍﺳﻲ،ﻗﻮﻟﺘﻪ ﻟﻴﻬﻮ
ﺻﻬﻴﻴﻴﻴﻴﺐ،ﻗﺎﻝ ﻟﻲ ﻡ ﺗﺨﺘﻲ ﻓﻲ ﺑﺎﻟﻚ ﻓﻜﺮﺓ ﺇﻧﻮ ﻧﺮﺟﻊ
ﺍﻟﺒﻴﺖ ﺍﻟﻜﺒﻴﺮ ﻷﻧﻮ ﻫﻨﺎﻙ ﻡ ﻋﺎﺭﻑ ﺍﻗﻮﻟﻬﺎ ﻟﻴﻚ ﻛﻴﻒ ﺑﺲ
ﻧﺤﻦ ﻣﺤﺘﺎﺟﻴﻦ ﺍﻟﻌﺰﻟﻬﻪ ﺩﻱ ،ﺍﻧﺎ ﻣﺤﺘﺎﺝ ﺍﻗﻀﻲ ﻭﻗﺖ
ﺍﻃﻮﻝ ﻣﻌﺎﻙ ﻭﻫﻨﺎﻙ ﻛﻨﺖ ﻣﺤﺮﻭﻡ ﻣﻦ ﺍﻟﺤﺎﺟﻬﻪ ﺩﻱ ،ﻳﻤﻜﻦ
ﻡ ﺑﻴﺪﻙ ﺍﻧﺘﻲ ﺑﺲ ﻃﺎﻟﻤﺎ ﺑﻴﺪﻱ ﺍﻧﺎ ﻳﺒﻘﻰ ﻟﻴﻴﻴﻬﻪ ﻡ ﻧﻌﻴﺶ
ﻓﻲ ﺑﻴﺖ ﺑﺮﺍﻧﺎ ﻭﺍﻗﻮﻝ ﻟﻴﻚ ﺣﺎﺟﻪ ﻳﺎﺧﻲ ﺍﺣﺴﻦ ﺷﻲ ﺇﻧﻬﺎ
ﺟﺎﺕ ﻣﻦ ﺍﻣﻲ ﺍﺳﺎﺳﺎ ﻛﻨﺖ ﻋﺎﻳﺰ ﺳﺒﺐ ﻳﺒﻌﺪﻧﺎ ﻓﺘﺮﺓ ﻣﻨﻬﻢ
ﺍﻧﺎ ﻣﻘﺘﻨﻊ ﺇﻧﻮ ﺍﻟﺤﺎﺟﻪ ﺩﻱ ﻡ ﺣﺘﺠﻴﺐ ﻣﺸﺎﻛﻞ ﺣﺘﻰ ﻟﻮ
ﺣﺘﺠﻴﺐ ﻭﺍﻧﺎ ﻫﻨﺎ ﺍﻟﺸﻲ ﺍﻟﻌﺎﻳﺰﻭ ﻣﻨﻚ ﺷﻮﻳﻬﻪ ﺛﻘﻬﻪ ﺑﺲ
ﻭﻡ ﺣﻴﺤﺼﻞ ﺍﻻ ﻛﻞ ﺧﻴﺮ ﺇﺗﻄﻤﻨﻲ ،ﻋﺎﻳﻦ ﻟﻲ ﺳﺎﻋﺘﻮ
ﻭﻗﺎﻝ ﻟﻲ ﻭﺍﺧﻴﺮﺍ ﻭﺍﻧﺎ ﻣﻌﺎﻙ ﻧﺴﻴﺖ ﺍﻟﺰﻣﻦ ﻭ
ﺇﺗﺄﺧﺮﺗﻬﻪ،ﺇﺗﺄﺧﺮﺕﻫﻪ،ﺇﺗﺄﺧﺮﺗﻬﻪ ﻭﺑﺤﺒﻜﻜﻚ ﻳﺎﺍﺍﺍﺍﺍﺍﺥ ...
#نتلاغي
